PRD Kannur

08/05/2026

കണ്ണൂർ ജില്ലാ ഇൻഫർമേഷൻ ഓഫീസ്
​ജില്ലാതല അറിയിപ്പുകള്

08/05/2026

ക്വട്ടേഷൻ ക്ഷണിച്ചു

2025-26 വർഷത്തെ പി.ഡി അക്കൗണ്ട്
(അത് ലറ്റിക്‌സ്) നിന്നും കായിക ഉപകരണങ്ങൾ വിതരണം ചെയ്യുന്നതിന് സീൽ ചെയ്ത ക്വട്ടേഷനുകൾ ക്ഷണിച്ചു.
മെയ് 15 വൈകുന്നേരം 3 മണിക്ക് മുമ്പ് ക്വട്ടേഷൻ ലഭിക്കണം. അയക്കുന്ന കവറിനു മുകളിൽ "പി.ഡി അക്കൗണ്ടിൽ (അത് ലറ്റിക്സ്) നിന്നും കായിക ഉപകരണങ്ങൾ വിതരണം ചെയ്യുന്നതിന്' എന്നെഴുതി "പ്രിൻസിപ്പാൾ, കെ.എം.എം. സർക്കാർ വനിത കോളേജ്, പള്ളിക്കുന്ന്, കണ്ണൂർ" എന്ന മേൽവിലാസത്തിലാണ് അയക്കേണ്ടത്.
ഫോൺ: 0497 2746175.

08/05/2026

മൂന്ന് ലെവൽ ക്രോസുകൾ അടച്ചിടും

അടിയന്തിര ട്രാക്ക് അറ്റകുറ്റപ്പണികൾക്കായി മൂന്ന് റെയിൽവേ ലെവൽ ക്രോസിംഗുകൾ അടച്ചിടുമെന്ന് സതേൺ റെയിൽവേ സീനിയർ എക്സിക്യൂട്ടീവ് എൻജിനീയർ അറിയിച്ചു.
കണ്ണപുരം പഴയങ്ങാടി ഭാഗത്തെ പള്ളിച്ചാൽ - കാവിൻ മുനമ്പ് (ഒതയമാടം) ലെവൽ ക്രോസിംഗ് മെയ് 11ന് രാവിലെ എട്ടു മുതൽ മെയ് 12 രാത്രി 11 വരെയും കൊവ്വപ്പുറം - കുന്നങ്ങാട് ഭാഗത്തേത് മെയ് 13 ന് രാവിലെ 8 മുതൽ മെയ് 14 രാത്രി 11 മണി വരെയും കണ്ണപുരം വളപട്ടണം ഭാഗത്തെ പള്ളിക്കുന്ന് -ചാലാട് (പന്നേൻപാറ) ഭാഗത്തിലേത് മെയ് 18 ന് രാവിലെ എട്ടു മുതൽ മെയ് 19 രാത്രി 11 വരെയും അടച്ചിടും.

03/05/2026

27/04/2026

ജില്ലാതല അറിയിപ്പുകള്‍

പി.എസ്.സി അഭിമുഖം

കണ്ണൂര്‍ ജില്ലയില്‍ വിദ്യാഭ്യാസ വകുപ്പില്‍ ഹിന്ദി ഹൈസ്‌കൂള്‍ ടീച്ചര്‍ (ഫസ്റ്റ് എന്‍സിഎ-എല്‍ സി/എഐ) (കാറ്റഗറി നമ്പര്‍: 134/2025) തസ്തികയുടെ തെരഞ്ഞെടുപ്പിനായി പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട് ഒറ്റത്തവണ പ്രമാണ പരിശോധന പൂര്‍ത്തിയാക്കിയ ഉദ്യോഗാര്‍ത്ഥികള്‍ക്കുള്ള അഭിമുഖ പരീക്ഷ ഏപ്രില്‍ 28ന് കേരള പി.എസ്.സി കണ്ണൂര്‍ ജില്ലാ ഓഫീസില്‍ നടക്കും. ഉദ്യോഗാര്‍ത്ഥികള്‍ ഒ ടി ആര്‍ പ്രൊഫൈലില്‍ നിന്നും ഡൗണ്‍ലോഡ് ചെയ്ത അഡ്മിഷന്‍ ടിക്കറ്റ്, ബയോഡാറ്റ ഫോം, ഒ ടി വി സര്‍ട്ടിഫിക്കറ്റ്, മറ്റ് അസ്സല്‍ പ്രമാണങ്ങള്‍, കമ്മീഷന്‍ അംഗീകരിച്ച ഏതെങ്കിലും ഒരു തിരിച്ചറിയല്‍ രേഖ എന്നിവ സഹിതം അഭിമുഖത്തിന് എത്തണം. ഫോണ്‍: 0497 2700482.

കണ്ണൂര്‍ ജില്ലയില്‍ വിദ്യാഭ്യാസ വകുപ്പില്‍ പാര്‍ട്ട് ടൈം ഉറുദു ഹൈസ്‌കൂള്‍ ടീച്ചര്‍ (കാറ്റഗറി നമ്പര്‍: 384/2024) തസ്തികയുടെ തെരഞ്ഞെടുപ്പിനായി പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട് ഒറ്റത്തവണ പ്രമാണ പരിശോധന പൂര്‍ത്തിയാക്കിയ ഉദ്യോഗാര്‍ത്ഥികള്‍ക്കുള്ള അഭിമുഖ പരീക്ഷ ഏപ്രില്‍ 28ന് കേരള പബ്ലിക് സര്‍വ്വീസ് കമ്മീഷന്റെ കണ്ണൂര്‍ ജില്ലാ ഓഫീസില്‍ നടക്കും. ഉദ്യോഗാര്‍ത്ഥികള്‍ ഒ ടി ആര്‍ പ്രൊഫൈലില്‍ നിന്നും ഡൗണ്‍ലോഡ് ചെയ്ത അഡ്മിഷന്‍ ടിക്കറ്റ്, ബയോഡാറ്റ ഫോം, ഒ ടി വി സര്‍ട്ടിഫിക്കറ്റ്, മറ്റ് അസ്സല്‍ പ്രമാണങ്ങള്‍, കമ്മീഷന്‍ അംഗീകരിച്ച ഏതെങ്കിലും ഒരു തിരിച്ചറിയല്‍ രേഖ എന്നിവ സഹിതം അഭിമുഖത്തിന് എത്തണം. ഫോണ്‍: 0497 2700482.

25/04/2026

ജില്ലാതല അറിയിപ്പുകള്‍

ഇ ചലാന്‍ അദാലത്ത്

ആംനസ്റ്റി സ്‌കീം പ്രകാരം 2024 ഡിസംബര്‍ 31 വരെയുള്ള മോട്ടോര്‍ വാഹനങ്ങളുടെ ചലാനുകളില്‍ തീര്‍പ്പു കല്‍പ്പിക്കുന്നതിനായി ഇ ചലാന്‍ അദാലത്ത് സംഘടിപ്പിക്കുന്നു. പോലീസിന്റെയും മോട്ടോര്‍ വാഹന വകുപ്പിന്റെയും സഹകരണത്തോടെയുള്ള കൗണ്ടറുകള്‍ മട്ടന്നൂരില്‍ പ്രവര്‍ത്തിക്കുന്ന ജില്ലാ എന്‍ഫോഴ്സ്മെന്റ് ഓഫീസില്‍ തിങ്കള്‍, ചൊവ്വ, ബുധന്‍, വ്യാഴം ദിവസങ്ങളില്‍ രാവിലെ 10 മുതല്‍ വൈകീട്ട് 5 വരെ പ്രവര്‍ത്തിക്കും. കണ്ണൂര്‍ ജില്ലാ എന്‍ഫോഴ്സ്മെന്റ് ആര്‍ ടി ഓഫീസിന്റെ നേതൃത്വത്തില്‍ പ്രത്യേക ആംനസ്റ്റി കൗണ്ടര്‍, പോലീസിന്റെ സഹകരണത്തോടെ ഏപ്രില്‍ 29 ന് ജില്ലയിലെ എല്ലാ ആര്‍ ടി ഓഫീസുകളിലും തുറന്നു പ്രവര്‍ത്തിക്കും.

പച്ചമലയാളം പുതിയ ബാച്ചിലേക്ക് അപേക്ഷിക്കാം

സംസ്ഥാന സാക്ഷരത മിഷന്റെ മലയാള ഭാഷ പഠന കോഴ്സായ പച്ചമലയാളത്തിന്റെ മൂന്നാം ബാച്ചിലേക്ക് അപേക്ഷ ക്ഷണിച്ചു. മലയാളം ശരിയായി എഴുതാനും വായിക്കാനും സംസാരിക്കാനും ആഗ്രഹിക്കുന്നവര്‍ക്ക് ഈ അവസരം പ്രയോജനപ്പെടുത്താം. ആറുമാസ കോഴ്സിലേക്ക് 17 വയസ് പൂര്‍ത്തിയായ പത്താം ക്ലാസ് മുതല്‍ യോഗ്യതയുള്ളവര്‍ക്ക് അപേക്ഷിക്കാം. www.literacymissionkerala.org വെബ്സൈറ്റ് വഴി ഏപ്രില്‍ 30നകം അപേക്ഷിക്കണം. കൂടുതല്‍ വിവരങ്ങള്‍ക്ക് കണ്ണൂര്‍ ജില്ലാ പഞ്ചായത്തിലുള്ള ജില്ലാ സാക്ഷരത മിഷന്‍ ഓഫീസുമായി ബന്ധപ്പെടാം. ഫോണ്‍: 0497 27699.

25/04/2026

ഉയർന്ന ചൂട് : പകൽ 11 മുതൽ മൂന്നു വരെ വെയിലിൽ ഇറങ്ങരുത്

ഉയർന്ന അന്തരീക്ഷ താപനില മൂലം ജില്ലയിൽ ആരോഗ്യപ്രശനങ്ങൾ റിപ്പോർട്ട് ചെയ്യുന്ന പശ്ചാത്തലത്തില്‍ ജില്ലാ ആരോഗ്യ വിഭാഗം ദുരന്ത നിവാരണ അതോറിറ്റിയുമായി ചേർന്ന് പ്രവര്‍ത്തനങ്ങള്‍ ഏകോപിപ്പിക്കും. ജില്ലയിലെ വിവിധ ആരോഗ്യകേന്ദ്രങ്ങള്‍, ആംബുലന്‍സ് എന്നിവയ്ക്ക് സൂര്യാഘാതത്തിനുള്ള പ്രഥമശുശ്രൂഷയ്ക്കുള്ള നിര്‍ദേശങ്ങളും നല്‍കി. പ്രാഥമികാരോഗ്യ കേന്ദ്രങ്ങളില്‍ ഉള്‍പ്പെടെ ഇതിനുള്ള സൗകര്യങ്ങള്‍ ഉണ്ടെന്ന് ഉറപ്പ് വരുത്തും. പൊതുപരിപാടികളില്‍ ഉണ്ടാവുന്ന പൊതുജന ബാഹുല്യം, തീപിടുത്ത സാധ്യതകള്‍, സൂര്യാഘാതം, മറ്റ് അപകടങ്ങൾ എന്നിവ നേരിടുന്നതിനുള്ള സജ്ജമായിരിക്കാൻ വിവിധ ആരോഗ്യ വകുപ്പ് സ്ഥാപനങ്ങള്‍ക്ക് നിര്‍ദേശം നല്‍കി. . സ്വകാര്യ ആരോഗ്യ സംവിധാനങ്ങളെയും ആയുഷ് സംവിധാനങ്ങളേയും ഉള്‍പ്പെടുത്തി കര്‍മ്മപദ്ധതി തയ്യാറാക്കും.

പൊതുജനങ്ങള്‍ക്കുള്ള ആരോഗ്യവകുപ്പിന്റെ ജാഗ്രതാ നിര്‍ദേശങ്ങള്‍

* പകല്‍ 11 മണി മുതല്‍ ഉച്ചയ്ക്ക് മൂന്നുമണിവരെ നേരിട്ട് ശരീരത്തില്‍ തുടര്‍ച്ചയായി സൂര്യപ്രകാശം ഏല്‍ക്കുന്നത് ഒഴിവാക്കുക.
* ദാഹമില്ലെങ്കിലും പരമാവധി ശുദ്ധജലം കുടിക്കുക.
* നിര്‍ജലീകരണമുണ്ടാക്കുന്ന മദ്യം, കാപ്പി, ചായ, കാര്‍ബണേറ്റഡ് സോഫ്റ്റ് ഡ്രിങ്കുകള്‍ തുടങ്ങിയ പാനീയങ്ങള്‍ പകല്‍ സമയത്ത് ഒഴിവാക്കുക.
* അയഞ്ഞ, ഇളം നിറത്തിലുള്ള കോട്ടണ്‍ വസ്ത്രങ്ങള്‍ ധരിക്കുക.
* പുറത്തിറങ്ങുമ്പോള്‍ പാദരക്ഷകള്‍ ധരിക്കുക. കുടയോ തൊപ്പിയോ ഉപയോഗിക്കുക
* പഴങ്ങളും പച്ചക്കറികളും ധാരാളമായി കഴിക്കുക.
* വനമേഖലയോട് ചേര്‍ന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാഗ്രത പാലിക്കണം. കാട്ടുതീ ഉണ്ടാകാനുള്ള സാഹചര്യങ്ങള്‍ ഒഴിവാക്കണം. വനം വകുപ്പിന്റെ നിര്‍ദേശങ്ങള്‍ കര്‍ശനമായി പാലിക്കണം.
* വിദ്യാഭ്യാസ സ്ഥാപനങ്ങളില്‍ വിദ്യാര്‍ഥികള്‍ക്ക് ശുദ്ധമായ കുടിവെള്ളവും ക്ലാസ് മുറികളില്‍ വായു സഞ്ചാരവും ഉറപ്പാക്കേണ്ടതാണ്. പരീക്ഷകള്‍ നടത്തുന്ന ഹാളുകളിലും ജലലഭ്യത ഉറപ്പാക്കണം.
* അങ്കണവാടി കുട്ടികള്‍ക്ക് ചൂട് ഏല്‍ക്കാത്ത തരത്തിലുള്ള സംവിധാനം ഒരുക്കുക
* കിടപ്പ് രോഗികള്‍, പ്രായമായവര്‍, ഗര്‍ഭിണികള്‍, കുട്ടികള്‍, ഭിന്നശേഷിക്കാര്‍, മറ്റ് രോഗങ്ങള്‍ മൂലമുള്ള അവശത അനുഭവിക്കുന്നവര്‍ തുടങ്ങിയ വിഭാഗങ്ങള്‍ രാവിലെ 11 മണി മുതല്‍ ഉച്ചയ്ക്ക് മൂന്ന് മണിവരെ നേരിട്ട് സൂര്യപ്രകാശം ഏല്‍ക്കാതെ ശ്രദ്ധിക്കണം.
* ഇരുചക്ര വാഹനങ്ങളില്‍ ഓണ്‍ലൈന്‍ ഭക്ഷണ വിതരണം നടത്തുന്നവര്‍ ചൂട് ഏല്‍ക്കാതിരിക്കാന്‍ ഉതകുന്ന രീതിയിലുള്ള വസ്ത്രധാരണംചെയ്യുക. യാത്രയ്ക്കിടയില്‍ വിശ്രമിക്കുക.
* മാധ്യമപ്രവര്‍ത്തകരും പോലീസ് ഉദ്യോഗസ്ഥരും ഈ സമയത്ത് കുടകള്‍ ഉപയോഗിക്കുകയും നേരിട്ട് വെയില്‍ ഏല്‍ക്കാതിരിക്കാന്‍ ശ്രദ്ധിക്കുകയും ചെയ്യുക.
*നിര്‍മാണത്തൊഴിലാളികള്‍, കര്‍ഷകത്തൊഴിലാളികള്‍, വഴിയോര കച്ചവടക്കാര്‍, മറ്റേതെങ്കിലും കാഠിന്യമുള്ള ജോലികളില്‍ ഏര്‍പ്പെടുന്നവര്‍ എന്നിവര്‍ ജോലി സമയം ക്രമീകരിക്കുക. ജോലിയില്‍ ആവശ്യമായ വിശ്രമം ഉറപ്പ് വരുത്തുക.
* ഉച്ചവെയിലില്‍ കന്നുകാലികളെ മേയാന്‍ വിടുന്നതും മറ്റു വളര്‍ത്തുമൃഗങ്ങളെ വെയിലത്ത് കെട്ടിയിടുന്നതും ഒഴിവാക്കണം. മൃഗങ്ങള്‍ക്കും പക്ഷികള്‍ക്കും ജല ലഭ്യത ഉറപ്പാക്കുക.
* കുട്ടികളെയോ വളര്‍ത്തുമൃഗങ്ങളെയോ പാര്‍ക്ക് ചെയ്ത വാഹനങ്ങളില്‍ ഇരുത്തി പോകാന്‍ പാടില്ല.
* അസ്വസ്ഥതകള്‍ അനുഭവപ്പെട്ടാല്‍ ഉടനെ വിശ്രമിക്കുകയും വൈദ്യസഹായം തേടുകയും ചെയ്യുക.
* കാലാവസ്ഥ വകുപ്പിന്റെയും ദുരന്ത നിവാരണ അതോറിറ്റിയുടെയും ഔദ്യോഗിക മുന്നറിയിപ്പുകള്‍ ശ്രദ്ധിക്കുകയും അനുസരിക്കുകയും ചെയ്യുക.

24/04/2026

കെ.എസ്.ആര്‍.ടി.സി ഗവിയാത്ര

കെ.എസ്.ആര്‍.ടി.സി പയ്യന്നൂര്‍ യൂണിറ്റ് ബജറ്റ് ടൂറിസം സെല്ലിന്റെ നേതൃത്വത്തില്‍ ഗവിയിലേക്ക് വിനോദയാത്ര സംഘടിപ്പിക്കുന്നു. മെയ് ഒന്നിന് വൈകീട്ട് നാല് മണിക്ക് പയ്യന്നൂരില്‍ നിന്നും പുറപ്പെട്ട് മെയ് നാലിന് രാവിലെ ആറുമണിക്ക് തിരിച്ചെത്തുന്ന വിധത്തിലാണ് യാത്രാ ക്രമീകരണം. ഗവി, അടവി കുട്ടവഞ്ചി യാത്ര, കുമളി, കമ്പം മുന്തിരിപ്പാടം, തേക്കടി, സ്‌പൈസസ് ഗാര്‍ഡന്‍, രാമക്കല്‍ മേട് എന്നീ സ്ഥലങ്ങളാണ് യാത്രയില്‍ ഉള്‍പ്പെടുത്തിയിരിക്കുന്നത്. ആദ്യം ബുക്ക് ചെയ്യുന്ന 36 പേര്‍ക്കാണ് അവസരം. മെയ് ഒന്നിന് സംഘടിപ്പിക്കുന്ന ഗുരുവായൂര്‍ തീര്‍ത്ഥയാത്രയിലും സീറ്റുകള്‍ ഒഴിവുണ്ട്. കൂടുതല്‍ വിവരങ്ങള്‍ക്കും ബുക്കിങ്ങിനും 9495403062 നമ്പറില്‍ ബന്ധപ്പെടാം.

24/04/2026

ക്വട്ടേഷൻ ക്ഷണിച്ചു

2026 സംസ്ഥാന നിയമസഭാ തിരഞ്ഞെടുപ്പുമായി ബന്ധപ്പെട്ട് വോട്ടെണ്ണൽ കേന്ദ്രമായ തളിപ്പറമ്പ് സർ സയ്യിദ് ഹയർ സെക്കൻഡറി സ്കൂളിൽ താൽക്കാലികമായി ഇലക്ട്രോണിക് സാമഗ്രികൾ സജ്ജീകരിക്കുന്നതിന് മത്സര സ്വഭാവമുള്ള മുദ്രവച്ച ക്വട്ടേഷനുകൾ ക്ഷണിച്ചു. ജി.എസ്.ടി രജിസ്‌ട്രേഷനുള്ള സ്ഥാപനങ്ങൾക്കാണ് ക്വട്ടേഷൻ നടപടികളിൽ പങ്കെടുക്കാൻ അർഹത. ക്വട്ടേഷനുകൾ ഏപ്രിൽ 25 നു ഉച്ചയ്ക്ക് രണ്ടു മണിക്കകം ഇലക്ടറൽ രജിസ്‌ട്രേഷൻ ഓഫീസർ ഇരിക്കൂർ, തളിപ്പറമ്പ് ആൻഡ് ഡിവിഷണൽ ഓഫീസർ തളിപ്പറമ്പിനു മുൻപാകെ സമർപ്പിക്കണം. സർക്കാരിന്റെ മറ്റ് ക്വട്ടേഷനുകൾക്കുള്ള എല്ലാ നിബന്ധനകളും ഇതിനും ബാധകമായിരിക്കും. അംഗീകരിക്കപ്പെടുന്ന ക്വട്ടേഷൻ സമർപ്പിച്ച സ്ഥാപനം/വ്യക്തി 100 രൂപയുടെ മുദ്രപത്രത്തിൽ ബോണ്ട് സമർപ്പിക്കണം. വിശദ വിവരങ്ങൾ ഓഫീസ് പ്രവൃത്തി സമയത്ത് തളിപ്പറമ്പ് റവന്യൂ ഡിവിഷണൽ ഓഫീസിലെ തിരഞ്ഞെടുപ്പ് വിഭാഗത്തിൽ നിന്ന് ലഭിക്കും.