Solidarity Youth Movement, Kanhirode, Kannur (2026)

16/09/2021

*20* 𝐘𝐞𝐚𝐫𝐬 𝐨𝐟 𝐨𝐟 𝐖𝐚𝐫 𝐨𝐧 𝐓𝐞𝐫𝐫𝐨𝐫: 𝐓𝐫𝐚𝐜𝐢𝐧𝐠 𝐓𝐫𝐚𝐣𝐞𝐜𝐭𝐨𝐫𝐢𝐞𝐬
(2021 Sep 20- Oct 10)
__________________________________________________

_9/11 ന് ശേഷം അമേരിക്ക ആരംഭിച്ച ഭീകര വിരുദ്ധ യുദ്ധത്തിന് 20 വർഷം പൂർത്തിയായിക്കഴിഞ്ഞു. ഈ സന്ദർഭത്തിൽ ഭീകര വിരുദ്ധ യുദ്ധം ഒരു വ്യവഹാരം എന്ന നിലയിലും രാഷ്ട്രീയ അധിനിവേശമെന്ന നിലയിലും സൃഷ്ടിച്ച ഭൗമ രാഷ്ട്രീയ മാറ്റങ്ങളെയും, വൈജ്ഞാനിക ആഖ്യാനങ്ങളെയും, യുദ്ധങ്ങൾ സൃഷ്ടിച്ച നാശനഷ്ടങ്ങളെയും, വിശകലനം ചെയ്യുന്ന ധാരാളം പരിപാടികൾ ഇന്ന് വ്യാപകമായി നടന്നുകൊണ്ടിരിക്കുന്നു. ഈ ഒരു പശ്ചാത്തലത്തിൽ ഭീകര വിരുദ്ധ യുദ്ധത്തിന്റെ ആഗോള പ്രതിഭാസങ്ങളെയും ഇന്ത്യൻ സാഹചര്യത്തിൽ അതുണ്ടാക്കിയ മാറ്റങ്ങളെ സവിശേഷമായും ചർച്ചക്കെടുക്കുന്ന *സോളിഡാരിറ്റി യൂത്ത് മൂവ്മെന്റ്* സംഘടിപ്പിക്കുന്ന പരിപാടിയാണ്_
*20 Years of War on Terror :Tracing Trajectories*

_ഭീകര വിരുദ്ധ യുദ്ധത്തിന്റെ ആഖ്യാനങ്ങൾ ഇന്ത്യൻ ദേശ സുരക്ഷ വ്യവഹാരങ്ങളെയും, മാധ്യമ -ജനപ്രിയ മേഖലകളെയും, മുഖ്യധാര രാഷ്ട്രീയത്തെയും, ഇടത് ലിബറൽ സമീപനങ്ങളെയും മുസ്‌ലിം/മുസ്‌ലിം സ്ത്രീ രാഷ്ട്രീയത്തെയും എങ്ങനെയെല്ലാം സ്വാധീനിച്ചുവെന്ന് പരിപാടി വിമർശനാത്മകമായി ചർച്ചക്കെടുക്കുന്നു. കൂടാതെ 9/11ന് ശേഷമുള്ള ഇസ്ലാമോഫോബിയയുടെ വളർച്ചയെയും, മുസ്‌ലിംങ്ങളെ ഭീകരവൽക്കരിച്ചുകൊണ്ടുള്ള വംശീയ പദ്ധതികളെയും വിശകലനം ചെയ്യും. ഈ മേഖലയിൽ പഠനങ്ങൾ നടത്തിയിട്ടുള്ള പ്രമുഖരായ ദേശീയ അന്തർദേശീയ വ്യക്തിത്വങ്ങളും, ആക്റ്റിവിസ്റ്റുകളും പങ്കെടുക്കുന്ന പ്രസ്തുത പരിപാടി *2021 സെപ്റ്റംബർ 20 മുതൽ ഒക്ടോബർ 10* വരെയുള്ള കാലയളവിൽ ഓൺലൈനിലും ഓഫ്‌ലൈനിലുമായാണ് സംഘടിപ്പിക്കുന്നത്._

🔴 𝐒𝐎𝐋𝐈𝐃𝐀𝐑𝐈𝐓𝐘 𝐘𝐎𝐔𝐓𝐇 𝐌𝐎𝐕𝐄𝐌𝐄𝐍𝐓