29/11/2023
കേട്ടാലറക്കുന്ന തെറികളും കണ്ണു പൊത്തി പോകുന്ന അശ്ലീല കമന്റുകളുമായി സഖാവ് മുഹമ്മദ് റിയാസിന്റെ പോസ്റ്റിൽ പെറ്റു കിടക്കുന്നുണ്ട് കോൺഗ്രസിന്റെ
പുതിയ സൈബർ ടീം.
നേതൃത്വം കൊടുക്കുന്നത് കോൺഗ്രസിന്റെ സൈബർ ടീം മേധാവി തന്നെ.
‘അമ്മോസനും മരുമോനും’ എന്ന് തുടങ്ങി വ്യക്തിപരമായ പരാമർശങ്ങളുമായി പേരിനൊപ്പമുള്ള വിദ്യാഭ്യാസ യോഗ്യതകളോട് ഒട്ടും നീതി പുലർത്താത്ത ഒറ്റപ്പാലത്തെ ആ മനുഷ്യമൃഗം പോസ്റ്റുകളായും കമന്റുകളായും സഖാവ് റിയാസിനെതിരെ ആക്ഷേപകരമായി എഴുതി കൊണ്ടേയിരിക്കുന്നു.
എന്താണിവരെ പ്രകോപിപ്പിക്കുന്നത് എന്നല്ലേ,
അതിന്റെ ഉത്തരം മന്ത്രിയുടെ ഫേസ്ബുക് പേജിൽ പോയാൽ കാണാം.
2024 ഇൽ എൽഡിഎഫ് സർക്കാർ നാടിന് സമർപ്പിക്കാൻ പോകുന്ന സ്വപ്ന പദ്ധതിയായ തലശ്ശേരി മാഹി ബൈപാസ് റോഡിലൂടെയുള്ള സഖാവ് റിയാസിന്റെ മോർണിംഗ് വാക്ക് വീഡിയോ ഇതിനോടകം രണ്ടു മില്യൺ ആളുകൾ കണ്ടു കഴിഞ്ഞു.
മണിക്കൂറുകൾ വേണ്ടി വരുന്ന തലശ്ശേരി വടകര യാത്രക്ക് പതിനഞ്ചു മിനിറ്റുകൾ മാത്രം മതിയാവുന്ന ആ റോഡിനെ കുറിച്ചുള്ള വീഡിയോക്ക് താഴെ വരുന്ന പൊതു ജനങ്ങളുടെ കമന്റുകൾ ഒരു ജനപ്രതിനിധിയെങ്ങിനെ മനുഷ്യരെ സ്വാധീനിക്കും എന്നതിന്റെ തെളിവാണ്.
എലിയും പെരുച്ചാഴിയും പാറ്റയും പഴുതാരയും പെറ്റു കിടന്നിരുന്ന പി ഡബ്ലിയു ഡി റെസ്റ്റ് ഹൗസുകളുടെ മുഖം മുഴുവനായും നവീകരിച്ചു പൊതു ജനങ്ങൾക്ക് തുറന്നു കൊടുത്തതിലൂടെ സർക്കാരിന് ലഭ്യമായ കോടി കണക്കിന് രൂപയെ കുറിച്ചും പൊതു ജനങ്ങൾക്കും വിശിഷ്യാ സ്ത്രീകൾക്കും അതിലൂടെ കൈവന്ന സൗകര്യത്തെ കുറിച്ചും വിവരിക്കുന്ന മറ്റൊരു വീഡിയോ ഒന്നര മില്യൺ ആളുകൾ കണ്ടു കഴിഞ്ഞു.
ഒരു മന്ത്രിയെന്ന നിലക്ക് ഞങ്ങൾ ആഗ്രഹിക്കുന്നത് ഇതാണ് എന്നർത്ഥം വരുന്ന സ്വഭാവത്തിൽ ഇത് വരെ രാഷ്ട്രീയം പറയാത്ത നിരവധി പ്രൊഫൈലുകളുടെ കമന്റുകൾ പോസ്റ്റിനടിയിൽ ഉണ്ട്.
കേരളത്തിന് സംഭവിക്കുന്ന മാറ്റങ്ങളെ,
ഉറക്കമൊഴിച്ചും അക്ഷീണമായും
ജനങ്ങളിലേക്ക് എത്തിക്കാൻ കഠിനാധ്വാനം ചെയ്യുന്ന,
സഖാവിന് തിരിച്ചു ജനങ്ങൾ നൽകുന്ന സ്നേഹവും പിന്തുണയുമാണ് കോൺഗ്രസ് സൈബർ സംഘത്തെ പ്രകോപിപ്പിക്കുന്നത്.
'അമ്മോസനും മരുമോനും'
എന്നു ആക്ഷേപ രീതിയിൽ ആക്രമിക്കാൻ വരുന്നവരോട് സഖാവിന്റെ മറുപടി 'ആ ബന്ധം ഒരു യാഥാർഥ്യമാണല്ലോ അതെനിക്ക് ആക്ഷേപമേയല്ല' എന്നാണ്.
'നിങ്ങൾക്ക് വ്യക്തിപരമായല്ലാതെ,
മറ്റെന്തെങ്കിലും വിമർശനമുണ്ടോ..
ഉണ്ടെങ്കിൽ പറയൂ, അതെനിക്ക് പരിഹരിക്കാൻ ആണ്' എന്നാണ്..!
സുഖകരവും സ്വാസ്ഥ്യവുമായ ഒരു ജീവിതം തിരഞ്ഞെടുക്കാൻ സ്വാഭാവികമായി തന്നെ വ്യക്തിപരമായ ജീവിതത്തിൽ അവസരമുണ്ടായിരിക്കെ,
അതവഗണിച്ചു,
ചെങ്കൊടി പിടിച്ചു,
തീയിലേക്ക് ചാടാൻ മടി കാണിക്കാതെ,
സമര മുഖങ്ങളിൽ അഗ്നിയായ,
രാത്രിയോ പകലോ എന്നില്ലാതെ,
തന്നെ വിശ്വസിക്കുന്ന ജനങ്ങൾക്ക് വേണ്ടിയും,
തന്റെ സഖാക്കൾക്ക് വേണ്ടിയും,
എന്തിനും തയ്യാറാവുന്ന,
ആ മനുഷ്യനെ തോൽപ്പിക്കാൻ കോൺഗ്രസിന്റെ സൈബർ ടീം ആയിരം ജന്മങ്ങൾ ജനിക്കണം..!
ജനങ്ങൾ,സഖാക്കൾ ഒപ്പമുണ്ട്,
സഖാവ് മുഹമ്മദ് റിയാസ് 🔥
Copied
