11/05/2026
കാരുണ്യ യാത്രയിലൂടെ സ്വരൂപിച്ച തുക കൈമാറി
കോതമംഗലം കോടപ്പടി സ്വദേശിയും നിർദ്ധന കുടുംബാഗവുമായ സുനിൽ എന്ന സഹോദരൻ മഞ്ഞപ്പിത്ത രോഗബാധിതനാവുകയും തുടർന്ന് നടന്ന പരിശോധനയിൽ കരൾ മാറ്റിവച്ചാൽ മാത്രമേ ഈ സഹോദരൻ്റെ ജീവൻ നിലനിർത്താൻ കഴിയൂ എന്ന് ആശുപത്രി വൃത്തങ്ങൾ അറിയിക്കുകയും ചെയ്തു. ഈ നിർദ്ധന കുടുംബത്തിന് താങ്ങാനാവുന്നതിനും അപ്പുറം 30 ലക്ഷം രൂപ കണ്ടെത്തിയാൽ മാത്രമേ കരൾ മായിവയ്ക്കാൻ കഴിയൂ എന്ന വസ്തുത മനസ്സിലാക്കി കോട്ടപ്പടി ഗ്രാമ പഞ്ചായത്ത് പ്രസിഡൻ്റ് ഉമേഷ് ശിവകുമാർ മുഖ്യ രക്ഷാധികാരിയായി ചികിത്സാ സഹായ സമിതി രൂപീകരിച്ച് പ്രവർത്തിച്ചുവരികയാണ്. ആയതിൻ്റെ ഭാഗമായി കോതമംഗലം പ്രൈവറ്റ് ബസ്സ് ഓണേഴ്സ് അസോസിയേഷനെ സമീപിക്കുകയും ബസ്സുകൾ കാരുണ്യ യാത്ര നടത്തണം എന്ന് അറിയുക്കുകയും ചെയ്തു. തുടർന്ന് കോതമംഗലത്ത് സർവ്വീസ് നടത്തുന്ന ഏഴ് ബസ്സുടമകൾ തയ്യാറായി ഇന്ന് കാരുണ്യ യാത്ര നടത്തി. ആയതിൻ്റെ ഭാഗമായി അടിവാട് ഹീറോ യംഗ്സ് ക്ലബിൻ്റെ ഉടമസ്ഥതയിലുള്ള ബസ്സ് നടത്തിയ കാരുണ്യ യാത്രയിൽ നിന്നും ലഭിച്ച തുകയാണ് ക്ലബ്ബിൽ .വച്ച് ഭാരവാഹികൾ കൈമാറിയത്.
ക്ലബ്ബ് സെക്രട്ടറി അൻസാർ എം എസ്സ് ട്രസ്റ്റ് ചെയർമാൻ യഹ്കൂബ് കൺവീനർ ഷാനവാസ് ട്രഷറർ ബാവ തുടങ്ങിയവരുടെ സാനിദ്ധ്യത്തിൽ ഹീറോ യംഗ്സ് ചാരിറ്റി ഹാൻഡ് ഓർഗനൈസർ അബ്ബാസ് കെ എം ധനസഹായം കൈമാറി. സുനിലിൻ്റെ ബന്ധുക്കളും സുഹൃത്തുക്കളും ചേർന്ന് സഹായം ഏറ്റ് വാങ്ങി. മുൻ പ്രസിഡൻ്റ് കെ കെ അഷ്റഫ് കമ്മറ്റി അംഗങ്ങളായ ഷബീർ ,ജീലാനി , മീരാൻ തുടങ്ങിയവർ ചടങ്ങിൽ സന്നിഹിതരായിരുന്നു. ഇതുമായി സഹകരിച്ച ഹീറോ യംഗ്സ് ബസ്സിലെ മുഴുവൻ യാത്രക്കാർക്കും നന്ദി അറിയിക്കുന്നു.🌹
സുനിൽ എത്രയും പെട്ടന്ന് സുഖം പ്രാപിക്കട്ടേ എന്ന് ആശംസിക്കുന്നു.🙏
ഭീമമായ മേൽ വിവരിച്ച തുക കണ്ടെത്തി ഈ സഹോദരനെ ജീവിതത്തിലേക്ക് മടക്കി കൊണ്ടുവരാൻ സുമനസ്സുകളായ നിങ്ങൾ ഓരോരുത്തരുടേയും സഹായം ആവശ്യമാണ്. QR കോഡും അക്കൗണ്ട് ഡീറ്റൈൽസും ചുവടെ ചേർക്കുന്നു , കഴിവിന് അനുസരിച്ചുള്ള സഹായം എല്ലാവരും ചെയ്യാൻ തയ്യാറാകണം എന്ന് കൂടി അഭ്യർതിക്കുന്നു🙏
