What are the opening hours?

Monday 10am - 5pm Tuesday 10am - 4pm Wednesday 10am - 5pm Thursday 10am - 5pm Friday 10am - 5pm Saturday 10am - 5pm

Collector Kannur, Civil Station, Kannur (2026)

07/10/2026

പട്ടുവം എം.ആര്‍.എസ്സ് ലൈബ്രറിയില്‍ ഇനി ഡിജിറ്റല്‍ വായന സജീവമാവും.

കളമൊരുങ്ങിയത് 'കളം' പരിപാടിയില്‍.

പട്ടുവം മോഡല്‍ റെസിഡന്‍ഷ്യല്‍ സ്‌കൂളിലെ ലൈബ്രറിയില്‍ ഇനി ഡിജിറ്റല്‍ വായന സജീവമാകും. പഠനത്തിന്റെ ഇടവേളകളില്‍ ദിനപ്പത്രങ്ങളും ആനുകാലികങ്ങളും ഡിജിറ്റല്‍ രൂപത്തില്‍ സമയ പരിധിയില്ലാതെ വായിക്കാന്‍ കുട്ടികള്‍ക്ക് സൗകര്യമൊരുക്കണമെന്ന് നിർദ്ദേശിച്ചതിനേ തുടര്‍ന്നാണിത്. കുട്ടികളുമായുള്ള പ്രതിവാര സംവാദം 'കളം' പരിപാടിയിലാണ് സ്‌കൂള്‍ അധികൃതര്‍ക്ക് ജില്ലാ കളക്ടര്‍ ഈ നിര്‍ദ്ദേശം നല്‍കിയത്.

പട്ടുവം എം.ആര്‍.എസ്സിലെ 35 വിദ്യാര്‍ത്ഥികളായിരുന്നു ഇത്തവണ കളത്തിലെ അതിഥികള്‍. ആരൊക്കെയാണ് ദിവസവും പത്രം വായിക്കാറ് എന്ന ചോദ്യത്തിന് പത്രവായനയുടെ കാര്യത്തിൽ തങ്ങള്‍ നേരിടുന്ന പ്രയാസങ്ങള്‍ കുട്ടികള്‍ ചൂണ്ടിക്കാണിച്ചതിനെ തുടര്‍ന്നായിരുന്നു ഡിജിറ്റല്‍ വായനയ്ക്ക് സൗകര്യമൊരുക്കാന്‍ അധ്യാപകരോട് നിര്‍ദ്ദേശിച്ചത്. പത്രം വായിക്കേണ്ട രീതിയെ കുറിച്ച് വിദ്യാര്‍ഥികളെ പരിചയപ്പെടുത്താനും നിര്‍ദ്ദേശിച്ചു.

ഡിജിറ്റല്‍ പ്രതലത്തിലും പത്രങ്ങള്‍ ഉള്‍പ്പെടെ വായിക്കാനുള്ള സൗകര്യങ്ങള്‍ നിലവിലുണ്ട്. വിദ്യാര്‍ഥികള്‍ ഇവ ഉപയോഗപ്പെടുത്തണം. അതിശയിപ്പിക്കുന്ന വിധം കഴിവുള്ളവരാണ് എല്ലാവരും. കഴിവുകള്‍ക്കൊപ്പം ആത്മവിശ്വാസം കൂടി കൈമുതലാവുമ്പോഴാണ് ജീവിത വിജയത്തിലേക്ക് മുന്നേറാനാവുകയെന്നും കുട്ടികളോട് പറഞ്ഞു. മറ്റുള്ള വിദ്യാലയങ്ങളില്‍ നിന്ന് വ്യത്യസ്തമായി എം.ആര്‍.എസ്സുകളില്‍ സൗകര്യങ്ങളെറെയുണ്ട്. ഇവ ഉപയോഗപ്പെടുത്തി നല്ല രീതിയില്‍ പഠിച്ച് മുന്നേറാനാനാവണം. പരിമിതികളെയെല്ലാം അതിജീവിക്കാനുള്ള കരുത്ത് ഇവിടെ നിന്നും ആര്‍ജ്ജിക്കണം. ഫുട്ബോളില്‍ വേറിട്ട വഴിയില്‍ മുന്നേറിയ കളിക്കാരനാണ് ഹിഗ്വിറ്റ. വേറിട്ട ആ ഗോള്‍ രക്ഷാപ്രവര്‍ത്തനമാണ് അദ്ദേഹത്തെ അനശ്വരനാക്കിയത്. സമൂഹത്തില്‍ ഇങ്ങനെയും അനേകം വേറിട്ട പ്രതിഭകളുണ്ട്. സ്വന്തം കഴിവുകളില്‍ വിശ്വാസമുണ്ടാവുക എന്നതാണ് പ്രധാനകാര്യം. വിജയങ്ങളെല്ലാം പിന്നാലെ വരുമെന്നും കളം പരിപാടിയില്‍ വിദ്യാര്‍ത്ഥികളോട് പറഞ്ഞു.

പട്ടുവം എം.ആര്‍.എസ്സിലെ ഒമ്പതാം ക്ലാസ് വിദ്യാര്‍ത്ഥികളായ അര്‍ജ്ജുനും ശിതിന്‍ രാജും ചിത്രവും കരകൗശല വസ്തുക്കളും സമ്മാനിച്ചു. സ്‌കൂളിലെ കായിക പരിശീലനം, അക്കാദമിക സൗകര്യങ്ങള്‍ തുടങ്ങിയവയെല്ലാം കളത്തില്‍ ചര്‍ച്ച ചെയ്തു.

ജില്ലാ കളക്ടറുടെ ഇന്റേണ്‍ഷിപ്പ് പ്രോഗ്രാമിലെ ഇന്റേണുകള്‍ വിവിധ വിഷയങ്ങളില്‍ ക്ലാസ്സുകള്‍ നയിച്ചു. ജില്ലാ ഭരണകൂടത്തിന്റെ പ്രവര്‍ത്തനങ്ങള്‍, ജില്ലയിലെ വിനോദ സഞ്ചാര കേന്ദ്രങ്ങള്‍, ചരിത്ര സ്മാരകങ്ങള്‍ തുടങ്ങിയവ കുട്ടികള്‍ക്ക് പരിചയപ്പെടുത്തി. ജില്ലാ ഭരണകൂടത്തെ അടുത്തറിയുക എന്ന ലക്ഷ്യത്തോടെ പോലീസ് കമ്മീഷണര്‍ ആസ്ഥാന സന്ദര്‍ശനവും കഴിഞ്ഞാണ് വിദ്യാര്‍ത്ഥികള്‍ മടങ്ങിയത്.

#കളം

05/10/2026

സെന്‍സസ് ഉദ്യോഗസ്ഥരെ അനുമോദിച്ചു.

സെന്‍സസ് 2027 ന്റെ ഒന്നാംഘട്ടം വിജയകരമായി പൂര്‍ത്തീകരിക്കാന്‍ നേതൃത്വം നല്‍കിയ ചാര്‍ജ് ഓഫീസുകളിലെ സെന്‍സസ് ഉദ്യോഗസ്ഥരെ അനുമോദിച്ചു. ഇവരുടെ മാതൃകാപരമായ പ്രവര്‍ത്തനങ്ങളാണ് ഒന്നാംഘട്ട സെന്‍സസ് പ്രവര്‍ത്തനങ്ങള്‍ നല്ലനിലയില്‍ പൂര്‍ത്തീകരിക്കാന്‍ സഹായിച്ചത്. ചാര്‍ജ് ഓഫീസര്‍മാര്‍, അസിസ്റ്റന്റ് ചാര്‍ജ് ഓഫീസര്‍മാര്‍, ക്ലര്‍ക്കുമാര്‍, ടെക്നിക്കല്‍ അസിസ്റ്റന്റുമാര്‍ എന്നിവര്‍ക്ക് സര്‍ട്ടിഫിക്കറ്റുകള്‍ വിതരണം ചെയ്തു.

2027 ഫെബ്രുവരിയില്‍ നടക്കുന്ന സെന്‍സസിന്റെ രണ്ടാം ഘട്ടവുമായി ബന്ധപ്പെട്ട പരിശീലന പരിപാടികള്‍ 2026 ഒക്ടോബര്‍ 8 മുതല്‍ ആരംഭിക്കും. ജനസംഖ്യാ കണക്കെടുപ്പാണ് രണ്ടാം ഘട്ടത്തില്‍ നടക്കുന്നത്. ഈ സുപ്രധാന ദൗത്യം വിജയകരമായി പൂര്‍ത്തീകരിക്കുന്നതിന് എല്ലാവരുടേയും സഹകരണം ഉറപ്പാക്കണമെന്നും നിര്‍ദ്ദേശിച്ചു.

കളക്ട്രേറ്റ് കോണ്‍ഫറന്‍സ് ഹാളില്‍ നടന്ന ചടങ്ങില്‍ അസിസ്റ്റന്റ് കളക്ടര്‍ എസ് സ്വാതി, എഡിഎം കെ ബാലഗോപാലന്‍, എച്ച് എസ് രാജേഷ് ഖന്ന, ഡെപ്യൂട്ടി തഹസില്‍ദാര്‍ പി ആര്‍ കിഷോര്‍ എന്നിവര്‍ പങ്കെടുത്തു.

04/10/2026

നിർമ്മലം - ശുചിത്വ ക്യാമ്പയിന് ജില്ലയിൽ ഗംഭീര തുടക്കം.

പയ്യാമ്പലം ബീച്ച് ശുചീകരിച്ച് ജില്ലാതല ഉദ്ഘാടനം.

സംസ്ഥാന സർക്കാർ പുതുതായി ആരംഭിച്ച "നിർമ്മലം- പുതുയുഗ ശുചിത്വ കേരളം" ക്യാമ്പയിന് ജില്ലയിൽ ഗംഭീര തുടക്കം. പയ്യാമ്പലം ബീച്ച് പാർക്ക്‌, അമ്മയും കുഞ്ഞും ശില്പ പരിസരം, പയ്യാമ്പലം കടൽത്തീരം എന്നിവിടങ്ങളിൽ ശുചീകരണം നടത്തിക്കൊണ്ടായിരുന്നു തുടക്കം.

ജില്ലാ ഭരണകൂടത്തിൻ്റെയും കണ്ണൂർ കോർപ്പറേഷന്റെയും നേതൃത്വത്തിൽ നടന്ന ജനകീയ ശുചീകരണ യജ്ഞത്തിൽ കരുതൽ കണ്ണൂർ, വളണ്ടിയർ സ്റ്റാക്ക്, ഡിടിപിസി എന്നിവയുടെ കീഴിൽ മുന്നൂറിലേറെ സന്നദ്ധ പ്രവർത്തകർ പങ്കാളികളായി. പദ്ധതിയുടെ ജില്ലാതല ഉദ്ഘാടനം കോർപ്പറേഷൻ ഡപ്യൂട്ടി മേയർ കെ പി താഹിറിൻ്റെ അധ്യക്ഷതയിൽ കോർപ്പറേഷൻ മേയർ പി. ഇന്ദിര നിർവഹിച്ചു.

അഞ്ചുവർഷം കൊണ്ട് കേരളത്തെ തീർത്തും മാലിന്യമുക്തമാക്കുക എന്ന ലക്ഷ്യത്തോടെയാണ് സംസ്ഥാന സർക്കാർ നിർമ്മലം പദ്ധതി നടപ്പിലാക്കുന്നതെന്ന് പറഞ്ഞു. നാം ഉപയോഗിച്ച് വലിച്ചെറിയുന്ന മാലിന്യങ്ങൾ മറ്റുള്ളവർ നീക്കം ചെയ്യേണ്ടി വരുന്ന സാഹചര്യം പരിഷ്കൃത സമൂഹത്തിന് ചേർന്നതല്ല. പൊതു ഇടങ്ങളിൽ സ്ഥാപിച്ചിട്ടുള്ള വേസ്റ്റ് ബിന്നുകളിൽ മാലിന്യങ്ങൾ നിക്ഷേപിക്കാൻ ജനങ്ങൾ മനസ്സുവെച്ചാൽ തന്നെ ഈ പ്രശ്നം വലിയൊരു അളവിൽ പരിഹരിക്കപ്പെടും. ഇത്തരമൊരു ശുചിത്വ ബോധത്തിലേക്ക് നാം വളരേണ്ടതുണ്ട്. പൊതു ഇടങ്ങളിൽ മാലിന്യം നിക്ഷേപിക്കുന്നവർക്കെതിരെ ശക്തമായ ശിക്ഷാ നടപടികൾ ഉണ്ടാവേണ്ടതുണ്ടെന്നും അവർ കൂട്ടിച്ചേർത്തു.

തുടർന്നു മുഖ്യപ്രഭാഷണം നടത്തി സംസാരിക്കവേ, ഒരു ദിവസത്തെ ശുചീകരണത്തോടെ അവസാനിക്കുന്നതല്ല ഈ ക്യാമ്പയിൻ എന്നും ശക്തമായ തുടർനടപടികൾ ഉണ്ടാകുമെന്നും പറഞ്ഞു. ഭരണാധികാരികൾ മാത്രം വിചാരിച്ചാൽ പരിഹരിക്കാൻ കഴിയുന്ന ഒന്നല്ല മാലിന്യ പ്രശ്നം. ഇക്കാര്യത്തിൽ ജനകീയ ഇടപെടൽ അനിവാര്യമാണ്. പൊതു ഇടങ്ങളിൽ മാലിന്യം നിക്ഷേപിക്കുന്നത് തടയാനുള്ള ഉത്തരവാദിത്വം സമൂഹത്തിനുണ്ട്. ജനകീയ പങ്കാളിത്തത്തോടെ മാത്രമേ ഈ പ്രശ്നം പരിഹരിക്കാൻ ആവുകയുള്ളൂ എന്നും പറഞ്ഞു.

ചടങ്ങിൽ കോർപ്പറേഷൻ സ്റ്റാൻഡിംഗ് കമ്മിറ്റി ചെയർമാൻമാരായ ശ്രീജ മടത്തിൽ, റിജിൽ മാക്കുറ്റി, പി ഷമീമ ടീച്ചർ, ലിഷാ ദീപക്, അസിസ്റ്റൻ്റ് കളക്ടർ എസ്‌ സ്വാതി, തദ്ദേശ സ്വയം ഭരണ വകുപ്പ് ജോയിൻ്റ് ഡയറക്ടർ പി എം ധനീഷ്., അസിസ്റ്റന്റ് ഡയരക്ടർ ടി വി സുഭാഷ്, ശുചിത്വ മിഷൻ ജില്ലാ കോർഡിനേറ്റർ എം സുനിൽ കുമാർ, കോർപ്പറേഷൻ ക്ലീൻ സിറ്റി മാനേജർ കെ വി രാജീവൻ എന്നിവർ സംസാരിച്ചു.

നിർമ്മലം ശുചിത്വ ക്യാമ്പയിൻ ഭാഗമായി ജില്ലയിലെ തദ്ദേശസ്ഥാപന തലങ്ങളിൽ നടന്ന ശുചീകരണ പ്രവർത്തനങ്ങളിൽ തദ്ദേശസ്ഥാപന അധ്യക്ഷന്മാർ, അംഗങ്ങൾ, ജില്ലാ തല ഉദ്യോഗസ്ഥർ, ആരോഗ്യവിഭാഗം ജീവനക്കാർ, ഹരിത കർമ്മ സേന അംഗങ്ങൾ, വ്യാപാരി സംഘടനകൾ, സന്നദ്ധ പ്രവർത്തകർ തുടങ്ങിയവർ പങ്കാളികളായി.

#നിര്‍മലം #കരുതൽകണ്ണൂർ #പുതുയുഗശുചിത്വകേരളം

03/10/2026

ചിത്രരചനാ മത്സര വിജയികൾ.

ഗാന്ധി ജയന്തി വാരാഘോഷത്തോടനുബന്ധിച്ച് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും കാനനൂര്‍ ഡിസ്ട്രിക്ട് ഗാന്ധി സെന്റിനറി മെമ്മോറിയല്‍ സൊസൈറ്റിയും ചേര്‍ന്ന് ജില്ലയിലെ സ്‌കൂള്‍ വിദ്യാര്‍ഥികള്‍ക്കായി കണ്ണൂര്‍ മഹാത്മാ മന്ദിരത്തില്‍ ചിത്രരചനാ മത്സരം നടത്തി.

വിജയികൾക്ക് അഭിനന്ദനങ്ങൾ.

02/10/2026

മറവിരോഗത്തിനെതിരെ പോരാട്ടം; കാര്‍ത്തി ഭാസ്‌കരന് ആദരം.

മനസ്സില്‍ നിന്നും എല്ലാം മാഞ്ഞുപോകുന്ന അവസ്ഥ. ഉറ്റവര്‍, ബന്ധുക്കള്‍ മക്കള്‍ ഒടുവില്‍ അവര്‍ അവരെത്തന്നെയും അറിയാത്തവരായി മാറുന്നവര്‍. ഇവര്‍ക്കിടയിലെ സാന്ത്വനത്തിന്റെ പേരാണ് അലവില്‍ അലൈന്‍ ഗ്രീന്‍ ഹില്‍സിലെ കാര്‍ത്തി ഭാസ്‌കരന്‍.

ഡിമെന്‍ഷ്യ രോഗ ബാധിതനായ ഭര്‍ത്താവിന്റെ പരിചരണവും ഈ രോഗം നേരിടുന്നവരുടെ പരിമിതികളുമെല്ലാം നേരിട്ടറിഞ്ഞാണ് ഇവര്‍ ഡിമന്‍ഷ്യ ബാധിതരുടെ പ്രശ്നങ്ങളില്‍ ഇടപെട്ട് തുടങ്ങുന്നത്. 1965 കാലഘട്ടത്തില്‍ കോഴിക്കോട് മെഡിക്കല്‍ കോളേജില്‍ നഴ്സായായിരുന്നു ജോലിയുടെ തുടക്കം. പിന്നീട് വിവാഹം കഴിഞ്ഞതിന് ശേഷം മദ്രാസിലും അവിടെ നിന്നും ജോലിപരമായി ആഫ്രിക്കയിലേക്കും കുടിയേറി. രണ്ടു പതിറ്റാണ്ട് ഇവിടെ ജീവിച്ചതിന് ശേഷം അമേരിക്കയിലെ ന്യൂജേഴ്സിയിലായിരുന്നു കര്‍മ്മരംഗം. ഭര്‍ത്താവ് ഡിമന്‍ഷ്യ രോഗബാധിതനായതോടെ നാട്ടിലേക്ക് തിരിച്ചുവരികയായിരുന്നു. രോഗാവസ്ഥയെ തുടര്‍ന്ന് 2015 ല്‍ ഭര്‍ത്താവ് മരണപ്പെട്ടു. ഇതിന് ശേഷം ഇവര്‍ വിദേശത്തുള്ള മക്കളുടെ അടുത്തേക്ക് തിരിച്ചുപോകാതെ ഇവിടെ തന്നെ തുടരുകയായിരുന്നു. അന്ന് തുടങ്ങി ഡിമെന്‍ഷ്യ രോഗബാധിതര്‍ക്കിടയില്‍ പ്രവര്‍ത്തിക്കുന്നു. കണ്ണൂര്‍ ജില്ലയിലെ ആദ്യത്തെ ഡിമന്‍ഷ്യ കെയര്‍ സൊസൈറ്റി അങ്ങിനെയാണ് രൂൂപപ്പെടുന്നത്. ഇതിന്റെ ആദ്യത്തെ പ്രസിഡന്റ് എന്ന പദവിയും ഇവര്‍ക്ക് സ്വന്തമാണ്. പള്ളിയാമൂലയിലെ പ്രബോധ് പകല്‍ വീട് ഇന്ന് ഡിമന്‍ഷ്യ രോഗ ബാധിതര്‍ക്കും വയോജനങ്ങള്‍ക്കും വേണ്ടിയുള്ള സ്ഥാപനമാണ്. ഇതിന്റെ വൈസ് പ്രസിഡന്റ് കൂടിയായ രമേഷ് ബാബു സൗജന്യമായി നല്‍കിയ സ്ഥലത്താണ് ഈ സ്ഥാപനം പ്രവര്‍ത്തിക്കുന്നത്. സര്‍ക്കാരിന്റെയും അഭ്യുദയകാംക്ഷികളുടെയും സഹായം കൂടി ലഭിക്കുമെന്ന പ്രതീക്ഷയിലാണ് ഇന്ന് ഈ കൂട്ടായ്മ.

ജില്ലാ സാമൂഹ്യനീതി വകുപ്പിന്റെ ഈ വര്‍ഷത്തെ വയോജന മേഖലയിലെ മികവുറ്റ സന്നദ്ധ പ്രവര്‍ത്തനത്തിനുള്ള ആദരവാണ് കാര്‍ത്തി ഭാസ്‌കരനെ തേടിയെത്തിയത്.

ജില്ലാ പഞ്ചായത്ത് ഹാളില്‍ നടന്ന ചടങ്ങില്‍ കാര്‍ത്തി ഭാസ്‌കരന് പൊന്നാടയണിയിക്കുകയും തുടര്‍ന്ന് ജില്ലാ പഞ്ചായത്ത് പ്രസിഡന്റ് ബിനോയ് കുര്യന്‍ ഉപഹാരം നല്‍കുകയും ചെയ്തു.

02/10/2026

ചിത്രരചനാ മത്സരം സംഘടിപ്പിച്ചു.

ഗാന്ധി ജയന്തി വാരാഘോഷത്തോടനുബന്ധിച്ച് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും കാനനൂര്‍ ഡിസ്ട്രിക്ട് ഗാന്ധി സെന്റിനറി മെമ്മോറിയല്‍ സൊസൈറ്റിയും ചേര്‍ന്ന് ജില്ലയിലെ സ്‌കൂള്‍ വിദ്യാര്‍ഥികള്‍ക്കായി കണ്ണൂര്‍ മഹാത്മാ മന്ദിരത്തില്‍ ചിത്രരചനാ മത്സരം നടത്തി.

ഗാന്ധി ദര്‍ശനങ്ങളെന്നാല്‍ ഗാന്ധിജിയുടെ ജീവിതം തന്നെയാണെന്നും ചെറുപ്രായത്തില്‍ തന്നെ നമുക്ക് കുട്ടികളില്‍ ഗാന്ധിജിയുടെ ജീവിതസന്ദേശം പകര്‍ന്നു നല്‍കാന്‍ സാധിക്കണം എന്നും പരിപാടിയില്‍ പങ്കെടുത്തുകൊണ്ട് പറഞ്ഞു.

കൂടാതെ ഗാന്ധിയന്‍ ദര്‍ശനങ്ങളും മൂല്യങ്ങളും പുതിയ തലമുറകള്‍ക്കും വഴികാട്ടിയും പ്രചോദനവുമാണ്. ഗാന്ധിജിയുടെ ജീവിതം തന്നെയാണ് സന്ദേശം. ഗാന്ധിജി വിഭാവനം ചെയ്ത ഗ്രാമ സ്വരാജിന്റെ മന്ത്രമാണ് ഇന്നും ഗ്രാമീണ വികസനത്തില്‍ പിന്തുടരേണ്ടത്. സമൂഹത്തിലെ ഏറ്റവും സാധാരണക്കാരായ ആളുകളെ കൂടി പരിഗണിച്ചായിരിക്കണം തീരുമാനങ്ങള്‍ എടുക്കേണ്ടതെന്ന ഗാന്ധിജിയുടെ അധ്യാപനം പൊതുരംഗത്ത് പ്രവര്‍ത്തിക്കുന്നവര്‍ക്ക് എക്കാലത്തേക്കുമുള്ള ഏറ്റവും വലിയ സന്ദേശമാണ്.

മഹാത്മാ മന്ദിരത്തില്‍ നടന്ന പരിപാടിയില്‍ ഗാന്ധി സെന്റിനറി മെമ്മോറിയല്‍ സൊസൈറ്റി പ്രസിഡന്റ് ഇ വി ജി നമ്പ്യാര്‍ അധ്യക്ഷത വഹിച്ചു. ഐപിആര്‍ഡി മേഖലാ ഡെപ്യൂട്ടി ഡയരക്ടര്‍ എ അരുണ്‍ കുമാര്‍, ജില്ലാ ഇന്‍ഫര്‍മേഷന്‍ ഓഫീസര്‍ അബ്ദുല്‍ കരീം സി പി, ഗാന്ധി സെന്റിനറി മെമ്മോറിയല്‍ സൊസൈറ്റി ജനറല്‍ സെക്രട്ടറി സി സുനില്‍ കുമാര്‍ തുടങ്ങിയവര്‍ സംസാരിച്ചു.

02/10/2026

ഗാന്ധി പ്രതിമയില്‍ പുഷ്പാര്‍ച്ചന നടത്തി.

ഗാന്ധി ജയന്തി ദിനാഘോഷത്തിന്റെ ഭാഗമായി കണ്ണൂര്‍ കളക്ട്രേറ്റിലെ ഗാന്ധി പ്രതിമയില്‍ പുഷ്പാര്‍ച്ചന നടത്തി.

എല്ലാലത്തും പ്രസക്തമായ ഗാന്ധി ദര്‍ശനങ്ങള്‍ നമ്മെ എന്നും വഴി നടത്തട്ടെയെന്ന് ചടങ്ങില്‍ ആശംസിച്ചു.

ഹുസൂര്‍ ശിരസ്തദാര്‍ രാജേഷ് ഖന്ന, ജില്ലാ ഇന്‍ഫര്‍മേഷന്‍ ഓഫീസര്‍ സി പി അബ്ദുല്‍ കരീം, കലക്ട്രേറ്റ് സീനിയര്‍ സൂപ്രണ്ട് എന്‍ പി ഷനീജ്, മറ്റ് ഉദ്യോഗസ്ഥര്‍ തുടങ്ങിവരും സംബന്ധിച്ചു.

01/10/2026

അതിഥി സായാഹ്നം; താണ പോസ്റ്റ്-മെട്രിക് ഹോസ്റ്റല്‍ സന്ദര്‍ശിച്ചു.

സാമൂഹിക ഐക്യദാര്‍ഢ്യ പക്ഷാചരണം അതിഥി സായാഹ്നത്തിന്റെ ഭാഗമായി പട്ടികജാതി വികസന വകുപ്പിന് കീഴിലുള്ള താണ പോസ്റ്റ്-മെട്രിക് ഹോസ്റ്റല്‍ സന്ദര്‍ശിച്ചു. വിവിധ ജില്ലകളില്‍ നിന്നും പഠനാര്‍ത്ഥം ഹോസ്റ്ററ്റലില്‍ താമസിക്കുന്ന കുട്ടികളുമായി ആശയവിനിമയം നടത്തി. അവസരങ്ങളെ ജീവിത മുന്നേറ്റത്തിന്റെ ഭാഗമാക്കി മാറ്റാന്‍ കുട്ടികളോട് പറഞ്ഞു.

ഹോസ്റ്റലിന്റെ പ്രവര്‍ത്തനങ്ങളെ കുറിച്ചും വിദ്യാര്‍ഥികള്‍ക്കുള്ള സൗകര്യങ്ങളെ കുറിച്ചും ഹോസ്റ്റല്‍ അധികൃതരോട് ചോദിച്ചറിഞ്ഞു. നിലവില്‍ 29 വിദ്യാര്‍ത്ഥികളാണ് ഹോസ്റ്റലില്‍ താമസിക്കുന്നത്. 1960ല്‍ ആരംഭിച്ച ഹോസ്റ്റല്‍ 2022 ല്‍ നിര്‍മിച്ച പുതിയ കെട്ടിടത്തിലാണ് ഇപ്പോള്‍ പ്രവര്‍ത്തിക്കുന്നത്. വിദ്യാര്‍ത്ഥികള്‍ക്കായുള്ള കിടപ്പുമുറികള്‍, സന്ദര്‍ശക മുറി, വിനോദം, വായന, രോഗ ശുശ്രുഷ എന്നിവയ്ക്കുള്ള മുറികള്‍, അടുക്കള, ഭക്ഷണ ഹാള്‍ തുടങ്ങിയ സൗകര്യങ്ങള്‍ അടങ്ങിയതാണ് ഹോസ്റ്റല്‍ കെട്ടിടം. നിലവില്‍ 55 വിദ്യാര്‍ത്ഥികളെ ഉള്‍ക്കൊള്ളാനുള്ള ശേഷി ഹോസ്റ്ററ്റലിനുണ്ട്. പട്ടികജാതി, പട്ടിക വര്‍ഗ്ഗ വിദ്യാര്‍ഥികളാണ് അന്തേവാസികളില്‍ ഏറെയും. കുട്ടികള്‍ക്ക് താമസം, ഭക്ഷണം, സ്‌പോര്‍ട്‌സ് ഉപകരണങ്ങള്‍, ലൈബ്രറി പുസ്തകങ്ങള്‍ തുടങ്ങിയവയെല്ലാം ഇവിടെ സൗജന്യമാണ്.
ഹോസ്റ്റലിന്റെ സുഗമമായ പ്രവര്‍ത്തനത്തിന് ഉപദേശക സമിതി പ്രവര്‍ത്തിക്കുന്നതായി ഹോസ്റ്റല്‍ അധികൃതര്‍ അറിയിച്ചു.

ജില്ല പട്ടികജാതി വികസന ഓഫീസര്‍ ഒ പി രാധാകൃഷ്ണന്‍, ഹോസ്റ്റല്‍ സ്റ്റിവാര്‍ഡ് പി. ഷ ഖില്‍, റസിഡന്റ് ട്യൂട്ടര്‍ വി വി അരുണ്‍, ഹോസ്റ്റല്‍ സെക്രട്ടറി പി എസ് വൈഷ്ണവ് എന്നിവര്‍ സന്ദര്‍ശന വേളയില്‍ കാര്യങ്ങൾ വിശദീകരിച്ചു.

01/10/2026

ഓപ്പറേഷന്‍ കണ്ണൂര്‍ മഖ്ന വിജയം; ആറളത്തെ വിറപ്പിച്ച മോഴയാനയെ മയക്കുവെടി വച്ച് പിടികൂടി.

ആറളം ഫാമിലെയും പുനരധിവാസ മേഖലയിലെയും ജനങ്ങളെ വര്‍ഷങ്ങളായി ഭീതിയുടെ മുള്‍മുനയില്‍ നിര്‍ത്തിയ കെഎം-1 എന്ന മോഴയാനയെ ശ്രമകരമായ ദൗത്യത്തിനൊടുവില്‍ മയക്കുവെടിവെച്ച് പിടികൂടിയതിന്റെ ആശ്വാസത്തിലാണ് പ്രദേശവാസികളും ജില്ലാ ഭരണകൂടം ഉള്‍പ്പെടെയുള്ള ഔദ്യോഗിക സംവിധാനങ്ങളും.

'ഓപ്പറേഷന്‍ കണ്ണൂര്‍ മഖ്ന' എന്ന പേരില്‍ നടത്തിയ ദൗത്യത്തിനൊടുവിലാണ് വനംവകുപ്പിന്റെ നേതൃത്വത്തിലുള്ള സംഘം ആനയെ പിടികൂടിയത്. ഇന്ന് (വ്യാഴാഴ്ച) ഉച്ചയ്ക്ക് 11 മണിയോടെയാണ് 100ലേറെ പേര്‍ അടങ്ങുന്ന ദൗത്യസംഘം മോഴയ്ക്ക് ആദ്യ മയക്കുവെടി നല്‍കിയത്.

നേരത്തേ വളയംചാലില്‍ തയ്യാറാക്കി നിര്‍ത്തിയിരുന്ന മൂന്ന് കുങ്കിയാനകളുടെ സഹായത്തോടെ മയക്കുവെടിയേറ്റ മോഴയെ താങ്ങിനിര്‍ത്തി പുറത്തെത്തിക്കാനുള്ള ശ്രമം ദൗത്യസംഘം തുടരുകയാണ്. റോഡില്‍നിന്ന് ഏകദേശം 300 മീറ്റര്‍ അകത്തുള്ള വനമ്പ്രദേശത്തു വച്ചാണ് മോഴയെ മയക്കുവെടിവെച്ചത്. മണ്ണുമാന്തിയന്ത്രം ഉപയോഗിച്ച് പുതിയ റോഡ് നിര്‍മ്മിച്ച് ആനയെ പുറത്തേക്ക് എത്തിക്കാനുള്ള ശ്രമത്തിലാണ് അധികൃതര്‍. ശക്തമായ മഴ ദൗത്യം ദുഷ്‌ക്കരമാക്കിയെങ്കിലും ആനയെ പുറത്തെത്തിച്ച് വയനാട്ടിലേക്ക് കൊണ്ടുപോവാനുള്ള ശ്രമങ്ങള്‍ രാത്രി വൈകിയും തുടരുകയാണ്.

മുത്തങ്ങയില്‍ പ്രത്യേകം തയ്യാറാക്കിയ ആനക്കൊട്ടിലിലാണ് കണ്ണൂര്‍ മഖ്‌നയെ താമസിപ്പിക്കുക. ആനയുടെ ആരോഗ്യം ഉറപ്പുവരുത്തിയ ശേഷം റേഡിയോ കോളര്‍ ഘടിപ്പിച്ച് വിസ്തൃതമായ വനമേഖലയില്‍ തുറന്നുവിടാനാണ് പദ്ധതി.

ആനയെ പിടികൂടിയ പ്രദേശത്തേക്ക് ആളുകള്‍ പ്രവേശിക്കുന്നത് തടയാന്‍ ബുധനാഴ്ച മുതല്‍ ഇവിടെ നിരോധനാജ്ഞ പ്രഖ്യാപിച്ചിരുന്നു. ആറളത്തെ ആര്‍ആര്‍ടിക്കു പുറമെ, വയനാട്ടില്‍ നിന്നും നിലമ്പൂരില്‍ നിന്നുമുള്ള ആര്‍ആര്‍ടികളും മുതിര്‍ന്ന വനം, റവന്യൂ, പോലിസ് വകുപ്പ് ഉദ്യോഗസ്ഥരും വിദഗ്ധ ഡോക്ടര്‍മാരും ഉള്‍പ്പെടെ നൂറിലേറെ പേര്‍ അടങ്ങിയതാണ് ദൗത്യസംഘം.

കണ്ണൂര്‍ ഡിഎഫ്ഒ കെ സജി, ആറളം വൈല്‍ഡ് ലൈഫ് വാര്‍ഡന്‍ വി രതീശന്‍, ആറളം സിഐ ടി കെ ഷീജു, എസ്എച്ച്ഒ എന്‍ ബിബിന്‍, ഇരിട്ടി ഡെപ്യൂട്ടി തഹസില്‍ദാര്‍ ബിജി ജോണ്‍, കൊട്ടിയൂര്‍ റെയിഞ്ചര്‍ ടി. നിഥിന്‍രാജ്, കണ്ണവം റെയിഞ്ചര്‍ സുധീര്‍ നരോത്ത്, ആറളം അസിസ്റ്റന്റ് വൈല്‍ഡ് ലൈഫ് വാര്‍ഡന്‍ രമ്യാ രാഘവന്‍ തുടങ്ങിയവര്‍ ദൗത്യത്തിന് നേതൃത്വം നല്‍കി.

Collector Kannur

07/10/2026

05/10/2026

04/10/2026

03/10/2026

02/10/2026

02/10/2026

02/10/2026

01/10/2026

01/10/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	10am - 5pm
Tuesday	10am - 4pm
Wednesday	10am - 5pm
Thursday	10am - 5pm
Friday	10am - 5pm
Saturday	10am - 5pm