SFI VVHSS UNIT ചാരുംമൂട്

SFI VVHSS UNIT ചാരുംമൂട് sfi school unit page..

സഖാവ് അർജുന് sfi vvhss യൂണിറ്റിന്റെ ഒരായിരം ഹൃദയാഭിവാദ്യങ്ങൾ ❤️💪🔥
21/05/2020

സഖാവ് അർജുന് sfi vvhss യൂണിറ്റിന്റെ ഒരായിരം ഹൃദയാഭിവാദ്യങ്ങൾ ❤️💪🔥

#അറിയിപ്പ്
30/04/2020

#അറിയിപ്പ്

അപരിചിതമായി നേരിടേണ്ടി വന്നയിടങ്ങൾ എപ്പോഴെങ്കിലും പ്രിയങ്കരമായി മാറിയിട്ടുണ്ടോ? ദേശാന്തരങ്ങൾ കടന്ന് പോയി...
30/04/2020

അപരിചിതമായി നേരിടേണ്ടി വന്നയിടങ്ങൾ എപ്പോഴെങ്കിലും പ്രിയങ്കരമായി മാറിയിട്ടുണ്ടോ? ദേശാന്തരങ്ങൾ കടന്ന് പോയിട്ടും രൂപപ്പെടലിന്റെ അടയാളമായി ആ ഇടം ഉള്ളത്തിൽ രേഖപെടുത്തി വെച്ചിട്ടുണ്ടോ?
ഞാൻ അങ്ങനിയൊരിടത്തെ പറ്റിയാണ് പറയുന്നത്. എന്നെ രൂപപ്പെടുത്തിയ, എന്നെ വളർത്തിയെടുത്ത എന്റെ കലാലയം. ചുനക്കര ഹൈ സ്കൂൾ... നീണ്ട നിരപ്പൻ ഇടനാഴികളും അതിര് തോറും വേരുപിണഞ്ഞ് നിൽക്കുന്ന അരയാൽ വൃക്ഷങ്ങളും ഇടയ്ക്കിടെ മച്ച് പൊട്ടിക്കുന്ന ക്രിക്കറ്റ് ബോളുകളും. ഇതൊക്കെ എങ്ങനെയാണു ഒരാളെ ആത്മബന്ധത്തിന്റെ അടിത്തട്ടോളം കൊണ്ട് ചെല്ലാതെ യിരിക്കുന്നത്. ഇൗ കലാലയം എന്റെ വളർച്ചയും തളർച്ചയും കണ്ട് നിന്നിരുന്നു. നാലാം ക്ലാസ്സ് വരെയുള്ള പഠനം കണ്ണമംഗലം സ്കൂളിലാണ്. അവിടുന്ന് ഉള്ള പറിച്ച് നടൽ ആയിരുന്നു ചുനക്കര സ്കൂളിലേക്ക്... എല്ലാവർക്കും എന്ന പോൽ കൂറ്റൻ കവാടം തുറന്നിട്ടിരുന്ന സ്കൂൾ എനിക്ക് അപരിചിതനായ ഒരു വ്യക്തി മാത്രം ആയിരുന്നു. പരിചിതമായ ഒരു മുഖമെങ്കിലും കണ്ടിരുന്നെങ്കിൽ എന്ന് അത്രയേറെ ആത്മാർത്ഥമായി ആഗ്രഹിച്ച നാളുകൾ. ഇപ്പോഴും ആദ്യ ദിവസം ഇരുന്ന ബെഞ്ച്, ആദ്യമായ് ക്ലാസ്സിൽ കയറി വന്ന കണ്ണട വെച്ച് ടീച്ചർ ഒക്കെയും ഓർമ പുസ്തകത്തിൽ പുതിയത് പോലെ തന്നെ ചില്ലിട്ട് സൂക്ഷിക്കുന്നുണ്ട്. പതിയെ പതിയെ അപരിചിതത്വം വിട്ടൊഴിഞ്ഞു. ചേർത്ത് പിടിക്കാൻ സൗഹൃദങ്ങളുണ്ടായി. ഉച്ചനേരത്തെ പൊതിച്ചോറിൽ ഇടുന്ന കയ്യുകളുടെ എണ്ണം കൂടി വരാൻ തുടങ്ങി. ക്ലാസ് ഒട്ടാകെ സൗഹൃദത്തിന്റെ പങ്ക്‌ പറ്റാൻ തുടങ്ങി. ആത്മാവിൽ ഇപ്പോഴും ചേർന്നിരിക്കുന്ന ആ പ്രണയത്തെയും കണ്ടുമുട്ടിയതാ കലാലയത്തിൽ ആയിരുന്നു.
പിന്നീട് പ്രണയം പലതും വന്നു പോയി... ഒന്നും ആദ്യ പ്രണയത്തിന്റെ അത്ര ആഴത്തിൽ ഓർമകൾ ആയില്ല. ഒരു പക്ഷെ ആ കാലഘട്ടത്തിന്റെ ഓർമകൾക്ക് ഇത്രയും നിറവും സുഗന്ധവും വരാൻ കാരണം തന്നെ പൊഴിഞ്ഞു പോയ ഇത്തരം പ്രണയത്തിന്റെ മൊട്ടുകളാവാം. ഉച്ചനേരങ്ങളിലെ നീണ്ട നടത്തങ്ങളും ഒരിക്കലും പറഞ്ഞ് തീരാത്ത കഥകളും ആയിരുന്നു ഈ പ്രണയത്തിന്റെ കാതൽ. ആദ്യ പ്രണയം ഇപ്പോഴും എന്നിൽ ഉണർത്തുന്ന ഓർമകൾ ഞങ്ങൾ നടന്നു പ്രണയിച്ച ആ നീണ്ട ഇടനാഴികൾ തന്നെ. അന്ന് കിട്ടിയ പ്രണയ സമ്മാനങ്ങളോളം ചിരി പടർത്തിയ, ഉള്ളിൽ ഇപ്പോഴും നോവുണർത്തുന്ന മറ്റൊരു പ്രണയവും ഉണ്ടായിട്ടില്ല. ഒരിക്കൽ എപ്പോഴോ ഒരു യാത്രാ മൊഴി പോലും പറയാതെ ഇരുവരും പിരിഞ്ഞു. ആദ്യ പ്രണയത്തിന്റെ അവശേഷിപ്പുകളെ ഞാൻ ഇപ്പോഴും ഓർക്കാറുണ്ട്....
പിന്നെയും മുന്നിൽ സ്കൂൾ ജീവിതം നീണ്ടു കിടപ്പുണ്ടായിരുന്നു.
വെറുതെ വഴക്കടിച്ച സംവാദങ്ങളും സെമിനാറുകളും ജയവും തോൽവിയും രുചിച്ച കലോത്സവങ്ങൾ, ആദ്യം വഴക്കും പിന്നീട് ചങ്കുകളുമയ ജൂനിയർ കുട്ടികൾ, ഉറക്കമില്ലാത്ത വിനോദ യാത്രകൾ.. ഒക്കെയും എണ്ണ ഛായാ ചിത്രങ്ങൾ പോലെ ഇപ്പോഴും മിനുങ്ങിയും തിളങ്ങിയും മനസ്സിലുണ്ട്.
വളർച്ചയുടെ ഓരോ ഘട്ടത്തിലും ചിന്താഗതികൾ മാറാൻ തുടങ്ങി... ആ മാറ്റങ്ങളുടെ ആകെ തുകയായി ഇന്ന് ഞാൻ. അതിൽ സ്കൂൾ ഹൃദയത്താളത്തോളം അലിഞ്ഞ് ചേർന്നിരിക്കുന്നു.
പ്രിയ കലാലയമേ, ഞാനിന്നും നിന്നെയോർക്കുന്നത് നിന്നോടുള്ള പ്രണയം തുടിക്കുന്ന ഉള്ളത്തോടെ യാണ്.
ഒരു കൈ അകലത്തിലുണ്ട് . .
ഇഷ്ടങ്ങളും 💚 നഷ്ടങ്ങളും 💔
എല്ലാം
#തിരിച്ചുകിട്ടാത്തകാലം....
- നിഖിൽ കൃഷ്ണൻ....

അങ്ങനെ ഞാനും എട്ടാംക്ലാസിൽ ആയി എല്ലാ മനുഷ്യരുടെയും ജീവിതത്തിൽ ഏറ്റവും പ്രധാനപ്പെട്ട ഒരു ഭാഗമാണ് ക്ലാസുകളിൽ ഉള്ള ഗ്യാങ് ...
29/04/2020

അങ്ങനെ ഞാനും എട്ടാംക്ലാസിൽ ആയി എല്ലാ മനുഷ്യരുടെയും ജീവിതത്തിൽ ഏറ്റവും പ്രധാനപ്പെട്ട ഒരു ഭാഗമാണ് ക്ലാസുകളിൽ ഉള്ള ഗ്യാങ് എനിക്കും ഉണ്ടായിരുന്നു അഞ്ചു പേരടങ്ങുന്ന ഒരു ഗ്യാങ്😈 അങ്ങനെയിരിക്കുമ്പോൾ ഞങ്ങളുടെ സ്കൂളിലേക്ക് പുതിയതായി കുട്ടികൾ വന്നു തുടങ്ങി അതിൽ ഞങ്ങളുടെ ക്ലാസിലേക്ക് കുറച്ചു കുട്ടികൾ കൂടി വന്നുചേർന്നു അതിൽ ഒരു പെൺകുട്ടിയുടെയും ആൺകുട്ടിയുടെയും തമ്മിൽ മുൻപരിചയം ഉണ്ടായിരുന്നു. അവരുടെ ബന്ധത്തിൽ ഞങ്ങൾക്ക് നേരിയ സംശയം ജനിച്ചു🤨🤔. അങ്ങനെ ഞങ്ങളുടെ ഉള്ളിലെ സദാചാരം ഉണരുകയാണ് സുഹൃത്തുക്കളെ അവളുടെ പേര് ശ്രീലക്ഷ്മി എന്നും ആ പയ്യന്റെ പേര് വിഷ്ണു എന്നായിരുന്നു അവൾ രാജസ്ഥാനിൽ ആയിരുന്നു ഇത്രയും നാൾ അവളോട് ആരും അടുക്കാൻ കൂട്ടാക്കിയിരുന്നില്ല നാളുകൾക്കു ശേഷം വിഷ്ണു അവളുടെ കയ്യിൽ ഒരു പേപ്പർ കൊടുക്കുന്നത് ഞങ്ങൾ കണ്ടു കൗതുകം ലേശം കൂടിയതിനാൽ ഞങ്ങൾക്ക് അത് എന്താണെന്ന് അറിയണമെന്നുള്ള ആഗ്രഹം ജനിക്കുന്ന. ഞങ്ങൾ അങ്ങനെ കൂട്ടായ തീരുമാനത്തിലൂടെ അവൾ ഇന്റർവില്ലിന് പുറത്തു പോകുമ്പോൾബാഗ് പരിശോധിക്കാമെന്ന് തീരുമാനം എടുക്കുന്നു. പക്ഷേ ഞങ്ങളുടെ കണക്കുകൂട്ടലുകൾക്ക് വിപരീതമായി അവൾ പുറത്ത് പോകാതിരിക്കു നു. അവൾ പുറത്തു കൊണ്ടു പോകുന്നതിനായി കൂട്ടുകാർ എല്ലാം കൂടി എന്നോട് പറയുന്നു നീ അവളെ കൊണ്ട് പുറത്തു പോവുക ഞാനവളോട് സൗമ്യമായി സംസാരിച്ചുകൊണ്ട് അവളുമായി പുറത്തു പോകുന്നു. ആ സമയം കൊണ്ട് എന്റെ കൂട്ടാളികൾ അവളുടെ ബാഗ് തിരയുവാൻ പോകുന്നു.. അതിൽ നിന്നും ഒന്നും കിട്ടുന്നില്ല അവർക്ക്😟..ഞാൻ അവളിൽ നിന്നും കുറച്ച് അകന്നയിരുന്നു നടന്നത്. പെട്ടെന്ന് അവൾ എന്റെ കൈകൾ കോർത്തു നടന്നു തുടങ്ങി👭. പിന്നീട് ഞങ്ങൾ ഒരുപാട് സംസാരിക്കാൻ തുടങ്ങി ഞാൻ അവളെയും അവൾ എന്നെയും ഒറ്റനിമിഷത്തിൽ തന്നെ മനസ്സിലാക്കി 💞. തിരിച്ച് ക്ലാസ്സ് എത്തിയ ഞങ്ങൾ കൈകൾ അകറ്റി അവൾ ഫ്രണ്ട് ബെഞ്ചിലും ഞാൻ ബാക്ക് ബെഞ്ചിൽ ഇരുന്നു.. അവൾ ഇടയ്ക്കിടയ്ക്ക് തിരിഞ്ഞു നോക്കുന്നുണ്ടായിരുന്നു.. എന്റെ മറ്റു കൂട്ടുകാർ എന്നോട് ചോദിച്ചു എന്താണ് ഇത്രയും താമസിച്ചത് ഞാൻ ആരോടും ഒന്നും മിണ്ടാതെ ജനാലയിലൂടെ പുറത്തേക്കു നോക്കിയിരുന്നു ... പിറ്റേദിവസം ഞാനും അവളും ഒരുമിച്ച് മിഡിൽ ബെഞ്ചിൽ ഇരിക്കുവാൻ തുടങ്ങി....... പെട്ടന്നായിരുന്നു ഞങ്ങളുടെ സൗഹൃദത്തിന് തുടക്കം...👩‍❤‍👩 കള്ളത്തരത്തിൽ കൂടെ ആയിരുന്നിട്ടും എനിക്കൊരുനല്ല സുഹൃത്തിനെ കിട്ടി.. ഞാനവളോട് കൂട്ടുകൂടാൻ വന്നതിന്റെ ലക്ഷ്യം പറഞ്ഞിരുന്നു... അവൾ അതൊന്നും കാര്യമായി എടുത്തില്ല.. അങ്ങനെ ഒരു നല്ല കൂട്ടുകാരിയെ എനിക്ക് കിട്ടി 🥰👭
-@ ശില്പ

ആദ്യം തന്നെ എന്റെ കലാലയം പരിചയപ്പെടുത്തി തന്നെ പോകാം. ഗവണ്മെന്റ് vocational ഹയർ സെക്കന്ററി സ്കൂൾ ചുനക്കര. എന്നെ ഞാനാക്കി...
26/04/2020

ആദ്യം തന്നെ എന്റെ കലാലയം പരിചയപ്പെടുത്തി തന്നെ പോകാം. ഗവണ്മെന്റ് vocational ഹയർ സെക്കന്ററി സ്കൂൾ ചുനക്കര. എന്നെ ഞാനാക്കി മാറ്റിയ എന്റെ പ്രിയ വിദ്യാലയം.... ജില്ലയിലെ തന്നെ മികച്ച സ്കൂളിൽ ഒരണ്ണം....
തുടർച്ചയായി എട്ട് വർഷത്തോളം ഒരേ കലാലയത്തിൽ പഠിക്കാൻ സാധിച്ചിട്ടുണ്ട്( up മുതൽ 12 വരെ) അതും വീടിന്റെ തൊട്ട് അടുത്തുള്ള സ്കൂളിൽ തന്നെ.... ആ കാരണത്താൽ തന്നെ മിക്കവാറും ദിവസങ്ങളിലും ബെലിന് സമയം ആവുമ്പോഴാണ് പോക്ക്... അതുകൊണ്ട് തന്നെ മിക്ക അധ്യാപകരെയും മുൻപേ പരിചയമുണ്ട്...
ഹയർ സെക്കന്ററിയിലേക്ക് എത്തിയപ്പോഴാണ് സംഘടന പ്രേവര്തനങ്ങളിൽ കൂടുതൽ ശ്രെദ്ധിക്കാൻ തുടങ്ങിയത്.പത്താം തരം കഴിഞ്ഞപ്പോൾ തന്നെ ലോക്കൽ കമ്മറ്റി അംഗം ആയിരുന്നു. പിന്നിട് ഒന്നാം വർഷത്തിലെ തുടക്കത്തിൽ നടന്ന യൂണിറ്റ് സമ്മേളനത്തിനു പോലും നല്ല രീതിയിലുള്ള ഇടപെടലുക്കൾ നടത്തിയിരുന്നു സമ്മേളനത്തിൽ യൂണിറ്റ് സെക്രട്ടറിയേറ്റ് മെമ്പർ ആയി.പിന്നിട്ട് നല്ല രീതിയിൽ ഉള്ള പ്രേവര്തനങ്ങൾ ക്യാമ്പസ്സിൽ കാഴ്ചവെക്കാൻ സാധിച്ചു.അതിന് ശേഷം ഒന്നാം വര്ഷാവസാനത്തിൽ നടന്ന സമ്മേളനത്തിൽ യാതൊരു മുന്നറിയിപ്പും കൂടാതെ യൂണിറ്റ് സെക്രട്ടറിയായി.പിന്നിട്ട് അങ്ങോട്ട് മികച്ച രീതിയിലുള്ള പ്രേവര്തനങ്ങൾ ക്യാമ്പസ്സിൽ കാഴ്ചവെക്കാൻ സാധിച്ചിട്ടുണ്ട്.അധ്യാപകരുമായിയും അല്ലാതെയും ഉണ്ടായിട്ടുള്ള വാക്കേറ്റങ്ങളും തർക്കങ്ങള്ളൂമെല്ലാം ഒഴിച്ച് നിർത്തിയാൽ വളരെ നല്ല രീതിയിൽ പ്രേവര്തിച്ചിട്ടുണ്ട്.ഓരോ വിദ്യാർത്ഥിയെയും മനസിലാക്കി അവരിൽ ഒരാളും തോള്ളോട് തോള് ചേർന്ന് പ്രേവര്തിച്ചു നാലൊരു സംഘാടകൻ ആവാൻ സാധിച്ചു എന്നത് എന്നും എനിക്കൊരു അഭിമാനമാണ്.....
ഇന്നും പല ആവിശ്ങ്ങൾക്കും സംഘടന പ്രേവര്തങ്ങളുടെ ഭാഗമായിയും ഇന്നും കലാലയത്തിൽ കടന്ന് ചെല്ലാറുണ്ട് അപ്പോഴെല്ലാം പഴയ ഓർമകളും മനസ്സിൽ ഉടലെടുക്കാറുമുണ്ട്.......
പറയാതെ പോയ പ്രണയം ഇല്ലെങ്കിലും പറഞ്ഞ പ്രണയം ഇന്നും അതുപോലെ തന്നെ കൂടെയുണ്ട് എന്നും താങ്ങായിയും തണലായിയും കൂടെയുണ്ടാകുമെന്ന് വിശ്വാസത്തിൽ........

ഒരുപാട് ഓർമ്മകൾ തന്ന എന്റെ കലാലയം ഇന്നും എന്റെ മനസിന്റെ അടിത്തട്ടിൽ ഒരിക്കലും മരിക്കാത്ത ഓർമകളായി നിലകൊള്ളും...........

- അഭിഷേക് സുരേന്ദ്രൻ

എല്ലാവരും പറയുന്നതുപോലെ ഓർക്കാൻ ഏറെ ഇഷ്ട്ടപ്പെടുന്നതും.... മറക്കാൻ ആഗ്രഹിക്കാത്തതുമായ... *നെല്ലിക്ക* പോലെ ആദ്യം കയിക്കു...
25/04/2020

എല്ലാവരും പറയുന്നതുപോലെ ഓർക്കാൻ ഏറെ ഇഷ്ട്ടപ്പെടുന്നതും.... മറക്കാൻ ആഗ്രഹിക്കാത്തതുമായ... *നെല്ലിക്ക* പോലെ ആദ്യം കയിക്കുകയും.... പിന്നെ മധുരിക്കുന്നതുമായ.... കലാലയ ജീവിതമാണ് ൻറെ ജീവിതത്തിലെ ഏറ്റവും *മനോഹരവും* ഞാൻ ഏറെ ഇഷ്ട്ടപ്പെടുന്ന ഒന്ന്.... *❤️❤️❤️ സി. ബി. എം. എച്ച് എസ് എസ്* ആണ് അതിനു സാക്ഷ്യം വഹിച്ചത്... എട്ടാം ക്ലാസ്സിൽ സ്കൂളിൽ ചെന്നപ്പോൾ ഒരിക്കലും ചിന്തിച്ചില്ല...ഈ സ്കൂൾ എന്റെ ജീവിതത്തിലെ ഏറ്റവും മനോഹരമായ കാലഘട്ടത്തിനു സാക്ഷി ആകുമെന്ന്.... ❤️പല പാഠങ്ങൾ പഠിപ്പിച്ചു തന്ന ഈ കലാലയം... എന്നാൽ അതിപ്പോൾ ൻറെ ജീവിതത്തിലെ ഒരു നല്ല അദ്ധ്യായം ആണ്.... സ്കൂളിന്റെ വരാന്തയിൽ കൂടി കൂട്ടുകാരുമൊത്തു ചിരിച്ചും കളിച്ചും നടന്നപ്പോൾ കിട്ടിയ സന്തോഷം... ഇന്ന് ഒന്നിനും തരുവാൻ കഴിഞ്ഞിട്ടില്ല... അതിനുശേഷം കലാലയം എനിക്ക് തന്ന മറ്റൊന്ന്... അത് സൗഹൃദം ആയിരുന്നു... ഒരുപാട് സുഹൃത്തുക്കളെ ലഭിച്ചു... ❤️ ഏകാന്തത എന്ന ഒന്ന് കലാലയ ജീവിതത്തിൽ ഉണ്ടായിരുന്നില്ല... എപ്പോഴും ചിരിയും... ബഹളവുമായി... സമയം കടന്നുപോയി..എല്ലാം ഓർമ മാത്രമായി... ✍🏼

കലാലയം എന്ന് കേൾക്കുമ്പോൾ തന്നെ ആദ്യം മനസ്സിലേക്ക് എത്തുന്ന ഏക ചിത്രം മറ്റൊന്നിന്‍െറയുയല്ല. എന്നെ ഞാനാക്കിയ ജീവിതം എന്തെ...
24/04/2020

കലാലയം എന്ന് കേൾക്കുമ്പോൾ തന്നെ ആദ്യം മനസ്സിലേക്ക് എത്തുന്ന ഏക ചിത്രം മറ്റൊന്നിന്‍െറയുയല്ല. എന്നെ ഞാനാക്കിയ ജീവിതം എന്തെന്ന് പഠിപ്പിച്ച വള്ളികുന്നത്ത് കാരുടെ ഏറെ പ്രിയപ്പെട്ട ആ കലാലയം ആണ് അതെ പണ്ടത്തെ എ ജി ആർ എം ഹയർസെക്കൻഡറി സ്കൂൾ ഇന്ന് അത് അമൃത ഹയർ സെക്കൻഡറി സ്കൂൾ എന്ന പേരിൽ അങ്ങനെ തലയുയർത്തി നിൽക്കുകയാണ്.

വീടിന് തൊട്ടടുത്തുള്ള കലാലയം ആയിരുന്നിട്ടും പത്താംതരം വരെ മറ്റൊരു കലാലയത്തിൽ ആണ് പഠിച്ചത്. തുടർന്ന് ഹയർസെക്കൻഡറി പഠനത്തിനായി കലാലയത്തിലേക്ക് വരുമ്പോൾ യാതൊരുവിധ ആശങ്കയോ ഭയമോ എന്നിൽ ഇല്ലായിരുന്നു. കാരണം എല്ലാവരും അറിയുന്നവരാണ്. എന്നിരുന്നാലും പുതിയ പുതിയ കുറച്ചു മുഖങ്ങൾ. സ്കൂളിന് തൊട്ടടുത്ത് വീടുള്ള ഏതൊരു വിദ്യാർത്ഥിയെ പോലെയും സെക്കൻഡ് ബെല്‍ അടിച്ചു കഴിയുമ്പോൾ മാത്രമേ ഞാൻ സ്കൂളിൽ എത്തിയിരുന്നുള്ളൂ. ഇവിടെ ടീച്ചർമാരുടെ യഥാർത്ഥ പേരുകളേക്കാളും ഇരട്ടപേരുകൾ ആയിരുന്നു എല്ലാവർക്കും പരിചിതം. അങ്ങനെ സീനിയേഴ്സ് ആയിട്ട് ചെറിയ ചെറിയ സംഘർഷങ്ങളും സമരങ്ങളും പ്രതിഷേധങ്ങളും ഒക്കെയായി ആദ്യവർഷം അവസാനിക്കാൻ മൂന്നു മാസം ബാക്കിനിൽക്കെ എസ്എഫ്ഐ സംഘടന സമ്മേളനങ്ങളുടെ ഭാഗമായി സ്കൂൾ യൂണിറ്റ് സമ്മേളനത്തിൽ വൈസ് പ്രസിഡണ്ടായി ചുമതലയേറ്റു.

അങ്ങനെ ഒന്നാംവർഷം പൂർത്തീകരിച്ച് രണ്ടാം വർഷത്തിലേക്ക് കടന്നു. ആവേശോജ്ജ്വലമായ പ്രവേശനോത്സവം സ്കൂളിൽ സംഘടിപ്പിക്കാൻ സാധിച്ചു. സ്കൂളിലെ സംഘടനാ പ്രവർത്തനങ്ങളെ കുറിച്ച് പറയുമ്പോൾ ആദ്യം ഓർമ്മയിലേക്ക് വരുന്നത് സ്കൂളിനു മുന്നിൽ സ്ഥാപിച്ചിരുന്ന ഫ്ലെക്സ് ബോർഡിൽ കൊടി കെട്ടുന്നതും അത് ചൊല്ലിയുള്ള തർക്കങ്ങളും സംഘർഷങ്ങളുമാണ്. തങ്ങളുടെ കൂടി വേണം ഏറ്റവും ഉയരത്തിൽ ഉണ്ടാവേണ്ടത് എന്ന സംഘടനാ പ്രവർത്തകരുടെ വാശി ഓരോ ദിവസവും കൊടി ഉയർത്തി കെട്ടി കൊണ്ടിരുന്നു. എന്നാലും ഒരു കാരണവശാലും എസ്എഫ്ഐയുടെ നക്ഷത്രാങ്കിത ശുഭ്രപതാക മറ്റൊരു കൊടിക്ക് മുന്നിലും താഴ്ന്നു നില്ക്കരുത് എന്ന വള്ളികുന്നത്തെ എസ് എഫ് ഐകാരുടെ വാശി ഒന്നുകൊണ്ടുമാത്രം ആ കലാലയത്തിന് മുന്നില്‍ ആ ശുഭ്രപതാക ഉയര്‍ന്ന് പാറി നിന്നു.

എന്തു പ്രശ്നം വന്നാലും ഒറ്റക്കെട്ടായി നിൽക്കുന്ന കുറച്ച് സൗഹൃദമാണ് ആ കലാലയം തന്ന ഏറ്റവും വലിയ സമ്പാദ്യം. ആത്മാർത്ഥതയ്ക്കും ചങ്കൂറ്റത്തിനും സ്നേഹത്തിനും ഒറ്റവാക്കിൽ പര്യായം പറയാൻ പാകത്തിലുള്ള ആ സൗഹൃദങ്ങൾ ഇന്നും എനിക്ക് കരുത്തായി കുടെ തന്നെയുണ്ട്.

പറയാതെ പോയ പ്രണയം ഒന്നുമില്ല... പ്രണയം ഉണ്ടോ എന്ന് ചോദിച്ചാൽ പ്രണയിക്കാത്ത മനുഷ്യരുണ്ടോ എന്ന മറു ചോദ്യം മാത്രമാണ് ഉത്തരം.

ഓടിക്കൊണ്ടിരുന്ന ഒരു ബസ് പെട്ടെന്ന് ബ്രേക്ക് ഇട്ടത് പോലെയാണ് ഈ കലാലയ ജീവിതം അവസാനിച്ചത്.... എന്നെ ഞാനാക്കിയ സംഘടനാ പ്രവർത്തനത്തിലേക്ക് കൂടുതൽ കൈ പിടിച്ചിറക്കിയ കലാലയത്തോട് യാത്ര പറയാൻ നേരമായി എന്ന് മനസ്സിനെ പറഞ്ഞു മനസ്സിലാക്കാൻ ഞാൻ കുറച്ചു പാടുപെട്ടു.

ഇന്നും സംഘടനാ പ്രവർത്തനത്തിന്‍െറ ഭാഗമായി ആ കലാലയത്തിന്‍െറ മതിൽ കടന്ന് അകത്തേക്ക് കയറുമ്പോൾ ആ പഴയ ഓർമ്മകൾ മനസ്സിലേക്ക് ഓടിയെത്തി ഒരു കണ്ണുനീര്‍ തുള്ളിയായി പുറത്തുചാടാൻ വെമ്പല്‍ കൊള്ളും. ഒരു ദീർഘ നിശ്വാസത്തിനു ഇതിൽ ആദ്യത്തെ കടിച്ചമർത്തി തലയുയർത്തിയ കലാലയത്തിലേക്ക് നടന്നു കയറും. വീട് സ്കൂളിന് തൊട്ടടുത്തുതന്നെ ആയിരിക്കുന്നത് കൊണ്ട് ഇന്നും അവിടെ നടക്കുന്ന ഓരോ പരിപാടികളുടെ ശബ്ദവും ആഘോഷങ്ങളും വിദ്യാർത്ഥികളുടെ ഒച്ചപ്പാടും മുദ്രാവാക്യങ്ങളും കേൾക്കുമ്പോൾ ഞാനറിയാതെ തന്നെ ആ പഴയ ഓർമ്മകളിലേക്ക് വഴുതിവീഴും..... എന്തേ ഇവിടെ എത്തിച്ചേരാൻ വൈകി എന്ന് തോന്നിപ്പോകും......

എവിടെയോ കേട്ട ആ കുറച്ച് വരികൾ മാത്രമാണ് ആ കലാലയ സുന്ദരിയോട് പറയുവാനുള്ളത് "മറന്നിടാൻ ഞാനൊരു നോട്ട്‌ ബുക്ക്‌ പോലും വാങ്ങിയിരുന്നില്ല... ആ വാകമരത്തിന്റെ ചോട്ടിലൊരു പ്രണയം നട്ടുനനച്ചിട്ടുണ്ട്‌... ക്ലാസ്സ്‌ മുറിയുടെ ചുവരിനുള്ളിൽ 4 വരി കവിത മറന്ന് വെച്ചിട്ടുണ്ട്‌... പടികളിറങ്ങി ആ ഇടനാഴിയിലൊരു മുദ്രാവാക്യം പറത്തിവിട്ടിരുന്നു... കുരുത്തോല കെട്ടി നിന്നെ അലങ്കരിച്ചിട്ടുണ്ട്‌ മതിയോ??

ഞാനിനിവരില്ല....

-@ അനന്ദു വള്ളികുന്നം...

ഇനിയും തിരികെ കിട്ടാത്ത വസന്ത കാലഘട്ടത്തിലേക്ക് ഒരു തിരിഞ്ഞു നോട്ടം....... നമ്മുടെ എല്ലാവരുടെയും കലാലയ ജീവിതം അതൊരു "...
23/04/2020

ഇനിയും തിരികെ കിട്ടാത്ത വസന്ത കാലഘട്ടത്തിലേക്ക് ഒരു തിരിഞ്ഞു നോട്ടം.......
നമ്മുടെ എല്ലാവരുടെയും കലാലയ ജീവിതം അതൊരു "നെല്ലിക്ക" പോലെയാണ് ആദ്യം കൈയ്ക്കും പിന്നെ മധുരിക്കും...... ആസ്വദിച്ചു കഴിക്കാൻ തോന്നുമ്പഴേക്ക് അത് തീർന്നു പോകുകയും ചെയ്യും....
എന്റെ കൗമാരം സ്വർഗ്ഗമാക്കിയ കലാലയത്തെ കുറിച്ചാണ് ഞാൻ ഇവിടെ വിവരിക്കുന്നത്.... അത് വെളിയിൽ നിന്ന് നോക്കിയാൽ ഒരു മൂന്ന് നില കെട്ടിടം മാത്രമാണ്. അതുപോലെതന്നെ അതിന്റെ പേരും മൂന്നക്ഷരങ്ങളിൽ മാത്രം ഒതുങ്ങി നിൽക്കുന്നു..... എന്നാൽ അവിടെ പഠിച്ച വിദ്യാർത്ഥികൾക്ക് അത് മൂന്നക്ഷരം മാത്രമായിരുന്നില്ല..... അവരുടെ കൗമാരത്തിന് നിറം നൽകിയ ഒരു ക്യാമ്പസ്‌ കൂടിയായിരുന്നു......
ആ റോഡരുകിൽ നിറ പുഞ്ചിരിയുമായി നിൽക്കുന്ന സുന്ദരിയുടെ പേരാണ് *സി.ബി.എം*എന്നത്..... "ആ ക്യാമ്പസ്സിലെ നിറം മങ്ങിയ ചുവരുകൾക്കും, അവിടുത്തെ ഓരോ ക്ലാസ്സ്‌ മുറികൾക്കും,ലൈബ്രറിയിലെ കൊച്ചു പുസ്തകങ്ങൾക്കും,എന്തിന് അവിടെ വീശുന്ന കാറ്റിനു പോലും പറയാനുണ്ട് അനേകായിരം പ്രണയങ്ങളുടെയും, സൗഹൃദത്തിന്റെയും, അതിനപ്പുറം സമരപോരാട്ടങ്ങളുടെയും കഥ."
ഇന്ന് ആ കലാലയത്തെ കുറിച്ച് വിവരിക്കാൻ എനിക്ക് വാക്കുകൾ തികയുന്നില്ല.... കാരണം എന്റെ ജീവിതത്തിന് നിറം പകർന്നു തന്നത് ആ കലാലയമാണ്..... ഇന്ന് ഞാൻ ആ കലാലയത്തെ അഗാതമായി പ്രണയിക്കുന്നു........ ആ കലാലയത്തെ കുറിച്ച് ഇന്ന് ഓർക്കുമ്പോൾ ആദ്യം മനസ്സിലേക്ക് ഓടിയെത്തുന്നത് അവിടെ നടത്തിയ സംഘടനാ പ്രവർത്തനങ്ങളും പിന്നെ അദ്ധ്യാപകരുടെ ഉപദേശവുമാണ്.......

ആ കലാലയത്തിലെ എന്റെ സംഘടനാ പ്രവർത്തനത്തെ കുറിച്ച് പറഞ്ഞാൽ..........
"എന്നിലെ ഊർജമായതും...........
എനിക്ക് കരുത്തേകിയതും...........
എന്നെ ഞാനാക്കിയതും ഇതേ പ്രസ്ഥാനം......
ഇടനേഞ്ചോട് ചേർത്ത മൂന്നക്ഷരം *എസ്. എഫ്. ഐ*."അതുകൊണ്ട് തന്നെ 10 ആം ക്ലാസ്സിൽ പഠിക്കുമ്പോൾ sfi സി. ബി. എം യൂണിറ്റിന്റെ സെക്രട്ടറി യായി ഞാൻ ചുമതലയെറ്റു.... പിന്നീട് അങ്ങോട്ട് ഒരു വർഷക്കാലം അന്തിയില്ലാത്ത സമരപോരാട്ടങ്ങൾക്ക് നേതൃത്വം നൽകാൻ സാധിച്ചു.... പ്രസ്ഥാനത്തിന്റെ അനശ്വര രക്തസാക്ഷി സഖാവ് ഭുവനെശ്വരന്റെ രക്തസാക്ഷി ദിനത്തിൽ sfi cbm യൂണിറ്റിന്റെ നേതൃത്വത്തിൽ നല്ല രീതിയിൽ വിദ്യാർത്ഥികളെ കലാലയത്തിൽ നിന്നും പങ്കെടുപ്പിക്കാൻ സാധിപ്പിച്ചു..... നിർത്താതെ പോകുന്ന ബസ്സുകൾ തടയുക...., സ്കൂളിൽ നടക്കുന്ന അനീതിക്കെതിരെ ശബ്ദം ഉയർത്തുക... ഇതൊക്കെ കാരണം ടീച്ചർമാർക്ക് എന്നിൽ അതൃപ്തി ആയിരുന്നു...... പിന്നെ സംഘടന സമ്മാനിച്ച ഏട്ടൻ സഖാക്കളേ പറ്റി പറയാതെ ഒരിക്കലും ഇത് പൂർത്തിയാക്കാൻ കഴിയില്ല.....sfi cbm യൂണിറ്റിന്റെ സെക്രട്ടറിയായി ഞാൻ ചുമതലയേറ്റണക്ക തൊട്ട് എന്ത് ആവിശ്യത്തിനും കൂടെ നിൽക്കുന്നതും നല്ല ഉപദേശങ്ങൾ നൽകുന്നതുമായ, സമരപോരാട്ടങ്ങൾക്ക് പുൻപന്തിയിൽ താങ്ങും തണലുമായി നിന്ന പാലമേൽ തെക്ക് ലോക്കൽ സെക്രട്ടറി.... അതുപോലെ തന്നെ സർഗാത്മകമായ പരിപാടികൾ സങ്കടിപ്പിക്കാനും എന്ത് ആവിശ്യത്തിന് വിളിച്ചാലും വിളിപ്പുറത് എത്തുന്ന അന്നത്തെ ചാരുമൂട് ഏരിയ കമ്മിറ്റിയുടെ അമരക്കാർ, അതുപോലെ തന്നെ എപ്പോഴും സമാധാനപരമായി ഇടപെടാൻ ഉപദേശം നൽകുന്ന ജില്ലാ ജോയിന്റ് സെക്രട്ടറി, അതിലുപരി അനിയൻമാർ വഴി തെറ്റി പോകാതിരിക്കാൻ അവരുടെ വഴികാട്ടി ആകുന്ന ഒരു "ഇക്ക" കുടി ഉണ്ടായിരുന്നു.....എന്ത് സങ്കടം മനസ്സിനുള്ളിൽ ഉണ്ടെങ്കിലും മുഖത്തു നിറപുഞ്ചിരിയുമായി നിൽക്കുന്ന ആ ഇക്ക എന്നും ഒരു റോൾ മോഡൽ ആയിരുന്നു..........

അതുപോലെ തന്നെ എന്റെ കലാലയ ജീവിതത്തെ കുറിച്ച് പറയുമ്പോൾ എന്റെ ക്ലാസ്സ്‌ ടീച്ചർ നെ പറ്റി പറയാതെ അതൊരിക്കലും പൂർണമാക്കാൻ സാധിക്കില്ല........ ക്ലാസ് ടീച്ചർക്ക് ഞാൻ എന്നും ഒരു തലവേദന ആയിരുന്നു... മിക്ക ദിവസങ്ങളിലും ടീച്ചർ എന്നെ ഉപദേശിക്കുമായിരുന്നു..... എന്നാൽ ടീച്ചർ പറയുന്നതെല്ലാം എന്റെ നന്മയ്ക്ക് വേണ്ടിയായിരുന്നു എന്ന് എനിക്ക് ഉത്തമ ബോധ്യം ഉണ്ടായിരുന്നു..........

"ജന്മ ബന്ധം കൊണ്ടല്ലെങ്കിലും കർമ്മ ബന്ധം കൊണ്ട് ആ അധ്യാപികക്ക് എനിക്ക് അമ്മയായിരുന്നു..... എന്റെ പെറ്റമ്മയോട് ഉള്ളത് പോലെ തന്നെ സ്നേഹം എന്നും ആ അധ്യാപികയോടും ഉണ്ട്..........പിന്നെ കലാലയത്തിലെ പ്രണയത്തെ കുറിച്ച് പറയുമ്പോൾ കലാലയത്തോട് ചേർന്ന് നിൽക്കുന്ന മുത്തശ്ശി മാവിനെ പറ്റി പറയാതെ പോകാൻ പറ്റില്ല.... കമിതാക്കൾ സൊറ പറയുന്നതും കൈ പിടിച്ചു കൊഞ്ചുന്നതും അവരെക്കാൾ കൂടുതൽ ആസ്വദിച്ചിട്ടുള്ളത് ഈ മുത്തശ്ശി മാവായിരിക്കും........
പിന്നെ ഞാൻ ക്യാമ്പസ്സിൽ പ്രണയച്ചിട്ടുണ്ടോ???? എന്ന ചോദ്യത്തിനുള്ള മറുപടി.....
പ്രണയിക്കുന്നുണ്ടോ എന്ന ചോദ്യത്തിന് പ്രണയിച്ചിരുന്നു എന്ന് മറുപടി പറയാനാണ് എനിക്കിഷ്ടം അതിൽ മരിച്ചു മണ്ണടിഞ്ഞ പ്രതീക്ഷയുടെ ശൂന്യതയും ഇനിയും മരിക്കാത്ത ഓർമ്മകളുടെ ശേഷിപ്പുമുണ്ട്......
പിന്നെ പറയാതെ പോയ പ്രണയം....
*"പ്രണയം അത് നഷ്ടപ്പെടാം"* പക്ഷെ ഒരിക്കലും പ്രണയിക്കാതെ പോകരുത് എന്നല്ലേ മലയാളികളുടെ സ്വന്തം കവിയത്രി മാധവികുട്ടി അമ്മ പറഞ്ഞിട്ടുള്ളത്.....
പ്രണയവും ഒരു വിപ്ലവം അല്ലെ അതുകൊണ്ട് അത് ഒരിക്കലും നഷ്ടപ്പെടുത്തിയിട്ടില്ല.......

അതുപോലെ പോലെ തന്നെ ആ കലാലയം സമ്മാനിച്ച ചെങ്ങായിമാർ.... ഭിത്തിയിൽ തറച്ചു പോയ ആണി കണക്കെ ചങ്കിൽ തറച്ചു പോയ ചില സൗഹൃദങ്ങൾ.......
അങ്ങനെ റോഡരുകിലെ ആ സുന്ദരി ഞങ്ങളെ......
*"പഠിപ്പിച്ചു........*
*ചിന്തിപ്പിച്ചു......*
*ചിരിപ്പിച്ചു........*
അവസാനം അവൾ ഞങ്ങളെ
*കരയിപ്പിച്ചു.......*

ഒരു കുടുംബം പോലെ കഴിഞ്ഞവരെ ഏകരാക്കി അവൾ തെരുവിലെക്ക് ഇറക്കിവിട്ടു........

ഇന്നും ഏകാന്തത കനക്കുമ്പോൾ... ആ റോഡരുകിലെ സുന്ദരിയുടെ ഓർമ്മകളിലേക്ക് ഒന്ന് എത്തി നോക്കും അന്നേരം വീണ്ടും ഒരു നിരാശ കാമുകനുള്ളിലെ പോലെ ഭ്രാന്ത് അങ്ങ് മൂക്കും........
അന്നേരം വീണ്ടും "ചങ്ങലകളാൽ ബന്ധനം...."
- @ഹരികൃഷ്ണൻ എസ്.

Cbm ൽ ചേർക്കാതെ എന്തിന് vvhss ൽ വിട്ടു എന്ന് എനിക്ക് ഇപ്പോഴും അറിയില്ല. പഴയ കൂട്ട്കാരിൽ ഭൂരിഭാഗം പേരും cbm ൽ ആയിരുന്നു. ...
19/04/2020

Cbm ൽ ചേർക്കാതെ എന്തിന് vvhss ൽ വിട്ടു എന്ന് എനിക്ക് ഇപ്പോഴും അറിയില്ല. പഴയ കൂട്ട്കാരിൽ ഭൂരിഭാഗം പേരും cbm ൽ ആയിരുന്നു. എന്റെ കൂടെ 4വരെ പഠിച്ച ആരും തന്നെ എനിക്കൊപ്പമില്ല എന്നുള്ള ദുഃഖകരമായ തിരിച്ചറിവോടെ ഞാൻ vvhss എന്ന കലാലയത്തിൽ എത്തി. അന്നേരം ഞാൻ മനസ്സിൽ വിചാരിച്ചു എത്രയും പെട്ടന്ന് 10ആം ക്ലാസ്സ്‌ കഴിഞ്ഞു ഇവിടുന്ന് അങ്ങ് ഇറങ്ങിയാൽ മതിയായിരുന്നു എന്ന്. എന്നാൽ ഓരോ ദിനങ്ങൾ കടന്ന് പോകവേ ഞാൻ പോലും അറിയാതെ എന്തൊക്കെയോ എനിക്ക് പ്രിയപ്പെട്ടത് ആവുക ആയിരുന്നു. 6ആം ക്ലാസ്സിലേക്ക് ആ അധ്യായന വർഷം ഞാൻ ആയിരുന്നു ഞങ്ങടെ ക്ലാസ്സ്‌ ലീഡർ തുടർന്ന് 7ലും ഞാൻ തന്നെ ലീഡർ ആയി എന്നാൽ പിന്നീട് ഞാൻ അതിൽ നിന്ന് ഒക്കെ വിട്ട് നിന്നു. അങ്ങനെ ഹൈസ്കൂളിൽ എത്തി. ശെരിക്കും പറഞ്ഞാൽ ഇവിടെയാണ് തുടക്കം 8ൽ പഠിക്കുമ്പോഴാണ് ഞാൻ ആദ്യമായി sfi യുടെ യൂണിറ്റ് കമ്മറ്റിയിൽ പങ്കെടുക്കുന്നത് അന്ന് എനിക്ക് സംഘടനയെ പറ്റി വലിയ അറിവ് ഒന്നും ഇല്ലായിരുന്നു. എന്നാലും പിന്നീടുള്ള എല്ലാ പരിപാടികളിലും ഞാൻ പങ്കെടുക്കുമായിരുന്നു. അങ്ങനെ ഞാൻ പതിയെ പതിയെ സ്കൂൾ രാഷ്ട്രീയ പ്രവർത്തനം മനസിലാക്കാൻ തുടങ്ങി. അങ്ങനെ 2വർഷങ്ങൾ പെട്ടന്ന് കടന്ന് പോയി 10ആം ക്ലാസ്സ്‌ ആയി. ആ വർഷം നടന്ന യൂണിറ്റ് സമ്മേളനത്തിൽ ഞാനും യൂണിറ്റ് കമ്മറ്റി അംഗം ആയി. അങ്ങനെ ഒരു തെരഞ്ഞെടുപ്പ് കാലം കൂടി വന്നെത്തി.ഞാൻ വീണ്ടും ക്ലാസ്സിൽ നിന്നും ജയിച്ചു സാഹിത്യ വേദി സെക്രട്ടറിയും ആയി. അത് എന്നെ കലാലയവും ആയി അടുപ്പിക്കുന്നതിൽ ഒരു പ്രധാന പങ്ക് വഹിച്ചു. പ്രവർത്തനങ്ങൾക്കും ഇണക്കങ്ങൾക്കും പിണക്കങ്ങൾക്കും ഒക്കെ ഒടുവിൽ ആ നല്ല നാളുകൾ പെട്ടന്ന് അവസാനിച്ചു. അവസാന sslc പരീക്ഷ എഴുതി പടിയിറങ്ങുമ്പോൾ എന്തൊക്കയോ കൈ വിട്ട് പോകുന്ന ഒരു അവസ്ഥ ആയിരുന്നു. ഇനി ഒരു തിരിച്ചു വരവ് ഉണ്ടോ എന്ന് ഉറപ്പില്ല. അങ്ങനെ കുറേ നാൾ കടന്ന് പോയി. റിസൾട്ട്‌ വന്നു തുടർന്ന് +1ലേക്കുള്ള അഡ്മിഷനും മറ്റും.ആദ്യ അലോട്ട്മെന്റിൽ തന്നെ എന്റെ എല്ലാ പ്രതീക്ഷകളും കൈ വിട്ട് പോയി. എനിക്ക് പടനിലത്ത്‌ അഡ്മിൻ ആയി എന്നാൽ എനിക്ക് എന്റെ കലാലയത്തിലേക്ക് തിരികെ ചെല്ലണം എന്നായിരുന്നു ആഗ്രഹം. ഏതായാലും 2മത്തെ അലോട്ട്മെന്റിൽ ആഗ്രഹം സഫലമായി. അങ്ങനെ ഞാൻ വീണ്ടും ആ ചുവന്ന കലാലയത്തിലേക്ക് നടന്നു കയറി. ആദ്യ വർഷം പെട്ടന്ന് കടന്ന് പോയി. പുതിയ ഒരു അധ്യായന വർഷം വന്നെത്തി. ആ വർഷം സ്കൂളിലെ sfi യുടെ പ്രധാന പ്രവർത്തകാരിൽ ഒരാൾ കൂടി ആയിരുന്നു ഞാൻ. രാഷ്ട്രീയ പ്രവർത്തനത്തെ കുറിച്ച് ഓർക്കുമ്പോൾ ആദ്യം ഓർമ്മ വരുന്നത്. ജൂലൈ 2ന് ചാരുംമൂട്ടിൽ നടന്ന സംഘർഷമാണ്.അഭിമന്യുവിന്റെ കൊലപാതകത്തിൽ പ്രതിഷേധിച്ച് ഞങ്ങൾ നടത്തിയ പ്രകടനത്തിന് നേരെ ചില മതതീവ്രവാദികൾ ആക്രമണം അഴിച്ചു വിട്ടതും ഞങ്ങളുടെ കൂടെ ഉണ്ടായിരുന്ന 2സഖാക്കളെ വെട്ടി പരിക്കേൽപ്പിച്ചതും ഇന്നും മനസ്സിൽ മുറിവുണങ്ങാത്ത ഓരോർമ്മയാണ്. കലാലയത്തിലെ 2 അധ്യാപകർ തെറ്റ് ചെയ്തപ്പോൾ അതിനെതിരെ ഞങ്ങൾ നടത്തിയ സമരം ചില അധ്യാപകരുടെ കണ്ണിൽ ഞങ്ങളെ അഹങ്കാരികൾ എന്ന് മുദ്രകുത്തി. +2 തിരഞ്ഞെടുപ്പ് കാലഘട്ടം ഒക്കെ ഒരു പ്രതേക ഫീൽ ആയിരുന്നു ചെയർമാൻ ആയതും തുടർന്ന് നടത്തിയ പ്രവർത്തനങ്ങളും കേട്ട വിമർശനങ്ങളും ഓർമ്മകളിൽ ഇപ്പോഴും ജീവിക്കുന്നു. കാത്തിരുന്ന് കാത്തിരുന്ന് വന്ന ഓണപരിപാടി പ്രളയം കൊണ്ട് പോയതും ഹാൻഡ് ബോളിൽ വിജയിച്ച ശേഷം ഷോ കാണിച്ചതും അതിന്റെ പേരിൽ ഇടി കിട്ടിയതും തിരിച്ചു കൊടുത്തതും എല്ലാം ഇപ്പോൾ ഓർക്കുമ്പോൾ ചിരി വരും.എന്ത് പ്രശ്നം വന്നാലും കൂടെ നിന്ന സൗഹൃദങ്ങളും മധുര 17ൽ ഈ പൊടിമീശക്കാരനോടൊപ്പം കൂടെകൂടിയ പ്രണയവും തെറ്റുകൾ ചെയ്തിട്ടുള്ളപ്പോൾ അത് തിരുത്തി ശെരിയുടെ വഴി കാണിച്ചു തന്ന അധ്യാപകരും കടുത്ത ചൂടിനെ തടഞ്ഞു നിർത്തി സൗഹൃദം വിരിച്ച മരച്ചുവടുകളും എല്ലാം ഇന്ന് മധുരമുള്ള ഓർമ്മകളാണ്. എല്ലാത്തിനും ഒടുവിൽ പടിയിറങ്ങിയപ്പോൾ തിരികെ കലാലയത്തിലേക്ക് ഒന്ന് നോക്കി. ചുവന്ന് തുടുത്ത്‌ സുന്ദരിയായി അവൾ അങ്ങനെ നിൽപ്പുണ്ടായിരുന്നു. മാർച്ച്‌ മാസത്തിലെ കടുത്ത ചൂടിൽ പൂക്കുന്ന ഗുൽമോഹറും കലാലയത്തിന്റെ സൗന്ദര്യം വർദ്ധിപ്പിച്ചു. എല്ലാ മാർച്ചിലും വാക പൂക്കും അവ ഓരോ അധ്യായന വർഷവും അവസാനിപ്പിക്കും. കാലം ഇനിയും കടന്നുപോകും തലമുറകൾ മാറി വരും വാക പൂത്തുലഞ്ഞ് സുന്ദരിയായി ഇനി വരുന്നവരെയും യാത്രയാക്കും പക്ഷേ കനലെരിയുന്ന ഓർമ്മകൾക്ക് അന്നും മരണം ഉണ്ടാവില്ല

അത് ഒരു നല്ല പ്രഭാതമായിരുന്നു... ഉല്ലാസത്തിനും വിനോദങ്ങളുടെയും ഒരു വേനൽ കാലത്തിനു ശേഷം ഞാൻ ഒരു പുതിയ വിദ്യാലയത്തിലേക്ക്...
18/04/2020

അത് ഒരു നല്ല പ്രഭാതമായിരുന്നു...
ഉല്ലാസത്തിനും വിനോദങ്ങളുടെയും ഒരു വേനൽ കാലത്തിനു ശേഷം ഞാൻ ഒരു പുതിയ വിദ്യാലയത്തിലേക്ക്..
അമ്മയുടെ കൈകളിൽ മുറുകെ പിടിച്ചു കൊണ്ട് ഞാനാ വലിയകവാടം കടന്നകത്തു പോയി... നിറപുഞ്ചിരിയോടെ കുറച്ച് അധ്യാപകർ ആ ഓടുമേഞ്ഞ, എന്നാൽ ഒട്ടും പഴക്കം വന്നതെന്ന് തോന്നാത്തതുമായ നീണ്ടവരാന്തയിൽ നിൽക്കുന്നുണ്ടായിരുന്നു... ആരെയോ വരവേൽക്കാൻ മോടിപിടിപ്പിച്ച ചുമരുകൾ എന്നെ നോക്കി പുഞ്ചിരിചിട്ടുണ്ടാവാം, എന്നാൽ അപ്പോഴും എനിക്ക് അപരിചിതമായി തന്നെ തോന്നി...
വിദ്യാലയത്തിന് ആഡിറ്റോറിയത്തിൽ ഒരു വലിയ തിരക്കുണ്ടായിരുന്നു. തിരക്കിനിടയിലും എനിക്ക് പരിചിതമായ ചില മുഖങ്ങൾ ഞാൻ കണ്ടു.. ഒരു അഞ്ചാം ക്ലാസുകാരിയുടെ മനസ്സുനിറയെ അപ്പോഴും സംശയങ്ങളും ചോദ്യങ്ങളുമായിരുന്നു...
നിങ്ങൾ വിചാരിക്കുന്നുണ്ടാവും ഇതുവരെ എന്താണ് വിദ്യാലയത്തിന്റെ പേര് പറയാത്തതെന്ന്... കാരണം അത് വെറുമൊരു പേരല്ല... എന്റെ ഈ ചെറിയ ജീവിത കാലയളവിൽ എന്നെ ഇത്ര സ്വാധീനിച്ച ഒന്ന് വേറെ ഉണ്ടാവില്ല, ഏറ്റവും മനോഹരമായ ഓർമ്മകൾ അവിടെയാണ്, ഏറ്റവും മനോഹരമായ പുഞ്ചിരികൾ അവിടെയാണ്, എന്റെ കണ്ണീരും, കിട്ടിയ ശകാരങ്ങളും, ചൂരലിന്റെ ചൂട് അറിഞ്ഞതും അവിടെ നിന്നാണ്, എല്ലാത്തിനുംപുറമെ ചില വാശികളും വഴക്കുകളും...
VVHSS എന്നപേരിൽ ഉള്ളിൽ എത്രയോ പേരുടെ ഓർമ്മ വസന്തങ്ങൾ നിറഞ്ഞുനിൽക്കുന്നു...
കലാലയ രാഷ്ട്രീയത്തെ പറ്റി പറഞ്ഞാൽ... കൃത്യമായ രാഷ്ട്രീയ ചുറ്റുപാടുകളോട്കൂടിയ വീട്ടിൽ വളർന്നുവന്ന തുകൊണ്ടുതന്നെ ഏത് യുവജന സംഘടനയിൽ ചേർന്ന് പ്രവർത്തിക്കണം എന്നതിൽ എനിക്ക് സംശയം ഉണ്ടായിരുന്നില്ല. SFIയിൽ ചേർന്നു പ്രവർത്തിച്ചത് വീട്ടുകാരുടെ നിർബന്ധം കൊണ്ടാണെന്ന് ആരും തെറ്റിദ്ധരിക്കരുത്, പറയുമ്പോൾ അതുകൂടി പറയണമല്ലോ... വീടിന്റെ ചുമരിൽ 'Marx'ന്റെയും, 'Che'യുടെയും, 'E. M. S'ന്റെയും, 'A. K. G'യുടെയും ചിത്രങ്ങൾ കണ്ടു വളർന്നവൻ വേറെ ഏതു വഴിയെ പോകാനാണെന്ന് പലരും ചിന്തിച്ചേക്കാം... അതുകൊണ്ട് മാത്രമല്ല ഞാൻ ഒരു എസ്എഫ്ഐ കാരനാക്കുന്നത്... ഒരുവൻ മനുഷ്യനാവണമെങ്കിൽ സഹജീവികളോട് കരുണ കാട്ടണം... ഈ കരുണയും, കരുതലും, ചേർത്തുനിർത്തും, സഹവർത്തിത്വവും ഞാൻ കണ്ടതും അറിഞ്ഞതും മനസ്സിലാക്കിയതും കമ്യൂണിസത്തിലാണ്... അതുകൊണ്ടാണ് ഞാൻ ഒരു എസ്എഫ്ഐ കാരനായത് എന്നു പറയുന്നതാണ് എനിക്ക് ഏറെഇഷ്ടം... ക്ലാസ് ലീഡറായി തിരഞ്ഞെടുത്തു കഴിഞ്ഞുള്ള സ്കൂൾ പാർലമെന്റ് ഇലക്ഷനിൽ ആർക്ക് വോട്ട് ചെയ്യണം എന്നതിലും എനിക്ക് സംശയം ഉണ്ടായിരുന്നില്ല. എസ്എഫ്ഐയുടെ നേതൃത്വത്തിൽ നടന്ന സമരങ്ങളിലും പ്രതിഷേധങ്ങളിൽ പങ്കെടുത്തതിൽ ഞങ്ങളുടെ ചില അധ്യാപകർക്ക് അതൃപ്തി ഉണ്ടായിരുന്നെങ്കിലും അത് ഞങ്ങൾക്ക് പ്രശ്നമായിരുന്നില്ല.
കലാലയത്തിലെ പ്രണയത്തെക്കുറിച്ച് ചോദിച്ചാൽ... എന്റെ പ്രണയം vvhssൽ ആയിരുന്നില്ല എന്നതാണ് സത്യം... പ്രണയം ഒരു ലഹരിയായിരുന്നു, വിപ്ലവവും ഒരു ലഹരിയായിരുന്നു. ചുരുക്കി പറഞ്ഞാൽ പ്രണയം ഒരു വിപ്ലവമാണ്.
ഇന്നും ഓർത്തിരിക്കുന്നത് പത്താംക്ലാസാണ്... 10Bയുടെ ചുമരുകൾക്ക് ഒരായിരം കഥകൾ പറയാനുണ്ടാവും. എത്രയോ രസകരമായ ഓർമ്മകൾ എനിക്ക് അവിടംതന്നു.. ബ്ലാക്ക് ബോർഡിനും ഫസ്റ്റ് ബെഞ്ചിനുമിടയിൽ ഞങ്ങൾക്ക് ഒരു വലിയ സ്റ്റേഡിയം തന്നെ ഉണ്ടായിരുന്നു എന്ന് പറയാം.. കാൽപന്ത് കളിയും, ക്രിക്കറ്റ്, തലപ്പന്തുകളി... അങ്ങനെ പലതും എന്തിനേറെപറയുന്നു റെസിലിംഗ് വരെ നടന്നിരിക്കുന്നു... ആ നാല് ചുവരുകൾക്കിടയിൽ അങ്ങനെ മറ്റെന്തെല്ലാം കാര്യങ്ങൾ...
അവയെല്ലാം തന്നെ എന്റെ മനസ്സിൽ തിരമാലകൾ പോലെ വന്നുചേരുന്നു.... ചുഴികൾ ക്കിടയിലൂടെ നീന്തുന്ന കുട്ടിയെ പോലെ ഞാൻ ഇപ്പോഴും ആ ഓർമ്മകളിൽ കുടുങ്ങിക്കിടക്കുന്നു... ഒരിക്കലും തിരിച്ചെത്താൻ കഴിയാത്ത ആ കാലത്തെയും കലാലയത്തെയും ഞാൻ ഇപ്പോഴും പ്രണയിക്കുന്നു.....
- അലൻ ശ്രീകുമാർ.

കലാലയം എന്ന് പറയുമ്പോൾ എന്റെ മനസ്സിലേക്ക് ആദ്യം വരുന്നത് എന്റെ സ്വപ്നങ്ങൾക്കും മോഹങ്ങൾക്കുമെല്ലാം കൂടുതൽ നിറം പകർന്ന് ഇര...
17/04/2020

കലാലയം എന്ന് പറയുമ്പോൾ എന്റെ മനസ്സിലേക്ക് ആദ്യം വരുന്നത് എന്റെ സ്വപ്നങ്ങൾക്കും മോഹങ്ങൾക്കുമെല്ലാം കൂടുതൽ നിറം പകർന്ന് ഇരുട്ടിൽ നിന്ന് പ്രകാശത്തിലേക് ഉള്ള ദൂരം കൂടുതൽ സുതാര്യമാക്കിയ സി ബി എം സ്കൂളാണ്.അവിടെ 5 മുതൽ 10 വരെ പഠിക്കുമ്പോൾ ഒരുപാട് കാര്യങ്ങൾ മനസ്സിലാക്കാൻ സാധിച്ചു .പഠനം എന്നത് കേവലം പുസ്തകങ്ങളിൽ മാത്രം ഒതുങ്ങി കൂടുന്നവ ഒന്നും അല്ലലോ അതിനും അപ്പുറം സമൂഹത്തെ മനസ്സിലാക്കുക എന്നതാണ് ഏറ്റവും വലിയ പഠനം .അതും കൂടുതൽ മനസ്സിലാക്കാൻ സാധിച്ചതും അവിടെ നിന്നാണ് .ഇന്നും എനിക്കുള്ള സൗഹൃദത്തിന്റെ ഏറെ പങ്കും അവിടെ നിന്ന് എനിക്ക് ലഭിച്ചതാണ് .ഓരോ പടവുകൾ കയറുമ്പോളും അവിടെ നിന്ന് ലഭിച്ച ആത്മവിശ്വാസം ഒന്നാണ് എന്നെ മൂന്നോട്ട് നയിക്കുന്നത് അത് തുടരുകയും ചെയ്യും എന്ന് ഞാൻ വിശ്വസിക്കുന്നു .
-സുജിത്.

ഹരിശ്രീ എന്ന് ആദ്യക്ഷരം കുറിച്ചു അതു പോലെ ഹരിശ്രീ സ്കൂളിൽ നിന്ന് കലാലയ ജീവിതം ആരംഭിച്ചു. ഒന്നാം ക്ലാസ്സ്‌ മുതൽ നാലാം ക്...
17/04/2020

ഹരിശ്രീ എന്ന് ആദ്യക്ഷരം കുറിച്ചു അതു പോലെ ഹരിശ്രീ സ്കൂളിൽ നിന്ന് കലാലയ ജീവിതം ആരംഭിച്ചു. ഒന്നാം ക്ലാസ്സ്‌ മുതൽ നാലാം ക്ലാസ്സ്‌ വരെ അവിടെ പഠിച്ചു. എല്ലാം മികവിലും പ്രോത്സാഹനം തന്ന് കൂടെ നിന്ന അധ്യാപകർ. പിന്നീട് അവിടെ നിന്നും സി ബി എം ലെക്ക്. ആദ്യo അപരിചിതo എന്നാൽ പിന്നീട് അവിടുത്തെ ഓരോ അനുഭവങളും വ്യത്യാസ്ഥo ആയിരുന്നു. ഒരു നെല്ലിക്ക പോലെ ആയിരുന്നു അവിടെ. കയിപ്പും മധുരമെറിയ ഓർമ്മകൾ തന്ന കലാലയം. അവിടുത്തെ ഓരോ അധ്യാപകരും മാതാ പിതാക്കളെ പോലെ. അവരുടെ വായിൽ നിന്നും കിട്ടുന്ന ഓരോ വാക്കുകൾ അറിവിന്റെ പുതിയ വഴി ഒരുക്കി. അതുപോലെ തന്നെ നല്ല സൗഹൃദങൾ സമ്മാനിച്ചു. അവിടുത്തെ ഓരോ വരാന്ത കളും ഓരോ വ്യത്യസ്ഥ അനുഭവo നൽകി.സൗഹൃദവും പ്രണയവും സമ്മാനിച്ച മാവിൻ ചുവട്. ജീവിതത്തിൽ രാഷ്ട്രീയത്തിന്റെ പ്രാധാന്യവും അതിന്റെ ഗുണങളും പഠിച്ചതും അവിടെ നിന്നും തന്നെ. അങ്ങനെ ആറു വർഷം ജീവിതത്തിൽ വീണ്ടും ഓർത്തിരിക്കാൻ തോന്നുന്ന ഒരുപാട് ഓർമ്മകൾ സമ്മാനിച്ച കലാലയം. ഒരിക്കലും പിരിയാൻ പറ്റാത്ത സൗഹൃദവും എല്ലാവരേയും ഒരുപോലെ കാണാൻ പഠിപ്പിച്ച എന്റെ കലാലയം. എന്നാൽ അവിടുന്ന് പടിയിറങ്ങിയെങ്കിലും വീണ്ടും ഓർക്കാൻ ആഗ്രഹിക്കുന്നഓർമകൾ സമ്മാനിച്ച കലാലയം.
- സാന്ദ്രാ ബാബു.

Address

Kayamkulam Pathanapuram Road
Mavelikara

Website

Alerts

Be the first to know and let us send you an email when SFI VVHSS UNIT ചാരുംമൂട് posts news and promotions. Your email address will not be used for any other purpose, and you can unsubscribe at any time.

Shortcuts

Share

Category