01/09/2026
*मालेगाव शहरात दिनांक ०५ आणि ०६ सप्टेंबर, २०२६ रोजी पाणी पुरवठा राहणार बंद.*
मालेगाव शहरातील सर्व नागरिकांना कळविण्यात येते की, कार्यकारी अभियंता, महावितरण कंपनी, मालेगाव यांचे दि.१३/०८/२०२६ रोजीच्या पत्रात नमुद केल्यानुसार ३३ के.व्ही. दहिवाळ फिडरवर शटडाऊन घेऊन ३३ के.व्ही. सोलर लाईनचे क्रॉसिंगचे काम करण्याचे नियोजित झालेले आहे. सदर सदरचे काम हे दि.०५/०९/२०२६ व दि.०६/०९/२०२६ रोजी करण्यात येणार असुन, सदर दिवशी गिरणा पंपिंग स्टेशन येथे वीज पुरवठा बंद राहणार आहे.
तसेच अमृत टप्पा - २ अंतर्गत आझाद नगर येथे बांधण्यात आलेल्या उंच जलकुंभाला पाणीपुरवठा करण्यासाठी जुना आग्रा रोडवर जुना दरेगाव (खोकानाका) नाका येथे १२०० मी.मी. व्यासाची गुरुत्ववाहीनीला टॅपिंग करणेचे काम हाती घेण्यात येणार आहे. त्याकरीता संपुर्ण शहराचा पाणी पुरवठा बंद करुन Shut Down घेण्यात आलेला आहे.
सदरचे काम दि.०५/०९/२०२६ व दि.०६/०९/२०२६ रोजी होणार आहे. परिणामी ज्या भागात दि.०५/०९/२०२६ रोजीचा नियोजित पाणी पुरवठा हा दि.०७/०९/२०२६ रोजी तसेच दि.०६/०९/२०२६ रोजीचा पाणी पुरवठा हा दि.०८/०९/२०२६ रोजी करण्यात येईल. तद्नंतर महावितरण कंपनी कडील नियोजित सोलर लाईनचे क्रॉसिंगचे काम पुर्ण झाल्यावर व गिरणा पंपिंग स्टेशन येथुन नियोजना प्रमाणे दोन दिवसाआड पध्दतीने पाणी पुरवठा पुर्ववत सुरु करण्यात येईल.
तरी नागरीकांनी वरील तांत्रिक अडचणी विचारांत घेवुन, उक्त नमुद पाणी पुरवठा नियोजन बद्दल कृपया नोंद घेवुन, मालेगाव महानगरपालिकेला सहकार्य करावे. याप्रमाणे विनंती महानगरपालिका, मालेगाव च्या वतीने या प्रेसनोटद्वारे करण्यात आलेली आहे.
