14/09/2025
സമൂഹത്തിന്റെ പുരോഗതിക്ക് സ്ത്രീകളുടെ ഇടപെടൽ നിർണായകം - പി. ജമീല
മാനന്തവാടി :സമൂഹത്തിന്റെ പുരോഗതിക്ക് സ്ത്രീകളുടെ ഇടപെടൽ നിർണായകമാണെന്നും വനിതകൾ മുന്നോട്ട് വന്നാൽ മാത്രമേ സുസ്ഥിരമായ സാമൂഹിക മാറ്റം സാധ്യമാകുവെന്നും വിമൻ ഇന്ത്യ മൂവ്മെന്റ് സംസ്ഥാന സമിതിയംഗം പി.ജമീല.
വിമൻ ഇന്ത്യ മൂവ്മെന്റ് മാനന്തവാടി മണ്ഡലം കമ്മിറ്റി 'Emerging Women' എന്ന ക്യാപ്ഷനിൽ സംഘടിപ്പിച്ച മണ്ഡലം പ്രവർത്തക കൺവൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അവർ.
വിദ്യാഭ്യാസം, സാമൂഹിക പങ്കാളിത്തം, രാഷ്ട്രീയ ഇടപെടൽ എന്നിവയിൽ വനിതകൾ കൂടുതൽ ശക്തമായി രംഗത്തു വരണം.
‘Emerging Women’ എന്ന ആശയം സ്ത്രീകളുടെ വിദ്യാഭ്യാസം, തൊഴിൽ, സാമൂഹിക രംഗങ്ങൾ, രാഷ്ട്രീയ ഇടപെടൽ എന്നിവയിലൂടെ തെളിഞ്ഞുവരുന്ന പുതുശക്തിയെ പ്രതിനിധീകരിക്കുന്നു. വനിതകളുടെ നേതൃത്വമാണ് സമൂഹത്തിന്റെ ഭാവി നിർണ്ണയിക്കുക എന്നും അവർ അഭിപ്രായപ്പെട്ടു.
പരിപാടിയിൽ മണ്ഡലം പ്രസിഡന്റ് സഫീന ടി അധ്യക്ഷത വഹിച്ചു. മുഴുപ്പിലങ്ങാട് ഗ്രാമ പഞ്ചായത്ത് ഒന്നാം വാർഡ് മെമ്പർ റജീന മൂസക്കുട്ടി,
Wim ജില്ലാ പ്രസിഡന്റ് ജംഷിദ, ജനറൽ സെക്രട്ടറി നുഫൈസ, ട്രഷറർ സൽമ,
മണ്ഡലം വൈസ് പ്രസിഡന്റ് ലൈല, സെക്രട്ടറി സുമയ്യ, ജോയിന്റ് സെക്രട്ടറി ഖദീജ, ട്രഷറർ റാബിയ, അഫ്സാന, കുൽസു എന്നിവർ സംസാരിച്ചു.
