Rje Thlalak & Thukhawchang

06/08/2019

Tetei Ralte Lelhchhun ▶ ‎SPECIAL WORLD NEWS
RUL TUR THAH NA ANTIVENOM HI
Tluangpuia Hilthang
Kolasib
Thal hun nuam an zo a, fur hnim than duh hun kan han thleng chho leh ta chu a ni a. Sawrkar hnathawk ve ta lo chu tul p*k kar ah, thosi leh vangvat chaw ni tur in ram lam kan pan leh hnak hnak mai dawn a ni. Forest department lam in an humhalh em em, Rul chi hrang hrang an lo in lar chhuak leh tan ang a. Rul te hian tawh fuh hmasak loh chuan, mihring an chuk hmasa ngai lo an tih hre mah tho ila, p*k kar ah rit phur chung a han kal meuh chuan, kan khawih tur zawng zawng hmuh theih ni tawh hek suh. Fimkhur loh vang nge vanduai ai zawk, rul in mihring a chuk hlum leh nual ngei ang.
Chung hun ah chuan rul humhalh a tul zia sawi a iak iak hote kha, Office leh mahni in lum lam ah awm in, ram hnathawk te dinhmun an ngaihtuah thleng pha leh tawh miah lo ang. Rul chuk avang chhung leh khat chan tawh te tan erawh, rul humhalh chungchang an sawi an hriat ringawt pawn, an hmangaih kal ta te ngaihtuah in an rilru a na thar fo ang. Vawin lam ah pawh rul chuk vang a boral, Durtlang lam ah kan han nei leh ta chu a ni a. Rul chuk vang hian nunna tamtak kan la hlauh zel in a rinawm a. Khawvel kal phung pangai a nihna chin te pawh a awm a. A damdawi Antivenom hi hmuh awlsam deuh hlek se chu, nunna tamtak hi chu kan chhan thei ngei in a rinawm.
Kei pawh 2016 July thla khan ka vawkchaw zawng hi Rultuha in min chuk a. A chuk haw chi ka lo ni nge ni, zan hnih ngawt Kolasib damdawiin ah ka riah phah a. Kar khat vel chu ka k*t pawh, a vung nghe nghe a ni. A zankhat na ah phei chuan ka pum a na in ka luak nasa mai a. Ka thih pui mai dawn a maw ka ti hman hial reng a. Antivenom kha khai ta lo phei ila chu, Mizoram a Rultuha chuk hlum pathumna ka ni lo ang tin pawh a sawi theih bik lo a ni. Rul in min chuk chhan chu eng pawh lo ni ta se, a rang lam a damdawiin pan leh Antivenom khai hi kan tih mak mawh a ni.
Rul tur thahna Antivenom hi, thingtlang damdawiin ah hian an kawl hlawm lo a. Khawchhung damdawi zuar ah zawn kual a ngai thin a. Hralh kal tak a ni lo nge, an zuar tha duh lo viau mai a. Rultuha in min chuk tum pawh hian, Kolasib ah lei tur a awm miah lo a. Ka hma kar lawk hian nurse lo duty ve te chhung hi, rul in a lo chuk hi a ni awm a. Chumi atan a an lei an hman leh tak loh chu, a lo la nei hlauh mai a. Ka vanneih a siam in ka mawmawh tawh bawk si a, Dawr let deuh thaw a to in ka lei sak ta a. Vannei kan in ti dun viau in ka hria. Kolasib District khawpui ve riang ruang ah pawh lei tur a awm loh chuan, tlem a la thingtlang ve leh deuh te phei chu an ngaihtuah awm hle in ka hria.
Mimal dawr kai tan Antivenom lo kawl kha a hlawk vak lo a nih pawn, sawrkar damdawiin te tal hian tlem tal chu kawl vek thei se a va duhawm em. Thingtlang deuh ah phei chuan damdawi zuar pawh an awm mang lo a. Ramhnuai leh tulp*k kar a hna thawk nasa zawk zawk an ni thin si a. An tan phei chuan a pawimawh leh zual em em dawn a ni. Chutiang a kan tih theih chuan rul chuk vang a thihna tamtak hi, kan pumpelh theih ngei in a rinawm a ni. A pawimawh ber erawh rul chuk vang emaw thildang vang emaw pawh nise, thihna hi kan bul mai ah kan ban phak ah hian a awm reng a. Chung thil a lo thlen hlau pawh a, chatuan a kan nun theihna tur kan mimal nun theuh kan uluk a va tul tak em !!

24/07/2019

https://buc.kim/d/5XW0V9mOawDl?pub=link [THU NGAIHNAWM HUANG] is good,have a look at it!

[THU NGAIHNAWM HUANG] is good,have a look at it!

07/07/2019

Ziona Zahau ▶ ‎THU NGAIHNAWM HUANG
I CHUNGA AN TIHA I DUH TUR ANG BAWKIN MI CHUNGAH PAWH TI VE RAWH
Ziona Zahau
"Kha hei cheng 100 hi la rawh" a tih lang lang ri chu ka hria a. Gas la tupa a chhuah hnu chuan "Kha tiang gas la mai mai te chu cheng 50 in alawm kan lak tir vek thin" tiin ka han hrilh zauh a. Ani chuan "A.. Khatiang meuh la a cheng 50 lek han inpek kha chu a diklo a lawm. An kal hah si a, hun a hek bawk sia." tiin chhanna chiang vak manglo hian min chhang a. A dik taka sawi chuan ka thianpa hian amahah a inchan a, amahin a hlawh duh zat tur awm leh hlawh se a awm ni a a hriat zat kha a pe mai a ni tih ka hrethiam sa reng tawh a.
Ka thianpa Malsawma, Sawmte ti a kan koh thin hi chu a danglam ve hrim hrim a, kan naupan lai mi huana kan kal a thei kan lawh ruk thin lai pawh khan kei ni chuan kan ei khawp bakah haw kawng a kan ei tur te, in lama kan ei tur thlengin kan lo ru thin a. Ani erawh chuan huan a kan awmlai a a ei bak alo ve ngailo. 'Engatinge i hawn ve duhloh' kan tih chuan "kan huan a mi ni ta se, naupangin an duhzawng an ei chu ka phal anga, naupang te chu an khawngaihthlak si a, thei an ei khat ve thin sia, an duhtawk an ei ka phal sak dawn a, an lo ei avangin ka hau miahlo anga, mahse ina an hawn chuan ka thinrim dawn a. Chuvang chuan keimah pawhin ka hawn ve duhlo, nangni pawhin hawn tawhlo thin ula" tiin min chhang thin a. Inti fel hi kan han ti thei khawp a.
Kan han tleirawl chho a, mahni phak tawkah inchei te kan han uar chho a. Nalh kan intiin khawvelah hian changkang kan intih ve viau hunlai kan tawng chho a. Chutih hunlai chuan, nutling leh patling te, kan rualpui dangte pawh incheina tlabal ve tak tak leh mawlmang tak tak kan hmuh a kan tawh lai te hian keini chuan a rukin kan hmusit mai a. Khawlaia a huho a kan awm phei chuan fiamthu thawh nan a hman zauh chang te kan nei a. Mahse kan thiana erawh kan fiamthu a nuihpui ngailo a. Mi hi an incheina emaw an khawsak mawl leh mawlloh pawh a ngaihvenin a engto ngailo. Mihring an nihna ang hian a entawp thin ni mai hian ka hria a. A chhan pawh a ni chuan "kan thawmhnaw tha ber ka hak lai hian miin thing tiin minlo nuih se, ka lawm miah dawnlo, bakah engkim ka hre bik silo a, miin ka hriatloh zawng tak hmangin min hmusit se ka thinrim dawn lutuk" tiin a ngaihdan a sawi thin a. Chu a ngaihdan vang chuan mi hniamna lai a hmusit in a enhniam ve ngailo. Lalintifela nih hi a tlin hliah hliah.

25/06/2019

24/06/2019

Mizo naupang pakhat, ama hnam ṭawng pawh la hre tlem tak mai chu a zirna sikulah chuan ama hnam ṭawng ngei mai a hman avangin a ṭhiante chuan zirtirtu hnenah an hek a. Chu zirtirtu chuan chu naupang chu a ṭhiante hmuh lai chuan a hrem a. Zak taka siamin Mizo ṭawng reng renga ṭawng tawh lo turin a zilh ta hrep mai a ni.

He naupang tan hi chuan a seilenna ramah ngei Mizo ṭawnga ṭawng chu pawisa chawina tham sual lian tak a ni a, ṭawng zahpuiawm tak a ni bawk. Ani tan chuan an zirna sikula a hman ngam loh ṭawng chu ngaihsan ngaihna a awm lo va, a hman ngam loh ṭawng neitu hnam pawh ngaihsan ngaihna a awm lo. A tan chuan A,Aw,B aiin A,B,C a ropui zawk a, a changkang zawk a, a thiam emaw, thiam lo emaw, hrem pumpelh nan tal a ngaihsan a ngai a ni.

Chutiang boruaka lo seilian naupang chu Mizo ṭawng thiam viau tura beisei chi a nih loh avangin a thiam lo reng a. A ṭawng ngaihsan loh neitu hnam chu ngaisang vak lo pawh ni se a thiamawm tho ve.

Chutia mahni hnam ṭawng pawha ṭawng ṭha ngam lo naupang lo seilian, a taka a hmuh phak loh hnam ṭawng hlira thil ziak leh zir, a bul vela thil thleng ni lo, lehkhabu leh TV-a a ngaihsan hnamte aṭanga engkim zir chu a taksa awmna ramah chuan a rilru a awm miau loh avangin mikhual ang mai a ni ta. Tichuan he ramah hian eizawn dan a thiam lo va, khawsak dan a thiam lo va, chu chu rilru lam natna vei ang em em chuan lan chhuah phah lo mah se a thil thlir dan leh thil ṭha leh ṭha lo a thliar dan a balance thei ta lo a ni.

- Lalchhuanmawia Tochhawng

24/06/2019

*BUL TANNA DIK (Zirnaah)*
K Lalrinchhana.

Tun lai hian HRDC,MZU-ah kan training mek a, vawinah training hi kan zo ang. Kar hmasa Thawhtanni khan University Pro Vice Chancellor Prof. R.P. Vadhera-a’n class a rawn la a, Blooms Taxonomy chungchang min zir tir a, a ngaihnawmin a bengvar thlak khawp mai.

Chhun thingpui in chawlh laiin reilo te ka ti ti pui a. “Sir, sikul kal tan rual fapa ka nei a, English medium school-ah nge mizo medium school-ah kal tir ila tha zawk ang? Thurawn min pe thei em?” ka ti a. Chuta Prof. RP Vadhera min chhanna chu: “Mizo medium schhol-ah ngei i kal tir tur a ni. (You must definitely send him to mizo medium school)” a ti tawp mai. A sawi zel naah chuan, “Kei pawh Punjab state-a piang leh sei lian ka ni a, Punjab medium school- ah zirna bul ka tan a, ka k*m rual pui English medium school a lut te aiin sap tawng ka thiam daih zawk. Ka pension hunah pawh Punjab-ah ka let leh ang a, Punjab medium school tha tak din ka tum ang. Mahni pianpui tawng ngeia zirna bul tan te hian tawng dang pawh an thiam chak zawk. Chinese tawng thiam miah lo hi Chinese tawngin zirna bul tan tir ila, a buaithlak ngawt ang. Mizo tan English medium school pawh chutiang tho chu a ni” a ti.

India ram leh khawvel pum huap pawha zirna lama mi thiam kan tih te hian mahni pianpui tawng (mother tongue) ngeia zirna bul tan hi an ngai pawimawh em em vek mai. K*m 2009, May 8 khan Mizoram sawrkar-chuan Mizoram zirna siam tha tura rawtna siam turin mi thiam rual awmkhawmna Education Reform Commission a din a, kha Reform Commission-in zirna siam that nana rawtna pawimawh tak tak a siam zinga lang sar tak pakhat chu- Naupang te hian pawl hniam lam (Elementary stage) ah chuan an pianpui tawng ngeiin zirna bul an tan tur a ni’ tih hi a ni. Engemaw vangin kha Reform Commission rawtna te kha tih puitlin a ni ta lo va, a pawi khawp mai.

Hman deuh khan kan thawhpui pakhat, Science zirtirtu chuan, “Tution class ka peknaah ka thil hmuh chhuah chu, English medium atanga zir chhuak te hi a tlangpuiin Science leh Mathematics ah hian an chak lo (weak) duh. Thil hoteah pawh awmze neia ngaihtuahna han vawrhvir leh hisap an thiam lo. An ngawng tlat zel” a ti a. Chu chuan ka ngaihtuahna a ti thui khawp mai. English medium a kal kan fate hian a bulfumah thil hi awmze neiin an lo man hlek lo a ni ang a? Paolo Firere a sawi danin, “Zirna hian a tum ber chu mihringa theihna sang tak (potential) inphum chu a tam thei ang ber hai chhuah a, than len tir a, tih hmasawn a ni”. English medium school kan uar luatah zirnain a tum bulpui hi a buk thelhin kan thelh deuh chu a ni.

Chutih rualin thil buaithlak deuh mai pakhat chu- *Mizo medium school ah pawh chuan lo in kal tir dawn ta teh reng i la, tunlaiah mizo medium school tha a lawi a awm ta mang lo hi a ni. Mizo medium school chu sawrkar school a lo ni deuh vek a. Kawng tinrengah private English Medium School te ai chuan an lo inthlahdahin, an lo hnufum zawk bawk si.* Pianpui tawng ngeia fate zirna bul tan tir duh tan pawh chutiang school a han kal tir ngawt mai chu ngaih a ngam chiah lo a ni.

Ka duhthu sam ni fo chu-khaw tin leh veng tinah hian Mizo medium school tha tak hi awm vek thei se. Chutah chuan naupang te hian mahni tawng ngeiin engkim zir se la. Mizo tawng an thiam ta hle tihah pawl 4 vel atangin sap tawng chu subject pakhat angin zir chauh se la. Sap tawng zirtirtu tur English Grammar thiam tak pakhat tal awm se la, sap tawng chu an thiam em em ang.

English medium kan uar em em a, English medium school na zawng hian a bulfumah naupang te hi sap tawng an thiam tir tak tak chuang lo tih hi ka hre chiang a ni. Tuna kan kalphungah hi chuan sap tawng thiam zik tluak lo, mizo tawng ni se thiam zik tluak chuang lo, mahni irawma awmze neia thil ngaihtuah thiam lo hian kan in chhuah vel mai mai a ni. An pawl a sang tial tial a, he thil hian nghawng a nei na tial tial mai.

Tun kar hun hman nuam vek u le
(24.6.2019)

21/05/2019

WALLET HLUI TAK CHU:
----------------------------------------
_✍ Kimajongte.
"Tin, ngai teh u, kei k*mkhuain,
khawvêl tâwp thleng pawhin,
in hnênah ka awm zêl ang"
(Matthaia 28: 20b).
Rail ah chuan passenger an chuang khat vek mai a. Ticket endiktu chuan harsa tak chungin a ticket endik hna thawkin mi karah a rawn inzep phei zêl a. Chhuatah chuan eng emawni hi a rap fuh niin a inhria a; harsa taka kûna a zuk chhar nâk chuan, wallet hlui tawh tak mai hi a rawn lek chhuak ta a. A chhungah chuan a neitu hming emaw, a neitu hriattheihna tûrin eng emaw tal a hmuh beiseiin wallet chu a hawng ta a. A chhungah chuan rail ticket bâkah chuan pawisa nâwi tlêmazawng leh Isua thlalak hi a lo awm a; a neitu hming emaw, card emaw, a neitu hriât theihna tûrin engmah a awm lova.
Ticket endiktu chuan, "Wallet ka chhar e, a neitu chuan a chhunga awmte a sawi dik thei tûr a ni, chutichuan ka pe ang," a ti ta lûng lûng mai a.
Passenger-te zing ațang chuan Putar pakhat, upat hmêl tawh tak mai hian, "Ka ta a ni e. Isua thlalâk a awm ang," a lo ti vat a.
Ticket endiktu chuan, "Tu pawhin Isua thlalâk chu an dah thei alâwm; pawisa awmzat emaw, finfiahna dang sawi leh rawh. Nangma thlalâk pawh dah zâwk tûr che alâwm," a ti leh kher kher a.
Putar chuan a aw chu a thian hmasa tê tê a; zâwi muangin heti hian a chhang ta a:
"Kha wallet kha ka naupan laia ka pa min pêk a ni a. A tîrah chuan ka nu leh pa thlalâk ka dah țhîn a, a chhan chu ka pocket money min petute an ni a; ka ngaisang a, an thlalak ka dah ṭhîn a ni;
Râwlthar ka lo ni a, ka samsei nghiau chu inhmeh ka in ti hlê mai a. Keima thlalâk ka dah ta zâwk a, a khat tâwka keima thlalâk en zeuh zeuh ka chîng bawk a; țha pawh ka in ti hle țhîn a ni;
Tichuan, nupui ka nei ta a. Ka thlalâk chu lachhuakin ka nupui hmêlțha tak mai thlalâk chu ka dah ta zâwk a. A chhan chu, pawisa phawrh paha ka hmangaih beri lo nui seih ka hmuh țhin chuan min tihlim thei hlê a; pawisa pawrh a țûl hauh lohna ah pawh wallet chhunga thlalâk chu ka en ta fova;
Kar lovah fapa duhawm tak kan nei ta a. Ka nupui thlalâk chu lachhuakin, ka fapa thlalâk chu ka dah leh ta zâwk a. Kan nautê ka lawm êm êm avang chuan Office pawh ka kal tlai phahin ka bân hma phah ta fo țhîn rêng a."
Passanger dangte thâwm a reh țhup mai a; Mita mittui parawl țeuh chungin putar chuan hetihian a sawi zawm zêl a:
"K*m engemaw zat liâmta ah khan ka nu leh ka pa chuan min boral san tawh a. Khawvêlah an awm tawh lo. Nik*m mai khan ka nupui duhtak chuan Van Kohna min chhânsan ve leh a. Ka fapa, ka fa neihchhun lah chu a buai êm êm reng mai a. Ama pualin chhungkua a din ve tawh a; nupui fanau enkawl a lo țûl a, a eizawnna lamah a buai țhîn bawk si a. Ka lo biâk buai ve țhin lahin min vîn ta fo mai a. Ka tan hun a nei tawh ngang lova.
Tûnah chuan wallet ah khan Isua thlalâk ka dah ta a ni. Khawvêla ka hmangaih ber ber nia ka hriat țhinte chu tunah hian ka banphâk ah tumah an awm tawh lova. Isua chauh hi engtik maha min kalsan lo tûr a ni, chatuan thleng pawha ka țhian neihchhun tûr chu a ni, tih hi ka hrechhuak ta a ni;
Ka chhungte zawng zawng ka hmangaih țhîn anga nasa khan Isua hi lo hmangaih țhîn zâwk ni ila chuan, tûnah hian khawhar takin ka vâkvâi lo tûr!" a ti ta a.
Ticket endiktu chuan ngawi rengin chu wallet hlui tak chu putar hnenah chuan a pe lêt ta a ni!
Chhiartu duhtak, kan nuna kan ngaihhlut ber berte leh kan hmangaih ber berten mual min liâmsan hnuah leh min ṭînsan vek hnu pawhin Lalpa Pathian, awm mêka leh awm tawha leh lo la awm tura, Engkim titheia (Thupuan 1:8) chuan min ṭînsan ve dâwn si lova. Chuvangin, thil dang zawng zawng aiin Isua kan neih hi a va pawimawh êm!
Thil dang zawng zawng an ral vek hnu pawhin, "AWMA KA NI" (Exodus 3:4) titu kan Lalpa chu kan nunah kan neih phawt chuan, ani chu a rinawm si a, "Kei k*mkhuain, khawvêl tâwp thleng pawhin, in hnênah ka awm zêl ang," a ti a ni (Matthaia 28:20b).

17/05/2019

Hmeichhe buaipui thil in ang 10 !

1. Mipa - Pathian ruahmanna a nih hmel!
2. Anmahni taksa - sam, pian, tin, dul, thau, cher, mawngbawr, hnute, vun rawng,etc. Thauin cher an chak a, cherin thau deuh an duh; sam ngilin sam kir an awt a, sam kirin sam ngil!
3. Midang ngaihdan - midangin an comment dan hi an hre chak ngawih ngawih!
4. Thuruk - A rukin midang an hrilh darh vek zel!
5. Thil thar - Thawmhnaw thar, phone thar, star te news, socond hand Rs. 30 man an neih thar pawh hian an lawm em em mai ni.
6. Mi rel - Midang rel mai tur an hriat loh pawhin an \hianho zinga a awm lo ber talin a tuar thin!
7. Engtin nge mi an awm / khawsak - Midang thawmhnaw hak, an incheidan, an awm dan leh khawsak dante hi (an hriat hlek lohin) an lo buaipui sak ve chiam zel!
8. Thuhnu dâwn - Thil kal tawh siam that theih tawh lohte hi “... ta se... / .. lo ta se...” tia dawn zui vak vak hi an intihhmuh pawh ni miah si lo hian an inan tlanna lam tak a ni!
9. |hian - Mipa emaw hmeichhia emaw thian an mamawh ngawih ngawih, inah leh pawn lam chhuahnaah thian tel lovin chhuah an duh mang lo!
10. Hmangaihna - Hmangaihna hi ‘DUAT’(care) tihnaah an ngai tlangpui!

17/05/2019

INNEIH HMA LEH INNEIH HNU

INNEIH HMA
Mipa : A tawp a tawpah chuan a hrethiam ve ta nge nge e!
Hmeichhia: Kal bosan che i duh em ?
Mipa : Teuh lo mai, a ngaih pawh ngaihtuah chhin suh.
Hmeichhia: Min hmangaih tak tak em ?
Mipa : Teh reng mai.
Hmeichhia: Min bum tawh ngai em ?
Mipa : Teuh lo lutuk! Chutiangte tinge min zawh a..!
Hmeichhia: Min hmangaih reng ang em ?
Mipa : Teh reng mai!
Hmeichhia: K*t min thlak ang em ?
Mipa : Aih, chutiang chi ka ni lo.
Hmeichhia: Engkimah ka ring thlap thei che ang em?
Mipa : Lutuk, aw.. teh reng mai ka tihna.

INNEIH HNU (A hnuai lam atangin chhiar chho ve thung rawh le)

28/02/2019

Virgin loh vanga khawngaihna/rilruna

Ṭhal khaw ro lai a ni a, ni khat chu Reiek Branch K.Ṭ.P. te blanket sûk hnatlang nei turin Tlawngah phür zetin kan in-trip thla a; kan zu thleng chu rin aiin mi an lo ṭhahnem phian a. Aizawl lam mi, blanket su-a hnatlang ve tho leh a ṭhen chu school naupang intihlimte an ni hlawm a.
Insûkna hmun rem ṭha pawh kan chan ve meuh tawh loh avangin lui mawng lam deuhah chuan a rem dan ang angin kan b**g ve ta chawt a. Kan thlang deuh chu Aizawl lam aṭanga lui lo luangin a rawn finna lai a nih avangin ṭiauphovah te chuan bawlhlawh a var deuh tiar a. Ti chuan ei rawngbawlna hmun tur vel kan ruahman nghâl sawk sawk a.
Lungthû tur zawngin kan thlang ṭiauphova lung awm khawm chu ka zuk hai let vel a, rin loh deuhin ka lungthu zawnna lamah chuan thil ka chhar ta tlat mai! Slipper chhia—a rawng pawh a dal zo tawh, 'pinky' tih inziak erawh chu a la chhiar theih deuh a, a chat zawmna thirzai pawh a la awm ve hram hram bawk. Chu chuan ka ngaihtuahna chu k*m eng emaw zat liam tawhah a hruai kir ta daih a..
***
2001 k*m bul lam a ni a, pawl 11 zir turin Aizawl Bungkawn venga ka ní te ka han fin a. JL school-ah lûtin school bàn apiangin Mystique-ah music class ka kal pah bawk a, classical guitar ka zir ṭhin. Classical music lam hi ka ngainat zawng a nih avangin nuam ka ti ṭhin hle a, class pawh ka ṭhulh ngai meuh lo va.
Tlai khat music class kan bang kan room aṭanga ka chhuak chu corridor-a ka kal laiin violin room aṭang hian hmeichhe tleirawl pakhat, violin zirlai hi a rawn chhuak hlawl a; hàwn kawnga inhmu fo tawh kan nih avangin kan innuih ringawt a. Vái hmél deuh, ngo ving veng, ṭawng tam hmèl vak lo hi a ni a; class bàn apiang hian ka hmaah a haw ṭhin a, school bag a ah bakah violin, a case-a inkhung hi a khai a, Chawnga road kawng sira dawrte pakhatah hian coffee a in kawi ziah ṭhin. A uniform aṭang chuan Oikos school naupang a ni tih chu ka hria a, mahse tu nge a nih a, khawii venga awm nge a nih erawh chu ka la hre bîk lo va.
Chumi tlai chuan kan intawng remchang bawk nen kan haw rual ta nghal a. Kalkawngah chuan kan t**i ve tak nâin sawi tur tam tak erawh kan hre lo.¬
“Violin maw i zir?”
“Aw, ni e. Nang?”
“Guitar, classical guitar.”
“Classical music lam i tui ve elo!? Kei pawh ka tuina ber alawm.”
“Aw, tui ve e.. Taka engtin nge ka koh ang che? Kei chu Valpui tiin min ko ṭhin a.”
“Kamala tiin min ko dawn nia.”
“Kamala a!?”
Ka mak ti hmel a hmuh chuan Gorkhali an nih thu leh Lawipu venga awm an nih thu te, hnam dang mi mah ni se, Mizorama pianga sei lian a nih thu te chu a sawi ta vek a. A lo hetih reuh vang a nih hi vai hmél pu ru chung si-a mizo ṭawng chhe të maha a pai loh ni! A ṭawngkam leh nun zia aṭang chuan mi chapo lo, polite leh confi tak si a ni tih chu a hriat reng mai a; ka zah ru reuh hle mai. Coffee a in kawi ṭhinna dawrtë kan thlen chuan nui deuh chung hian coffee in a rawt a, kan in dun a, kan in man pawh chu aman a pe mai a.
Kal pahin Reiek khua ka nih thu leh, Bungkawna ka ní te ina ka awm thu te chu ka hrilh ve a. Rei lo tëah kan in peng chu kan thleng ta dêr mai.
“In in a va hnai bik ve.. A nih phawt aw, bye.”
“Bye le..”
La thlahlel ru tak chungin ka vai liam a, vawiin tlai chu hàwn kawng a tawi duh ngei mai!
Chuti ang chu kan tlai tin dàn a nih tâkah chuan, tui záwng inang na nâ nâ chu kan lo inngaina ta viau mai a. A lo rei deuh a, inngainatna chu inngaihzawnnain a luahlàn lo thei ta lo! Tichuan hmangaihna chu Kamala-i nena kan buaipui ber a lo ni ta a. A fel a; a nù a; a thianghlim a; a chhe lo bawk a; chuti ang hmeichhia chu ka thinlung duh zawng tak a ni rëng a ni.
# #

Vawi khat chu Chawlni tlai hian casual dress mai mai nen ka léng thla a, an luhká ka thlen hma deuh chuan a violin tum ri hi ka hria a; ka piece ngainat berte zinga mi Johann Pachelbel-a canon ngei mai kha a lo tum a ni. Chawlhni tlai boruak lunglenthlak tak kára chuti ang ri hriat chu a inhmeh tak zet a, ka ngaithla zo phawt a, ka lut ta chauh a. Chü thing in upa ve tawh tak, a chhung thim deuh ruài leh chhuat tliang han maia tleirawl duhawm tak ch

08/01/2019

Kan tihtur ka theihnghilh tep a ni...