04/06/2026
مظفرآباد میں ہیلتھ ملازمین کا شدید احتجاج..
آزاد کشمیر کے دارالحکومت مظفرآباد میں ہیلتھ ڈپارٹمنٹ کے ملازمین جن میں لیڈی ہیلتھ ورکرز اور دیگر طبی عملہ شامل ہے اپنے مطالبات کے حق میں سڑکوں پر نکل آئے ہیں۔ مظاہرین کی ایک بڑی تعداد نے شہر کی مرکزی شاہراہ پر زبردست احتجاجی ریلی نکالی اور دھرنا دیا۔
مظاہرین کا مؤقف ہے کہ وہ طویل عرصے سے بنیادی حقوق، تنخواہوں میں اضافے، اور مستقلی جیسے مسائل کا سامنا کر رہے ہیں، لیکن حکومت کی جانب سے تاحال کوئی سنجیدہ اقدامات نہیں کیے گئے۔ ریلی کے باعث شہر میں ٹریفک کا نظام بھی شدید متاثر ہوا ہے۔ ملازمین نے عزم ظاہر کیا ہے کہ جب تک ان کے جائز مطالبات تسلیم نہیں کیے جاتے، ان کا احتجاج جاری رہے گا۔
