City of Quilon - Kollam

City of Quilon - Kollam The page 'City of Quilon - Kollam' is dedicated to those who love Quilon city boundlessly. Kollamites/Quilonites, please support us!!

ബാംഗ്ലൂർ റൂട്ടിലൊഴികെ വേറേ ഏതെങ്കിലും റൂട്ടിൽ പുതുതായി കേരളത്തിൽ നിന്ന് വന്ദേഭാരത് ട്രെയിൻ ഓടിക്കുവാൻ കഴിയുമോ എന്ന് സതേൺ...
29/03/2025

ബാംഗ്ലൂർ റൂട്ടിലൊഴികെ വേറേ ഏതെങ്കിലും റൂട്ടിൽ പുതുതായി കേരളത്തിൽ നിന്ന് വന്ദേഭാരത് ട്രെയിൻ ഓടിക്കുവാൻ കഴിയുമോ എന്ന് സതേൺ റെയിൽവേ നോക്കുകയാണെന്ന് കേൾക്കുന്നു. എന്തുകൊണ്ടും കൊള്ളാവുന്ന നിരവധി റൂട്ടുകൾ നമുക്ക് മുന്നിലുണ്ട്.

1. തിരുവനന്തപുരം-സേലം (കൊല്ലം, കോട്ടയം, എറണാകുളം, പാലക്കാട് വഴി)

കേരളത്തിൽനിന്നും ചെന്നൈയിലേക്കുള്ള റൂട്ടിലെ മർമ്മപ്രധാനമായ ഒരു നഗരമാണ് സേലം. അതുകൊണ്ടുതന്നെ കേരള തലസ്‌ഥാനമായ തിരുവനന്തപുരത്തുനിന്നും സേലം വരെയുള്ള 572km ദൂരത്തിൽ (തിരുവനന്തപുരം-മംഗലാപുരം ദൂരം 620km ആണ്) വന്ദേഭാരത് ഓടിക്കാൻ കഴിഞ്ഞാൽ ചെന്നൈ കണക്റ്റിവിറ്റിയ്‌ക്കൊപ്പം ബാംഗ്ലൂർ, ഹൈദരാബാദ് യാത്രയും വേഗത്തിലാക്കാൻ സാധിക്കും.

2. എറണാകുളം-അരക്കോണം (പാലക്കാട്, സേലം വഴി)

619km വരുന്ന ചെന്നൈ റൂട്ടിലെ അരക്കോണം വരെ എറണാകുളത്തുനിന്നും വന്ദേഭാരത് ദിവസേന ഓടിക്കാൻ സാധിച്ചാൽ കൊച്ചി-ചെന്നൈ യാത്രാസമയം വെറും 10 മണിക്കൂറാക്കി ചുരുക്കാൻ കഴിയും. അരക്കോണം-ചെന്നൈ റൂട്ടിൽ ചെന്നൈ ലോക്കൽ സർവ്വീസുകളും ലഭ്യമാണ്.

3. ഷൊർണ്ണൂർ-ഗോവ (കോഴിക്കോട്, മംഗലാപുരം, ഉഡുപ്പി വഴി)

ഇന്ത്യയിലെ മുൻനിര വിനോദസഞ്ചാര കേന്ദ്രമായ ഗോവയിലേക്ക് ഷൊർണ്ണൂർ ജംഗ്‌ഷൻ റെയിൽവേ സ്റ്റേഷനിൽ നിന്നുമുള്ള ദൂരം 623km ആണ്. കേരളത്തിലെ ഏറ്റവും വലിയ റെയിൽവേ സ്റ്റേഷനായ ഷൊർണ്ണൂർ വരെ ഗോവയിൽ നിന്നും ദിവസേന വന്ദേഭാരത് ഓടിക്കാൻ സാധിച്ചാൽ ഗോവയിൽനിന്നും മുംബൈയിൽ നിന്നുമുള്ള കേരളാ യാത്രകൾക്ക് വേഗമേറും. ഷൊർണ്ണൂരുമായി കണക്റ്റ് ചെയ്യുന്നതിനാൽ എറണാകുളം, കൊല്ലം, തിരുവനന്തപുരം പ്രദേശങ്ങളിലേക്കും പാലക്കാടേയ്ക്കും കണക്റ്റിവിറ്റി എളുപ്പമുള്ളതാകും.

3. നാഗർകോവിൽ-കോഴിക്കോട് (തിരുവനന്തപുരം, ആലപ്പുഴ, എറണാകുളം വഴി)

വെറും 465km ദൂരം മാത്രംവരുന്ന നാഗർകോവിൽ-കോഴിക്കോട് യാത്ര നിലവിലെ വന്ദേഭാരത് റൂട്ടുകൾക്ക് ഏറെക്കുറേ സമാനമാണെങ്കിലും ഉത്തരകേരളത്തിലേക്കുള്ള യാത്രാദുരിതത്തിന് വലിയൊരു പരിഹാരമാകും എന്നതിൽ തർക്കമില്ല. മാത്രവുമല്ല 200% ഒക്കെ ഒക്യുപെൻസി റേറ്റുള്ള തിരുവനന്തപുരം-കാസർഗോഡ് വന്ദേഭാരതിന് 1.30 മണിക്കൂറിന് ശേഷം മറ്റൊരു വന്ദേഭാരത് സർവീസായും ഓടിക്കാം.

ഈ റൂട്ടുകൾ കൂടാതെ തിരുനെൽവേലിയിൽ നിന്നും തെങ്കാശി, കൊല്ലം, എറണാകുളം, ഷൊർണ്ണൂർ വഴി കോഴിക്കോടേയ്ക്കും, അതല്ലെങ്കിൽ കണ്ണൂരിൽ നിന്നും ഷൊർണ്ണൂർ, പാലക്കാട്, പൊള്ളാച്ചി വഴി മധുരൈയിലേയ്ക്കും പുതിയ വന്ദേഭാരത് സർവീസ് പരിഗണിക്കാവുന്നതാണ്.

Kodikunnil Suresh NK Premachandran

നഗരത്തിൽ താമസിക്കുന്നവർ പോലും ഇത്രയും മാർക്കറ്റുകൾ ഉണ്ടെന്ന് ഓർക്കുന്നത് ഒരുപക്ഷേ കോർപ്പറേഷന്റെ ബജറ്റിനെ കുറിച്ചുള്ള വാർ...
27/03/2025

നഗരത്തിൽ താമസിക്കുന്നവർ പോലും ഇത്രയും മാർക്കറ്റുകൾ ഉണ്ടെന്ന് ഓർക്കുന്നത് ഒരുപക്ഷേ കോർപ്പറേഷന്റെ ബജറ്റിനെ കുറിച്ചുള്ള വാർത്ത വായിച്ചപ്പോളാകും..

ഇതുകൊണ്ടും തീരുന്നില്ല.. ഇനിയുമുണ്ട്

സുപ്രീം, റിലയൻസ്, കല്യാൺ എന്നീ വൻകിടക്കാർക്കൊപ്പം ക്വിക്‌സ, ലുലു എന്നിവരുംകൂടി കളത്തിലിറങ്ങിയതോടെ കൊല്ലത്തെ റീട്ടെയിൽ രം...
02/01/2025

സുപ്രീം, റിലയൻസ്, കല്യാൺ എന്നീ വൻകിടക്കാർക്കൊപ്പം ക്വിക്‌സ, ലുലു എന്നിവരുംകൂടി കളത്തിലിറങ്ങിയതോടെ കൊല്ലത്തെ റീട്ടെയിൽ രംഗത്ത് നല്ല മത്സരമാണ് ഇപ്പോഴുള്ളത്. നഗരത്തിന്റെ സെൻട്രൽ, ഈസ്റ്റ്, സൗത്ത് ഭാഗങ്ങളിൽ ഇപ്പോൾ അനവധി ഓപ്‌ഷനുകളോടെ 5 വൻകിട ഹൈപ്പർമാർക്കറ്റുകൾ പ്രവർത്തിക്കുന്നു;

- സുപ്രീം എക്സ്പീരിയൻസാ - കടപ്പാക്കട (ഈസ്റ്റ്)
- കല്യാൺ ഹൈപ്പർമാർക്കറ്റ് - ചിന്നക്കട (സെൻട്രൽ)
- റിലയൻസ് സൂപ്പർ സ്റ്റോർ - മാടൻനട (സൗത്ത്)
- ക്വിക്‌സ ഹൈപ്പർമാർട്ട് - പള്ളിമുക്ക് (സൗത്ത്)
- ലുലു ഡെയ്‌ലി - കൊട്ടിയം (സൗത്ത്)

അനുഗ്രഹയും അൽ-മനാമയും സുപ്രീമിന്റെ മറ്റ് നിരവധി സൂപ്പർമാർക്കറ്റുകളും ഉൾപ്പെടെ പ്രധാന സ്‌ഥാപനങ്ങൾ ഇവയ്ക്ക് പുറമേയുണ്ട് നഗരത്തിൽ.

നിങ്ങൾക്കറിയാമോ??കേരളത്തിൽത്തന്നെ നിലവിൽ ഏറ്റവുമധികം വിദേശപണം അയയ്ക്കപ്പെടുന്ന കൊല്ലം ജില്ലയുടെ ആസ്‌ഥാനമായ കൊല്ലം തന്നെയ...
24/09/2024

നിങ്ങൾക്കറിയാമോ??

കേരളത്തിൽത്തന്നെ നിലവിൽ ഏറ്റവുമധികം വിദേശപണം അയയ്ക്കപ്പെടുന്ന കൊല്ലം ജില്ലയുടെ ആസ്‌ഥാനമായ കൊല്ലം തന്നെയാണ് കേരളത്തിലെ പ്രധാന നഗരങ്ങളിൽ വിമാനത്തവളത്തിൽ നിന്ന് ഏറ്റവും ദൂരത്തിൽ സ്‌ഥിതിചെയ്യുന്നത്.

- തിരുവനന്തപുരം - 8KM
- കണ്ണൂർ - 25KM
- കോഴിക്കോട് - 27KM
- കൊച്ചി - 30KM
- തൃശൂർ - 52KM
- കൊല്ലം - 72KM

2023ലെ കണക്കുകൾ പ്രകാരം സംസ്‌ഥാനത്തുതന്നെ ഏറ്റവുമധികം വിദേശപണം അയക്കപ്പെട്ടത് കൊല്ലം ജില്ലയിലേക്കാണ്. 38,530 കോടി രൂപയാണ് കൊല്ലം ജില്ലക്കാർ കഴിഞ്ഞവർഷം വിദേശത്തുനിന്നും കേരളത്തിലേക്ക് അയച്ചത്. കൊല്ലം ജില്ലയിൽ നിന്നുള്ള വിദേശയാത്രക്കാർ ഏറ്റവുമധികം ആശ്രയിക്കുന്ന തിരുവനന്തപുരം വിമാനത്താവളത്തിലൂടെ ഇക്കഴിഞ്ഞ ഓണക്കാലത്തെ 17 ദിവസക്കാലം മാത്രം (Sep 1-17) യാത്രചെയ്തത് 2.36 ലക്ഷം യാത്രക്കാരാണ്.

ഉദയ് ട്രെയിൻ നഷ്ടത്തിലോടുന്നു എന്ന കാര്യം മനസ്സിലാക്കിയ സതേൺ റെയിൽവേ തെരഞ്ഞെടുപ്പ് അടുത്തിരിക്കുന്ന ഈ സമയത്തുതന്നെ അതിനെ...
17/04/2024

ഉദയ് ട്രെയിൻ നഷ്ടത്തിലോടുന്നു എന്ന കാര്യം മനസ്സിലാക്കിയ സതേൺ റെയിൽവേ തെരഞ്ഞെടുപ്പ് അടുത്തിരിക്കുന്ന ഈ സമയത്തുതന്നെ അതിനെ പാലക്കാട് വരെ നീട്ടാൻ തീരുമാനിച്ചു.

ഇതറിയേണ്ട താമസം, സർവീസ് തുടങ്ങി 6 വർഷമായിട്ടും മാറാത്ത ഭാരതമായിരുന്നു.. ശ്ശടേയ്ന്ന് അങ്ങട് മാറാൻ തുടങ്ങി കൂടെ കേരളവും

കേരളത്തിലെ തന്നെ മോസ്റ്റ് മോഡേൺ MEMU Shed നിലകൊള്ളുന്നത് കൊല്ലം റെയിൽവേ സ്റ്റേഷനിലാണ് എന്നാണ് പറയപ്പെടുന്നത്. കായംകുളം വ...
05/10/2023

കേരളത്തിലെ തന്നെ മോസ്റ്റ് മോഡേൺ MEMU Shed നിലകൊള്ളുന്നത് കൊല്ലം റെയിൽവേ സ്റ്റേഷനിലാണ് എന്നാണ് പറയപ്പെടുന്നത്. കായംകുളം വഴി 3 pair MEMU സർവ്വീസുകൾ (ഇതേ റൂട്ടിലെ മറ്റ് 3 ജോഡി ദൈനംദിന പാസഞ്ചർ ട്രെയിൻ സർവ്വീസുകൾക്ക് പുറമേയാണിത്) ആലപ്പുഴ, കോട്ടയം, എറണാകുളം എന്നിവിടങ്ങളിലേയ്ക്കായി ആഴ്ചയിൽ 6 ദിവസം വീതം ഇരുവശങ്ങളിലേയ്ക്കുമായി സർവ്വീസും നടത്തുന്നുണ്ട് (നിലവിലോടുന്ന പാസഞ്ചർ/എക്‌സ്പ്രസ്സ് തീവണ്ടി സർവ്വീസുകൾക്ക് പുറമേയാണിത്). അതുകൊണ്ടുതന്നെ രാത്രിയിൽ എല്ലാ സ്റ്റേഷനുകളിലും നിർത്തുന്ന മറ്റ് ട്രെയിനുകൾ വളരെ കുറവായ സമയത്ത് (8 മണിയ്ക്ക് ശേഷം) എറണാകുളത്ത് നിന്നും ആരംഭിച്ച് രാത്രി 11.35 മണിയ്ക്ക് കൊല്ലത്ത് എത്താൻ കഴിയുന്ന തരത്തിൽ MEMU സർവ്വീസുണ്ട്.

എന്നാൽ രാത്രി 8.43ന് കൊല്ലം വിടുന്ന വേണാട് എക്‌സ്പ്രസ്സ് കഴിഞ്ഞാൽ പിന്നെ തിരുവനന്തപുരത്തേയ്ക്ക് ഉള്ള പാതയിൽ ഇടയ്ക്കുള്ള സ്റ്റേഷനുകളിൽ നിർത്തുന്ന ഒരു സാധാരണ ട്രെയിൻ വരണമെങ്കിൽ അർദ്ധരാത്രി കഴിയണം. MEMU Shed സ്‌ഥിതിചെയ്യുന്ന കൊല്ലത്തിന് ഒരേയൊരു അധിക റേക്ക് MEMU ട്രെയിൻ ഉപയോഗിച്ച് കുറഞ്ഞപക്ഷം 2 തവണയെങ്കിലും കൊല്ലം-തിരുവനന്തപുരം(കൊച്ചുവേളി)-കൊല്ലം റൂട്ടിൽ സാധാരണക്കാർക്ക് ഉപയോഗപ്പെടുന്ന രീതിയിൽ സർവ്വീസ് നടത്താൻ കഴിയും. കൂടാതെ ഉച്ചസമയത്ത് കൊല്ലം-പുനലൂർ റൂട്ടിലും തിരിച്ചും 8 മണിക്കൂർ ഗ്യാപ്പിൽ ട്രെയിൻ സർവ്വീസ് ഇല്ലായെന്ന കുറവും നികത്താൻ ഈ ഒരൊറ്റ MEMU ട്രെയിൻ റേക്ക് ഉപയോഗപ്പെടുത്തി സാധിക്കും.

കൊല്ലം-തിരുവനന്തപുരം(കൊച്ചുവേളി) - 5.15 AM
തിരുവനന്തപുരം(കൊച്ചുവേളി)-കൊല്ലം - 9.00 AM
കൊല്ലം-തിരുവനന്തപുരം(കൊച്ചുവേളി) - 9.45 PM
തിരുവനന്തപുരം(കൊച്ചുവേളി)-കൊല്ലം - 11.45 PM

ഇതൊക്കെയാണ് നമ്മുടെ ദൈനംദിനം വളരുന്ന നഗരത്തിലെ റെയിൽ ഹബ്ബും ഏറ്റവും മർമ്മപ്രധാനമായ റെയിൽവേ സ്റ്റേഷനുമായ കൊല്ലം ജംഗ്‌ഷൻ സ്റ്റേഷനെ ആശ്രയിക്കുന്ന സാധാരണക്കാരായ ജനങ്ങൾക്ക് ഉപകാരപ്പെടേണ്ടുന്ന അത്യാവശ്യമായ കാര്യം. അല്ലാതെ സ്റ്റേഷനിലെ ഉപയോഗപ്പെടുത്താവുന്ന സ്‌ഥലം മുഴുവൻ വളച്ചുകെട്ടി കോടികൾ മുടക്കി കടമുറികൾ പണിയാൻ സൗകര്യം ഉണ്ടാക്കിയതുകൊണ്ടൊന്നും സാധാരണക്കാരായ ജനങ്ങൾക്ക് ഗുണമുണ്ടാകാൻ പോകുന്നില്ല.

360 കോടി രൂപ മുതൽമുടക്കിൽ വമ്പൻ കെട്ടിടങ്ങൾ പണിയാൻ കൊല്ലം ജംഗ്‌ഷൻ റെയിൽവേ സ്റ്റേഷനിൽ പദ്ധതിയിട്ടിട്ടും സ്റ്റേഷന്റെ വരുമാനത്തിനും യാത്രക്കാർക്കും ഗുണകരമാകുന്ന ഒരു പിറ്റ് ലൈനോ ഒരു ക്ലോക്ക് റൂമോ രണ്ട് പുതിയ പ്ലാറ്റഫോമോ പോലും പദ്ധതിയിൽ ഉൾപ്പെടുത്തിയിട്ടില്ല.

പുതിയ MEMU ട്രെയിൻ സർവ്വീസുകൾ ആരംഭിച്ച് കൊല്ലം-തിരുവനന്തപുരം, കൊല്ലം-പുനലൂർ റൂട്ടിലെ സാധാരണക്കാരായ ജനങ്ങളുടെ യാത്രാ ദുരിതത്തിന് പരിഹാരം കാണുക എന്നതിനാണ് കൊല്ലം നഗരത്തിനെയും പരിസര പ്രദേശങ്ങളെയും പ്രതിനിധീകരിക്കുന്ന MPമാർ മുൻഗണന നൽകേണ്ടത്.

NK Premachandran Kodikunnil Suresh

കൊല്ലത്ത് പുതിയൊരു Toni&Guy Essensuals സലൂൺ കൂടി ഉടൻ തുറക്കും.നഗരത്തിലെ ആദ്യ സുപ്രീം എക്സ്പീരിയൻസയുടെ എതിർവശത്താണ് Toni&...
13/09/2023

കൊല്ലത്ത് പുതിയൊരു Toni&Guy Essensuals സലൂൺ കൂടി ഉടൻ തുറക്കും.

നഗരത്തിലെ ആദ്യ സുപ്രീം എക്സ്പീരിയൻസയുടെ എതിർവശത്താണ് Toni&Guy പുതിയ സലൂൺ തുറക്കുന്നത്. എക്സ്പീരിയൻസയ്‌ക്കൊപ്പം ഫലൂദ നേഷൻ, KFC, ഫാഷൻ ഫാക്റ്ററി (ബ്രാൻഡ് ഫാക്റ്ററി), എന്നിവയും വിവിധങ്ങളായ വാഹന ഷോറൂമുകളും പഴയ ടൗൺ ലിമിറ്റ് ജംഗ്‌ഷൻ പരിസരത്തായി നിലവിൽ പ്രവർത്തിക്കുന്നുണ്ട്.

കൊല്ലം വഴി പുനലൂരിലൂടെ സ്‌പെഷ്യൽ ട്രെയിനായി ഓടിക്കൊണ്ടിരുന്ന വേളാങ്കണ്ണി എക്‌സ്പ്രസ്സ് സ്‌ഥിരം ദ്വൈവാര എക്‌സ്പ്രസ്സാക്കി...
01/09/2023

കൊല്ലം വഴി പുനലൂരിലൂടെ സ്‌പെഷ്യൽ ട്രെയിനായി ഓടിക്കൊണ്ടിരുന്ന വേളാങ്കണ്ണി എക്‌സ്പ്രസ്സ് സ്‌ഥിരം ദ്വൈവാര എക്‌സ്പ്രസ്സാക്കി മാറ്റി, ഒപ്പം കൊല്ലത്തുനിന്നും എറണാകുളം, പാലക്കാട് വഴി പുതിയൊരു തിരുപ്പതി എക്‌സ്പ്രസ്സ് കൂടി അനുവദിക്കപ്പെട്ടു. ശരിക്കും നല്ലകാര്യം, കൊല്ലത്തിന് പുതിയ സർവ്വീസുകൾ അനുവദിക്കാനായി മുന്നിൽ നിന്ന ശ്രീ.N.K പ്രേമചന്ദ്രൻ MPയ്ക്കും ശ്രീ.കൊടിക്കുന്നിൽ സുരേഷ് MPയ്ക്കും അഭിനന്ദനങ്ങൾ.

അവകൂടാതെ പുനലൂരിൽ നിന്നും ഗുരുവായൂർ വരെ ഓടിയിരുന്ന ഒരു ട്രെയിൻ സർവ്വീസിനെ (16327/ 16328) നമ്മുടെ MPമാർ ചേർന്നിടപെട്ട് ഗുരുവായൂർ-മധുരൈ-ഗുരുവായൂർ സർവ്വീസാക്കി മാറ്റി. അതും വളരെ നല്ലകാര്യം തന്നെയെന്ന് പറയാതെ വയ്യ. കൊല്ലം വഴി കൊട്ടാരക്കര, പുനലൂരിലൂടെ തമിഴ്‌നാട്ടിലേക്ക് ഒരു സർവ്വീസ് കൂടി ലഭിക്കുന്നത് വളരെ നല്ലകാര്യം തന്നെ. പക്ഷേ മറുവശത്ത് അതുണ്ടാക്കുന്ന തിരിച്ചടി വളരെ വലുത് തന്നെയല്ലേ.

ഒരു തീവണ്ടി പുനലൂരിൽ നിന്നും മധുരൈ വരെ നീട്ടുന്നതിനായി വഴിയിലെ മറ്റ് രണ്ട് സർവീസുകളാണ് ഇല്ലാതാക്കിയത്. കൊല്ലത്തുനിന്നും ആരംഭിച്ച് ചെങ്കോട്ടയിലേയ്ക്ക് പോയിരുന്ന ഏക പാസഞ്ചർ തീവണ്ടിയും (അതിൻ്റെ തിരികെയുള്ള സർവീസും സ്വാഭാവികമായും നഷ്ടമായി) ചെങ്കോട്ടയിൽ നിന്നും മധുരൈയിലേയ്ക്ക് ഉണ്ടായിരുന്ന മറ്റൊരു തീവണ്ടി സർവ്വീസും ഇല്ലാതായി. അവ സംയോജിപ്പിച്ചു അവയ്ക്ക് പകരം ഗുരുവായൂർ-പുനലൂർ തീവണ്ടിയെ മധുരൈ-ഗുരുവായൂർ ആക്കിമാറ്റണമെന്നാണ് നമ്മുടെ പ്രിയപ്പെട്ട MPമാർ ആവശ്യപ്പെട്ടത്. കേൾക്കേണ്ട താമസം, റെയിൽവേ അത് അക്ഷരംപ്രതി അനുസരിച്ചു.

ഈ മണ്ടൻ ആശയം കാരണം പെട്ടതാകട്ടെ പുനലൂർ നിന്നും കൊല്ലത്തേയ്ക്കുള്ള യാത്രക്കാരാണ്. രാവിലെ 8.10ന് പുനലൂർ നിന്നും പുറപ്പെട്ട് കൊല്ലത്ത് യാത്ര അവസാനിപ്പിക്കുന്ന MEMU തീവണ്ടി കഴിഞ്ഞാൽ പിന്നെ കൊല്ലത്തേയ്‌ക്കൊരു ട്രെയിൻ ഉള്ളത് ഇപ്പോൾ വൈകിട്ട് 5.20ന് മാത്രമാണ്. ഇതിനിടയിൽ ഓടിയിരുന്ന കൊല്ലം-ചെങ്കോട്ട, ചെങ്കോട്ട-കൊല്ലം പാസഞ്ചറുകൾ MP സാറമ്മാരുടെ ബുദ്ധിപരമായ നീക്കത്തോടെ ഇല്ലാതായി. ഉണ്ടായിരുന്ന 3 ട്രെയിൻ സർവ്വീസുകൾ സംയോജിപ്പിച്ചുതന്നെ ഗുരുവായൂർ-മധുരൈ-ഗുരുവായൂർ എക്‌സ്പ്രസ്സ് ഉണ്ടാക്കണമെന്ന് എന്തിനാണ് ഇവർ ആവശ്യപ്പെട്ടത് എന്ന് എത്ര ആലോചിച്ചിട്ടും പിടികിട്ടുന്നില്ല. ആ സർവ്വീസുകൾ പാടെ ഇല്ലാതാക്കാതെ, അവയുടെ സമയം മാറ്റി അതേപാതയിൽ അതേ സർവ്വീസുകളായി നിലനിർത്തുകയാണ് വേണ്ടിയിരുന്നത്.

ഒരു പാതയിലെ സർവ്വീസുകൾ സംയോജിപ്പിക്കുകവഴി അവിടെ എന്തെങ്കിലും ബുദ്ധിമുട്ടുകൾ ഉണ്ടാകുന്നുണ്ടോ, അല്ലെങ്കിൽ സർവ്വീസുകൾ തമ്മിൽ ഇതുപോലെ എട്ടും ഒൻപതും മണിക്കൂറുകളുടെ അന്തരം ഉണ്ടാകുന്നുണ്ടോ എന്നൊന്നും നോക്കുകപോലും ചെയ്യാനുള്ള ബുദ്ധിയില്ലാത്ത ഇവരൊക്കെ എന്തുനേട്ടം കൊല്ലത്തിന് നേടിത്തന്നെന്നാണ് ഈ പറയുന്നത്??

അത്യാധുനിക MEMU ഷെഡ് കൊല്ലത്തുണ്ട് എന്ന് പറയുമ്പോഴും കൊല്ലം-തിരുവനന്തപുരം പാതയിൽ ഇപ്പോഴും നിലവിലുള്ളത് ഒരേയൊരു MEMU ട്രെയിൻ സർവ്വീസാണ്. രാത്രി 8.45നുള്ള വേണാട് എക്‌സ്പ്രസ്സ് കഴിഞ്ഞാൽ പിന്നെ കൊല്ലത്തുനിന്നും തിരുവനന്തപുരം ഭാഗത്തേയ്ക്ക് സാധാരണക്കാരന് കയറാൻ കഴിയുന്നൊരു ഡെയ്ലി ട്രെയിൻ വരണമെങ്കിൽ പിറ്റേന്ന് രാവിലെ 2.27 അല്ലെങ്കിൽ 3.45 ഒക്കെയാകണം. കുറഞ്ഞപക്ഷം ഒരു MEMU റേക്ക് എങ്കിലും പുതുതായി എത്തിക്കാൻ ഇവർക്ക് കെൽപ്പുണ്ടായിരുന്നെങ്കിൽ കൊല്ലം-പുനലൂർ, കൊല്ലം-തിരുവനന്തപുരം പാതകളിലെ ഇത്തരത്തിലെ എല്ലാ യാത്രാ പ്രശ്നങ്ങളും പരിഹരിക്കാൻ കഴിയുമായിരുന്നു;

കൊല്ലം-പുനലൂർ MEMU: 9.30AM (കൊല്ലത്ത് നിന്നും)
പുനലൂർ-കൊല്ലം MEMU: 11.30AM (പുനലൂർ നിന്നും)
കൊല്ലം-കൊച്ചുവേളി/TVM MEMU: 12.15PM (കൊല്ലത്ത് നിന്നും)
കൊച്ചുവേളി/TVM-കൊല്ലം MEMU: 4.15PM (TVMൽ നിന്നും)
കൊല്ലം-കൊച്ചുവേളി/TVM MEMU: 9.15PM (കൊല്ലത്ത് നിന്നും)
കൊച്ചുവേളി/TVM-കൊല്ലം MEMU: 11.15PM (TVMൽ നിന്നും)

മുകളിൽ പറഞ്ഞിട്ടുള്ള ഈ 6 സർവ്വീസുകൾ പുതുതായി ആരംഭിക്കാൻ ഒരേയൊരു MEMU റേക്ക് മതിയാകും. ഇങ്ങനെ ജനോപകാരപ്രദമായ എന്തെങ്കിലും പുതിയ സർവ്വീസുകൾ നമ്മുടെ കൊല്ലത്ത് തന്നെയുള്ള MEMU സൗകര്യങ്ങൾ പരമാവധി പ്രയോജനപ്പെടുത്തി നേടിയെടുക്കാൻ നോക്കാതെ നിലവിലുള്ള സർവ്വീസുകൾ ഇല്ലാതാക്കിയിട്ട് "കൊല്ലത്തിന് നേട്ടം" എന്ന് നിലവിളിച്ചിട്ട് എന്തുകാര്യം?

ആർക്കാ ഈ ഇല്ലാതാക്കൽ കൊണ്ട് ശരിക്കും നേട്ടം??

മൂന്ന് ഘട്ടം പൂർത്തിയാക്കിയിട്ടും നാലാം ഘട്ടം തുടങ്ങാൻ പോലും കഴിയാതെ ചോദ്യചിഹ്നമായി നിൽക്കുന്ന കൊല്ലം സിറ്റിയ്ക്കുള്ളിലെ...
18/01/2023

മൂന്ന് ഘട്ടം പൂർത്തിയാക്കിയിട്ടും നാലാം ഘട്ടം തുടങ്ങാൻ പോലും കഴിയാതെ ചോദ്യചിഹ്നമായി നിൽക്കുന്ന കൊല്ലം സിറ്റിയ്ക്കുള്ളിലെ ആശ്രാമം ലിങ്ക് റോഡ് പാലം..😡 മധ്യഭാഗത്തെ സ്പാൻ ഒഴികെ മറ്റെല്ലാം പൂർത്തീകരിച്ചിട്ടും സർക്കാരും നിർമ്മാണ കമ്പനിയുമായുള്ള തർക്കം ഒന്നുകൊണ്ടുമാത്രം മുടങ്ങിക്കിടക്കുന്ന മൺറോത്തുരുത്തിലെ പെരുമൺ-പേഴുംതുരുത്ത് പാലം..😡 അരനൂറ്റാണ്ട് മുൻപ് നിർമ്മാണം തുടങ്ങാൻ കല്ലിട്ടിട്ടും രാഷ്ട്രീയക്കാരുടെ അവഗണന ഒന്നുകൊണ്ടുമാത്രം ഇപ്പോഴും നിർമ്മാണം തുടങ്ങാത്ത പരവൂർ-മയ്യനാട് കായൽപ്പാലം..😡

കേരളത്തിൽ ഏതെങ്കിലുമൊരിടത്ത് ഇത്രയധികം പാലം പദ്ധതികൾ മുടങ്ങിക്കിടക്കുന്നതായി കാണുന്നെങ്കിൽ സംശയിക്കണ്ട, അത് നമ്മുടെ സ്വന്തം കൊല്ലത്താണ്.

കേരളത്തിലെ മറ്റൊരു നാട്ടിലും ഇത്രയേറെ അധഃപതിച്ച ഉദ്യോഗസ്‌ഥ പിടിപ്പുകേടുകളുടെയും രാഷ്ട്രീയ അവഗണനകളുടെയും നേർച്ചിത്രങ്ങൾ ഇതിലും വ്യക്തമായി കാണാൻ കഴിയില്ല.

P A Muhammad Riyas
Mukesh M
KN Balagopal
G.S.Jayalal
M Noushad MLA

ആധുനിക കേരളത്തിൽ യുദ്ധകാലാടിസ്‌ഥാനത്തിൽ വൈദ്യുതീകരണം പൂർത്തിയാക്കിക്കണ്ട ചുരുക്കം ചില റെയിൽവേപാതകളിൽ ഒന്നാണ് പഴയ ക്വയ്‌ല...
22/10/2022

ആധുനിക കേരളത്തിൽ യുദ്ധകാലാടിസ്‌ഥാനത്തിൽ വൈദ്യുതീകരണം പൂർത്തിയാക്കിക്കണ്ട ചുരുക്കം ചില റെയിൽവേപാതകളിൽ ഒന്നാണ് പഴയ ക്വയ്‌ലോൺ-മദ്രാസ് പാതയുടെ ഭാഗമായ കൊല്ലം-പുനലൂർ സെക്ഷൻ. വൈദ്യുതീകരണം കഴിഞ്ഞു ഇലക്ട്രിക് ട്രെയിനുകളും സർവീസ് ആരംഭിച്ച് മാസങ്ങൾ പിന്നിട്ടെങ്കിലും ഈ സെക്ഷനിലെ പ്രധാന കടമ്പയായ പുനലൂർ സബ്സ്റ്റേഷൻ ഇതുവരെ പൂർത്തിയാക്കാൻ KSEB തയ്യാറായിട്ടില്ല (നിലവിൽ പെരിനാട് നിന്നും വൈദ്യുതി എത്തിച്ചാണ് ഈ പാതയിൽ ഇലക്ട്രിക് ട്രെയിനുകൾ സർവ്വീസ് നടത്തുന്നത്). KSEB പറയുന്ന തുക നൽകിയാൽ റെയിൽവേയ്ക്കായി KSEB തന്നെ സബ്‌സ്റ്റേഷൻ തയ്യാറാക്കിനൽകണം. അങ്ങനെയേ ചെയ്യാൻ നിയമമുള്ളൂ.

എന്നാൽ റെയിൽവേയ്ക്ക് വേണ്ടുന്ന 2 ഫേസ് കണക്ഷൻ നൽകാൻ കഴിയില്ലെന്നാണ് KSEBയുടെ നിലപാട്. 3 ഫേസ് വൈദ്യുതിയെ 2 ഫേസാക്കുന്ന സ്‌കോട്ട് കണക്റ്റഡ് ട്രാൻസ്‌ഫോർമർ (SCT) നിർമ്മിക്കുന്ന കമ്പനികളില്ല എന്നതാണ് പ്രശ്നമെന്ന് KSEB പറയുന്നു.

ഇനി ചോദ്യം കേരളത്തിലെ വ്യവസായവകുപ്പ് മന്ത്രി ശ്രീ.P രാജീവ് (P Rajeev), വൈദ്യുതവകുപ്പ് മന്ത്രി ശ്രീ.K കൃഷ്ണൻകുട്ടി (K Krishnankutty) എന്നിവരോടാണ്. കൊല്ലം സിറ്റിയുടെ പ്രധാന ഭാഗമായ പള്ളിമുക്കിൽ കഴിഞ്ഞ 72 വർഷമായി പ്രവർത്തിക്കുന്ന യുണൈറ്റഡ് ഇലക്ട്രിക്കൽ ഇൻഡസ്ട്രീസ് ലിമിറ്റഡ് (UNILEC അഥവാ മീറ്റർ കമ്പനി) എന്ന സംസ്‌ഥാന സർക്കാർ സ്‌ഥാപനത്തിൻ്റെ പലവിധ നവീകരണങ്ങൾക്കും വൈവിധ്യവൽക്കരണങ്ങൾക്കുമായി ഓരോവർഷവും സംസ്‌ഥാന സർക്കാർ ഖജനാവിൽ നിന്നും ചിലവഴിക്കുന്നത് കോടികളാണ്. അങ്ങനെയുള്ളൊരു പൊതുമേഖലാ സ്‌ഥാപനം ഈ ജില്ലയിൽത്തന്നെ നിലവിലുള്ളപ്പോൾ "സ്‌കോട്ട് കണക്റ്റഡ് ട്രാൻസ്‌ഫോർമർ ലഭിക്കാത്തതിനാൽ പുനലൂർ സബ്‌സ്റ്റേഷൻ നിർമ്മിക്കാൻ സാധിക്കുന്നില്ല" എന്ന് KSEB പറയേണ്ടിവരുന്നത് എന്ത് ദൈന്യതയാണ്?

കൊല്ലം നഗരത്തിന്റെയും സർവ്വോപരി ജില്ലയുടെയും വികസനത്തിന് വഴിതെളിക്കേണ്ടുന്ന സുപ്രധാനമായ ഒരു പദ്ധതിയ്ക്കുപോലും സഹായം നൽകാനോ വേണ്ടുന്നൊരുവസ്തു നിർമ്മിച്ചുനൽകാനോ UNILEC പോലൊരു സ്‌ഥാപനത്തിനും കഴിയില്ലെങ്കിൽ, പിന്നെയീ "കേരളാ നം.1" പരസ്യമൊക്കെ എന്തുകാര്യത്തിനാ..??

ഒരു തെറ്റുംചെയ്യാത്ത സൈനികൻ കൂടിയായ ഒരാളെ കൈക്കരുത്ത് കാണിക്കാൻവേണ്ടി ഏമാൻ ഒന്നു കൈവച്ചുനോക്കിയതാ.. നല്ല പൊരിഞ്ഞ ഇടി തിര...
21/10/2022

ഒരു തെറ്റുംചെയ്യാത്ത സൈനികൻ കൂടിയായ ഒരാളെ കൈക്കരുത്ത് കാണിക്കാൻവേണ്ടി ഏമാൻ ഒന്നു കൈവച്ചുനോക്കിയതാ.. നല്ല പൊരിഞ്ഞ ഇടി തിരിച്ചുകിട്ടി..👌👌👌

ഇക്കണ്ട പൊലീസുകാരെ ഒക്കെയും തെറി കേൾപ്പിച്ച് സംസ്‌ഥാന പൊലീസിന് ആകെ നാണക്കേട് ഉണ്ടാക്കിവച്ച് പട്ടാളക്കാരൻ്റെ ഇടിയും വാങ്ങിക്കൂട്ടിയ പ്രകാശ് ചന്ദ്രനാണ് ആദ്യം ശിക്ഷ ലഭിക്കേണ്ടത്!!

സസ്പെൻഷനല്ല.. സർവ്വീസിൽ നിന്നുതന്നെ പുറത്താക്കണം.

https://malayalam.news18.com/news/kerala/kollam-kilikoloor-police-station-custodial-torture-cctv-visuals-out-jk-562773.html

എങ്ങനെയാണ് സംസ്‌ഥാന പൊലീസ് സേനയിൽ പ്രശ്‌നക്കാരായ പൊലീസുകാരുടെ എണ്ണം കൂടാതിരിക്കുക?സൈനികനായ കൊല്ലം സ്വദേശിയേയും സഹോദരനെയു...
19/10/2022

എങ്ങനെയാണ് സംസ്‌ഥാന പൊലീസ് സേനയിൽ പ്രശ്‌നക്കാരായ പൊലീസുകാരുടെ എണ്ണം കൂടാതിരിക്കുക?

സൈനികനായ കൊല്ലം സ്വദേശിയേയും സഹോദരനെയും കള്ളക്കേസിൽ കുടുക്കി ക്രൂരമായി മർദ്ദിച്ച കിളികൊല്ലൂർ സ്റ്റേഷനിലെ SI, 2 CPOമാർ എന്നിവർക്ക് കൊടുത്ത ശിക്ഷ : "സ്‌ഥലം മാറ്റം"😠😠😠

ആരോടെങ്കിലും വിരോധമുണ്ടെങ്കിൽ അത് തീർക്കാൻ പൊലീസ് സേനയിലുള്ളവർക്ക് ഒരു സ്‌ഥലം മാറ്റം സഹിക്കേണ്ടിവരും എന്നല്ലാതെ മറ്റൊരു ബുദ്ധിമുട്ടുമില്ല.. എന്താ പ്രോത്സാഹനം..!!

https://www.facebook.com/keralatodaysnewschannel/videos/503571871399867

https://www.mathrubhumi.com/crime/news/police-framed-fake-case-against-soldier-and-his-brother-in-kilikollur-kollam-1.7972023

Address

Chinnakada
Kollam
691001

Website

Alerts

Be the first to know and let us send you an email when City of Quilon - Kollam posts news and promotions. Your email address will not be used for any other purpose, and you can unsubscribe at any time.

Shortcuts

Share

Category