18/09/2025
भेंड येथे मुख्यमंत्री समृद्ध पंचायतराज अभियानाचा शुभारंभ
मौजे भेंड ता माढा येथे महाराष्ट्र शासनाच्या मुख्यमंत्री समृद्ध पंचायतराज अभियानाचा शुंभारभ करून गावामध्ये अभियान प्रभावीपणे राबविण्यास ग्रामपंचायत परिसर स्वच्छ करून सुरुवात करण्यात आली. सदर अभियानाच्या शुभारंभ करणेसाठी
माढा विधानसभेचे विद्यमान आमदार मा.श्री.अभिजित आबा पाटील साहेब उपस्थित राहून ग्रामस्थांशी ग्राम सवांद सभेच्या माध्यमातून सवांद साधला. या प्रसंगी बोलताना त्यांनी या अभियानामध्ये चांगले काम करण्यासाठी मार्गदर्शन केले व ग्रामस्थांना अभियानाकरिता प्रोत्साहित केले तसेच भेंड च्या विकासाकरिता कटिबद्ध असल्याचे सांगितले. या बरोबर उपमुख्यकार्यकारी अधिकारी मा. श्री. अमोल जाधव साहेब आणि गटविकास अधिकारी मा.श्री.महेश सुळे साहेब यांनी अभियानाच्या कालावधीत येणारे उपक्रम राबविण्याविषयी मोलाचे असे मार्गदर्शन केले.कार्यक्रमाचे सूत्रसंचालन श्री.हर्षवर्धन गायकवाड यांनी केले.
त्यावेळी जि.प.सदस्य भारत आबा शिंदे, आम आदमी पक्षाचे श्री. सुनील लोंढे, विविध गावचे सरपंच, यशदा मास्टर ट्रेनर सुभाष रणदिवे सर,विस्तार अधिकारी श्री. शेंडगे साहेब, श्री सुतार साहेब, सरपंच डॉ.सौ.मनिषा दळवी ,उपसरपंच प्रतिनिधी श्री. प्रविण गायकवाड, डॉ. श्री संतोष दळवी, आजी माजी सरपंच, ग्रामपंचायत सदस्य व बहुसंख्येने युवक, महिला व ग्रामस्थ उपस्थित होते.
तसेच आमदार साहेबांनी ICRISAT व अटल भूजल योजनेच्या माध्यमातून सुरु असलेल्या प्रकल्प कार्यालयास भेट दिली.
