The Light Breeze

16/05/2026

Good night and sweet dreams dear Light Breeze subscribers

16/05/2026

*കണ്ണുനീരിന്റെ പ്രണയം*

​ഇരുളലകൾ മൂടിയ മുറിക്കുള്ളിൽ ഞാൻ,
ഇന്നിതാ വീണ്ടുമൊറ്റയ്ക്കിരിക്കുമ്പോൾ...
അറിയാതെയെൻ മിഴികൾ നിറയുന്നുവോ,
ഒരു തുള്ളി കണ്ണീർ പൊഴിയുന്നുവോ.
​അതാണെന്റെ ഉള്ളിലെ വൻ സങ്കടം,
അതാണെന്റെ ഹൃദയത്തിൻ വിങ്ങലുകൾ.
മറക്കാനൊരുങ്ങിയും മായാതെ നിൽക്കുന്ന,
നഷ്ടപ്രണയത്തിൻ ഓർമ്മകളതാകാം.
​പങ്കുവെക്കാനില്ലാത്ത വേദനതൻ ഭാരം,
പതിയെന്റെ നെഞ്ചിൽ പടരുന്ന നേരം,
നിശ്ശബ്ദമീ മുറിയിൽ ഞാനറിയുന്നു,
കണ്ണീരിലലിഞ്ഞെന്റെ പ്രണയത്തിൻ തീരം.
​ഓർമ്മകൾ തൻ ചില്ലകളിൽ ഇന്നും,
ആ പഴയ വരികൾ തങ്ങിനിൽപ്പൂ...
ഒറ്റയ്ക്കായ് പെയ്യുന്ന കണ്ണീർമഴയിൽ,
എൻ നഷ്ടപ്രണയത്തിൻ വേദന മാത്രം.

14/05/2026

സ്നേഹിക്കുവാൻ പകർന്നുതന്നു നീയാദ്യ-
മക്ഷരമാല തൻ മധുരമന്ത്രം,
മനസ്സിൻ മണിമുറ്റത്തു നീയൊരുക്കിയോ-
രനുരാഗത്തിൻ കെടാവിളക്കും.
​മറക്കുവാൻ കഴിയാത്തോർമ്മകൾ നൽകി നീ
വെറുക്കുവാൻ കൂടി പഠിപ്പിച്ചു പോയി,
സ്നേഹത്തിൻ നെഞ്ചകമാകുമെൻ കോവിലിൽ
നീയെന്തിനായൊരു കൊള്ളിവെച്ചു?
​ആദ്യമേ സ്നേഹത്തിൻ തിരികൊളുത്തി-
യാത്മാവിൽ പ്രകാശമേകിയവൾ നീ,
ഒടുവിലീ വിരഹത്തിൻ കനലുകൾ കോരി-
യെൻ സ്വപ്നങ്ങൾക്കു തീയിട്ടതും നീ.
​മടക്കമില്ലാത്ത യാത്രയായ് നീ പോകെ
കരിഞ്ഞ നോവുകൾ മാത്രം മിച്ചം,
കൊളുത്തിയ സ്നേഹവും എരിഞ്ഞ കനലുകളും
ഇന്നീ മൗനത്തിൻ സാക്ഷികൾ മാത്രം.

10/05/2026