നമ്മുടെ മൂവാറ്റുപുഴ Nammude Muvattupuzha

21/02/2026

Creating the Future of Muvattupuzha, by the people of Muvattupuzha.

ചരിത്രപരമായും ഭൂമിശാസ്ത്രപരമായും പ്രാധാന്യമുള്ള പ്രദേശമാണ് മൂവാറ്റുപുഴ. കോതമംഗലം ആറ്, കാളിയാർ, തൊടുപുഴയാർ എന്നീ മൂന്ന് നദികൾ സംഗമിച്ച് മൂവാറ്റുപുഴയാറായി ഒഴുകുന്ന ത്രിവേണി സംഗമം ഈ നാടിന്റെ പ്രത്യേകതയാണ്. പ്രകൃതി സൗന്ദര്യവും സാംസ്കാരിക പൈതൃകവും ചേർന്ന നഗരമാണ് മൂവാറ്റുപുഴ.

ജനങ്ങളാൽ തെരഞ്ഞെടുക്കപ്പെട്ട സമിതി ഭരിക്കുന്ന തദ്ദേശ സ്വയംഭരണ സ്ഥാപനമായ മുനിസിപ്പാലിറ്റിയുടെ ലക്ഷ്യം സമഗ്ര വികസനവും കാര്യക്ഷമമായ ഭരണനിർവഹണവുമാണ്. അടിസ്ഥാന സൗകര്യങ്ങൾ, ടൂറിസം, വിദ്യാഭ്യാസം, ആരോഗ്യം, മാലിന്യ നിർമ്മാർജ്ജനം, ശുദ്ധജല വിതരണം തുടങ്ങിയ മേഖലകളിൽ മുന്നേറ്റം അനിവാര്യമാണ്.

“Future Muvattupuzha” എന്ന ആശയം ഈ സമഗ്ര വികസന ദർശനത്തിന്റെ ഭാഗമാണ്. ജനങ്ങളുടെ പങ്കാളിത്തത്തോടെയും സംവാദങ്ങളിലൂടെയും പ്രശ്‌നങ്ങൾക്ക് ഫലപ്രദമായ പരിഹാരം കണ്ടെത്തി, ഭാവി തലമുറകൾക്ക് അഭിമാനകരമായ ഒരു മൂവാറ്റുപുഴ സൃഷ്ടിക്കുകയാണ് നമ്മുടെ ലക്ഷ്യം.

മൂവാറ്റുപുഴ നഗരസഭ ചെയർപേഴ്ൺ ശ്രീമതി. ജോയിസ് മേരി ആൻ്റണിയുടെ നേതൃത്വത്തിൽ സംഘടിപ്പിക്കപ്പെട്ടിട്ടുള്ള ഈ പ്രോഗ്രാമിലേക്ക് ഏവർക്കും സ്വാഗതം...

വരൂ നമുക്ക് കൈകോർക്കാം...നമ്മുടെ മൂവാറ്റുപുഴയ്ക്കായി...

06/02/2026

21/08/2023

ഒരു വക്കീലും ഇങ്ങനെ കേസുവാദിച്ച് സ്വയം തോൽപ്പിച്ചിട്ടുണ്ടാവില്ല. ബാംഗ്ലൂരിൽ വീണാ വിജയൻ എക്സാലോജിക് എന്ന ഐറ്റി കമ്പനി നടത്തുന്നു. ഈ കമ്പനിയും വീണയും CMRL കമ്പനിയുമായി കൺസൾട്ടൻസി സർവ്വീസിനുള്ള കരാറിൽ ഒപ്പിടുന്നു. അതിന്റെ ഭാഗമായി CMRL മാസംതോറും നൽകുന്ന കൺസൾട്ടൻസി / മെയിന്റനൻസ് സർവ്വീസ് ഫീ മാസപ്പടിയാണെന്ന നരേറ്റീവ് മനോരമ സൃഷ്ടിക്കുന്നു. ഇത് ആവർത്തിച്ച് ഉറപ്പിച്ച് പൊതുബോധ്യമാക്കാനുള്ള തത്രപ്പാടിലായിരുന്നു യുഡിഎഫ്. അപ്പോഴാണ് കുഴൽനാടന്റെ പത്രസമ്മേളനം. അദ്ദേഹം പുതിയൊരാക്ഷേപം ഉന്നയിക്കുന്നു. വീണയുടെ കമ്പനി ജി.എസ്.ടി അടച്ചിട്ടില്ല. അവർ സർവ്വീസ് സപ്ലൈയർ ആണ്. അതുകൊണ്ട് നികുതി അടയ്ക്കണം. ഒട്ടും നികുതി അടച്ചിട്ടില്ലായെന്നു കുഴൽനാടനും വാദമില്ല. മുഴുവൻ നികുതിയും അടച്ചിട്ടില്ലായെന്നാണ് ആക്ഷേപം. നികുതി വെട്ടിപ്പ് അന്വേഷിക്കണമെന്ന് ആവശ്യപ്പെട്ട് ധനമന്ത്രിക്ക് പരാതി നൽകുകയും ചെയ്തു.

അപ്പോൾ കുഴൽനാടനും സമ്മതിച്ചിരിക്കുന്നു എക്സാലോജിക് കമ്പനിക്കു ലഭിച്ച തുക സേവനങ്ങൾക്കുള്ള പ്രതിഫലമാണെന്ന്. അതിനു സർവ്വീസ് ടാക്സ് അല്ലെങ്കിൽ ജി.എസ്.ടി നൽകിയേ തീരൂ. ഇതോടെ മാസപ്പടി വിവാദത്തിനു തിരശ്ശീല വീണിരിക്കുകയാണ്. കുഴൽനാടനോ ആരാധകരോ ഇനി മാസപ്പടിയെന്നു വിളിക്കരുത്. അക്കഥ തീർന്നു.

ഇനിയുള്ളത് ജി.എസ്.ടി നികുതി അടച്ചോയെന്നുള്ളതാണ്. അതിനാദ്യം വേണ്ടത് ജി.എസ്.ടി രജിസ്ട്രേഷനാണ്. വീണക്കും കമ്പനിക്കും പ്രത്യേകം ജി.എസ്.ടി രജിസ്ട്രേഷൻ ഉണ്ട്. രണ്ട് രജിസ്ട്രേഷനിൽ നിന്നും നികുതി അടച്ചിട്ടുണ്ടാകാം. ഇനി വേണ്ടത് പൂർണ്ണനികുതി അടച്ചിട്ടുണ്ടോയെന്ന് റീ അസസ് ചെയ്യേണമെന്നതാണ്. അതു വകുപ്പ് പരിശോധിച്ച് വ്യക്തത വരുത്തും. അതിനു നടപടി ക്രമങ്ങളുണ്ട്. പക്ഷേ, ഇതിലെന്ത് അഴിമതി? നികുതി അടച്ചിട്ടുണ്ടെങ്കിൽ മാപ്പ് പറയാനുള്ള മര്യാദ കുഴൽനാടൻ കാണിക്കണം.

എന്തിനാണ് കുഴൽനാടൻ ഇത്ര ഒരു വളഞ്ഞ വഴിയിലേക്കു പോയത്? കാരണം അദ്ദേഹത്തിനെതിരെ ഗുരുതരമായ ആക്ഷേപങ്ങളാണ് സിപിഐ(എം) എറണാകുളം ജില്ലാ സെക്രട്ടറി സ. സി.എൻ. മോഹനൻ ഉന്നയിച്ചത്.

1) വരവിൽ കവിഞ്ഞ ഭീമമായ സ്വത്ത് സമ്പാദിച്ചത്.

2) അങ്ങനെ ആർജ്ജിച്ച ചിന്നക്കനാലിലെ സ്വത്തിൽ നിയമവിരുദ്ധമായാണ് റിസോർട്ട് പ്രവർത്തിപ്പിക്കുന്നത്.

3) ഭൂമി രജിസ്ട്രേഷൻ ചെയ്തപ്പോൾ പൂർണ്ണമായ നികുതി നൽകിയിട്ടില്ല.

ഇവയ്ക്കൊക്കെ കൃത്യമായിട്ടു വിശദീകരണം നൽകുന്നതിനു പകരം ജനശ്രദ്ധ തിരിക്കുന്നതിനു വേണ്ടിയാണ് ജി.എസ്.ടി പ്രത്യാരോപണം ഉന്നയിച്ചത്.

അദ്ദേഹത്തിന്റെ കണക്കുകൾ പരിശോധിക്കുന്നതിന് എന്നെ ക്ഷണിക്കുകയുണ്ടായി. പക്ഷേ, കണക്കു പരിശോധനയിൽ എനിക്ക് അത്ര പ്രാവീണ്യം ഇല്ല. ഞാൻ പഠിച്ചത് അക്കൗണ്ടൻസിയല്ല ധനശാസ്ത്രമാണ്. അതുകൊണ്ട് സദയം ക്ഷമിക്കുക. അന്നത്തെ ജി.എസ്.ടി പത്രസമ്മേളനത്തിൽ ഉത്തരം പറയാൻ വിസമ്മതിച്ച ചോദ്യങ്ങൾക്ക് അങ്ങു തന്നെ മറുപടി പറയുക.

22/06/2023

മുറിക്കല്ല് ബൈപാസ്സ്, ചാലിക്കടവ് അപ്രോച്ച് റോഡ്, ടൗൺ വികസനം പണം അനുവദിച്ചിട്ടും പൂർത്തീകരിക്കാൻ കഴിയാതെ കഴിവുകെട്ട ജനപ്രതിനിധികൾ. KSRTC സ്റ്റാൻഡിന്റെ ശോചനീയാവസ്ഥ, നഷ്ടപെടുന്ന പദ്ധതികൾ. എല്ലാം മുവാറ്റുപുഴക്ക് നഷ്ട്ടം.

Muvattupuzha News

06/04/2023

മൂവാറ്റുപുഴ: മൂവാറ്റുപുഴ എംഎൽഎ മാത്യു കുഴൽനാടന്റെ വ്യാജ പ്രചരണങ്ങൾക്കെതിരെ പ്രതികരണവുമായി എഐവൈഎഫ് സംസ്ഥാന പ....

05/01/2023

03/01/2023

മുവാറ്റുപുഴ മുൻ എംഎൽഎയും സിപിഐ എറണാകുളം ജില്ലാ അസിസ്റ്റന്റ് സെക്രട്ടറിയുമായ സഖാവ് എൽദോ എബ്രഹാമിന്റെ പിതാവ് MP എബ്രഹാം മേപ്പുറത്ത് അന്തരിച്ചു. സംസ്കാരം നാളെ ( 4-1-2023) രാവിലെ 10 മണിക്ക് കുന്നക്കുരുടി സെൻ്റ് ജോർജ്ജ് യാക്കോബായ പള്ളിയിൽ. മൃതദേഹം തൃക്കളത്തൂർ തറവാട് വസതിയിൽ.
ആദരാഞ്ജലികൾ

25/12/2022

മൂവാറ്റുപുഴ - കോലഞ്ചേരി റോഡ് കുഴി അടയ്ക്കൽ -ഫണ്ട് അനുവദിച്ചത് എം.എൽ.എ യോ? അതോ എം.പി.യോ?
വകമാറ്റി 75 ലക്ഷം രൂപ അനുവദിച്ചെന്ന് നാടുനീളെ പ്രചരണ ബോർഡ് സ്ഥാപിച്ചത് എം.എൽ.എയുടെ പേരിൽ!!!
റോഡ് കുഴി അടുക്കലാകട്ടെ ഉള്ള റോഡിനെ കുളമാക്കി എന്ന് എം.പി.

ആയിരക്കണക്കിന് വാഹനങ്ങൾ പോകുന്ന കൊച്ചി-ധനുഷ് കോടി റോഡിലൂടെ ജനങ്ങളുടെ യാത്ര ദുരിതമായി മാറി.
എൻ.എച്ച്.എ.ഐ അധികൃതരാകട്ടെ തട്ടിപ്പിൻ്റെ ഉസ്താദുകൾ .ബി.സി. ഓവർലെ ചെയ്യുന്നതിന് പണം കണ്ടെത്തണം .അതല്ലാതെ 75 ലക്ഷം രൂപ മുടക്കി എന്തോ വലിയ കാര്യം ചെയ്തു എന്ന് പറഞ്ഞ് ജനത്തെ തെറ്റിദ്ധരിപ്പിച്ചിട്ട് എന്ത് കാര്യം?
റോഡ് പണി അശാസ്ത്രീയമാണ് എന്ന് എം.പി.അംഗീകരിച്ചതിനെ സ്വാഗതം ചെയ്യുന്നു. പരിഹാരം കണ്ടെത്താൻ എം.പി.ശക്തമായി ഇടപെടണം.
ജനങ്ങളെ അപഹാസ്യമാക്കുന്ന സ്റ്റേറ്റ്മെൻറുകൾ ,പ്രചരണങ്ങൾ ഉത്തരവാദിത്വപ്പെട്ടവർ ഒഴിവാക്കണം.
ശബരിമല തീർഥാടകരുൾപ്പെടെ കടന്ന് പോകുന്ന റോഡ് യാത്രക്ക് ഉതകും വിധം സഞ്ചാരയോഗ്യമാക്കണം.മലയാള മനോരമ വാർത്ത ചുവടെ......