Kothamangalam In

31/01/2026

26/01/2026

സീറ്റ് കിട്ടില്ല എന്നറിയാമെങ്കിലും ചർച്ചകൾ സജീവമാണ്.

19/01/2026

തലക്കോട് ഓടിക്കൊണ്ടിരുന്ന ടൂറിസ്റ്റ് ബസിന് തീപിടിച്ചു.

14/01/2026

കോതമംഗലത്തിന് മാത്യു കുഴൽനാടൻ വേണം, പ്രവർത്തകരുടെ വികാരം ശക്തം.

സോഷ്യൽ മീഡിയ വഴി ശക്തമായ പ്രചരണമാണ് മാത്യു കുഴൽനാടന് വേണ്ടി പ്രവർത്തകർ നടത്തുന്നത്.

കുഴൽനാടൻ മത്സരിച്ചാൽ മാത്രമേ മണ്ഡലം തിരിച്ചുപിടിക്കാൻ കഴിയൂ എന്നാണ് മണ്ഡലത്തിലെ കോൺഗ്രസ് പ്രവർത്തകർ പറയുന്നത്.

14/01/2026

കേരള കോൺഗ്രസിൽ നിന്നും നിയമസഭ സീറ്റ് പിടിച്ചെടുത്ത് കോൺഗ്രസ് മത്സരിക്കണമെന്ന് ആവശ്യപ്പെട്ട് പോസ്റ്ററുകൾ ഉയരുന്നു.

മാത്യു കുഴൽനാടൻ കോതമംഗലത്ത് സ്ഥാനാർത്ഥിയാകണമെന്നാണ് കോൺഗ്രസ് പ്രവർത്തകരുടെ ആഗ്രഹം.

കേരള കോൺഗ്രസ് വീണ്ടും മത്സരിച്ചാൽ UDF ന് ഇത്തവണയും മണ്ഡലം കിട്ടില്ല എന്നാണ് കോൺഗ്രസ് പ്രവർത്തകരുടെ അഭിപ്രായം.

05/01/2026

മാത്യു കുഴൽനാടൻ കോതമംഗലത്ത് മത്സരിച്ചേക്കും.

ഇതു സംബന്ധിച്ച് ജോസഫ് ഗ്രൂപ്പുമായി ധാരണയായതായി സൂചന.

കോതമംഗലം പിടിച്ചെടുക്കുക മാത്രമല്ല മാത്യു കുഴൽനാടൻ്റെ വരവിൻ്റെ പിന്നിലെ കാരണം.

മൂവാറ്റുപുഴ മുനിസിപ്പൽ ചെയർപേഴ്സൺ - പഞ്ചായത്ത് പ്രസിഡൻ്റ് തെരഞ്ഞെടുപ്പുമായി ബന്ധപ്പെട്ട് പ്രബല വിഭാഗം കുഴൽനാടനുമായി തെറ്റിയതായാണ് വിവരം. UDF വിജയത്തിന് പിന്നിൽ പ്രവർത്തിച്ച ഇവരുടെ പിന്തുണ നിയമസഭ തെരഞ്ഞെടുപ്പിൽ കിട്ടിയില്ലെങ്കിൽ UDF ഭൂരിപക്ഷം നാമമാത്രമായി ചുരുങ്ങും. ഈ റിസ്ക് എടുക്കാൻ ഇന്നത്തെ സാഹചര്യത്തിൽ കുഴൽനാടൻ തയ്യാറായേക്കില്ല.

02/01/2026

ഒരു പതിറ്റാണ്ടുകാലമായി സിപിഎം പിടിച്ചു വച്ചിരിക്കുന്ന, ഒരു കാലത്ത് UDF ൻ്റെ പൊന്നാപുരം കോട്ടയായിരുന്ന കോതമംഗലം മണ്ഡലം തിരിച്ചു പിടിക്കാൻ മാത്യു കുഴൽനാടനെ കളത്തിലിറക്കാൻ കോൺഗ്രസ്.

കേരള കോൺഗ്രസിൻ്റെ ശക്തമായ എതിർപ്പ് വകവയ്ക്കാതെയാണ് കോൺഗ്രസ് മുന്നോട്ടു പോകുന്നത്.

തദ്ദേശ സ്വയംഭരണ തെരഞ്ഞെടുപ്പിലെ മിന്നും വിജയമാണ് കടുത്ത തീരുമാനമെടുക്കുന്നതിലേക്ക് കോൺഗ്രസിനെ നയിക്കുന്നത്.

കോതമംഗലത്ത് കോൺഗ്രസിൽ പല സീറ്റുമോഹികൾ ഉണ്ടെങ്കിലും മാത്യു കുഴൽനാടൻ മതിയെന്ന നിലപാടിലാണ് ചർച്ചകൾ പുരോഗമിക്കുന്നത്.

മൂവാറ്റുപുഴ സീറ്റിൽ മാത്യുവിനെ കാലുവാരി വീഴ്ത്താൻ കോൺഗ്രസിലെ പ്രാദേശിക നേതാക്കളിൽ ഒരു വിഭാഗം ശ്രമിക്കുന്നതായി നേതൃത്വത്തിന് സംശയമുണ്ട്. മണ്ഡലം മാറ്റത്തിന് ഇതും ഒരു കാരണമാകുന്നുണ്ട്.

തങ്ങളുടെ സീറ്റ് പിടിച്ചെടുത്തതിലെ കേരളകോൺഗ്രസിലെ അമർഷവും കൂടി പ്രതിഫലിച്ചാൽ മാത്യു കുഴൽനാടൻ ഒരു പക്ഷേ മൂവാറ്റുപുഴയിൽ തോറ്റേക്കുമെന്ന ഭയവും കോൺഗ്രസ് നേതാക്കൾക്കുണ്ട്.

സീറ്റ് CPI യുടേതാണെങ്കിലും കുഴൽനാടനെ തോൽപ്പിക്കാൻ CPM ഇത്തവണ കൈമെയ് മറന്നിറങ്ങുമെന്നുറപ്പാണ്.

രഹസ്യസർവേയിൽ കിട്ടിയ വിവരങ്ങളുടെ അടിസ്ഥാനത്തിലാണ് മണ്ഡലം മാറ്റം ചർച്ചകൾ പുരോഗമിക്കുന്നത്.

01/01/2026

കോതമംഗലം - മൂവാറ്റുപുഴ - പെരുമ്പാവൂർ സീറ്റുകൾ വച്ചുമാറൽ - ചർച്ചകൾ ചോർന്നതിൽ നേതൃത്വത്തിന് നീരസം. വിവരം പുറത്തു വിട്ടത് സീറ്റുമോഹികളെന്ന് സംശയം.

UDF കോട്ടകളായ കോതമംഗലം, പെരുമ്പാവൂർ സീറ്റുകൾ ഇത്തവണ വിജയിക്കാൻ ബുദ്ധിമുട്ടാണെന്ന് മനസിലാക്കി നേതൃത്വം രഹസ്യമായി നടത്തിയ നീക്കമാണ് പുറത്തായത്.

സീറ്റുകൾ മാറ്റം വരുത്തുമ്പോൾ കടന്നുവരുന്ന പുതിയ സീറ്റു മോഹികളെ എങ്ങനെ കൈകാര്യം ചെയ്യും എന്നതാണ് നേതൃത്വത്തെ അലട്ടുന്ന മറ്റൊരു പ്രശ്നം.

മൂവാറ്റുപുഴയിൽ ആരു നിന്നാലും UDF ജയിക്കും എന്ന കണക്കുകൂട്ടലിലാണ് കോതമംഗലം തിരിച്ചു പിടിക്കാൻ മാത്യു കുഴൽനാടനെ പരിഗണിച്ചത്. മാത്യുവിനോട് മൂവാറ്റുപുഴ മണ്ഡലത്തിലെ പ്രാദേശിക നേതൃത്വത്തിൽ ചിലർക്കുള്ള താൽപ്പര്യക്കുറവും കോതമംഗലത്തേക്ക് മാത്യുവിനെ മാറ്റുന്ന ആലോചനയിൽ കടന്നു വന്നിട്ടുണ്ട്.

എൽദോസ് കുന്നപ്പിള്ളിക്ക് മൂവാറ്റുപുഴ നൽകി പെരുമ്പാവൂർ ഷിബുവിന് കൊടുക്കാം എന്ന ധാരണയ്ക്ക് ഭീഷണിയായി മൂവാറ്റുപുഴയിൽ ജോസഫ് വാഴയ്ക്കൻ്റെയും മുൻ നഗരസഭ ചെയർമാൻ പി പി എൽദോസിൻ്റെയും പേര് ഉയർന്നുവന്നിട്ടുണ്ട്.

31/12/2025

ഷിബു തെക്കുംപുറത്തെ കോതമംഗലം മണ്ഡലത്തിൽ നിന്നും മാറ്റി കോൺഗ്രസ് മണ്ഡലം ഏറ്റെടുത്താൽ UDF ജയിക്കുമോ ?

30/12/2025

മാത്യു കുഴൽനാടൻ കോതമംഗലത്ത് മത്സരിച്ചേക്കും.

മൂവാറ്റുപുഴയിൽ കുഴൽനാടനെതിരായ നീക്കങ്ങൾ അണിയറയിൽ നടക്കുന്നതായാണ് വിവരം.

മൂവാറ്റുപുഴ കോൺഗ്രസിലെ പ്രാദേശിക നേതാക്കളിൽ പലരും കുഴൽനാടൻ വിരുദ്ധരാണെന്നത് പരസ്യമായ രഹസ്യമാണ്.

കാലുവാരൽ സാധ്യത മുൻകൂട്ടി കണ്ടാണ് കുഴൽനാടൻ മണ്ഡലം മാറുന്നതെന്നാണ് സൂചന.

UDF മൂവാറ്റുപുഴയിൽ നേടിയ വിജയം തൻ്റെ മാത്രം കഴിവാണെന്ന രീതിയിൽ കുഴൽനാടൻ വരുത്തിത്തീർത്തതായി കോൺഗ്രസ് നേതാക്കൾക്കിടയിൽ സംസാരമുണ്ട്. ഇതിൽ പലരും അസംതൃപ്തരുമാണ്.

UDF മൂവാറ്റുപുഴയിൽ വൻ വിജയം നേടിയതോടെ മൂവാറ്റുപുഴയിൽ സ്ഥാനാർത്ഥി മോഹികളുടെ എണ്ണം വർദ്ധിച്ചതും കുഴൽനാടൻ്റെ മണ്ഡലം മാറ്റത്തിനു പിന്നിലുണ്ട്.

ജോസഫ് വാഴയ്ക്കൻ, എൽദോസ് കുന്നപ്പിള്ളി, മുൻ നഗരസഭ ചെയർമാൻ പി പി എൽദോസ് എന്നിവരാണ് മൂവാറ്റുപുഴ സീറ്റിനു വേണ്ടി ശ്രമിക്കുന്നത്.

കാര്യങ്ങൾ കൈവിട്ടു പോകുന്നുവെന്ന് മനസിലാക്കി കോതമംഗലം സീറ്റ് കൈപ്പിടിയിലാക്കാനാണ് കുഴൽനാടൻ്റെ നീക്കമെന്ന് കരുതുന്നു.

28/10/2025

കല്യാണവീട്ടിലെ QR CODE കണ്ടിട്ടുണ്ടോ ?

കണ്ടവർ കാണാത്തവർക്ക് ഷെയർ ചെയ്തു കൊടുക്കുക.