Mahallu Confederation മഹല്ല് കൂട്ടായ്മ

19/10/2025

19/10/2025

18/10/2025

മഹല്ല് കൂട്ടായ്മ ഭാരവാഹികൾ പള്ളുരുത്തി സെന്റ്റീത്താസ് സ്കൂളിലെ വിദ്യാർത്ഥിനിയുടെ ഭവനം സന്ദർശിച്ചു.
____________________________

കൊച്ചി: മഹല്ല് കൂട്ടായ്മ ഭാരവാഹികൾ പള്ളുരുത്തി സെന്റ് റീത്താസ് സ്കൂളിലെ വിദ്യാർഥിനിയുടെ ഭവനം സന്ദർശിച്ചു. കുട്ടിയുടെ പിതാവ് അനസുമായി സംസാരിച്ചു. സെന്റ് റീത്താസ് പ്രിൻസിപ്പൽ സിസ്റ്റർ ഹെറിന ഉൾപ്പെടെയുള്ള മാനേജ്മെന്റ് പ്രതിനിധികളുമായി സംസാരിച്ചു. നമ്പ്യാപുരം മഹല്ല് പ്രസിഡന്റ്‌ സാലിം ഫൈസി, വൈസ് പ്രസിഡന്റ്‌ എൻ.ബി.ഖാലിദ്, മഹല്ല് കൂട്ടായ്മ വർക്കിങ് ചെയർമാൻ ഷരീഫ് പുത്തൻപുര, സ്റ്റേറ്റ് കോർഡിനേറ്റർ ടി. എ. മുജീബ് റഹ്മാൻ, വൈസ് ചെയർമാൻ കെ.എ.അലിക്കുഞ്ഞ് ഹാജി, സെക്രട്ടറിയേറ്റ് മെമ്പർ പി.എസ്.അബ്ദുൽ നാസർ വെണ്ണല തുടങ്ങിവർ സംബന്ധിച്ചു.

ഫോട്ടോ അടിക്കുറിപ്പ്: മഹല്ല് കൂട്ടായ്മ ഭാരവാഹികൾ പള്ളുരുത്തി സെന്റ് റീത്താസ് സ്കൂളിലെ വിദ്യാർഥിനിയുടെ പിതാവ് അനസുമായി സംസാരിക്കുന്നു.

18/10/2025

മഹല്ല് കൂട്ടായ്മ പത്രസമ്മേളനം.
18/10/2025
__________________________

ശിരോവസ്ത്ര വിവാദം: വര്‍ഗീയ ചേരിതിരിവിന് അവസരമൊരുക്കരുത് - മഹല്ല് കൂട്ടായ്മ

കൊച്ചി: പള്ളുരുത്തി സെന്റ് റീത്താസ് പബ്ളിക് സ്കൂളില്‍ മുസ്ലിം വിദ്യാര്‍ത്ഥിനിക്ക് ശിരോവസ്തം വിലക്കിയതിനെ തുടര്‍ന്നുണ്ടായ വിവാദങ്ങള്‍ നീതിപൂര്‍വ്വം പരിഹരിക്കാന്‍ ശ്രമമുണ്ടാകണമെന്ന് എറണാകുളം ജില്ലാ മഹല്ല് കൂട്ടായ്മ ഭാരവാഹികള്‍ പത്രസമ്മേളനത്തില്‍ ആവശ്യപ്പെട്ടു. ഇന്ത്യന്‍ ഭരണഘടന പൗരന്റെ മൗലീക അവകാശമായും സംസ്ഥാനത്ത് നിലവിലുള്ള വിദ്യാഭ്യാസ അവകാശ നിയമമനുസരിച്ചും ഏതെങ്കിലും ഒരു വിഭാഗത്തിന് നൽകുന്ന പൗരാവകാശത്തെ നിഷേധിക്കാന്‍ പാടുള്ളതല്ല.എയ്ഡഡ് -അണ്‍എയ്ഡഡ്- സ്വകാര്യ മാനേജ്മെന്റ് വിദ്യാലയങ്ങള്‍ക്കും അവരുടെ പ്രത്യേകമായ യൂണിഫോം ഏര്‍പ്പെടുത്താന്‍ അനുവദിക്കുന്നതോടൊപ്പം ഒരു വിദ്യാര്‍ത്ഥിയുടേയും മൗലിക അവകാശമായ മതപരമായ വസ്ത്രധാരണത്തെ തടസ്സപ്പെടുത്താന്‍ പാടുള്ളതല്ല. സെന്റ് റീത്താസ് സ്കൂള്‍ മാനേജ്മെന്റ് പ്രസ്തുത വിദ്യാര്‍ത്ഥിയ്ക്ക് ശിരോവസ്ത്രം ധരിച്ച് സ്കൂളിലെത്താനുള്ള അനുവാദം നല്‍കുകയും ആ വിദ്യാര്‍ത്ഥിയെ ചേര്‍ത്ത് പിടിക്കുകയും ചെയ്യേണ്ടതായിരുന്നു. എന്നാൽ മുസ്ലിം പെൺകുട്ടിയുടെ യൂണിഫോമിനോടൊപ്പമുള്ള തട്ടം മറ്റു കുട്ടികൾക്ക് ഭീതിയുണ്ടാക്കുന്നു എന്ന തരത്തിലുള്ള പ്രസ്താവന ഒരു അധ്യാപികയുടെ ഭാഗത്ത് നിന്ന് ഉണ്ടാകുന്നത് വളരെയധികം ആശങ്കയുണ്ടാക്കുന്നതാണ്. സ്‌കൂളിൽ ക്ലാസ് തുടങ്ങുന്നതിന് മുമ്പ് പറയിക്കുന്ന പ്രതിജ്ഞയിൽ എല്ലാ ഇന്ത്യക്കാരും സഹോദരി സഹോദരൻമാരാണെന്ന് എല്ലാ ദിവസവും കുട്ടികളെക്കൊണ്ട് പറയിപ്പിക്കുന്നുണ്ട്. കുട്ടിയുടെ തട്ടം കണ്ട് ഏതെങ്കിലും കുട്ടി സ്കൂൾ അധികൃതരോട് പരാതി പറഞ്ഞിട്ടുണ്ടെങ്കിൽ ഇന്ത്യയുടെ വൈവിധ്യത്തെയും സംസ്കാരത്തെയും കുറിച്ച് കുട്ടികൾക്ക് ബോധവത്കരണം നടത്തുകയുമാണല്ലോ അധ്യാപകർ ചെയ്യേണ്ടത്. ഈ വിഷയവുമായി ബന്ധപ്പെട്ട് വിദ്യാഭ്യാസ വകുപ്പിൻ്റെയും സര്‍ക്കാരിൻ്റെയും നിർദ്ദേശങ്ങൾക്ക് വിരുദ്ധമായി ഞങ്ങള്‍ക്ക് ഞങ്ങളുടെ നിയമം എന്ന സ്കൂൾ അധികൃതരുടെ നിലപാട് തിരുത്തപ്പെടേണ്ടതാണ്. വിദ്യാഭ്യാസവകുപ്പും മന്ത്രിയും സ്വീകരിച്ച നീതപൂര്‍വ്വമായ നിലപാട് സ്കൂളില്‍ നടപ്പിലാക്കാന്‍ കൂടി സര്‍ക്കാരിന് കഴിയേണ്ടതുണ്ട്. അല്ലാത്ത പക്ഷം കേരളത്തിലെ വിദ്യാഭ്യാസ രംഗത്ത് സമാനമായ ചിന്താഗതിയുള്ള മാനേജ്മെന്റുകള്‍ ഭരണഘടനാ വിരുദ്ധമായ സമീപനങ്ങള്‍ സ്വീകരിക്കാന്‍ പ്രേരണയാകും.

മുസ്ലിം സമുദായ സംഘടനകളുടെ ഭാഗത്ത് നിന്നോ പ്രദേശത്തെ മഹല്ല് സംവിധാനത്തിന്റെ ഭാഗത്ത് നിന്നോ വിശ്വാസികളില്‍ നിന്നോ സെന്റ് റീത്താസിലെ വിഷയത്തെ വഴിതിരിച്ച് വിടാനോ ധ്രുവീകരണത്തിനോ ശ്രമിച്ചിട്ടില്ല. എന്നാല്‍ വടക്കേ ഇന്ത്യയിൽ ഉൾപ്പെടെ ക്രിസ്ത്യാനികൾക്ക് നേരെ നിരന്തര അക്രമണങ്ങൾ നടത്തുകയും വൈദികരുടെയും കന്യാസ്ത്രീകളുടെയും തിരുവസ്ത്രമുൾപ്പെടെ അഴിപ്പിച്ച് ആൾക്കുട്ട അക്രമണം നടത്തുകയും ചെയ്യുന്ന സംഘ്പരിവാറും സംഘ്പരിവാർ അനുകൂല സംഘടനയായ കാസയും വര്‍ഗീയചേരിതിരിവുണ്ടാക്കുന്ന രീതിയിൽ വിഷയത്തെ വഴി തിരിച്ചുവിടാനും വിഷയത്തെ രാഷ്ട്രീയ ആയുധമാക്കുന്ന സംഘ്പരിവാറിനെ തൃപ്തിപ്പെടുത്താനുമാണ് ശ്രമിച്ചു കൊണ്ടിരിക്കുന്നത് . അത് പ്രദേശത്തും കേരളത്തില്‍ പൊതുവേയും തീവ്രവര്‍ഗീയ ശക്തികള്‍ മുതലെടുക്കാനും സാമുദായിക സൗഹാര്‍ദ്ദം തകര്‍ക്കാനും കാരണമാകുമെന്ന് സ്കൂള്‍ മാനേജ്മെന്റും സഭാനേതൃത്വങ്ങള്‍ക്കും തിരിച്ചറിവുണ്ടാകേണ്ടതായിരുന്നു.

പത്ര സമ്മേളനത്തിൽ പങ്കെടുക്കുന്നവർ.
ഷരീഫ് പുത്തൻപുര (മഹല്ല് കൂട്ടായ്മ വർക്കിങ് ചെയർമാൻ)

ടി. എ. മുജീബ് റഹ്മാൻ (സ്റ്റേറ്റ് കോർഡിനേറ്റർ)
ഫോൺ: 9846092782

കെ.എ. അലിക്കുഞ്ഞ് ഹാജി വല്ലം
(വൈസ് ചെയർമാൻ)
നാദിർഷ കൊടികുത്തുമല (സെക്രട്ടറി)

പി. എസ്. അബ്ദുൽ നാസർ വെണ്ണല,
നൗഫൽ ചളിക്കവട്ടം
(സെക്രട്ടേറിയേറ്റ് അംഗങ്ങൾ)

18/10/2025

HD LIVE |Kochi Hijab Row |മുജീബ് റഹ്മാൻ മാധ്യമങ്ങളെ കാണുന്നു | Minister V Sivankutty |St Rita School ...

18/10/2025

കേരള മഹല്ല് കോൺഫെഡറേഷൻ പത്രസമ്മേളനം ഇന്ന് ( ഒക്ടോബർ 18, ശനി) ഉച്ചക്ക് 12 മണിക്ക്, എറണാകുളം പ്രസ് ക്ലബ്ബിൽ.
വിഷയം: പള്ളുരുത്തി സെന്റ് റീത്താസ് സ്കൂളിലെ ഹിജാബ് നിഷേധം.
NB: പത്ര സമ്മേളനത്തിന് ശേഷം ഭാരവാഹികൾ വിദ്യാർഥിനിയുടെ വീട് സന്ദർശിക്കും.

ടി.എ. മുജീബ് റഹ്മാൻ.
(സ്റ്റേറ്റ് കോഡിനേറ്റർ,
കേരള മഹല്ല് കോൺഫെഡറേഷൻ).
ഫോൺ: 9846092782

08/10/2025

എറണാകുളം ജില്ല മഹല്ല് കൂട്ടായ്മ വയനാട് പുനരധിവാസ പദ്ധതിയുടെ ഭാഗമായി ഒന്നാം ഘട്ടത്തിൽ പണിപൂർത്തീകരിച്ച 12 വീടുകൾ നറുക്കെടുപ്പിലൂടെ ഗുണഭോക്താക്കളെ നിശ്ചയിക്കുന്നു.

08/10/2025

എറണാകുളം ജില്ലാ മഹല്ല് കൂട്ടായ്മ വയനാട് പുനരധിവാസ ഭവന നിർമ്മാണ പദ്ധതിയുടെ ഭാഗമായി കൽപ്പറ്റയിൽ കോട്ടത്തറ പഞ്ചായത്തിൽ, വെണ്ണിയോട് വാളലിൽ തോttക്കാട്ടുകര മുസ്‌ലിം ജമാഅത്തും, പാനായിക്കുളം മുസ്‌ലിം ജമാഅത്തും സംയുക്തമായി പണി പൂർത്ഥീകരിച്ച വീടിന് മുന്നിൽ മഹല്ല് കൂട്ടായ്മ ഭാരവാഹികൾ.