BJP Mahe

BJP Mahe ബിജെപി മാഹി

സ്വാതന്ത്ര്യ സമര ചരിത്രത്തിലെ അഗ്നിനക്ഷത്രം..🧡വീർ സാവർക്കർ ജയന്തി...
28/05/2026

സ്വാതന്ത്ര്യ സമര ചരിത്രത്തിലെ അഗ്നിനക്ഷത്രം..🧡

വീർ സാവർക്കർ ജയന്തി...



28/05/2026

"ഓരോ നുഴഞ്ഞുകയറ്റക്കാരനെയും തിരഞ്ഞുപിടിച്ച് പുറത്താക്കും, ജനസംഖ്യാഘടന തകിടംമറിക്കാനുള്ള നീക്കങ്ങൾ അനുവദിക്കില്ല.

അതിർത്തി കാക്കാൻ കർശന നിലപാടുകൾ ഭാരത സർക്കാർ സ്വീകരിക്കും."

ശ്രീ അമിത് ഷാ (കേന്ദ്ര ആഭ്യന്തര മന്ത്രി)

25/05/2026

കൊല്ലക്കയിൽ ദേവകി അമ്മയ്ക്ക് പദ്മശ്രീ തിളക്കം. രാഷ്ട്രപതി ഭവനിലെ ഗണതന്ത്ര മണ്ഡപത്തിൽ നടന്ന ചടങ്ങിൽ രാഷ്ട്രപതി ദ്രൗപദി മുർമുവിൽ നിന്നും അവർ പദ്മശ്രീ പുരസ്കാരം ഏറ്റുവാങ്ങി.

സ്വന്തം വീടിനോട് ചേർന്നുള്ള അഞ്ചേക്കർ ഭൂമിയിൽ ഒരു വനം തന്നെ സൃഷ്ടിച്ചെടുത്തതാണ് ദേവകി അമ്മയുടെ ഏറ്റവും വലിയ നേട്ടം. ഇന്ത്യയുടെ നാരീശക്തി പുരസ്‌കാര ജേതാവു കൂടിയാണിവർ.

മോദി സർക്കാർ അധികാരത്തിൽ വന്നതിന് ശേഷം പദ്മപുരസ്കാരങ്ങളുടെ മുഖച്ഛായ തന്നെ മാറി. സമൂഹത്തിന് നിസ്വാർത്ഥമായ സംഭാവനകൾ നൽകുന്ന സാധാരണക്കാരായ ഭാരതീയരെ തേടിപ്പിടിച്ച് ആദരിക്കുന്ന പുരസ്കാരമായി ഇന്ന് പദ്മ അവാർഡുകൾ മാറിയിരിക്കുന്നു. ഇതിന്റെ തെളിവാണ് ദേവകി അമ്മയ്ക്ക് ലഭിച്ച പദ്മശ്രീ.

24/05/2026

പ്രധാനമന്ത്രി ശ്രീ നരേന്ദ്ര മോദിയുടെ നേതൃത്വത്തിൽ ഭാരതം സൗരോർജ്ജ വിപ്ലവം സൃഷ്ടിക്കുകയാണ്. 'പിഎം സൂര്യഘർ: മുഫ്ത് ബിജ്ലി യോജന' വഴി ഓരോ 8 ദിവസത്തിലും 1 ലക്ഷം വീടുകളാണ് സോളാർ വൈദ്യുതിയിലേക്ക് മാറുന്നത്.

ആഗോള ഊർജ്ജ പ്രതിസന്ധികൾക്കിടയിലും ഭാരതം സ്വയംപര്യാപ്തത നേടുന്നു എന്നത് ശ്രദ്ധേയമാണ്. നിലവിൽ റൂഫ്ടോപ്പ് സോളാർ ഉത്പാദനം 11,181 മെഗാവാട്ടായി ഉയർന്നു, ഇത് വൻകിട തെർമൽ പ്ലാന്റുകളെക്കാൾ കൂടുതലാണ്.

ഓരോ വീടും മിനി പവർ സ്റ്റേഷനുകളായി മാറുന്നതിലൂടെ ശുദ്ധമായ ഊർജ്ജ രംഗത്ത് ഭാരതം ലോകത്തിന് മുന്നിൽ പുതിയൊരു മാതൃക സൃഷ്ടിക്കുകയാണ്.


പാർട്ടി വിരുദ്ധ പ്രവർത്തനം : ബിജെപിയുടെ പ്രാഥമിക അംഗത്വത്തിൽ നിന്നും സസ്പെൻഡ് ചെയ്തു.ഭാരതീയ ജനതാ പാർട്ടി പുതുച്ചേരി സംസ...
23/05/2026

പാർട്ടി വിരുദ്ധ പ്രവർത്തനം : ബിജെപിയുടെ പ്രാഥമിക അംഗത്വത്തിൽ നിന്നും സസ്പെൻഡ് ചെയ്തു.

ഭാരതീയ ജനതാ പാർട്ടി പുതുച്ചേരി സംസ്ഥാന പ്രസിഡന്റ് ശ്രീ വി പി രാമലിംഗത്തിന്റെ നിർദ്ദേശപ്രകാരം, പാർട്ടിയുടെ ശാസനയും സംഘടനാ താത്പര്യങ്ങളും ഗുരുതരമായി ലംഘിച്ച് പാർട്ടി വിരുദ്ധ പ്രവർത്തനങ്ങളിൽ ഏർപ്പെട്ടതായി വ്യക്തമായ സാഹചര്യത്തിൽ ശ്രീ. ടി പി ഫൽഗുനനെ പാർട്ടിയുടെ പ്രാഥമിക അംഗത്വത്തിൽ നിന്നും രണ്ട് വർഷത്തേക്ക് സസ്പെൻഡ് ചെയ്തിരിക്കുന്നു.

സസ്പെൻഷൻ കാലയളവിൽ ടിയാന് പാർട്ടി പരിപാടികളിൽ പങ്കെടുക്കുന്നതിനും പാർട്ടിയുടെ പേര്, ചിഹ്നം, പതാക എന്നിവ ഉപയോഗിക്കുന്നതിനും കർശനമായ വിലക്ക് ഏർപ്പെടുത്തിയിരിക്കുന്നു. നിർദ്ദേശം ലംഘിക്കുന്ന പക്ഷം ശക്തമായ നിയമനടപടികൾ സ്വീകരിക്കുന്നതാണ്.

കൂടാതെ, പാർട്ടി ഭാരവാഹികളോ, പ്രവർത്തകരോ, ഇദ്ദേഹവുമായി സംഘടനയുമായി ബന്ധപ്പെട്ട കാര്യങ്ങൾ ചർച്ച ചെയ്യുകയോ വിവരങ്ങൾ പങ്കുവെക്കുകയോ ചെയ്യരുത്.

ഈ തീരുമാനം 23/05/2026 (ശനിയാഴ്‌ച) മുതൽ പ്രാബല്യത്തിൽ വരുന്നതാണ്.

ബിജെപി മാഹി മണ്ഡലം പ്രസിഡന്റ്
പ്രബീഷ് കുമാർ.

മയ്യഴിയിലെ ജനകീയ പ്രശ്നങ്ങൾ ഉന്നയിച്ച് ബിജെപി മാഹി മണ്ഡലം കമ്മിറ്റി റീജിയണൽ അഡ്മിനിസ്ട്രേറ്റർക്ക് നിവേദനം നൽകി.മാഹി: ഭാ...
21/05/2026

മയ്യഴിയിലെ ജനകീയ പ്രശ്നങ്ങൾ ഉന്നയിച്ച് ബിജെപി മാഹി മണ്ഡലം കമ്മിറ്റി റീജിയണൽ അഡ്മിനിസ്ട്രേറ്റർക്ക് നിവേദനം നൽകി.

മാഹി: ഭാരതീയ ജനതാപാർട്ടി മാഹി മണ്ഡലം കമ്മിറ്റി റീജിയണൽ അഡ്മിനിസ്ട്രേറ്റർക്ക് വിവിധ വിഷയങ്ങൾ ഉന്നയിച്ചുകൊണ്ട് നിവേദനം നൽകി.മേഖലയിലെ വിവിധ ഹയർ സെക്കൻഡറി സ്കൂളുകളിലേക്കുള്ള പ്ലസ് വൺ പ്രവേശന അപേക്ഷ സമർപ്പണത്തിനുള്ള അവസാന തീയതി നീട്ടിക്കൊടുക്കണമെന്നും,അഡ്മിഷൻ നടപടികൾ പൂർത്തിയാക്കാൻ വളരെ കുറഞ്ഞ സമയം മാത്രമാണ് വിദ്യാർത്ഥികൾക്ക് അനുവദിച്ചിരിക്കുന്നതെന്നും, ഇതുമൂലം ദൂരപ്രദേശങ്ങളിൽ നിന്നുള്ള വിദ്യാർത്ഥികളും സാധാരണ കുടുംബങ്ങളിൽപ്പെട്ട രക്ഷിതാക്കളും വലിയ ബുദ്ധിമുട്ട് നേരിടുകയാണെന്നും കമ്മിറ്റി വ്യക്തമാക്കി.

കൂടാതെ, പരാജയപ്പെട്ട വിദ്യാർത്ഥികൾക്കായുള്ള സേ പരീക്ഷയുടെ തീയതികൾ ഇതുവരെ പ്രഖ്യാപിച്ചിട്ടില്ല. ഇപ്പോൾ നടന്നു കൊണ്ടിരിക്കുന്ന ഇംപ്രൂവ്മെന്റ് എക്സാമിന്റെ ഫലപ്രഖ്യാപനവും വരുന്നതിന് മുമ്പ് തന്നെ പ്ലസ് വൺ അപേക്ഷ നടപടികൾ അവസാനിപ്പിക്കുന്നത് പിന്നീട് പരീക്ഷ വിജയിക്കുന്ന വിദ്യാർത്ഥികൾക്ക് പ്രവേശന അവസരം നഷ്ടപ്പെടാനും ഒരു അധ്യയന വർഷം പാഴാകാനും ഇടയാക്കുമെന്ന ആശങ്കയും നിവേദനത്തിൽ രേഖപ്പെടുത്തി.

മാഹി ബീച്ച് ഭാഗങ്ങളിലുള്ള തെരുവിളക്കുകൾ പ്രകാശിപ്പിക്കുന്നതിന് ആവശ്യമായ നടപടികൾ സ്വീകരിക്കണമെന്നും,
ചാലക്കര, ചെമ്പ്ര പ്രദേശങ്ങളിലെ വൈദ്യുതി മുടക്ക പ്രശ്‌നത്തിന് അടിയന്തര പരിഹാരം കാണണമെന്നും, ചാലക്കര പ്രദേശത്ത് വൈദ്യുതി വകുപ്പ് നടത്തുന്ന അറ്റകുറ്റപ്പണികളുടെ ഭാഗമായി ചെമ്പ്രയിലെ ഏകദേശം 650 വീടുകളിലാണ് ദീർഘനേരമായി വൈദ്യുതി മുടക്കം അനുഭവപ്പെടുന്നതെന്ന് നിവേദനത്തിൽ ചൂണ്ടിക്കാട്ടി.

മണ്ഡലം പ്രസിഡൻ്റ് പ്രബീഷ് കുമാറിൻ്റെ നേതൃത്വത്തിൽ
നേതാക്കളായ മഗിനേഷ് മഠത്തിൽ, അഡ്വ. ഇന്ദ്രപ്രസാദ്,കൃഷ്‌ണദാസ് ,സുധീർ എന്നിവർ പങ്കെടുത്തു.



കേരള രാഷ്ട്രീയത്തിൽ പുതു ചരിത്രം സൃഷ്ടിച്ച് ബിജെപിയുടെ 3 കരുത്തുറ്റ നേതാക്കൾ എംഎൽഎ മാരായി സത്യപ്രതിജ്ഞ ചെയ്തു. അഭിനന്ദ...
21/05/2026

കേരള രാഷ്ട്രീയത്തിൽ പുതു ചരിത്രം സൃഷ്ടിച്ച് ബിജെപിയുടെ 3 കരുത്തുറ്റ നേതാക്കൾ എംഎൽഎ മാരായി സത്യപ്രതിജ്ഞ ചെയ്തു.

അഭിനന്ദനങ്ങൾ...

15/05/2026

വാക്കുകളല്ല, പ്രവൃത്തിയാണ് മാതൃക!

സ്വന്തം സുരക്ഷയേക്കാൾ ജനങ്ങളുടെ ജീവന് വില കൽപ്പിക്കുന്ന നേതാവ്, തന്റെ ജനതയെ ബാധിക്കുന്ന ഓരോ പ്രശ്‌നവും പ്രതിരോധിച്ച നേതാവ്. ഇന്നിതാ, ഇന്ധനവില വർധനവിന്റെ ഭാരം ജനങ്ങൾക്കൊപ്പം പങ്കിടാൻ തന്റെ ഔദ്യോഗിക വാഹനവ്യൂഹം കേവലം രണ്ട് വണ്ടികളിലേക്ക് ചുരുക്കി വീണ്ടും മാതൃകയാകുന്നു.

ഇത് ആദ്യമായല്ല മോദിജി ഇങ്ങനെ വഴികാട്ടിയാകുന്നത്...

ലോകം കോവിഡിന് മുന്നിൽ പകച്ചുനിന്നപ്പോൾ, ഭയത്തെ തോൽപ്പിക്കാൻ ആദ്യ ഡോസ് വാക്‌സിൻ സ്വയം സ്വീകരിച്ച് ജനങ്ങൾക്ക് ആത്മവിശ്വാസം നൽകി. അദ്ദേഹത്തിന്റെ വഴിപിന്തുടർന്ന് കേന്ദ്രമന്ത്രിസഭ ഒന്നടങ്കം ആ യജ്ഞത്തിൽ പങ്കാളികളാവുകയും ചെയ്തു. അതെ, ജനങ്ങളുടെ സുരക്ഷയാണ് പ്രധാനം എന്ന് ഓരോ ചുവടിലും തെളിയിച്ച നായകൻ.

ഇതാണ് രാജ്യത്തിന്റെ നേതാവ്…❤️


മഞ്ഞ റേഷൻ കാർഡ് കുടുംബങ്ങൾക്ക് ഇനി കൂടുതൽ ആരോഗ്യ സുരക്ഷ…₹3 ലക്ഷം വരെ ആരോഗ്യ ഇൻഷുറൻസ് പരിരക്ഷയുമായി പുതുച്ചേരി NDA സർക്കാ...
15/05/2026

മഞ്ഞ റേഷൻ കാർഡ് കുടുംബങ്ങൾക്ക് ഇനി കൂടുതൽ ആരോഗ്യ സുരക്ഷ…
₹3 ലക്ഷം വരെ ആരോഗ്യ ഇൻഷുറൻസ് പരിരക്ഷയുമായി പുതുച്ചേരി NDA സർക്കാരിന്റെ ജനക്ഷേമ പ്രഖ്യാപനം.

സാധാരണക്കാരന്റെ ചികിത്സാഭാരം കുറയ്ക്കാനും, എല്ലാ കുടുംബങ്ങൾക്കും മികച്ച ആരോഗ്യ സേവനം ഉറപ്പാക്കാനുമുള്ള ശക്തമായ നീക്കം. 💙🇮🇳

“എല്ലാവർക്കും ആരോഗ്യ സുരക്ഷ” എന്ന ലക്ഷ്യത്തോടെ വികസനത്തിന്റെ പുതിയ അധ്യായം തുറക്കുകയാണ് NDA സർക്കാർ.

മാഹിക്ക് ഫിഫ നിലവാര മൈതാനം; ബിജെപി നൽകിയ നിവേദനത്തിന്റെ അടിസ്ഥാനത്തിൽ കേന്ദ്രസഹായമെന്ന് പ്രബീഷ് കുമാർ.മാഹി : കേന്ദ്ര സർ...
14/05/2026

മാഹിക്ക് ഫിഫ നിലവാര മൈതാനം; ബിജെപി നൽകിയ നിവേദനത്തിന്റെ അടിസ്ഥാനത്തിൽ കേന്ദ്രസഹായമെന്ന് പ്രബീഷ് കുമാർ.

മാഹി : കേന്ദ്ര സർക്കാരിന്റെ പ്രത്യേക മൂലധന നിക്ഷേപ സഹായ പദ്ധതിയിൽ (SASCI) ലഭിച്ച ഫണ്ടിന്റെ പുനർവിനിയോഗത്തിലൂടെ മാഹിക്ക് ഫിഫ നിലവാരത്തിലുള്ള സിന്തറ്റിക് ഫുട്ബോൾ മൈതാനവും സിന്തറ്റിക് ടെന്നീസ് കോർട്ടും അനുവദിച്ചു. ഇതുസംബന്ധിച്ച ഭരണാനുമതി ഗവണ്മെന്റ് ഓഫ് പുതുച്ചേരി പുറത്തിറക്കി.
2025-26 സാമ്പത്തിക വർഷത്തിൽ ഗവണ്മെന്റ് ഓഫ് ഇന്ത്യ പുതുച്ചേരിക്ക് അനുവദിച്ച ₹239 കോടി വികസന ഫണ്ടിൽ നിന്ന് ഉപയോഗിക്കപ്പെടാതെ ശേഷിച്ച ₹11.48 കോടിയാണ് പുതിയ പദ്ധതികൾക്കായി പുനർവിനിയോഗിച്ചത്. ആദ്യം Uppar Drain ഭാഗത്തെ റോഡ് ഓവർബ്രിഡ്ജ് നിർമാണത്തിനായി അനുവദിച്ച തുകയിലുണ്ടായ ശേഷിപ്പാണ് ഈ പദ്ധതികളിലേക്ക് മാറ്റിയത്.
ഭേദഗതി പ്രകാരം, മാഹിയിലെ പി.എം.ശ്രീ ഐ.കെ കുമാരൻ ഗവണ്മെന്റ് ഹയർ സെക്കന്ററി സ്കൂളിൽ ഫിഫ നിലവാരത്തിലുള്ള സിന്തറ്റിക് ഫുട്ബോൾ മൈതാനവും സ്റ്റേഡിയവും നിർമ്മിക്കാൻ ₹9.48 കോടി അനുവദിച്ചു. കൂടാതെ പുതുച്ചേരി കേന്ദ്രഭരണ പ്രദേശത്ത് സിന്തറ്റിക് ടെന്നീസ് കോർട്ട് സ്ഥാപിക്കാനായി ₹2 കോടി കൂടി വകയിരുത്തി.
കേന്ദ്ര കായികമന്ത്രി മൻസൂഖ് മണ്ഡവിയ മാഹി സന്ദർശിച്ച വേളയിൽ, ഭാരതിയ ജനതാ പാർട്ടി മാഹി മണ്ഡലം നേതാക്കൾ നേരിട്ട് നിവേദനം നൽകിയതിന്റെ അടിസ്ഥാനത്തിലാണ് മാഹിക്ക് ഇത്തരം അനുകൂല്യം ലഭിച്ചതെന്ന് മണ്ഡലം പ്രസിഡന്റ് പ്രബിഷ് കുമാർ പറഞ്ഞു.
മാഹിയിലെ കായിക രംഗത്തിന് വലിയ മുന്നേറ്റം നൽകുന്ന പദ്ധതിയാണിതെന്നും, യുവാക്കൾക്ക് ദേശീയ-അന്തർദേശീയ നിലവാരത്തിലുള്ള പരിശീലന സൗകര്യം ലഭ്യമാകുമെന്നും അദ്ദേഹം കൂട്ടിച്ചേർത്തു.


പുതുച്ചേരിയിലെ Bharatiya Janata Party സംസ്ഥാന ആസ്ഥാനത്ത് നടന്ന സംഘടനാ യോഗത്തിൽ, പാർട്ടിയുടെ ദേശീയ സംഘടനാ ജനറൽ സെക്രട്ടറ...
13/05/2026

പുതുച്ചേരിയിലെ Bharatiya Janata Party സംസ്ഥാന ആസ്ഥാനത്ത് നടന്ന സംഘടനാ യോഗത്തിൽ, പാർട്ടിയുടെ ദേശീയ സംഘടനാ ജനറൽ സെക്രട്ടറി B. L. Santhosh മാഹി ബിജെപി ഭാരവാഹികളുമായി കൂടിക്കാഴ്ച നടത്തി.

സംഘടനാ ശക്തീകരണം, പ്രവർത്തന ഏകോപനം, വരാനിരിക്കുന്ന രാഷ്ട്രീയ സാഹചര്യങ്ങൾ, മാഹിയിൽ പാർട്ടിയുടെ ജനപിന്തുണ കൂടുതൽ വ്യാപിപ്പിക്കൽ തുടങ്ങിയ വിഷയങ്ങളിൽ വിശദമായ ചർച്ച നടന്നു. പ്രവർത്തകരുടെ ആത്മവിശ്വാസവും സംഘടനയുടെ കരുത്തും കൂടുതൽ ഉയർത്തുന്ന രീതിയിലായിരുന്നു യോഗം.

യോഗത്തിൽ സംസ്ഥാന അധ്യക്ഷൻ V. P. Ramalingam, സംസ്ഥാന ഇൻചാർജ് Nirmal Kumar Surana, മുഴുവൻ സമയ പ്രവർത്തകൻ Dasharatha Vailaya, സംസ്ഥാന ജനറൽ സെക്രട്ടറിമാർ, മാഹി സ്ഥാനാർഥി ദിനേശ്, മുൻ നിയമസഭാംഗങ്ങൾ ഉൾപ്പെടെ നിരവധി നേതാക്കളും പങ്കെടുത്തു.

“സംഘടന ശക്തമായാൽ ജനവിശ്വാസവും ശക്തമാകും” എന്ന സന്ദേശം പ്രവർത്തകർക്കിടയിൽ കൂടുതൽ ആവേശം പകർന്ന യോഗമായി ഇത് മാറി. 🚩

Address

Mararji Mandiram, Palloor
Mahe
673310

Website

Alerts

Be the first to know and let us send you an email when BJP Mahe posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to BJP Mahe:

Shortcuts

Share

Category