10/04/2026
പ്രിയപ്പെട്ടവരേ....
നമ്മുടെ ജില്ലയിൽ നിയമസഭാ തെരഞ്ഞെടുപ്പിൻ്റെ പോളിംഗ് നടപടികൾ സുഗമവും സമാധാനപരവുമായി പൂർത്തിയായിരിക്കുന്നു.
തെരഞ്ഞെടുപ്പിന്റെ വിജയകരമായ നടത്തിപ്പിൽ നേരിട്ടും അല്ലാതെയും പ്രവർത്തിച്ച എല്ലാവർക്കും ജനാധിപത്യ മഹോത്സവത്തിൽ പങ്കാളികളായ ഓരോ വോട്ടർമാർക്കും നന്ദി അറിയിക്കുന്നു.
ആദ്യഘട്ട തയ്യാറെടുപ്പുകളിലും തെരഞ്ഞെടുപ്പ് പ്രഖ്യാപനത്തിനു ശേഷമുള്ള പ്രവർത്തനങ്ങളിലും വിവിധ തലങ്ങളിൽ നിരവധി ഉദ്യോഗസ്ഥർ അപ്പണ ബോധത്തോടെ രാപ്പകൽ വ്യത്യാസമില്ലാതെ കഠിനാധ്വാനം ചെയ്തിട്ടുണ്ട്.
രാഷ്ട്രീയ പാർട്ടി പ്രതിനിധികളും സ്ഥാനാർത്ഥികളും വോട്ടർ ബോധവൽക്കരണ പരിപാടികളിൽ പങ്കാളികളായവരും തെരഞ്ഞെടുപ്പുമായി ബന്ധപ്പെട്ട ജനങ്ങൾ അറിയേണ്ടതെല്ലാം കൃത്യമായി അറിയിച്ചിരുന്ന മാധ്യമപ്രവർത്തകരുമെല്ലാം നമ്മുടെ ജില്ലയിലെ തെരഞ്ഞെടുപ്പ് പ്രക്രിയയിൽ സ്വന്തം ചുമതലകൾ കൃത്യമായി നിർവഹിക്കുകയുണ്ടായി.
എല്ലാവരെയും ഈ അവസരത്തിൽ നന്ദിയോടെ ഓർക്കുന്നു.
നന്ദി... കോട്ടയം