30/05/2026
तिरोड्यात राष्ट्रवादी काँग्रेस शरदचंद्र पवार पक्षाची संघटनात्मक बांधणी मजबूत करण्यासाठी नव्या नियुक्त्या..
तिरोडा, प्रतिनिधी : राष्ट्रवादी काँग्रेस पक्ष (शरदचंद्र पवार) यांच्या संघटनात्मक बांधणीला अधिक बळकटी देण्यासाठी तिरोडा तालुक्यात विविध पदांवर नव्या पदाधिकाऱ्यांच्या नियुक्त्या जाहीर करण्यात आल्या आहेत. पक्षाचे राष्ट्रीय अध्यक्ष शरदचंद्र पवार यांच्या विचारधारा व पक्षाची भूमिका गावागावांत पोहोचविण्याच्या उद्देशाने या नियुक्त्या करण्यात आल्याची माहिती पक्षाच्या वतीने देण्यात आली.
यामध्ये श्री चरणदास भाजीपाले यांची ठाणेगाव जिल्हा परिषद प्रमुख, श्री धर्मेंद्र बोरकर यांची ठाणेगाव जिल्हा परिषद सहप्रमुख, श्री मुरलीधर कटरे यांची कवलेवाडा पंचायत समिती प्रमुख, श्री अनिल रहांगडाले यांची कोयलारी पंचायत समिती प्रमुख तसेच श्री निरज गजभिये यांची मुंडिकोटा पंचायत समिती प्रमुख म्हणून नियुक्ती करण्यात आली आहे.
युवक संघटनेतही महत्त्वाच्या नियुक्त्या करण्यात आल्या असून श्री अश्विन बोबडे यांची सरचिटणीस व कवलेवाडा जिल्हा परिषद प्रमुख, श्री अनिल रहांगडाले यांची उपाध्यक्ष व सरांडी जिल्हा परिषद प्रमुख तसेच श्री गुणराज भैरम यांची सरचिटणीस व सरांडी पंचायत समिती प्रमुख म्हणून निवड करण्यात आली आहे.
नवनियुक्त पदाधिकाऱ्यांना नियुक्तीपत्रांचे वितरण जिल्हाध्यक्ष श्री रविकांत बोपचे यांच्या हस्ते करण्यात आले. तालुक्यात पक्षसंघटना अधिक सक्षम व गतिमान करण्यासाठी युवक, महिला तसेच सर्वसामान्य कार्यकर्त्यांना संधी देण्यावर पक्षाने विशेष भर दिला आहे. नव्या पदाधिकाऱ्यांवर संघटन वाढविणे, जनसंपर्क मजबूत करणे, नागरिकांच्या समस्या शासनापर्यंत पोहोचविणे तसेच पक्षाच्या विविध उपक्रमांची प्रभावी अंमलबजावणी करण्याची जबाबदारी सोपविण्यात आली आहे.
या नियुक्त्यांमुळे तिरोडा तालुक्यात पक्षाला अधिक बळ मिळणार असून आगामी स्थानिक स्वराज्य संस्था निवडणुका तसेच विविध सामाजिक आणि राजकीय उपक्रमांमध्ये पक्षाची ताकद वाढण्यास मदत होईल, असा विश्वास पक्षाच्या वरिष्ठ पदाधिकाऱ्यांनी व्यक्त केला आहे.
यावेळी जिल्हाध्यक्ष श्री रविकांत बोपचे, महिला जिल्हाध्यक्ष सौ. मेघाताई बिसेन, जिल्हा सरचिटणीस श्री नासिर घाणीवाला, महिला जिल्हा सरचिटणीस सौ. भाग्यश्रीताई केळवतकर, महिला तालुकाध्यक्ष सौ. मंदाताई टेंभरे, सामाजिक न्याय विभाग तालुकाध्यक्ष श्री युवराज शहारे, युवक तालुका अध्यक्ष श्री प्रकाश पटले, शहराध्यक्ष श्री विजय बुद्धे, सरपंच श्री रविंद्र भगत, श्री डीलेश बिसेन, श्री राहुल हेडाऊ आदी उपस्थित होते.
