https://www.facebook.com/189435868098027/

𝕍𝕠𝕚𝕔𝕖 𝕆𝕗 𝕄𝕦𝕧𝕒𝕥𝕥𝕦𝕡𝕦𝕫𝕙𝕒, Muvattupuzha (2026)

04/06/2026

നഗരത്തിലെ പ്രധാന റോഡുകളിൽ അടക്കം മാസങ്ങളായി തെരുവ് വിളക്കുകൾ പ്രവർത്തിക്കാത്തതിൽ പ്രതിഷേധിച്ച് എൽഡിഎഫ്. കൗൺസിലർമാർ മൂവാറ്റുപുഴ നഗരസഭ ഓഫീസിൽ മെഴുകു തിരി തെളിച്ച് പ്രതിഷേധിച്ചു.

നഗരം ഇരുട്ടിലായത് ഭരണസമിതിയുടെ ഗുരുതരമായ വീഴ്ചയാണെന്നും ജനങ്ങളുടെ സുരക്ഷയെ പോലും അവഗണിക്കുന്ന സമീപനമാണ് നഗരസഭ സ്വീകരിക്കുന്നതെന്നും പ്രതിഷേധം ഉദ്ഘാടനം ചെയ്ത പ്രതിപക്ഷ നേതാവ് മജീദ് മാങ്ങാടൻ ആരോപിച്ചു.
വെള്ളൂർകുന്നം ക്ഷേത്രത്തിലെ നന്ദി കവാടം മുതൽ കടാതി ഫയർ സ്റ്റേഷൻ റോഡ് വരെയുള്ള ഭാഗത്ത് ഉൾപ്പെടെ നഗരത്തിലെ നിരവധി പ്രദേശങ്ങളിലെ സ്ട്രീറ്റ് ലൈറ്റുകൾ പ്രവർത്തന രഹിതമാണ്. മഴക്കാലം ശക്തമായ സാഹചര്യത്തിൽ രാത്രികാല യാത്ര അതീവ ദുഷ്കരമായി. സ്ത്രീകൾ, വിദ്യാർഥികൾ, തൊഴിലാളികൾ, വയോജനങ്ങൾ തുടങ്ങി ആയിരക്കണക്കിന് ആളുകൾ ദിവസേന ഉപയോഗിക്കുന്ന ഈ റോഡുകളിൽ സുരക്ഷിതമായി സഞ്ചരിക്കാൻ പോലും സാധിക്കാത്ത അവസ്ഥയാണ് നിലവിലുള്ളത്.

പ്രത്യേകിച്ച് ഈ റോഡിന്റെ വിവിധ ഭാഗങ്ങൾ സാമൂഹ്യ വിരുദ്ധരുടെ താവളങ്ങളായി മാറി. രാത്രികാലങ്ങളിൽ ആളൊഴിഞ്ഞ ഭാഗങ്ങളിൽ സാമൂഹ്യ വിരുദ്ധരുടെ സാന്നിധ്യം വ്യാപകമാണെന്ന പരാതികൾ നാട്ടുകാരിൽ നിന്ന് ഉയരുന്നുണ്ട്. സ്ട്രീറ്റ് ലൈറ്റുകളുടെ അഭാവം ഇത്തരം പ്രവണതകൾക്ക് കൂടുതൽ പ്രോത്സാഹനം നൽകുകയും പൊതുജനങ്ങളിൽ ഭീതി സൃഷ്ടിക്കുകയും ചെയ്യുകയാണ്. സ്ത്രീകളുടെയും കുട്ടികളുടെയും സുരക്ഷയെക്കുറിച്ചുള്ള ആശങ്ക ദിനംപ്രതി വർധിക്കുന്നു. ഇരുട്ട് കാരണം വാഹനാപകട സാധ്യതയും കൂടി.
പല ഭാഗങ്ങളിലും വെള്ളം നിറഞ്ഞ് തുറന്നു കിടക്കുന്ന ഓടകൾ അപകടഭീഷണി ഉയർത്തുന്നു.

മഴക്കാലത്ത് ഇഴജന്തുക്കളുടെ ശല്യവും വർധിച്ചിരിക്കുകയാണ്. നഗരത്തിന്റെ ഹൃദയഭാഗത്ത് തന്നെ ഇത്തരമൊരു സ്ഥിതി തുടരുന്നത് നഗരസഭയുടെ ഭരണപരമായ പരാജയത്തിന്റെ നേർക്കാഴ്ചയാണെന്ന് പ്രതിപക്ഷ അംഗങ്ങൾ കുറ്റപ്പെടുത്തി. ആറുമാസം മുമ്പ് അധികാരത്തിൽ എത്തിയ ഭരണസമിതി നഗരത്തിന്റെ അടിസ്ഥാന സൗകര്യങ്ങൾ പോലും സംരക്ഷിക്കാൻ കഴിയാത്ത അവസ്ഥയിലാണ്. തെരുവ് വിളക്ക് അറ്റകുറ്റ പണി നടത്തുന്ന കരാറുകാരന് പത്ത് ലക്ഷത്തോളം രൂപ കുടിശിഖ ഇനത്തിൽ നൽകാനുണ്ട്. ഇതോടെ കരാറുകാരൻ പിന്മാറിയതാണ് പ്രതിസന്ധി രൂക്ഷമാക്കിയതെന്നും ഇടത് കൗൺസിലർമാർ പറഞ്ഞു.

04/06/2026

ഒഴുക്കിൽപ്പെട്ട് കാണാതായ വയോധികയുടെ മൃതദേഹം കണ്ടെത്തി;

മുവാറ്റുപുഴയാറിൽ ഒഴുക്കിൽപ്പെട്ട് കാണാതായ വയോധികയുടെ മൃതദേഹം കണ്ടെത്തി. തൊടുപുഴ വെങ്ങല്ലൂർ കോന്നാട്ട് രവിയുടെ ഭാര്യ വത്സല (68) യുടെ മൃതദേഹമാണ് ഇന്ന് ഉച്ചയോടെ പെരുവംമൂഴി പാലത്തിന് സമീപത്ത് നിന്ന് കണ്ടെത്തിയത്. ചൊവ്വാഴ്ച ഉച്ചയോടെ ലതാകടവിൽ വെച്ചായിരുന്നു വത്സല ഒഴുക്കിൽപ്പെടുന്നത്. ഫയർഫോഴ്‌സിന്റെ നേതൃത്വത്തിൽ കഴിഞ്ഞ രണ്ടു ദിവസമായി തെരച്ചിൽ നടത്തിവരികയായിരുന്നു. പുഴയിലെ ശക്തമായ ഒഴുക്കും മോശം കാലാവസ്ഥയും ആദ്യദിവസങ്ങളിൽ രക്ഷാപ്രവർത്തനത്തിന് വലിയ രീതിയിൽ പ്രതികൂലമായി ബാധിച്ചു. ഇന്ന് ഉച്ചയോടെ പെരുവംമൂഴി പാലത്തിന് സമീപം മൃതദേഹം കണ്ടെത്തുകയായിരുന്നു. ഫയർഫോഴ്‌സ് എത്തിയാണ് മൃതദേഹം കരയ്ക്കടുപ്പിച്ചത്.

04/06/2026

ഒഴുക്കിൽപെട്ടു കാണാതായ വായോധികയെ കണ്ടെത്താനായില്ല:

മൂവാറ്റുപുഴയാറ്റിൽ ഒഴുക്കിൽപെട്ടു കാണാതായ തൊടുപുഴ വെങ്ങല്ലൂർ പാറ കോനാത്ത് രവിയുടെ ഭാര്യ വത്സലയെ (68) ഇന്നലെയും കണ്ടെത്താനായില്ല. അഗ്നിരക്ഷാ സേനയുടെ പരിശീലനം ലഭിച്ച സംഘം ഇന്നലെ രാവിലെ മുതൽ വൈകിട്ട് വരെ തിരഞ്ഞെങ്കിലും കണ്ടെത്താനായില്ല. പുഴയിൽ നല്ല ഒഴുക്കായതിനാൽ ദൂരേക്ക് ഒഴുകിപ്പോയിട്ടുണ്ടാകാമെന്ന് ഉദ്യോഗസ്ഥ‌ർ പറയുന്നു. ഇന്നും പരിശോധന തുടരും. ചൊവ്വാഴ്ച ഉച്ചയോടെ ലതാ കടവിൽ നിന്നാണ് ഇവർ ഒഴുക്കിൽപെട്ടത്.

03/06/2026

ട്രാഫിക് എസ്.ഐ ആയി കെ.പി സിദ്ദിഖ് വീണ്ടും മൂവാറ്റുപുഴയിൽ ചാർജ്ജെടുത്തു:

മുവാറ്റുപുഴ നഗര വികസനത്തിന്റെ ഭാഗമായി റോഡ് തുറന്നു നൽകിയതുമായി ബന്ധപ്പെട്ട് സസ്പെൻസ് ചെയ്യപ്പെട്ട ട്രാഫിക് എസ് ഐ ആയിരുന്ന കെ പി സിദ്ദിഖ് വീണ്ടും മൂവാറ്റുപുഴ ട്രാഫിക് പോലീസിൽ സബ് ഇൻസ്പെക്ടറായി ചാർജ് എടുത്തു. ഏറെ രാഷ്ട്രീയ വിവാദങ്ങൾക്ക് തിരി കൊളുത്തിയ സംഭവമായിരുന്നു കെ പി സിദ്ദിഖിന്റെ സസ്പെൻഷൻ. പുതിയ സർക്കാർ അധികാരത്തിൽ വന്നതിനെ തുടർന്നാണ് കെ പി സിദ്ദിഖ് ഇന്ന് മുതൽ മൂവാറ്റുപുഴ സ്റ്റേഷനിൽ ചാർജ് എടുത്തിരിക്കുന്നത്. വാഴക്കുളം, അടിമാലി തുടങ്ങിയ പോലീസ് സ്റ്റേഷനുകളിൽ അദ്ദേഹം ഇവിടെ നിന്നും മാറിയതിനു ശേഷം സേവനം അനുഷ്ഠിച്ചു.

03/06/2026

ഇന്നത്തെ കാലത്ത് നുണകൾ പൊളിയാൻ അധികം സമയം ഒന്നും വേണ്ട

02/06/2026

ഇനി ഇതൊന്നും വാർത്തയല്ലെന്ന് ഇവർക്ക് ആരേലും ഒന്ന് പറഞ്ഞ് കൊടുത്തിരുന്നെങ്കിൽ....

02/06/2026

ഇപ്പോഴുമുണ്ട് തൊട്ട് കൂടായ്മ, അല്ലെ Mr എംഎൽഎ

02/06/2026

ആശംസകൾ

01/06/2026

ആശംസകൾ 💙❤️💙❤️

01/06/2026

ടിപ്പർ ലോറികൾക്ക് ഇന്നു മുതൽ സമയനിയന്ത്രണം:

ടിപ്പർ ലോറി ഉൾപ്പെടെയുള്ള ഭാരവാഹനങ്ങൾക്കു സംസ്ഥാനത്ത് ഇന്നു മുതൽ സമയനിയന്ത്രണം ഏർപ്പെടുത്തി. സ്കൂ‌ൾ, ഓഫിസ് സമയം അടിസ്ഥാനമാക്കി രാവിലെയും വൈകിട്ടുമാണു നിയന്ത്രണം. നിയന്ത്രണമുള്ള സമയങ്ങളിൽ ഇത്തരം വാഹനങ്ങൾ നിശ്ചിത കേന്ദ്രങ്ങളിൽ നിർത്തിയിടണം. നിയന്ത്രണം പാലിക്കുന്നുവെന്ന് ഉറപ്പാക്കാൻ മോട്ടോർ വാഹന വകുപ്പും പോലീസും സംയുക്ത പരിശോധന നടത്തും.

𝕍𝕠𝕚𝕔𝕖 𝕆𝕗 𝕄𝕦𝕧𝕒𝕥𝕥𝕦𝕡𝕦𝕫𝕙𝕒

04/06/2026

04/06/2026

04/06/2026

03/06/2026

03/06/2026

02/06/2026

02/06/2026

02/06/2026

01/06/2026

01/06/2026

Address

Website

Alerts

Shortcuts

Share

Category