13/09/2016
മീശപുലിമല ട്രെക്കിങ്ങ് കുറ്റകരമോ ????
വിവരണം _എബി ജോൺ
മീശപുലിമല ട്രെക്കിങ്ങിനു നിയമപരമായ ഒരേ ഒരു മാർഗം KDFC ആണ്. ബേസ് ക്യാമ്പിൽ ടെന്റിൽ ഉള്ള താമസത്തിനു 2 പേർക്ക് 3500 രൂപ ആണ് ഈടാക്കുന്നത്. ഇതിനു സമീപമുള്ള സ്കൈ കോട്ടജിൽ 2 പേർക്ക് 7000 രൂപയും. ബേസ് ക്യാമ്പിൽ നിന്നും 6-7 കിലോമീറ്റർ അകലെ റോഡോ വാലിയിൽ സ്ഥിതി ചെയ്യുന്ന റോഡോ മാൻഷനിലും 2 പേർക്ക് 7000 രൂപ ആണ്. സ്കൈ കോട്ടജിലും റോഡോ മാൻഷനിലും 1000 രൂപ അധികം നൽകി മൂന്നമതൊരാൾക്കു കൂടി താമസിക്കാം. നല്ല കിടിലൻ ശാപ്പാടും താമസവും ട്രെക്കിങ്ങും ഗൈഡും ഒക്കെ അടക്കമാണിത്. സ്കൈ കോട്ടേജിലെയും റോഡോ മാന്ഷനിലെയും ബുക്കിങ്ങിനു മൂന്നാർ KFDC ഓഫീസിൽ നിന്നും ജീപ്പിൽ pickup & drop സൗകര്യം ഉണ്ട്. ബേസ് ക്യാമ്പിലെ ടെന്റ് ആണ് ഏറ്റവും ചെലവ് കുറഞ്ഞ മാർഗം.
KDFC പാക്കേജ് അല്ലാതെയുള്ള മറ്റെല്ലാ വഴികളും നിയമ വിരുദ്ധമാണ്. പിടിക്കപ്പെട്ടാൽ ഫൈൻ അടക്കമുള്ള ശിക്ഷകൾ ഉണ്ടാകാം. കൊളുക്കുമലയിൽ നിന്നും നൽകുന്ന 100 രൂപയുടെ പാസ് മീശപുലിമല കയറുവാനുള്ളതല്ല, തമിഴ്നാട്ടിലെ പ്രൈവറ്റ് എസ്റ്റേറ്റിന് മീശപുലിമല കയറുവാനുള്ള പാസ് ഇഷ്യൂ ചെയ്യാനുള്ള അധികാരവും ഇല്ല.. കേരള ഫോറസ്റ് ആക്ട് 1961 സെക്ഷൻ 27 e (iv) പ്രകാരം റിസേർവ് ഫോറെസ്റ്റിൽ അതിക്രമിച്ചു കടക്കുന്നത് ഒരു വർഷം മുതൽ അഞ്ചു വർഷം വരെ തടവും 1000 രൂപ മുതൽ 5000 രൂപ വരെ പിഴയും ലഭിക്കാവുന്ന കുറ്റമാണ്. കൂടാതെ നാശനഷ്ടങ്ങൾ വരുത്തിയതായി തെളിഞ്ഞാൽ അതിനും പിഴയൊടുക്കേണ്ടി വരും.
അതിനാൽ കൊളുക്കുമല വഴിയുള്ള അനധികൃത യാത്രകൾ നമുക് ഒഴിവാക്കാം, അങ്ങനെ വരയാടുകളുടെയും പ്രകൃതിയുടെയും നാശത്തിനു കാരണമാകാതിരിക്കാം.
for more info: call 08281814949
