What are the opening hours?

Monday 9:30am - 5pm Tuesday 9:30am - 5pm Wednesday 9:30am - 5pm Thursday 9:30am - 5pm Friday 9:30am - 5pm Saturday 9:30am - 5pm

Nagaon District Administration, Office of the District Commissioner, Nagaon (2026)

Q: What is the address?

Office Of The District Commissioner

31/05/2026

🚭আজি ৩১ মে', সমগ্ৰ বিশ্বৰ সমান্তৰালকৈ নগাঁও জিলাতো "বিশ্ব ধঁপাত বিৰোধী দিৱস" অতি গুৰুত্বসহকাৰে উদ্‌যাপন কৰা হয়। নগাঁও জিলা প্ৰশাসন আৰু জিলা ধঁপাত নিয়ন্ত্ৰণ কোষৰ উদ্যোগত তথা জিলা আইন সেৱা প্ৰাধিকৰণৰ সহযোগত এই সজাগতামূলক কাৰ্যসূচী ৰূপায়ণ কৰা হয়।

দিৱসৰ শুভাৰম্ভণি উপলক্ষে পুৱা নগাঁও বিশ্ববিদ্যালয় চৌহদৰ পৰা এটি বিশাল সজাগতা সমদল উলিওৱা হয়, যাৰ আনুষ্ঠানিক উদ্বোধন কৰে জিলা আয়ুক্ত, শ্ৰীযুত দেৱাশীষ শৰ্মা, ভাঃপ্ৰঃসেঃ মহোদয়ে। উদ্বোধনী ভাষণত জিলা আয়ুক্তগৰাকীয়ে গভীৰ উদ্বেগ প্ৰকাশ কৰি কয় যে, গুটখাৰ পৰা আৰম্ভ হোৱা আসক্তিয়ে পিছলৈ মানুহক চিগাৰেট, ভাং আৰু শেষত ড্ৰাগছৰ দৰে ভয়াবহ নিচালৈ ঠেলি দিয়ে, যাৰ ফলত এখন সুন্দৰ সমাজ ধ্বংসৰ গৰাহলৈ গতি কৰে। এই কুঅভ্যাস ৰোধ কৰিবলৈ তেওঁ সকলোৰে সহযোগিতা কামনা কৰাৰ লগতে উপস্থিত সকলোকে ধঁপাত বৰ্জন কৰিবলৈ আৰু আনকো শান্তিপূৰ্ণভাৱে বুজনি দিবলৈ শপতগ্ৰহণ কৰোৱায়। ইয়াৰ পিছত তেওঁ নিজেও নগাঁও চহৰৰ মাজেৰে যোৱা এই সমদলৰ নেতৃত্ব বহন কৰি আগবাঢ়ি যায়।

সমদলৰ সমাপ্তিৰ পিছত বিশ্ববিদ্যালয়খনৰ সভাকক্ষত এক বিশেষ আলোচনা সভা অনুষ্ঠিত হয়। এই সভাত জিলা ন্যায়িক সেৱা প্ৰাধিকৰণৰ সচিব জগৎ দাস, নগাঁও বিশ্ববিদ্যালয়ৰ ভাৰপ্ৰাপ্ত কুলপতি ধ্ৰুৱজ্যোতি বৰুৱা আৰু জিলা তথ্য আৰু জনসংযোগ বিষয়া বিকাশ শৰ্মা প্ৰমুখ্যে কেইবাগৰাকীও বিশিষ্ট ব্যক্তি উপস্থিত থাকে। সভাত জিলা ধঁপাত নিয়ন্ত্ৰণ কোষৰ ভাৰপ্ৰাপ্ত বিষয়া ডাঃ স্মিতাক্ষী ফুকনে ধঁপাত সম্পৰ্কীয় আইনী দিশসমূহ সুন্দৰকৈ বাখ্যা কৰাৰ বিপৰীতে তেজপুৰ কৰ্কটৰোগ কেন্দ্ৰৰ অধীক্ষক ডাঃ ডি জে বৰাই পাৱাৰ পইণ্ট প্ৰজেক্টৰৰ জৰিয়তে কৰ্কটৰোগৰ ভয়াবহতা আৰু ধঁপাতৰ অপকাৰিতাৰ এক সচিত্ৰ বাখ্যা দাঙি ধৰে।

উক্ত অনুষ্ঠানতে এই দিৱসৰ সংগতি ৰাখি স্কুলীয়া ছাত্ৰ-ছাত্ৰীসকলৰ মাজত আয়োজিত ৰচনা প্ৰতিযোগিতাৰ বিজয়ীসকলক বঁটা বিতৰণ কৰা হয়।

সজাগতামূলক এই সমগ্ৰ কাৰ্যসূচীৰ শেষত ধঁপাতৰ বিৰুদ্ধে জনসচেতনতা গঢ়ি তোলাৰ উদ্দেশ্যে এখন আকৰ্ষণীয় বাটৰ নাট প্ৰদৰ্শন কৰা হয়।

CMO Assam Himanta Biswa Sarma Devasish Sharma Directorate of Information and Public Relations, Assam National Health Mission,Assam National Health Mission Nagaon Janasanyog Nagaon জনসংযোগ নগাঁও

31/05/2026

সমগ্ৰ বিশ্বৰ লগতে নগাঁও জিলাতো অত্যন্ত তাৎপৰ্যপূৰ্ণভাৱে 'বিশ্ব ধঁপাত বিৰোধী দিৱস' উদযাপন কৰা হয়। উঠি অহা নৱ-প্ৰজন্মক ধঁপাতৰ কৰাল গ্ৰাসৰ পৰা সুৰক্ষিত কৰি, অনাগত ভৱিষ্যতত সমাজৰ বুকুৰ পৰা এই মাৰাত্মক ব্যাধি চিৰদিনৰ বাবে নাইকিয়া কৰাৰ এক দৃঢ় সংকল্প গ্ৰহণ কৰা হৈছে। এক সুস্থ, সবল আৰু নিৰোগী সমাজ গঢ়াৰ পবিত্ৰ লক্ষ্যৰে আজি ইং ৩১ মে', ২০২৬ তাৰিখে, জিলাখনৰ প্ৰায় ১০ খন বিদ্যালয়ৰ ৪০ গৰাকী শিক্ষাৰ্থীক লগত লৈ এক ব্যতিক্ৰমী কাৰ্যসূচী ৰূপায়ত কৰা হয়।

জিলা আয়ুক্ত, শ্ৰীযুত দেৱাশীষ শৰ্মা, ভাঃপ্ৰঃসেঃ মহোদয়ৰ প্ৰত্যক্ষ নেতৃত্বত এই দিৱস উপলক্ষে জিলাখনৰ প্ৰাকৃতিক সৌন্দৰ্যৰে ভৰপূৰ চাপানালাৰ এটি পাহাৰীয়া অঞ্চলত এক সজাগতামূলক ভ্ৰমণ তথা ট্ৰেকিং কাৰ্যসূচী অনুষ্ঠিত হয়।

এই প্ৰকৃতিৰ বুকুত অনুষ্ঠিত মুকলি বাৰ্তালাপত আয়ুক্ত মহোদয়ে নৱপ্ৰজন্মৰ শিশুসকলক জীৱনৰ প্ৰকৃত মূল্যবোধ সন্দৰ্ভত এক গভীৰ আৰু অনুপ্ৰেৰণাদায়ী দিক-দৰ্শন প্ৰদান কৰে।
এই বিশেষ ভ্ৰমণকালত আয়ুক্ত মহোদয়ে ছাত্ৰ-ছাত্ৰীসকলক সমাজৰ এজন দায়িত্বশীল নাগৰিক হিচাপে গঢ়ি উঠিবলৈ আহ্বান জনায়। উচ্চ শিক্ষিত বা প্ৰতিষ্ঠিত হ’লেও কেনেকৈ সদায় মাটিৰ বালিৰ মানুহ হৈ সৰলতা বজায় ৰাখিব লাগে আৰু সমাজৰ প্ৰতি নিজৰ কৰ্তব্য পালন কৰিব লাগে, সেই বিষয়ে তেখেতে বিশদভাৱে বুজাই দিয়ে। পাহাৰ ভ্ৰমণৰ জৰিয়তে প্ৰকৃতিৰ গুৰুত্ব অনুধাৱন কৰাই দি তেখেতে পৰিৱেশ পৰিষ্কাৰ-পৰিচ্ছন্ন কৰি ৰখা আৰু বন্যপ্ৰাণ তথা প্ৰকৃতি সংৰক্ষণত যুৱ প্ৰজন্মক সক্ৰিয় ভূমিকা ল’বলৈ উৎসাহিত কৰে। একেদৰে সমাজৰ পৰা ধঁপাত সেৱনৰ দৰে মাৰাত্মক কু-অভ্যাস সম্পূৰ্ণৰূপে নিৰ্মূল কৰাৰ বাবে প্ৰতিগৰাকী শিক্ষাৰ্থীকে একো একোজন সজাগতাৰ দূত হ’বলৈ তেখেতে আহ্বান জনায়।
তেখেতে গুৰুত্বসহকাৰে উল্লেখ কৰে যে কু-অভ্যাসৰ বশৱৰ্তী হৈ কোনেও যাতে নিজৰ অমূল্য জীৱন আৰু পৰিয়ালৰ ভৱিষ্যত বিপন্ন নকৰে। ক্ষন্তেকীয়া নিচাৰ বাবে যাতে কোনো শিশু বা যুৱক-যুৱতী বিপথে পৰিচালিত নহয়, তাৰ বাবে নিজকে সজাগ কৰাৰ লগতে সমাজৰ আন দহজনকো এইসমূহ ভয়াবহ প্ৰভাৱৰ পৰা মুক্ত কৰি ৰাখিবলৈ এই মঞ্চৰ পৰা তীব্ৰ আহ্বান জনোৱা হয়।

CMO Assam Himanta Biswa Sarma Devasish Sharma Directorate of Information and Public Relations, Assam Janasanyog Nagaon জনসংযোগ নগাঁও

30/05/2026

জিলা পানী আৰু অনাময় সমিতিৰ এখন গুৰুত্বপূৰ্ণ বৈঠক আজি ইং ৩০ মে', ২০২৬ তাৰিখে, জিলা আয়ুক্ত শ্ৰীযুত দেৱাশীষ শৰ্মা, ভাঃপ্ৰঃসেঃ মহোদয়ৰ অধ্যক্ষতাত অনুষ্ঠিত হয়।

জিলা আয়ুক্তৰ কাৰ্যালয়ৰ সভাকক্ষত অনুষ্ঠিত উল্লেখিত সভাত জিলাখনত চলি থকা জল জীৱন মিছন আৰু স্বচ্ছ ভাৰত মিছনৰ বিভিন্ন আঁচনিসমূহৰ অগ্ৰগতি আৰু ইয়াৰ ক্ষেত্ৰত দেখা দিয়া প্ৰতিবন্ধকতাসম্পৰ্কে বিতংভাৱে আলোচনা কৰা হয়। বৈঠকৰ আৰম্ভণিতে জনস্বাস্থ্য কাৰিকৰী বিভাগৰ কাৰ্যবাহী অভিযন্তাই এক পাৱাৰ পইণ্ট প্ৰদৰ্শনৰ জৰিয়তে প্ৰতিখন আঁচনিৰ শেহতীয়া তথ্য আৰু খতিয়ান দাঙি ধৰে।

বিভাগীয় বিষয়া-কৰ্মচাৰীসকলক উদ্দেশ্যি জিলা আয়ুক্ত মহোদয়ে স্পষ্ট কৰি দিয়ে যে, কেৱল এখন পানীযোগান আঁচনি সম্পূৰ্ণ কৰিলেই বিভাগৰ দায়িত্ব আৰু কৰ্তব্য শেষ হৈ নাযায়। বৰঞ্চ, সেই আঁচনিখনৰ জৰিয়তে স্থানীয় ৰাইজে যাতে সঠিকভাৱে পানী লাভ কৰে, তাক যিকোনো প্ৰকাৰে নিশ্চিত কৰিব লাগিব। তেওঁ কয় যে কেন্দ্ৰীয় চৰকাৰৰ এই অভিলাষী আঁচনিখনৰ জৰিয়তে প্ৰতিঘৰ লোকৰ পদূলিত বিশুদ্ধ খোৱা পানীৰ যোগান নিশ্চিত কৰাটো আমাৰ লক্ষ্য হ'ব লাগিব। ইয়াৰ বাবে আঁচনিসমূহ সম্পূৰ্ণ হোৱাৰ পিছত বিভাগীয় লোকসকলে ৰাইজৰ সৈতে মুকলিকৈ কথা পাতিব লাগিব আৰু ইয়াৰ প্ৰয়োজনীয়তা তথা গুৰুত্ব বুজাব লাগিব। এই বৃহৎ লক্ষ্যত উপনীত হ'বলৈ সকলো চৰকাৰী বিভাগৰ মাজত সুদৃঢ় সমন্বয় সাধনৰ ওপৰত গুৰুত্ব আৰোপ কৰি আয়ুক্ত মহোদয়ে বিষয়াসকলক পৰস্পৰৰ মাজত সহযোগিতাৰ ভাব গঢ়ি তুলিবলৈ আহ্বান জনায়। লগতে, পৰৱৰ্তী পৰ্যালোচনা সভাৰ পূৰ্বেই যাতে আঁচনিসমূহৰ কামত অধিক প্ৰগতি পৰিলক্ষিত হয়, তাৰ বাবে তেওঁ বিভাগীয় বিষয়াসকলক কঠোৰ নিৰ্দেশ দিয়ে।

সভাত ধিং সমষ্টিৰ সন্মানীয় বিধায়ক মেহবুব মোক্তাৰ, অতিৰিক্ত জিলা আয়ুক্ত, শ্ৰী দীপাংকৰ বৰ্মন, অঃঅঃসেঃৰ উপৰি আন আন সমষ্টিৰ বিধায়কৰ প্ৰতিনিধিসকল, লোক নিৰ্মাণ পথ, জলসিঞ্চন, জনসংযোগ আদি বিভাগ, অসম শক্তি বিতৰণ প্ৰতিষ্ঠানৰ বিষয়া, বিদ্যালয়সমূহৰ পৰিদৰ্শক, যুটীয়া স্বাস্থ্য সঞ্চালক, জিলা কৃষি বিষয়া, নগাঁও বন সংমণ্ডল বিষয়া প্ৰমুখ্যে বিভিন্ন বিভাগৰ জ্যেষ্ঠ বিষয়াসকলৰ উপস্থিতি থাকে।

CMO Assam Himanta Biswa Sarma Devasish Sharma Directorate of Information and Public Relations, Assam Janasanyog Nagaon জনসংযোগ নগাঁও

30/05/2026

গুৰুজনাৰ পবিত্ৰ জন্মস্থান শ্ৰীশ্ৰী বটদ্ৰৱা থানত এক ব্যতিক্ৰমী আৰু প্ৰশংসনীয় পদক্ষেপ গ্ৰহণ কৰিলে এগৰাকী প্ৰকৃতিপ্ৰেমী শিক্ষকে। মহাপুৰুষ শ্ৰীমন্ত শংকৰদেৱৰ স্মৃতিবিজড়িত পবিত্ৰ ভূমিতেই আপুৰুগীয়া সাঁচি গছ ৰোপণেৰে মনত পুহি ৰখা এটা হেঁপাহৰ সপোন বাস্তৱায়িত কৰাৰ মানসেৰে জিলাখনৰ ৰহা বিধানসভা সমষ্টিৰ অন্তৰ্গত বগৰীগুৰিৰ নিবাসী তথা জোঙালবলহু উচ্চ মাধ্যমিক বিদ্যালয়ৰ আদৰ্শ শিক্ষক শ্ৰী পৰাগ তামুলীয়ে বটদ্ৰৱা থান আৰু শংকৰদেৱ গৱেষণা কেন্দ্ৰ প্ৰাংগণত ১০০ জোপা সাঁচিগছৰ পুলি ৰোপণ কৰে।

শিক্ষকগৰাকীৰ এই প্ৰশংসনীয় কৰ্মৰ বাবে জিলা আয়ুক্ত শ্ৰীযুত দেৱাশীষ শৰ্মা, ভাঃপ্ৰঃসেঃ মহোদয়ে আজি ইং ৩০ মে', ২০২৬ তাৰিখে আয়ুক্ত কাৰ্যালয়ৰ নিজা কক্ষত তেখেতক সাক্ষাৎ কৰে। সাক্ষাৎকালত জিলা আয়ুক্ত মহোদয়ে শিক্ষক শ্ৰী পৰাগ তামুলীৰ এই আদৰ্শমূলক কৰ্মৰ বাবে আন্তৰিক ধন্যবাদ জ্ঞাপন কৰাৰ লগতে তেওঁক ভূয়সী প্ৰশংসা কৰে ।

এইগৰাকী প্ৰকৃতিপ্ৰেমীৰ প্ৰকৃতি সুৰক্ষা আৰু সংস্কৃতি সংৰক্ষণৰ এই যুগান্তকাৰী প্ৰচেষ্টাই অঞ্চলটোৰ সমাজ জীৱনলৈ এক ইতিবাচক বাৰ্তা কঢ়িয়াই আনিছে।

CMO Assam Himanta Biswa Sarma Devasish Sharma Directorate of Information and Public Relations, Assam Janasanyog Nagaon জনসংযোগ নগাঁও

30/05/2026

নগাঁও জিলা প্ৰশাসনৰ সহযোগত জিলা মহিলা আৰু শিশু বিকাশ বিভাগৰ 'জিলা মহিলা সবলীকৰণ কেন্দ্ৰ'ই 'বেটী বচাও বেটী পঢ়াও' অভিযানৰ অধীনত “Together for a Period Friendly World” (ঋতুস্ৰাৱ সম্পৰ্কে থকা অন্ধবিশ্বাস আৰু বাধা-নিষেধ নাইকিয়া কৰি, মহিলা তথা কিশোৰীসকলৰ বাবে সন্মানেৰে জীয়াই থকাৰ এটা অনুকূল পৰিৱেশ সৃষ্টি কৰা)ৰ মূল বিষয়বস্তুৰে ২০২৬ বৰ্ষৰ ঋতুস্ৰাৱ অনাময় ব্যৱস্থাপনা দিৱস উদযাপন কৰে।
বিশেষ মহিলা সভা আৰু বাল সভা উদযাপনৰ লগত সংগতি ৰাখি কিশোৰী আৰু মহিলাসকলৰ মাজত ঋতুস্ৰাৱকালীন স্বাস্থ্য আৰু অনাময় ব্যৱস্থাৰ সজাগতা বৃদ্ধিৰ উদ্দেশ্যে ধাৰাবাহিকভাৱে কেইবাটাও সজাগতা কাৰ্যসূচী ৰূপায়ণ কৰা হয়।

এই কাৰ্যসূচীসমূহ ক্ৰমে, ডলংঘাট সংহত শিশু উন্নয়ন প্ৰকল্পৰ অধীনস্থ মাজ জাজৰি গাওঁ পঞ্চায়তৰ অন্তৰ্গত জাজৰি ৰাজ্যিক চিকিৎসালয়, পাখি মৰীয়া সংহত শিশু উন্নয়ন প্ৰকল্পৰ অন্তৰ্গত ভূতাই পাথৰি গাওঁ পঞ্চায়ত ; ৰূপহী সংহত শিশু উন্নয়ন প্ৰকল্পৰ অধীনস্থ ফাকলি গাওঁ পঞ্চায়তৰ অন্তৰ্গত দক্ষিণ ফাকলি বালিকা মুক্তাব বিদ্যালয়; বঢ়মপুৰ সংহত শিশু উন্নয়ন প্ৰকল্পৰ অধীনস্থ বঢ়মপুৰ গাওঁ পঞ্চায়তৰ অন্তৰ্গত বঢ়মপুৰ শ্বহীদ স্মৃতি আদৰ্শ বালিকা বিদ্যালয় আৰু উৰিয়াগাঁও গাওঁ পঞ্চায়তৰ অন্তৰ্গত থগী সূত বালক বিদ্যালয়ত অনুষ্ঠিত হয়।

এই সজাগতা অনুষ্ঠানসমূহৰ অংশ হিচাপে অংশগ্ৰহণকাৰীসকলৰ মাজত চেনিটাৰী নেপকিনো বিতৰণ কৰা হয়।

স্বাস্থ্য বিভাগৰ বিষয়া আৰু সমল ব্যক্তিসকলে ঋতুস্ৰাৱ অনাময় ব্যৱস্থাপনাৰ বিভিন্ন দিশৰ ওপৰত আলোকপাত কৰি এই সজাগতা সভাসমূহ পৰিচালনা কৰে।

তেওঁলোকে প্ৰথম ঋতুস্ৰাৱ সম্পৰ্কে সঠিক জ্ঞান থকাটো কিমান প্ৰয়োজনীয় আৰু ইয়াৰ বাবে কিশোৰীসকলক মানসিকভাৱে প্ৰস্তুত কৰাৰ গুৰুত্বৰ বিষয়ে আলোচনা কৰে, যাতে তেওঁলোকৰ মনৰ পৰা ভয়, দুশ্চিন্তা, অন্ধবিশ্বাস, লজ্জাবোধ আৰু সামাজিক কুসংস্কাৰ দূৰ কৰিব পৰা যায়। ইয়াৰোপৰি ঋতুস্ৰাৱৰ সময়ত ল’বলগীয়া আৱশ্যকীয় সাৱধানতা, ব্যক্তিগত পৰিষ্কাৰ-পৰিচ্ছন্নতা, পুষ্টিকৰ খাদ্য গ্ৰহণ আৰু প্ৰয়োজন সাপেক্ষে উপযুক্ত চিকিৎসা গ্ৰহণ কৰাৰ ওপৰতো সমল ব্যক্তিসকলে বিশেষভাৱে গুৰুত্ব আৰোপ কৰে।

এই কাৰ্যসূচীসমূহৰ মাজতেই জিলা মহিলা সবলীকৰণ কেন্দ্ৰৰ বিষয়াবৃন্দই স্থানীয়ভাৱে 'মহিলা সভা' আৰু 'বাল সভা' গঠনৰ প্ৰক্ৰিয়াও আনুষ্ঠানিকভাৱে আৰম্ভ কৰে। উপস্থিত ৰাইজক এই বিশেষ সভাবোৰৰ মূল লক্ষ্য আৰু উদ্দেশ্যসমূহৰ বিষয়ে অৱগত কৰা হয়; বিশেষকৈ মহিলা, শিশু আৰু কিশোৰীসকলৰ অধিকাৰ তথা সামগ্ৰিক কল্যাণ সুৰক্ষিত কৰাৰ ক্ষেত্ৰত এই মঞ্চসমূহৰ শক্তিশালী ভূমিকাৰ বিষয়ে বুজাই দিয়া হয়। ইয়াৰ উপৰিও শিশু আৰু কিশোৰীসকলৰ বিভিন্ন সমস্যাৰ প্ৰতি সমাজক সজাগ কৰা, সামূহিক অংশগ্ৰহণ বৃদ্ধি কৰা আৰু কনমাণি তথা কিশোৰীসকলৰ মাজত নেতৃত্বৰ গুণাৱলী বিকশিত কৰাৰ বাবে প্ৰয়োজনীয় মাৰ্গদৰ্শন প্ৰদান কৰা হয়।

এই কাৰ্যসূচীত শিশু, কিশোৰী, অবিভাৱক, শিক্ষক-শিক্ষয়িত্ৰী, পঞ্চায়তৰ প্ৰতিনিধি, এ.এন.এম., আশা কৰ্মী, অংগনবাড়ী কৰ্মী আৰু সহায়িকাসকলৰ লগতে স্থানীয় ৰাইজে সক্ৰিয়ভাৱে অংশগ্ৰহণ কৰে।

উক্ত অনুষ্ঠানসমূহত নগাঁও জিলা সমাজ কল্যাণ বিষয়া শ্ৰী ভোলানাথ পেগু, বঢ়মপুৰ পঞ্চায়তৰ সম্পাদিকা শ্ৰীমতী নীলাক্ষী কাকতি, বঢ়মপুৰ আই.চি.ডি.এছ. প্ৰকল্পৰ চি.ডি.পি.অ' শ্ৰী সুমন্ত কুমাৰ ব্ৰহ্ম, ৰূপহী আই.চি.ডি.এছ. প্ৰকল্পৰ চি.ডি.পি.অ' শ্ৰী মিন্টু শৰ্মা,ডলংঘাট আই.চি.ডি.এছ প্ৰকল্পৰ চি.ডি.পি.অ' শ্ৰীমতী বিভা কলিতা ; পাখিমৰীয়া আই.চি.ডি.এছ. প্ৰকল্পৰৰ চি.ডি.পি.অ , শ্ৰী জ্যোতিমা কুম্বাং; স্বাস্থ্য আৰু শিক্ষা বিভাগৰ সমল ব্যক্তিসকল তথা জিলা মহিলা সবলীকৰণ কেন্দ্ৰ-ৰ বিষয়াবৃন্দ উপস্থিত থাকে।

CMO Assam Himanta Biswa Sarma Ajanta Neog Devasish Sharma Directorate of Information and Public Relations, Assam Directorate of Women & Child development, Assam Janasanyog Nagaon জনসংযোগ নগাঁও Women and Child Development Department, Nagaon

30/05/2026

জিলাখনৰ পথ সুৰক্ষা ব্যৱস্থা অধিক সুদৃঢ় কৰা আৰু পথ দুৰ্ঘটনাৰ মাত্ৰা হ্ৰাস কৰাৰ উদ্দেশ্যে আজি ইং ৩০মে', ২০২৬ তাৰিখে, জিলা আয়ুক্তৰ কাৰ্যালয়ৰ সভাকক্ষত জিলা পথ সুৰক্ষা সমিতিৰ এখন অত্যন্ত গুৰুত্বপূৰ্ণ বৈঠক অনুষ্ঠিত হয়।

জিলা আয়ুক্ত, শ্ৰীযুত দেৱাশীষ শৰ্মা, ভাঃপ্ৰঃসেঃ মহোদয়ৰ সভাপতিত্বত অনুষ্ঠিত এই বৈঠকত জিলাখনৰ পথ সুৰক্ষাৰ সামগ্ৰিক দিশ পৰ্যালোচনা কৰাৰ লগতে দুৰ্ঘটনা মুক্ত পৰিৱেশ গঢ়ি তোলাৰ বাবে গ্ৰহণ কৰিবলগীয়া বিভিন্ন কাৰ্যপদ্ধতি সন্দৰ্ভত বিস্তৃতভাৱে আলোচনা কৰা হয়।

বিগত সময়চোৱাত জিলাখনত বৃদ্ধি পোৱা পথ দুৰ্ঘটনাৰ ঘটনাৰাজিক অত্যন্ত গুৰুত্বসহকাৰে লৈ, আজিৰ বৈঠকৰ জৰিয়তে জিলাখনত শীঘ্ৰেই প্ৰবৰ্তন কৰিবলৈ যোৱা কেতবোৰ বিশেষ, গুৰুত্বপূৰ্ণ আৰু কঠোৰ নিয়ম-নিৰ্দেশনাসম্পৰ্কে বিতংভাৱে আলোকপাত কৰা হয়।

সভাত অংশ গ্ৰহণ কৰা সংশ্লিষ্ট বিভাগসমূহৰ বিষয়াসকলে বৰ্তমানৰ পথ সুৰক্ষা সম্পৰ্কীয় পৰিস্থিতি আৰু তথ্য-পাতি উপস্থাপন কৰাৰ লগতে ভৱিষ্যতে গ্ৰহণ কৰিব পৰা বিভিন্ন সুৰক্ষামূলক ব্যৱস্থাসমূহৰ বিষয়ে গুৰুত্বপূৰ্ণ মতামত আগবঢ়ায়।

উক্ত বৈঠকত জ্যেষ্ঠ আৰক্ষী অধীক্ষক, শ্ৰীযুত পাৰ্থ প্ৰতিম দাস, ভাঃআঃসেঃ, অতিৰিক্ত জিলা আয়ুক্ত, শ্ৰী গোপাল শৰ্মা, অঃঅঃসেঃ প্ৰমুখ্যে জিলা পথ সুৰক্ষা সমিতিৰ আটাইকেইটা সংশ্লিষ্ট বিভাগৰ মুৰব্বী বিষয়া আৰু সদস্যসকলে সক্ৰিয়ভাৱে অংশগ্ৰহণ কৰে।

CMO Assam Himanta Biswa Sarma Devasish Sharma Directorate of Information and Public Relations, Assam Transport Department, Assam Directorate of Information and Public Relations, Assam Nagaon Police Janasanyog Nagaon জনসংযোগ নগাঁও

30/05/2026

জিলাখনৰ নগৰীয়া খণ্ডত চলি থকা HPV টীকাকৰণ অভিযান অধিক সক্ৰিয় আৰু সফল কৰাৰ উদ্দেশ্যে ইং ২৯ মে' ২০২৬ তাৰিখে জিলা আয়ুক্তৰ কাৰ্যালয়ৰ সভাকক্ষত এখন গুৰুত্বপূৰ্ণ সচেতনতামূলক তথা পৰ্যালোচনা সভা অনুষ্ঠিত হয়।

জিলা আয়ুক্ত, শ্ৰীযুত দেৱাশীষ শৰ্মা, ভাঃপ্ৰঃসেঃ মহোদয়ৰ অধ্যক্ষতাত অনুষ্ঠিত এই সভাত অভিযানৰ সামগ্ৰিক অগ্ৰগতিৰ খতিয়ান লোৱাৰ লগতে ব্যাপক জনসচেতনতা বৃদ্ধি, বিদ্যালয়ভিত্তিক আৰু ৱাৰ্ডভিত্তিক সমন্বয় ৰক্ষা আৰু লক্ষ্যভিত্তিক কন্যাশিশুসকলক টীকাকৰণৰ আওতালৈ অনাৰ বিভিন্ন কৌশল সন্দৰ্ভত বিশদভাৱে আলোচনা কৰা হয়।

উক্ত পৰ্যালোচনা সভাত অতিৰিক্ত জিলা আয়ুক্ত (স্বাস্থ্য), নগাঁও পৌৰসভাৰ অধ্যক্ষ, উপ-অধ্যক্ষ, কাৰ্যবাহী বিষয়া, বিদ্যালয়সমূহৰ পৰিদৰ্শক, ৱাৰ্ড কমিছনাৰসকল, জিলা প্ৰতিষেধক বিষয়া, UNDP-ৰ জিলা সমন্বয়ক তথা আন আন বিভাগীয় কাৰ্যসূচী বিষয়াসকল বিশেষভাৱে উপস্থিত থাকে।

সভাত সকলো অংশীদাৰ বিভাগকে টীকাকৰণ সম্পৰ্কে সমাজত চলি থকা যিকোনো ভুল ধাৰণা দূৰ কৰি অধিক জনসচেতনতা সৃষ্টিৰ বাবে একগোট হৈ কাম কৰিবলৈ আহ্বান জনোৱা হয় আৰু বিদ্যালয় তথা নগৰাঞ্চলৰ বিভিন্ন স্তৰত ব্যাপক প্ৰচাৰ-প্ৰসাৰৰ ওপৰত বিশেষ গুৰুত্ব আৰোপ কৰা হয়।

অধ্যক্ষতাৰ ভাষণত জিলা আয়ুক্ত মহোদয়ে এই অভিযান সফল কৰাৰ ক্ষেত্ৰত সকলো বিভাগ, বিদ্যালয় কৰ্তৃপক্ষ, পৌৰসভা আৰু স্বাস্থ্য বিভাগৰ সমন্বিত প্ৰচেষ্টাৰ প্ৰয়োজনীয়তাৰ কথা দোহাৰে। তেওঁ কয় যে এই কাৰ্যসূচী আমাৰ ভৱিষ্যত প্ৰজন্মৰ সুৰক্ষাৰ সৈতে জড়িত, গতিকে সকলোৱে সক্ৰিয়ভাৱে দায়িত্ব পালন কৰি নিৰ্ধাৰিত লক্ষ্য পূৰণ কৰিব লাগিব আৰু এই সন্দৰ্ভত তেওঁ সংশ্লিষ্ট সকলোকে যাৱতীয় নিৰ্দেশ প্ৰদান কৰে।

CMO Assam Himanta Biswa Sarma Devasish Sharma Directorate of Information and Public Relations, Assam National Health Mission,Assam Janasanyog Nagaon জনসংযোগ নগাঁও National Health Mission Nagaon

29/05/2026

জিলা খাদ্য, ৰাজহুৱা বিতৰণ আৰু গ্ৰাহক পৰিক্ৰমা বিভাগৰ এক পৰিদৰ্শক দলে আজি, ইং ২৯ মে' ২০২৬ তাৰিখে, কঠিয়াতলী চাৰিআলিৰ বজাৰ অঞ্চলত এক আকস্মিক পৰিদৰ্শন চলায়।

এই অভিযানকালত দলটোৱে বজাৰত যাতে কোনো ধৰণৰ অস্বাভাৱিক মূল্যবৃদ্ধি নহয় আৰু স্থিৰতা অটুট থাকে, সেই উদ্দেশ্যে অত্যাৱশ্যকীয় সামগ্ৰীসমূহৰ পাইকাৰী আৰু খুচুৰা মূল্য নিয়ন্ত্ৰণত ৰখাৰ লগতে ইয়াৰ উপলব্ধতা পৰ্যবেক্ষণ কৰে। পৰিদৰ্শনকালত অত্যাৱশ্যকীয় সামগ্ৰীসমূহৰ মূল্য নিৰ্ধাৰিত সীমাৰ ভিতৰতে থকাটো পৰিলক্ষিত হয়।

অৱশ্যে, একাংশ খুচুৰা ব্যৱসায়ীয়ে নিজৰ দোকান গৃহত মজুত সামগ্ৰী আৰু মূল্যসূচী ফলক ওলোমাই নথোৱাটো পৰিলক্ষিত হয়।

তেনে ব্যৱসায়ীসকলক বিভাগীয় নিৰ্দেশনাৱলী কঠোৰভাৱে পালন কৰিবলৈ আৰু অহা ২ দিনৰ ভিতৰত বাধ্যতামূলকভাৱে মূল্যসূচী ফলক প্ৰদৰ্শন কৰিবলৈ অন্তিম সঁকীয়নি তথা কঠোৰ নিৰ্দেশ প্ৰদান কৰা হয়।

CMO Assam Himanta Biswa Sarma Devasish Sharma Directorate of Information and Public Relations, Assam Food, Public Distribution and Consumer Affairs Department Janasanyog Nagaon জনসংযোগ নগাঁও

28/05/2026

নগাঁও জিলাৰ সমূহ ইছলাম ধৰ্মাৱলম্বী ৰাইজলৈ পবিত্ৰ ঈদ-উজ্-জোহা উপলক্ষে জিলা আয়ুক্ত শ্ৰীযুত দেৱাশীষ শৰ্মা, ভাঃপ্ৰঃসেঃ মহোদয়ে আন্তৰিক শুভেচ্ছা আৰু অভিনন্দন জ্ঞাপন কৰিছে।

জিলা আয়ুক্ত মহোদয়ে তেখেতৰ বাৰ্তাত জনাইছে যে ত্যাগ আৰু উৎসৰ্গৰ প্ৰতীক এই পবিত্ৰ উৎসৱে আমাৰ সমাজলৈ শান্তি, সমৃদ্ধি কঢ়িয়াই আনক আৰু ভাতৃত্ববোধৰ এনাজৰীডাল অধিক দৃঢ় কৰক। এই পবিত্ৰ ক্ষণত তেখেতে প্ৰতিগৰাকী জিলাবাসীৰ সুখ, সমৃদ্ধি আৰু সুস্বাস্থ্য কামনা কৰিছে।

পবিত্ৰ ঈদ-উজ্-জোহা উপলক্ষে জিলা প্ৰশাসন, নগাঁৱৰ তৰফৰ পৰাও সমূহ জিলাবাসীলৈ আন্তৰিক শুভেচ্ছা আৰু অভিনন্দন জ্ঞাপন কৰা হ’ল।

Devasish Sharma Janasanyog Nagaon জনসংযোগ নগাঁও

27/05/2026

নগাঁও চহৰৰ বজাৰসমূহত অত্যাৱশ্যকীয় সামগ্ৰীৰ যোগান সুনিশ্চিত কৰা আৰু মূল্য নিয়ন্ত্ৰণৰ লক্ষ্যৰে খাদ্য, ৰাজহুৱা বিতৰণ আৰু গ্ৰাহক পৰিক্ৰমা বিভাগৰ এটি দলে ইং ২৫ মে’ ২০২৬ তাৰিখে, চহৰখনৰ বিভিন্ন বজাৰসমূহত পৰিদৰ্শন তথা মূল্য নিৰীক্ষণ অভিযান চলাই।

CMO Assam Himanta Biswa Sarma Devasish Sharma Directorate of Information and Public Relations, Assam Food, Public Distribution and Consumer Affairs Department Janasanyog Nagaon জনসংযোগ নগাঁও

Nagaon District Administration

31/05/2026

31/05/2026

30/05/2026

30/05/2026

30/05/2026

30/05/2026

30/05/2026

29/05/2026

28/05/2026

27/05/2026

Address

Opening Hours

Telephone

Website

Alerts

Contact The Organization

Shortcuts

Share

Category

Monday	9:30am - 5pm
Tuesday	9:30am - 5pm
Wednesday	9:30am - 5pm
Thursday	9:30am - 5pm
Friday	9:30am - 5pm
Saturday	9:30am - 5pm