Kollam Rural Police

05/06/2026

03/06/2026

മൊബൈല്‍ ഫോണ്‍ നഷ്ടപ്പെട്ടാൽ...
അടുത്തുള്ള പോലീസ്‌ സ്റ്റേഷനില്‍ നേരിട്ടോ കേരളാ പോലീസിന്റെ POL APP എന്ന മൊബൈല്‍ ആപ്പ്‌ വഴിയോ THUNA ഓണ്‍ലൈന്‍ പോര്‍ട്ടല്‍ വഴിയോ പരാതി രജിസ്റ്റര്‍ ചെയ്ത് രസീത് കൈപ്പറ്റാവുന്നതും സിം കാര്‍ഡുകളുടെ ഡ്യൂപ്ലിക്കേറ്റ്‌ എടുത്ത് സിം ആക്ടീവ് ആയ ശേഷം Sanchar Saathi ആപ്പ്‌ വഴിയോ CEIR വെബ്സൈറ്റ് (https://ceir.sancharsaathi.gov.in/) വഴിയോ ‘Block Stolen/Lost Mobile’ ടാബില്‍ ക്ലിക്ക് ചെയ്ത് IMEI നമ്പര്‍, ഫോണില്‍ ഉപയോഗിച്ചിരുന്ന മൊബൈല്‍ നമ്പര്‍, പോലീസില്‍ പരാതി നല്‍കിയപ്പോള്‍ ലഭിച്ച രസീത്, മൊബൈല്‍ ഉടമസ്ഥന്റെ തിരിച്ചറിയല്‍ രേഖ മുതലായവ നല്‍കി തുടര്‍ന്ന് നേരത്തെ എടുത്ത് വച്ചിരിക്കുന്ന ഡ്യൂപ്ലിക്കേറ്റ്‌ സിമ്മിലേക്ക് വരുന്ന OTP കൂടി നല്‍കിയാല്‍ പരാതി രജിസ്റ്റര്‍ ആകുന്നതും ഒരു റിക്വസ്റ്റ് ഐഡി നമ്പര്‍ ലഭിക്കുന്നതുമാണ്. തുടര്‍ന്ന് ഈ ബ്ലോക്ക്‌ ചെയ്യപ്പെട്ട IMEI നമ്പര്‍ ഉള്ള ഫോണില്‍ ഏതെങ്കിലും സിം കാര്‍ഡ് ആരെങ്കിലും ഉപയോഗിക്കാന്‍ ശ്രമിച്ചാല്‍ ടി വിവരം SMS ആയി പരാതി നല്‍കിയ ആള്‍ക്കും വിശദാംശങ്ങള്‍ സഹിതം പരാതി രജിസ്റ്റര്‍ ചെയ്ത പ്രസ്തുത പോലീസ്‌ സ്റ്റേഷനില്‍ CEIR പോര്‍ട്ടല്‍ മുഖേനയും അറിയിപ്പ്‌ ലഭ്യമാകുന്നതുമാണ്.
സർവീസിനായി കൊണ്ടുവരുന്ന ഫോണുകൾ വാങ്ങി വയ്ക്കുന്നതിന് മുമ്പ് അവ "സഞ്ചാർ സാഥി" ആപ്പിൽ പരിശോധിച്ചു ഐഎംഇഐ ബ്ലാക്ക് ലിസ്റ്റ് ചെയ്തതല്ല എന്ന് മൊബൈൽ ഷോപ്പ് ജീവനക്കാർ ഉറപ്പാക്കണം. സെക്കന്‍ഡ്‌ ഹാന്‍ഡ്‌ ഫോണുകള്‍ വാങ്ങുന്ന പൊതുജനങ്ങള്‍ ടി ഫോണിന്റെ 2 IMEI നമ്പരുകളും പരിശോധിച്ച് ( * #06 # ഡയല്‍ ചെയ്താല്‍ IMEI നമ്പരുകള്‍ ലഭിക്കുന്നതാണ്) അവ ബ്ലാക്ക് ലിസ്റ്റ് ചെയ്യപ്പെട്ടതല്ല എന്ന് ഉറപ്പാക്കണം. അല്ലാത്തവ ശ്രദ്ധയിൽപ്പെട്ടാൽ ഉടനടി പോലീസിൽ വിവരമറിയിക്കണം. Playstore/Appstore ല്‍ ലഭ്യമായിട്ടുള്ള Sanchar Saathi App വഴിയും KYM എന്ന് ടൈപ്പ് ചെയ്ത് 14422 എന്ന നമ്പരിലേക്ക്‌ SMS അയച്ചും കൈവശം ഉള്ള ഫോണിന്റെ IMEI ബ്ലാക്ക് ലിസ്റ്റ് ചെയ്യപ്പെട്ടവ ആണോ അല്ലയോ എന്ന് പരിശോധിക്കാവുന്നതാണ്.

02/06/2026

“ഓപ്പറേഷൻ തുഫാന്‍ ദി നാര്‍ക്കോ ഹണ്ട്“ പ്രോജക്ട് സംസ്ഥാന വ്യാപകമായി ഇന്ന് (02.06.26) തീയതി വൈകുന്നേരം മൂന്നുമണിക്ക് തിരുവനന്തപുരത്ത് വച്ച് ഉദ്ഘാടനം ചെയ്യപ്പെടുന്നു.

സംസ്ഥാനത്തെ ലഹരിമരുന്നുകളുടെ പിടിയില്‍ നിന്ന് മോചിപ്പിക്കുന്നതിനും ലഹരിവ്യാപനം തടയുന്നതിനുമായി കേരള പോലീസ് ആവിഷിക്കരിച്ച് നടപ്പിലാക്കുന്ന പുതിയ പദ്ധതിയായ 'തൂഫാന്‍ : ദ നാര്‍ക്കോ ഹണ്ട്' സംസ്ഥാനതല ഉദ്ഘാടനം ഇന്ന് (02-06-2026) തീയതി വൈകുന്നേരം മൂന്നുമണിക്ക് തിരുവനന്തപുരത്ത് കോട്ടണ്‍ഹില്‍ സ്കൂളില്‍ വച്ച് നടക്കുന്ന ചടങ്ങില്‍ ബഹുമാനപ്പെട്ട മുഖ്യമന്ത്രി ശ്രീ. വി ഡി സതീശന്‍ നിര്‍വ്വഹിക്കും.
കുടുംബ ബന്ധങ്ങളെ പോലും തകര്‍ക്കുന്ന ലഹരിമരുന്നുകളുടെ പിടിയില്‍ നിന്ന് യുവാക്കളെയും വിദ്യാര്‍ത്ഥികളെയും രക്ഷിക്കുവാനും സംസ്ഥാനത്തെ ലഹരി മയക്കുമരുന്ന് സംഘങ്ങളുടെ ഉറവിടം കണ്ടെത്തി നശിപ്പിക്കാനുമുള്ള കേരള പൊലീസിന്‍റെ പദ്ധതിയാണ് 'തൂഫാന്‍ : ദ നാര്‍ക്കോ ഹണ്ട്'.
തൂഫാന്‍ പദ്ധതിയുടെ ഭാഗമായി ലഹരിമരുന്ന് വില്‍ക്കുന്നവരെയും ഉപയോഗിക്കുന്നവരെയും നിരീക്ഷിക്കാന്‍ പ്രത്യേക സംവിധാനം ഉണ്ടാകും. വിദ്യാഭ്യാസ സ്ഥാപനങ്ങളുടെ പരിസരങ്ങള്‍, ആഡംബര ഹോട്ടലുകള്‍, ഡി.ജെ പാര്‍ട്ടികള്‍ എന്നിവടങ്ങള്‍ കര്‍ശന നിരീക്ഷണത്തിലാക്കുകയും ലഭ്യമാകുന്ന സൂചനകളില്‍ ഉടനടി നടപടി സ്വീകരിക്കുകയും ചെയ്യും.
ആഭ്യന്തര വകുപ്പ് മന്ത്രി ശ്രീ. രമേശ് ചെന്നിത്തല അധ്യക്ഷത വഹിക്കുന്ന ചടങ്ങില്‍ ആരോഗ്യ വകുപ്പ് മന്ത്രി ശ്രീ. കെ. മുരളീധരന്‍, വിദ്യാഭ്യാസ വകുപ്പ് മന്ത്രി ശ്രീ. എന്‍. ഷംസുദീന്‍, എക്സൈസ് വകുപ്പ് മന്ത്രി ശ്രീ. എം.ലിജു, ഗതാഗത വകുപ്പ് മന്ത്രി ശ്രീ. സി പി ജോൺ, പാർലമെന്റ് അംഗം ശ്രീ. ശശി തരൂർ, സംസ്ഥാന പോലീസ് മേധാവി ശ്രീ. റവാഡ ആസാദ് ചന്ദ്ര ശേഖര്‍ ഐ.പി.എസ്, ക്രമസമാധാന വിഭാഗം എ.ഡി.ജി.പി ശ്രീ. എച്ച്. വെങ്കടേഷ് ഐ.പി.എസ്, സ്കുള്‍ അധികൃതര്‍, രക്ഷിതാക്കള്‍, വിദ്യാര്‍ത്ഥികള്‍ എന്നിവര്‍ പങ്കെടുക്കും.

01/06/2026

01/06/2026

പുതിയ അധ്യയന വർഷത്തിലേക്ക് പ്രവേശിക്കുന്ന എല്ലാ വിദ്യാർത്ഥികൾക്കും കൊല്ലം റൂറൽ പോലീസിന്റെ ഹൃദയം നിറഞ്ഞ ആശംസകൾ…

30/05/2026

കുട്ടികളിലെ മാനസികസമ്മർദ്ദം,ആശങ്കകൾ, പഠന പ്രശ്നങ്ങൾ എന്നിവയുടെ പരിഹാരത്തിനായി ചിരി യിലേക്ക് വിളിക്കുക.

30/05/2026

**കിഡ് ഗ്ലോവ് പ്രോജക്റ്റ് – സൈബർ സുരക്ഷാ പ്രതിജ്ഞ**

ഡിജിറ്റൽ പ്ലാറ്റ്ഫോമുകളുടെ സുരക്ഷിതവും ഉത്തരവാദിത്വപരവുമായ ഉപയോഗത്തെക്കുറിച്ചും ഉയർന്നുവരുന്ന സൈബർ ഭീഷണികളിൽ നിന്നുള്ള സംരക്ഷണത്തെക്കുറിച്ചും വിദ്യാർത്ഥികളിൽ അവബോധം സൃഷ്ടിക്കുക എന്ന ലക്ഷ്യത്തോടെ കേരള പോലീസ് സൈബർ ഓപ്പറേഷൻസ് വിംഗ് സംസ്ഥാനവ്യാപകമായി **"കിഡ് ഗ്ലോവ് പ്രോജക്റ്റ്"** നടപ്പിലാക്കിവരുന്നു.

സുരക്ഷിതമായ ഇന്റർനെറ്റ് ഉപയോഗം, സൈബർ ഭീഷണികൾ തടയൽ, ഓൺലൈൻ ഗെയിമിംഗുമായി ബന്ധപ്പെട്ട അപകടസാധ്യതകൾ, വ്യാജ വാർത്തകളെ തിരിച്ചറിയൽ, സ്വകാര്യതാ സംരക്ഷണം, ഡിജിറ്റൽ ആസക്തി, സൈബർ ശുചിത്വം, സോഷ്യൽ മീഡിയ സുരക്ഷ, ഉത്തരവാദിത്തമുള്ള ഡിജിറ്റൽ പെരുമാറ്റം എന്നിവയുൾപ്പെടെയുള്ള വിഷയങ്ങളിൽ കുട്ടികൾക്കും കൗമാരക്കാർക്കും ഇടയിൽ സൈബർ സുരക്ഷാ അവബോധം വളർത്തുന്നതിനാണ് പദ്ധതി ലക്ഷ്യമിടുന്നത്.

സ്കൂൾ വിദ്യാർത്ഥികളുടെ ഓൺലൈൻ പ്ലാറ്റ്ഫോമുകളുമായുള്ള വർധിച്ചുവരുന്ന ഇടപെടലും അതുമായി ബന്ധപ്പെട്ട ഡിജിറ്റൽ അപകടസാധ്യതകളും കണക്കിലെടുത്ത്, പുതിയ അധ്യയന വർഷത്തോടനുബന്ധിച്ച് സംസ്ഥാനത്തെ എല്ലാ സ്കൂളുകളിലും **"കിഡ് ഗ്ലോവ് സൈബർ സുരക്ഷാ പ്രതിജ്ഞ"** ചൊല്ലുന്നതിനുള്ള പരിപാടി സംഘടിപ്പിച്ചിരിക്കുന്നു.

ഇതിന്റെ ഭാഗമായി, സ്കൂൾ പ്രവേശനോത്സവ ചടങ്ങുകളിലും അസംബ്ലികളിലും വിദ്യാർത്ഥികൾ, അധ്യാപകർ, രക്ഷാകർത്താക്കൾ എന്നിവർ പങ്കാളികളായി സൈബർ സുരക്ഷാ പ്രതിജ്ഞ ചൊല്ലുന്നതിനോടൊപ്പം **"കിഡ് ഗ്ലോവ് സൈബർ സുരക്ഷാ പ്രതിജ്ഞ പോസ്റ്റർ"** പ്രദർശിപ്പിക്കുന്നതുമാണ്.

സുരക്ഷിതവും ഉത്തരവാദിത്തപൂർണ്ണവുമായ ഡിജിറ്റൽ സമൂഹം കെട്ടിപ്പടുക്കുന്നതിനുള്ള കേരള പോലീസിന്റെ സുപ്രധാന ബോധവത്കരണ സംരംഭമാണ് **കിഡ് ഗ്ലോവ് പ്രോജക്റ്റ്**.