Kudumbashree District Mission Ernakulam

Kudumbashree District Mission Ernakulam Team Kudumbashree Ernakulam

കേരള ചിക്കൻ: സംശുദ്ധമായ ഫ്രോസൺ ചിക്കൻ ഇനി ന്യായവിലയ്ക്ക്!🐓കേരള ചിക്കൻ പദ്ധതി വിപുലീകരിക്കുന്നതിന്റെ ഭാഗമായി പുതിയ ഉത്പന്...
21/01/2025

കേരള ചിക്കൻ: സംശുദ്ധമായ ഫ്രോസൺ ചിക്കൻ ഇനി ന്യായവിലയ്ക്ക്!🐓
കേരള ചിക്കൻ പദ്ധതി വിപുലീകരിക്കുന്നതിന്റെ ഭാഗമായി പുതിയ ഉത്പന്നമായ 'ഫ്രോസൺ ചിക്കൻ പ്രൊഡക്ട് പുറത്തിറക്കി. എറണാകുളം ജില്ലയിലെ പ്രൊഡക്ട് ലോഞ്ചിംഗ് 2024 ജനുവരി 20 ന് കമ്മ്യൂണിറ്റി ഹാളിൽ വച്ച്
കുടുംബശ്രീ ജില്ലാ മിഷൻ കോ-ഓർ ഡിനേറ്റർ ടി എം റെജീന നിർവഹിച്ചു.

"ബാലസൗഹൃദ രക്ഷാകർതൃത്വം"സംസ്ഥാന ബാലാവകാശ സംരക്ഷണ കമ്മീഷനുമായി കൈകോർത്ത് കുടുംബശ്രീ കേരള സംസ്ഥാന ബാലാവകാശ സംരക്ഷണ കമ്മീഷ...
11/12/2024

"ബാലസൗഹൃദ രക്ഷാകർതൃത്വം"
സംസ്ഥാന ബാലാവകാശ സംരക്ഷണ കമ്മീഷനുമായി കൈകോർത്ത് കുടുംബശ്രീ

കേരള സംസ്ഥാന ബാലാവകാശ സംരക്ഷണ കമ്മീഷനും എറണാകുളം കുടുംബശ്രീ ജില്ലാ മിഷനും സംയുക്തമായി ബാലസൗഹൃദ രക്ഷാകർതൃത്വത്തിനായി സംഘടിപ്പിച്ച ഏകദിന പരിശീലന പരിപാടി ആലുവ മഹാത്മാഗാന്ധി മുനിസിപ്പൽ ടൗൺ ഹാളിൽ നടന്നു.
പരിപാടിയിൽ ജില്ലാതലത്തിൽ 180 ലേറെ കുടുംബശ്രീ പ്രവർത്തകർ പങ്കെടുത്തു.
ബാലാവകാശ സംരക്ഷണ കമ്മീഷൻ അംഗം കെ. കെ. ഷാജു ഉദ്ഘാടനം ചെയ്ത പരിപാടിയിൽ ബാലസൗഹൃദ കേരളം, സുരക്ഷിത ബാല്യം സുന്ദര ഭവനം എന്നീ ലക്ഷ്യങ്ങളെ കുറിച്ച് സംസാരിച്ചു.

കുടുംബശ്രീ ജില്ലാ മിഷൻ കോ-ഓർഡിനേറ്റർ റ്റി.എം. റെജീനയുടെ അധ്യക്ഷതയിൽ നടന്ന ചടങ്ങിൽ അസിസ്റ്റന്റ് ജില്ലാ മിഷൻ കോ-ഓർഡിനേറ്റർ കെ.സി. അനുമോൾ സ്വാഗതം പറഞ്ഞു.

ജില്ലാ ശിശു സംരക്ഷണം ഓഫീസർ കെ.എസ് സിനി , ആശംസകൾ അറിയിച്ച് സംസാരിച്ചു.
ചൈൽഡ് പ്രൊട്ടക്ഷൻ ഓഫീസർ ഷാനോ ജോസ് പരിപാടിയിൽ പങ്കെടുത്തു.കുടുംബശ്രീ ജില്ലാ പ്രോഗ്രാം മാനേജറായ പൊന്നി കണ്ണൻ നന്ദി പ്രകാശിപ്പിച്ചു.

നയി ചേതന 3.0 - മൂന്നാം വാരത്തിലേക്ക്....
10/12/2024

നയി ചേതന 3.0 - മൂന്നാം വാരത്തിലേക്ക്....

കുടുംബശ്രീയുടെ നേതൃത്വത്തിൽ ബാലപാർലമെന്റ് 2024:ജനാധിപത്യ പാഠങ്ങൾ പുതുതലമുറയ്ക്ക്..... ജനാധിപത്യ വ്യവസ്ഥയുടെ ഉത്തമ മാതൃക ...
07/12/2024

കുടുംബശ്രീയുടെ നേതൃത്വത്തിൽ ബാലപാർലമെന്റ് 2024:
ജനാധിപത്യ പാഠങ്ങൾ പുതുതലമുറയ്ക്ക്.....

ജനാധിപത്യ വ്യവസ്ഥയുടെ ഉത്തമ മാതൃക പുതുതലമുറയ്ക്ക് പരിചയപ്പെടുത്തുവാനായി എറണാകുളം കുടുംബശ്രീ ജില്ലാ മിഷന്റെ നേതൃത്വത്തിൽ തദ്ദേശസ്ഥാപനങ്ങളിൽ നിന്നും ബാല പഞ്ചായത്ത് ഭാരവാഹികളായി തെരഞ്ഞെടുത്ത കുട്ടികളെ ഉൾപ്പെടുത്തി ബാലപാർലമെന്റ് ഡിസംബർ 7, 8 ( ശനി ഞായർ) തീയതികളിൽ രാവിലെ 9.30 മുതൽ 5 മണിവരെ എറണാകുളം നോർത്ത് യു പി എഡി ഹാളിൽ സംഘടിപ്പിക്കുന്നു, തുടർന്ന് ജില്ലാ ബാലപാർലമെന്റ് കൊച്ചി കോർപറേഷൻ കൗൺസിൽ ഹാളിൽ
ബഹു.കൊച്ചി മുൻസിപ്പൽ കോർപ്പറേഷൻ മേയർ എം അനിൽകുമാർ ഉദ്ഘാടനം നിർവഹിക്കും 102 സിഡിസുകൾ നിന്നും 200 ലേറെ കുട്ടികൾ പങ്കെടുക്കും.

നയി ചേതന ക്യാമ്പയിൻ രണ്ടാം വാരത്തിലേക്ക്...ലിംഗ വിവേചനങ്ങൾക്കും ലിംഗാധിഷ്ഠിത അതിക്രമങ്ങൾക്കും എതിരെ നടത്തുന്ന ദേശീയ ജെൻഡ...
05/12/2024

നയി ചേതന ക്യാമ്പയിൻ രണ്ടാം വാരത്തിലേക്ക്...

ലിംഗ വിവേചനങ്ങൾക്കും ലിംഗാധിഷ്ഠിത അതിക്രമങ്ങൾക്കും എതിരെ നടത്തുന്ന ദേശീയ ജെൻഡർ ക്യാമ്പയിൻ്റെ രണ്ടാം വാര പ്രവർത്തനങ്ങൾ പുരോഗമിക്കുന്നു.
പൊതുജനാവബോധനം ലക്ഷ്യമിട്ട് റാലികൾ, പ്രതിജ്ഞ എടുക്കൽ, അതിക്രമങ്ങൾക്കെതിരെ പോസ്റ്റർ പ്രചരണം, ജെൻഡർ അധിഷ്ഠിത അതിക്രമങ്ങളുമായി ബന്ധപ്പെട്ട അവബോധ രൂപീകരണ പരിശീലനങ്ങൾ, ക്വിസ് മത്സരങ്ങൾ, സാമൂഹ്യമാധ്യമങ്ങളിലൂടെയുള്ള പ്രചരണങ്ങൾ, ചുവരെഴുത്തുകൾ തുടങ്ങി വിവിധങ്ങളായ പ്രവർത്തനങ്ങളാണ് ക്യാമ്പയിനോടനുബന്ധിച്ച് ജില്ല, സി.ഡി.എസ്., ഏ.ഡി.എസ്., അയൽക്കൂട്ട തലങ്ങളിൽ നടത്തുന്നത്.

*സരസ് മേളയിൽ നിന്നും ലഭിച്ച ജനസ്വീകാര്യതയിൽ വേരുകൾ ഉറപ്പിച്ച് ഹൈമാക്സ്* ..........2013 ലാണ് ഹൈമാക്സ് എന്ന ബ്രാൻഡ് പ്ര...
05/12/2024

*സരസ് മേളയിൽ നിന്നും ലഭിച്ച ജനസ്വീകാര്യതയിൽ വേരുകൾ ഉറപ്പിച്ച് ഹൈമാക്സ്* ..........

2013 ലാണ് ഹൈമാക്സ് എന്ന ബ്രാൻഡ് പ്രവർത്തനം ആരംഭിക്കുന്നത്.
തുടർന്ന് ഉണ്ടായ നോട്ട് നിരോധനം,കോവിഡ് മുതലായ സാമ്പത്തിക പ്രതിസന്ധികളാൽ
തകർച്ചയുടെ വക്കിൽ നിന്ന സംരംഭത്തിന് കുടുംബശ്രീയിൽ നിന്നും ലഭിച്ച പിന്തുണയാണ് പുതുജീവൻ നൽകിയത്.
പ്രതിസന്ധികളിൽ തകർന്നു പോകാതെ ആത്മധൈര്യത്തോടെയും ശുഭാപ്തി വിശ്വാസത്തോടെയും മുന്നേറിയ വീട്ടമ്മയായ ബുഷറയാണ് ഹൈമാക്സ് ബാഗ്സ് ആൻഡ് ഷൂസ് എന്ന സംരംഭത്തിന്റെ വിജയത്തിന്റെ പിന്നിൽ....
വാഴക്കുളം ബ്ലോക്കിൽ വെങ്ങോല സി.ഡി.എസ് എട്ടാം വാർഡിലെ ഐശ്വര്യ കുടുംബശ്രീ അംഗം കൂടിയാണ് ബുഷ്റ.

സംരംഭം കൂടുതൽ വികസിപ്പിക്കുന്നതിനും
മെച്ചപ്പെടുത്തുന്നതിനും കുടുംബശ്രീ മുഖാന്തിരം നൽകുന്ന പരിശീലന പദ്ധതിയായ ജി.ഒ.ടി(ജനറൽ ഓറിയന്റേഷൻ ട്രെയിനിങ് ),ഇ. ഡി. പി (എൻ്റർപ്രണർ ഡെവലപ്മെന്റ് പ്രോഗ്രാം ), സ്കിൽ എന്നീ പരിപാടികളിൽ എല്ലാം
പങ്കെടുത്ത് പരിശീലനം നേടി സംരംഭം വിപുലീകരിച്ചു .
ചെറിയ സംരംഭം എന്ന നിലയിൽ നിന്നും കുടുംബശ്രീയുടെ സരസ് മേളയിൽ ലഭിച്ച പരസ്യത്തിലൂടെ കൂടുതൽ ജന സ്വീകാര്യത നേടുവാനും വിപണനം മെച്ചപ്പെടുത്തുവാനും സാധിച്ചു.
പ്രധാനമായും സ്കൂൾ ആൻഡ് കോളേജ് ബാഗുകൾ,കിഡ്സ് ആൻഡ് ലേഡീസ് ബാഗുകൾ,എക്സിക്യൂട്ടീവ് ബാഗുകൾ,ചാർലി ബാഗുകൾ,ലഞ്ച് ബാഗുകൾ,ട്രോളി ആൻഡ് ലഗേജ് ബാഗുകൾ, ട്രക്കിംഗ് ബാഗുകൾ, തുടങ്ങിയ എല്ലാത്തരം ബാഗുകളും ഫോം ലെതർ, പോളിസ്റ്റർ 1000, കൊറിയൻ മെറ്റീരിയൽസും ഗുണമേന്മയുള്ള സിബ്ബും റണ്ണറും ഉപയോഗിച്ച് നിർമിച്ചും
മിനിമം 100 പീസിൽ കൂടുതലുള്ള ബൾക്ക് ഓർഡറുകളും,സ്കൂൾ ഓർഡറുകളും, കസ്റ്റമേഴ്സിന്റെ ആവശ്യാനുസരണം എംബ്ലം എംബ്രോയ്ഡറി ആയും സ്ക്രീൻ പ്രിന്റായും ചെയ്തു നൽകുന്നുണ്ട്. വൻകിട ബ്രാൻഡുകളോട് പോലും കിടപിടിക്കുന്ന ഗുണമേന്മയുള്ള ഉൽപ്പന്നങ്ങളാണ് ഹൈ മാക്സിന്റെ പ്രത്യേകത.
ഉൽപ്പന്നങ്ങളുടെ മാർക്കറ്റിങ്ങിനായി കുടുംബശ്രീയുടെ തന്നെ വിപണന മേളകളും എക്സിബിഷനുകളെയും ഉപയോഗിക്കുന്നു.
നിലവിൽ പെരുമ്പാവൂർ
പാത്തിപ്പാലത്ത് പ്രൊഡക്ഷൻ യൂണിറ്റും ഷോപ്പും പ്രവർത്തിച്ചു വരുന്നു.

ഹൈമാക്സ് ബാഗ്സ്
ബുഷറ:9526640502

*തൊഴിൽ മേള സംഘടിപ്പിച്ചു*. കുടുംബശ്രീ സൗജന്യ നൈപുണ്യ തൊഴിൽദാന പദ്ധതിയായ ഡി.ഡി.യു - ജി.കെ.വൈയുടെയും എറണാകുളം ജില്ലാ എംബ്ല...
30/11/2024

*തൊഴിൽ മേള സംഘടിപ്പിച്ചു*.

കുടുംബശ്രീ സൗജന്യ നൈപുണ്യ തൊഴിൽദാന പദ്ധതിയായ ഡി.ഡി.യു - ജി.കെ.വൈയുടെയും എറണാകുളം ജില്ലാ എംബ്ലോയ്ബിലിറ്റി സെന്ററിന്റെയും നെല്ലിക്കുഴി ഗ്രാമപഞ്ചായത്തിന്റെയും നേതൃത്വത്തിൽ നെല്ലിക്കുഴി ഇന്ദിരഗാന്ധി കോളേജിൽ വെച്ച് 'ജോലിയിലേക്കൊരു ജാലകം' എന്ന പേരിൽ തൊഴിൽമേള സംഘടിപ്പിച്ചു. അഭ്യസ്തവിദ്യരായ യുവാക്കൾക്ക് സ്വകാര്യമേഖലകളിൽ വൈജ്ഞാനിക തൊഴിലവസരങ്ങൾ ലഭ്യമാക്കുക എന്ന ലക്ഷ്യത്തോടെയാണ് തൊഴിൽമേള സംഘടിപ്പിച്ചത്. നെല്ലിക്കുഴി പഞ്ചായത്ത് പ്രസിഡൻറ് പി എം മജീദിന്റെ അധ്യക്ഷതയിൽ കോതമംഗലം താലൂക്ക് എം എൽ എ ആന്റണി ജോൺ തൊഴിൽമേള ഉദ്ഘാടനം ചെയ്തു. ബാങ്കിംഗ്, ഫിനാൻസ്, ഐടി, വിദ്യാഭ്യാസം, ഹോസ്പിറ്റാലിറ്റി, എൻജിനീയറിങ്, സെയിൽസ് ആൻഡ് മാർക്കറ്റിംഗ്, ഹ്യൂമൻ റിസോഴ്സ് തുടങ്ങിയ മേഖലകളിൽ പ്രവർത്തിക്കുന്ന അൻപത്തി രണ്ട് കമ്പനികളാണ് മേളയിൽ തൊഴിൽദാധാക്കളായി വർത്തിച്ചത്. പ്ലസ് ടു, ഐടിഐ,ഡിഗ്രി, ഡിപ്ലോമ, ബിടെക് തുടങ്ങിയ വിദ്യാഭ്യാസ യോഗ്യതയുള്ള 1527 യുവജനങ്ങളാണ് തൊഴിൽ മേളയിൽ പങ്കെടുത്തത്. 488 പേർ ഷോർട്ട് ലിസ്റ്റിൽ ഇടം പിടിക്കുകയും 152 പേർ ജോലി നേടുകയും ചെയ്തു.

കുടുംബശ്രീ സര്‍ഗ്ഗം ചെറുകഥാരചനാ മത്സരം രചനകള്‍ ക്ഷണിച്ചു തിരുവനന്തപുരം: കുടുംബശ്രീയുടെ ആഭിമുഖ്യത...
29/11/2024

കുടുംബശ്രീ സര്‍ഗ്ഗം ചെറുകഥാരചനാ മത്സരം
രചനകള്‍ ക്ഷണിച്ചു


തിരുവനന്തപുരം: കുടുംബശ്രീയുടെ ആഭിമുഖ്യത്തില്‍ അയല്‍ക്കൂട്ട, ഓക്‌സിലറി ഗ്രൂപ്പ് അംഗങ്ങള്‍ക്കായി 'സര്‍ഗ്ഗം-2024' സംസ്ഥാനതല കഥാരചന മത്സരത്തിലേക്ക് രചനകള്‍ ക്ഷണിച്ചു. സമ്മാനാര്‍ഹമാകുന്ന ആദ്യ മൂന്ന് രചനകള്‍ക്ക് യഥാക്രമം 20,000, 15,000, 10,000 എന്നിങ്ങനെ ക്യാഷ് അവാര്‍ഡും മെമന്റോയും സര്‍ട്ടിഫിക്കറ്റും ലഭിക്കും. 2500 രൂപ വീതം മൂന്ന് പ്രോത്സാഹന സമ്മാനങ്ങളും ഏര്‍പ്പെടുത്തിയിട്ടുണ്ട്. മികച്ച രചനകള്‍ അയയ്ക്കുന്ന 40 പേര്‍ക്ക് കുടുംബശ്രീ സംഘടിപ്പിക്കുന്ന ത്രിദിന സാഹിത്യ ശില്‍പശാലയില്‍ പങ്കെടുക്കാനുള്ള അവസരവും ലഭിക്കും.
സാഹിത്യ മേഖലയിലെ പ്രമുഖര്‍ ഉള്‍പ്പെടുന്ന ജൂറിയായിരിക്കും സമ്മാനാര്‍ഹരെ കണ്ടെത്തുക.

രചയിതാവിന്റെ പേര്, മേല്‍വിലാസം, ഫോണ്‍ നമ്പര്‍, കുടുംബശ്രീ അംഗമാണെന്നു തെളിയിക്കുന്ന സി.ഡി.എസ് ചെയര്‍പേഴ്‌സന്റെ സാക്ഷ്യപത്രം എന്നിവ സഹിതം കഥകള്‍ തപാല്‍ വഴിയോ കൊറിയര്‍ വഴിയോ നേരിട്ടോ ഡിസംബര്‍ 24 വൈകുന്നേരം അഞ്ച് മണിക്കുള്ളില്‍ ചുവടെ കാണുന്ന വിലാസത്തില്‍ ലഭ്യമാക്കണം.

പബ്‌ളിക് റിലേഷന്‍സ് ഓഫീസര്‍
കുടുംബശ്രീ സംസ്ഥാന ദാരിദ്ര്യ നിര്‍മാര്‍ജന മിഷന്‍
ട്രിഡ ബില്‍ഡിങ്ങ്-രണ്ടാം നില
മെഡിക്കല്‍ കോളേജ്.പി.ഓ
തിരുവനന്തപുരം-695 011

ഇമെയില്‍, വാട്ട്‌സാപ് എന്നിവ മുഖേന അയക്കുന്ന രചനകള്‍ പരിഗണിക്കുന്നതല്ല. വിശദാംശങ്ങള്‍ക്ക് കുടുംബശ്രീ വെബ്‌സൈറ്റ് www.kudumbashree.org/sargam/2024 സന്ദര്‍ശിക്കുക.

ഓരോ ചിരിയിലും പ്രതിഫലിക്കുന്ന വിജയത്തിന്റെ തിളക്കത്തോടെ ബഡ്‌സ് കലോത്സവ വേദിയിൽ നിന്ന് ...
29/11/2024

ഓരോ ചിരിയിലും പ്രതിഫലിക്കുന്ന വിജയത്തിന്റെ തിളക്കത്തോടെ ബഡ്‌സ് കലോത്സവ വേദിയിൽ നിന്ന് ...

ബഡ്സ് കലോത്സവം സമാപിച്ചു...ബഡ്സ് കലോത്സവത്തിന്റെ സമാപന സമ്മേളനം ശ്രീശങ്കരാചാര്യ സംസ്കൃത സർവ്വകലാശാല, കാലടിയിൽ നടന്നു. ക...
29/11/2024

ബഡ്സ് കലോത്സവം സമാപിച്ചു...

ബഡ്സ് കലോത്സവത്തിന്റെ സമാപന സമ്മേളനം ശ്രീശങ്കരാചാര്യ സംസ്കൃത സർവ്വകലാശാല, കാലടിയിൽ നടന്നു. കുടുംബശ്രീയുടെ ബഡ്സ് പദ്ധതിയിൽ ഉൾപ്പെട്ട കുട്ടികളിലെ കലാപ്രതിഭകൾക്ക് പ്രോത്സാഹനം നൽകുന്ന കലോത്സവം വിജയകരമായി സമാപിച്ചു.
ഷൈജൻ തോട്ടപ്പിള്ളി (പഞ്ചായത്ത് പ്രസിഡന്റ്, കാലടി), അൻജീത് സിംഗ് (അസിസ്റ്റന്റ് കളക്ടർ, എറണാകുളം), ചലച്ചിത്രതാരം ബിനു അടിമാലി,ഡോ. കെ. കെ. ഗീതാകുമാരി (വൈസ് ചാൻസലർ, കാലടി ശ്രീ ശങ്കരാചാര്യ സംസ്കൃത സർവ്വകലാശാല), റോബിൻ ടോമി (എക്സിക്യൂട്ടീവ് ഡയറക്ടർ, കെ-ഡിസ്‌ക്) എന്നിവർ മുഖ്യാതിഥികളായി പങ്കെടുത്തു.
മൽഹാർ ജില്ലാതല ബഡ്‌സ് കലോത്സവത്തിൽ കാലാപ്രതിഭ പട്ടം നേടിയത് 15 പോയിന്റ്സുമായി ആശാഭവൻ ബഡ്‌സ് സ്പെഷ്യൽ സ്കൂൾ വേങ്ങൂരിലെ അനോയിന്റ് അരവിന്ദും
,15 പോയിന്റ്സുമായി നെടുമ്പാശ്ശേരി ബഡ്‌സ് സ്കൂളിലെ നന്ദു ഷാജിയും ആണ്.
കലാതിലകപട്ടം സ്വന്തമാക്കിയത് പത്തു പോയിന്റ്സുമായി മഹാത്മാ ബഡ്‌സ് റിഹാബിലിറ്റേഷൻ സെന്റർ ഇളംകുന്നപുഴയിലെ ജെയ്‌നി മരിയുമാണ്.
ഓവർ ഓൾ ചാമ്പ്യൻസായി 36 പോയിന്റ്സോടെ ചെല്ലാനം ബഡ്സ് സ്കൂൾ ഒന്നാം സ്ഥാനവും,ആശ ഭവൻ ബഡ്‌സ് സ്കൂൾ, വേങ്ങൂർ
20 പോയിന്റുമായി രണ്ടാം സ്ഥാനവും
ഏലൂർ ബഡ്‌സ് സ്പെഷ്യൽ സ്കൂൾ ഫോർ മെന്റലി ചലഞ്ചേഡ് 18 പോയ്ന്റ്സുമായി മൂന്നാം സ്ഥാനത്തും എത്തി.
കുടുംബശ്രീ എറണാകുളം ജില്ലാ മിഷൻ കോ-ഓർഡിനേറ്റർ ടി എം റെജീന,അസിസ്റ്റന്റ് ജില്ലാമിഷൻ കോ- ഓർഡിനേറ്റർമാരായ എം ഡി സന്തോഷ്, അമ്പിളി തങ്കപ്പൻ,
കെ ആർ രജിത, കുടുംബശ്രീ ഡിസ്റ്റിക്
പ്രോഗ്രാം മാനേജർ പൊന്നി കണ്ണൻ എന്നിവരും പങ്കെടുത്തു...

ഐ ഇ സി പോസ്റ്റർ പ്രകാശനം ബഹുമാനപ്പെട്ട ജില്ലാ കലക്ടർ നിർവഹിച്ചു.സ്ത്രീകൾ, വിവിധ ലിംഗവിഭാഗത്തിലുള്ള വ്യക്തികൾ എന്നിവർക്ക്...
27/11/2024

ഐ ഇ സി പോസ്റ്റർ പ്രകാശനം ബഹുമാനപ്പെട്ട ജില്ലാ കലക്ടർ നിർവഹിച്ചു.
സ്ത്രീകൾ, വിവിധ ലിംഗവിഭാഗത്തിലുള്ള വ്യക്തികൾ എന്നിവർക്ക് വിവേചനമില്ലാതെയും അതിക്രമത്തിനിരയാകാതെയും നിർഭയം സാമൂഹിക പ്രതിബന്ധങ്ങൾ അതിജീവിച്ച് അവകാശാധിഷ്ഠിതമായി ജീവിക്കാനുള്ള സാഹചര്യം സൃഷ്ടിക്കുക എന്നതാണ് നയി ചേതന 3.0 ദേശീയ ജെൻഡർ ക്യാമ്പയിനിലൂടെ ലക്ഷ്യമിടുന്നത്. എൻ.ആർ.എൽ.എം പദ്ധതി നടപ്പിലാക്കുന്ന എല്ലാ സംസ്ഥാനങ്ങളും, സഹായക സ്ഥാപനങ്ങളും വിവിധ വകുപ്പുകളും സംയുക്തമായാണ് പരിപാടികൾ സംഘടിപ്പിക്കുന്നത്.

കുടുംബശ്രീയിലൂടെ വീട്ടമ്മമാർക്ക് എങ്ങനെ സ്വയം പര്യാപ്തത നേടാം....എന്നതിന്റെ ഉത്തമ മാതൃകയായ മൂവാറ്റുപുഴ ബ്ലോക്കിന്റെ ...
17/11/2024

കുടുംബശ്രീയിലൂടെ വീട്ടമ്മമാർക്ക് എങ്ങനെ സ്വയം പര്യാപ്തത നേടാം....
എന്നതിന്റെ ഉത്തമ മാതൃകയായ മൂവാറ്റുപുഴ ബ്ലോക്കിന്റെ കീഴിൽ വരുന്ന ആരക്കുഴ സി.ഡി.എസിലെ ലിജി ജോമി ,ആശ മാത്യു, എലിയാമ്മ തോമസ് എന്നീ
മൂന്ന് വനിതാ സംരംഭകരുടെ ഹരിതം ആക്ടിവിറ്റി ഗ്രൂപ്പ് ഇവരുടെ കഠിനാധ്വാനത്തിന്റെ ഫലമാണ്.
ഫ്രണ്ട്സ് എന്ന പേരിൽ ലിജി ജോമി ആരംഭിച്ച് ചെറുകിട സംരംഭം പിന്നീട് ഹരിത ആക്ടിവിറ്റി ഗ്രൂപ്പ് എന്ന പേരിലേക്ക് മാറ്റുകയും രണ്ട് അംഗങ്ങളെ കൂടി ചേർത്ത് വിപുലീകരിക്കുകയും ചെയ്തു.
ബ്ലോക്ക് പഞ്ചായത്തിന്റെ കീഴിൽ നിന്നും ലഭിച്ച 2.50 ലക്ഷം രൂപ സബ്സിഡി ഫണ്ടും 50,000 രൂപ തിരിച്ചടവോടുകുടി ലഭിച്ച ഫണ്ട് ഉപയോഗിച്ചും വനിതാ വികസന വകുപ്പിന്റെ ഫണ്ടിൽ ഡ്രൈയർ യൂണിറ്റും സ്ഥാപിച്ചുകൊണ്ടും 2022 ൽ ഹരിതം ആക്ടിവിറ്റി ഗ്രൂപ്പ്‌ എന്ന സംരംഭം സ്റ്റാർട്ട് ചെയ്തു.
നിലവിലെ സാമ്പത്തിക ആവശ്യങ്ങൾക്കായി കുടുംബശ്രീ വായ്പകളെയും ബാങ്ക് ലോണുകളെയും ആണ് ആശ്രയിക്കുന്നത്.
ഇടിയിറച്ചി,ഉണക്ക ഇറച്ചി, കൊണ്ടാട്ടം, ചമ്മന്തിപ്പൊടി,അച്ചാർ,
ഏത്തക്ക ഉണക്കിയത്, ഏത്തക്ക പുട്ടുപൊടി
കപ്പ,ചക്ക,കായ വറുത്തത്
തുടങ്ങിയ വിഭവങ്ങളാണ് പ്രധാനമായും ഉൽപ്പാദിപ്പിക്കുന്നത്.
വിഭവങ്ങളുടെ ഉൽപാദനത്തിനായി കർഷകരിൽ നിന്നും നേരിട്ടാണ് അസംസ്കൃത വസ്തുക്കൾ വാങ്ങുന്നത്.
ഈ സംരംഭം മികച്ച രീതിയിൽ മുന്നോട്ടു കൊണ്ടു പോകുന്നതിന് കുടുംബാംഗങ്ങളുടെ പിന്തുണയും ഉണ്ട്.
ഉൽപ്പന്നങ്ങളുടെ വിൽപ്പനയ്ക്കായി
കോലഞ്ചേരിയിലെ കുടുംബശ്രീ ബസാറിലും കുടുംബശ്രീയുടെ മാസ ചന്തകളിലുമായി വിപണി കണ്ടെത്തുന്നു.
ദൈനംദിന ചെലവുകൾക്ക് പോലും ഭർത്താക്കന്മാരെ ആശ്രയിച്ചിരുന്ന സാധാരണ വീട്ടമ്മമാർ എന്ന നിലയിൽ നിന്നും സംരംഭകർ എന്ന നിലയിലേക്കുള്ള വളർച്ച ആത്മധൈര്യവും ആത്മവിശ്വാസം നൽകുന്നതായും കൂട്ടായ സംരംഭത്തിലൂടെ ഒന്നിലധികം പേർക്ക് ജോലി ലഭിച്ചതിന്റെ ആത്മസംതൃപ്തിയുണ്ട് ലിജി ജോമി പറഞ്ഞു...

Address

Kochi

Opening Hours

Monday 10am - 5pm
Tuesday 10am - 5pm
Wednesday 10am - 5pm
Thursday 10am - 5pm
Friday 10am - 5pm
Saturday 10am - 5pm

Telephone

+914842424028

Website

Alerts

Be the first to know and let us send you an email when Kudumbashree District Mission Ernakulam posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Kudumbashree District Mission Ernakulam:

Shortcuts

Share

Category