31/05/2026
वाढदिवसानिमित्त मातोश्री तानुबाई दगडू खाडे यांच्या शुभहस्ते आदमापूर येथील श्री सद्गुरू बाळूमामा मंदिर ट्रस्ट हॉस्पिटल अँड मल्टीस्पेशालिटी रिसर्च सेंटरला रुग्णसेवेसाठी अत्याधुनिक रुग्णवाहिका प्रदान केली. समाजसेवा, रुग्णसेवा आणि लोककल्याणाचा संदेश देणारा हा उपक्रम वाढदिवसानिमित्त पार पडतोय याचा निश्चितच आनंद आहे.
यावेळी श्री सद्गुरू बाळूमामांच्या चरणी नतमस्तक होत दर्शन घेतले. सद्गुरू बाळूमामांची कृपादृष्टी आणि आशीर्वाद नेहमीच योग्य मार्ग दाखवत आले आहेत. आज समाजासाठी काही चांगले कार्य करण्याची प्रेरणा आणि शक्ती त्यांच्या आशीर्वादातूनच लाभली आहे. या उपक्रमामुळे गरजू रुग्णांना व येथील भाविकांना वेळेवर वैद्यकीय सेवा उपलब्ध होण्यास मोठी मदत होईल. रुग्णवाहिका सेवा आपत्कालीन परिस्थितीत रुग्णांना तातडीने उपचार मिळवून देण्यासाठी महत्त्वाची ठरेल.
