SDPI Kodungallur

23/05/2026

"എസ്.ഡി.പി.ഐ എപ്പോഴും മർദ്ദിതർക്കൊപ്പം അടിച്ചമർത്തപ്പെട്ടവർക്കൊപ്പം നിലകൊണ്ടിരുന്നു, നിലകൊള്ളുന്നു, ഇനിയും നിലകൊള്ളും.
​ഓരോ മർദ്ദിതന്റെയും ഒരേയൊരു ശബ്ദം, എസ്.ഡി.പി.ഐ സിന്ദാബാദ്."

23/05/2026

21/05/2026

പാല്‍ വില ഒറ്റയടിക്ക് നാല് രൂപ വര്‍ധിപ്പിച്ച മില്‍മയുടെ നടപടി ജനദ്രോഹം: മഞ്ജുഷ മാവിലാടം

സാധാരണക്കാരായ ജനങ്ങളുടെ നിത്യജീവിതത്തെ കടുത്ത പ്രതിസന്ധിയിലാക്കിക്കൊണ്ട് മില്‍മ പാല്‍ വില ഒറ്റയടിക്ക് 4 രൂപ വര്‍ധിപ്പിച്ച നടപടി അങ്ങേയറ്റം പ്രതിഷേധാര്‍ഹവും ജനദ്രോഹപരവുമാണെന്ന് എസ്ഡിപിഐ സംസ്ഥാന സെക്രട്ടറി മഞ്ജുഷ മാവിലാടം. നിത്യോപയോഗ സാധനങ്ങളുടെ വിലക്കയറ്റം കൊണ്ട് ജനങ്ങള്‍ ശ്വാസം മുട്ടുന്ന സാഹചര്യത്തിലാണ് ഇടിത്തീ പോലെ മില്‍മയുടെ ഈ പുതിയ വിലവര്‍ധനവ് വന്നിരിക്കുന്നത്.

കുട്ടികളും പ്രായമായവരും അടങ്ങുന്ന സാധാരണ കുടുംബങ്ങളുടെ ബജറ്റിനെ താളം തെറ്റിക്കുന്നതാണ് ഈ തീരുമാനം. പാലിന് വില കൂടുമ്പോള്‍ ചായ, കാപ്പി, മറ്റ് പാല്‍ ഉല്‍പ്പന്നങ്ങള്‍ എന്നിവയ്ക്കും ഹോട്ടലുകളിലും ബേക്കറികളിലും വില വര്‍ധിക്കാന്‍ ഇത് കാരണമാകും. ഇത് വിപണിയില്‍ മൊത്തത്തിലുള്ള വിലക്കയറ്റത്തിന് വഴിതെളിക്കും.
മില്‍മയുടെ ധൂര്‍ത്തും ഭരണപരമായ പരാജയങ്ങളും മറച്ചുവെക്കാന്‍ ജനങ്ങളെ പിഴിയുന്ന സമീപനമാണിത്. പൊതുജനങ്ങളുടെ പോക്കറ്റടിക്കുന്ന ഈ ജനവിരുദ്ധ തീരുമാനം മില്‍മ അടിയന്തരമായി പിന്‍വലിക്കാന്‍ തയ്യാറാകണം. വില വർധന പിൻവലിക്കുന്നതിന് സംസ്ഥാന സർക്കാർ അടിയന്തരമായി ഇടപെടണമെന്നും മഞ്ജുഷ മാവിലാടം ആവശ്യപ്പെട്ടു.

21/05/2026

പശ്ചിമ ബംഗാളിലെ സ്കൂളുകളിലും മദ്രസകളിലും 'വന്ദേമാതരം' ആലപിക്കുന്നത് നിർബന്ധമാക്കിക്കൊണ്ടുള്ള മുഖ്യമന്ത്രി സുവേന്ദു അധികാരിയുടെ നേതൃത്വത്തിലുള്ള ബി.ജെ.പി സർക്കാരിന്റെ തീരുമാനത്തെ സോഷ്യൽ ഡെമോക്രാറ്റിക് പാർട്ടി ഓഫ് ഇന്ത്യ (എസ്.ഡി.പി.ഐ) പശ്ചിമ ബംഗാൾ സംസ്ഥാന പ്രസിഡന്റ് ഹക്കീഖുൽ ഇസ്‌ലാം ശക്തമായി അപലപിച്ചു. ഈ ഉത്തരവ് വിദ്യാഭ്യാസ-മത സ്ഥാപനങ്ങളിലേക്കുള്ള അനാവശ്യവും പ്രകോപനപരവുമായ കടന്നുകയറ്റമാണെന്നും, ദേശീയതയുടെ മറവിൽ ന്യൂനപക്ഷ സ്ഥാപനങ്ങളെയാണ് ഇത് പ്രധാനമായും ലക്ഷ്യമിടുന്നതെന്നും അദ്ദേഹം പ്രസ്താവിച്ചു.

ദേശസ്‌നേഹം നിർബന്ധപൂർവ്വം അടിച്ചേൽപ്പിക്കാൻ കഴിയുന്ന ഒന്നല്ലെന്നും രാഷ്ട്രീയ പ്രതീകങ്ങൾക്ക് വേണ്ടി ഭരണഘടനാപരമായ സ്വാതന്ത്ര്യങ്ങൾ ബലികഴിക്കാനാവില്ലെന്നും അദ്ദേഹം കൂട്ടിച്ചേർത്തു.
ചരിത്രപരവും മതപരവുമായ വൈകാരികതകളുള്ള ഒരു ഗാനം നിർബന്ധമാക്കുന്നത് ഇന്ത്യയുടെ മതേതര ഭരണഘടനയുടെ അന്തസ്സത്തയ്ക്ക് വിരുദ്ധമാണെന്നും ജനാധിപത്യപരമായ വൈവിധ്യത്തെ തകർക്കുന്നതാണെന്നും ഹക്കീഖുൽ ഇസ്‌ലാം വ്യക്തമാക്കി.

ഈ ഉത്തരവ് സർക്കാർ ഉടനടി പിൻവലിക്കണമെന്നും ആശയപരമായ ധ്രുവീകരണത്തിനും ഭൂരിപക്ഷ രാഷ്ട്രീയത്തിനുമുള്ള വേദികളായി വിദ്യാഭ്യാസ സ്ഥാപനങ്ങളെ മാറ്റുന്നതിൽ നിന്ന് പിന്മാറണമെന്നും അദ്ദേഹം ആവശ്യപ്പെട്ടു.

20/05/2026

സാമൂഹിക ഉച്ചനീചത്വങ്ങള്‍ തിരിച്ചുകൊണ്ടുവരാനുള്ള ശ്രമങ്ങളെ ചെറുക്കണം: സിപിഎ ലത്തീഫ്

തിരുവനന്തപുരം: നിരന്തരമായ പോരാട്ടങ്ങളിലൂടെ പിഴുതെറിഞ്ഞ സാമൂഹിക ഉച്ചനീചത്വങ്ങളെ വീണ്ടും തിരിച്ചുകൊണ്ടുവരാനുള്ള ബോധപൂര്‍വമായ ശ്രമങ്ങളെ ചെറുക്കണമെന്ന് എസ്ഡിപിഐ സംസ്ഥാന പ്രസിഡന്റ് സിപിഎ ലത്തീഫ്. തിരുവനന്തപുരം അയ്യന്‍കാളി ഹാളില്‍ യൂത്ത് അസംബ്ലി ഉദ്ഘാടനം ചെയ്യുകയായിരുന്നു അദ്ദേഹം. പുതുയുഗ പിറവി സാധ്യമാക്കുമെന്ന് പ്രചാരണം നടത്തി അധികാരത്തിലെത്തിയ വി ഡി സതീശന്‍ സത്യപ്രതിജ്ഞാ വേളയില്‍ വടശ്ശേരി ദാമോധരന്‍ സതീശന്‍ മേനോന്‍ എന്ന് ജാതിപേര് ചൊല്ലിയത് കേവലം ആലങ്കാരിക പ്രയോഗമല്ല. ഇത് എന്തിനാണെന്ന് ഗൗരവതരമായി ചിന്തിക്കണം. ഇത് അപകടകരമായ സന്ദേശമാണ് നല്‍കുന്നത്. രാജ്യത്തിന്റെ ബഹുസ്വരതയെ വെല്ലുവിളിക്കുന്ന വന്ദേമാതരത്തിലെ വിവാദമായ വരികള്‍ മുഴുവനായി ചൊല്ലിയത് പ്രതിഷേധാര്‍ഹമാണ്. ഈ വരികള്‍ ജവര്‍ഹര്‍ലാല്‍ നെഹ്രു പോലും ശക്തമായി എതിര്‍ത്തിരുന്നു. രാഹുലിനും ഇതേ നിലപാടാണ്. ഈ നിലപാട് തന്നെയാണോ വി ഡി സതീശനെന്ന് അദ്ദേഹം വ്യക്തമാക്കണം. രാഷ്ട്രീയം സാമൂഹിക മാറ്റത്തിനുള്ള ഉപാധിയാകണം. പല വിഷയങ്ങളിലും കേരളം നമ്പര്‍ വണ്‍ ആകുമ്പോള്‍ അഭ്യസ്ഥ വിദ്യരായവരുടെ തൊഴിലില്ലായ്മ, ലഹരി വ്യാപനം, ഉപരിപഠന സാധ്യത കുറവ്, ഭാവി അനിശ്ചിതത്വത്തിലാകുമെന്ന ആശങ്ക, യുവ സംരംഭകരുടെ കുറവ് തുടങ്ങി നിരവധിയായ പ്രതിസന്ധികളാണ് യുവതലമുറ നേരിടുന്നത്. ഏകാധിപത്യത്തിനെതിരേ ജനാധിപത്യവും വിദ്വേഷത്തിനെതിരേ മാനവികതയും വിഭജനത്തിനെതിരേ ഐക്യവും സ്വാര്‍ഥതയക്കെതിരേ സേവനവുമായിരിക്കും യങ് ഡമോക്രാറ്റ്‌സിലൂടെ തലമുറയ്ക്ക് നല്‍കുന്നതെന്നും അദ്ദേഹം പറഞ്ഞു. ദാര്‍ശനികത, ധൈര്യം, അച്ചടക്കം തുടങ്ങിയ സവിശേഷ ഗുണങ്ങളുള്ള യുവ തലമുറ ലോകം കീഴടക്കുമെന്നും സിപിഎ ലത്തീഫ് കൂട്ടിച്ചേര്‍ത്തു.
യങ് ഡെമോക്രാറ്റ്‌സ് ദേശീയ ജോയിന്റ് കണ്‍വീനര്‍ എം ജയരാജന്‍ അധ്യക്ഷത വഹിച്ചു. യങ് ഡെമോക്രാറ്റ്‌സ് ദേശീയ ഓര്‍ഗനൈസിങ് കമ്മിറ്റി കണ്‍വീനര്‍ രേണു സിംഗ് സംസ്ഥാന ഓര്‍ഗനൈസിങ് കമ്മിറ്റി പ്രഖ്യാപനം നടത്തി. യങ് ഡെമോക്രാറ്റ്‌സ് ദേശീയ ജോയിന്റ് കണ്‍വീനര്‍ കെ എ മുഹമ്മദ് ഷെമീര്‍ വിഷന്‍ പേപ്പര്‍ അവതരിപ്പിച്ചു. യങ് ഡമോക്രാറ്റ്‌സ് നാഷണല്‍ ഇന്‍ ചാര്‍ജ് അജ്മല്‍ ഇസ്മാഈല്‍, എസ്ഡിപിഐ സംസ്ഥാന വൈസ് പ്രസിഡന്റ് പി അബ്ദുല്‍ ഹമീദ്, സംഘാടക സമിതി ചെയര്‍മാന്‍ അഷ്‌റഫ് പ്രാവച്ചമ്പലം, യങ് ഡമോക്രാറ്റ്‌സ് കേരള സംസ്ഥാന ഓര്‍ഗനൈസിങ് കമ്മിറ്റി കണ്‍വീനര്‍ എം എം താഹിര്‍ സംസാരിച്ചു.
എസ്ഡിപിഐ സംസ്ഥാന ജനറല്‍ സെക്രട്ടറി പി കെ ഉസ്മാന്‍, യങ് ഡമോക്രാറ്റ്‌സ് ദേശീയ ഓര്‍ഗനൈസിങ് കമ്മിറ്റി അംങ്ങളായ ഫാത്തിമ റഷീദ്, അഡ്വ. ആദില്‍ ഹുസൈന്‍, എസ്ഡിപിഐ സംസ്ഥാന സെക്രട്ടറി അന്‍സാരി ഏനാത്ത്, സംസ്ഥാന പ്രവര്‍ത്തക സമിതിയംഗങ്ങളായ ഡോ. സി എച്ച് അഷ്‌റഫ്, സി ഐ മുഹമ്മദ് സിയാദ്, തിരുവനന്തപുരം ജില്ലാ പ്രസിഡന്റ് ഷിഹാബുദ്ദീന്‍ മന്നാനി സംബന്ധിച്ചു. യൂത്ത് അസംബ്ലിക്കു മുന്നോടിയായി യങ് ഡമോക്രാറ്റ്‌സ് ഓര്‍ഗനൈസിങ് കമ്മിറ്റി ദേശീയ കണ്‍വീനര്‍ രേണു സിംഗ് പതാക ഉയര്‍ത്തി.

20/05/2026

കേരളാ യങ് ഡെമോക്രാറ്റ്‌സ് സ്റ്റാറ്റ് ഓർഗനൈസിംങ് കമ്മിറ്റിയിലേക്ക് തൃശ്ശൂർ ജില്ലയിൽനിന്നും തിരഞ്ഞെടുക്കപ്പെട്ട AS അദ്നാൻ, സുഹാന ബുഖാരി എനിവർക്കി അഭിവാദ്യങ്ങൾ..

20/05/2026

YOUNG DEMOCRATS
State Organising Committee, Keralam

20/05/2026

20/05/2026

19/05/2026

YOUNG DEMOCRATS
സ്റ്റേറ്റ് യൂത്ത് അസംബ്ലി

2026 മെയ് 20 ബുധൻ 2:00PM
മഹാത്മ അയ്യൻകാളി ഹാൾ, തിരുവനന്തപുരം

ഉദ്‌ഘാടനം: സി പി എ ലത്തീഫ്
സംസ്ഥാന പ്രസിഡൻറ്, എസ്.ഡി.പി.ഐ