കൂടാളി ഗ്രാമ പഞ്ചായത്ത്

01/08/2026

*കൂടാളി ഗ്രാമപഞ്ചായത്ത്*
*തെരുവ് നായ്ക്കളിൽ പേവിഷബാധ പ്രതിരോധ കുത്തിവെപ്പിന്റെ ഭാഗമായി ഇന്നലെയും ഇന്നുമായി വിവിധ വാർഡുകളിൽ നിന്ന് 103നായ്ക്കളിൽ പേവിഷബാധ കുത്തിവെപ്പ്* *നടത്തിപഞ്ചായത്ത് പ്രസിഡണ്ട് ഇ സജീവൻ, വൈസ് പ്രസിഡണ്ട് നിജില കെ സി സ്റ്റാൻഡിങ് കമ്മിറ്റി* *ചെയർമാൻമാർ*, *വാർഡ് മെമ്പർമാർ*, *വെറ്റിനറി ഡോക്ടർ സുബിൻ, എൽ ഐമാർ,ആനിമൽ റസ്ക്യൂ ടീം എന്നിവർ നേതൃത്വം കൊടുത്തു*.

23/07/2026

കൂടാളി ഗ്രാമപഞ്ചായത്ത് കൃഷിഭവനിൽ 50% സബ്സിഡി നിരക്കിൽ തെങ്ങിൻതൈ വിതരണം ഉദ്ഘാടനം ചെയ്തു
​കൂടാളി: കൂടാളി ഗ്രാമപഞ്ചായത്ത് കൃഷിഭവന്റെ നേതൃത്വത്തിൽ കർഷകർക്കായി നടപ്പിലാക്കുന്ന 50% സബ്സിഡി നിരക്കിലുള്ള തെങ്ങിൻതൈ വിതരണത്തിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ്‌ നിർവഹിച്ചു. ഗുണമേന്മയുള്ള WCT, T×D, Dwarf ഇനത്തിൽപ്പെട്ട തെങ്ങിൻതൈകളാണ് പദ്ധതിയിലൂടെ വിതരണം ചെയ്യുന്നത്.
​കാർഷിക മേഖലയുടെ വികസനത്തിനും കർഷകരുടെ ക്ഷേമത്തിനുമായി കൃഷിഭവൻ നിരന്തരം പ്രവൃത്തിച്ചുവരികയാണെന്ന് ഉദ്ഘാടനം നിർവഹിച്ചുകൊണ്ട് പ്രസിഡന്റ്‌ പറഞ്ഞു. പഞ്ചായത്ത് പരിധിയിലുള്ള നിരവധിയാളുകൾ ചടങ്ങിൽ പങ്കെടുത്തു

23/07/2026

22/07/2026

21/07/2026

📢​അഭ്യർത്ഥന
​ ലോകകപ്പ് പ്രചാരണ സാമഗ്രികൾ സ്വമേധയാ നീക്കം ചെയ്യുന്നത് സംബന്ധിച്ച്.
​പ്രിയ കായികപ്രേമികളെ, നാട്ടുകാരെ,
​കഴിഞ്ഞ കുറച്ചു ദിവസങ്ങളായി ലോകകപ്പ് ഫുട്ബോളിന്റെ ആവേശം നമ്മുടെ പഞ്ചായത്തിന്റെ അതിരുകളിലും വളരെ മനോഹരമായി പ്രതിഫലിച്ചിരുന്നു. വിവിധ ഫുട്ബോൾ ക്ലബ്ബുകളും കായിക പ്രേമികളായ വ്യക്തികളും ചേർന്ന് നമ്മുടെ നാടിന്റെ വിവിധ ഭാഗങ്ങളിൽ സ്ഥാപിച്ച ഫ്ലെക്സ് ബോർഡുകളും ബാനറുകളും കൊടിതോരണങ്ങളും ആ ആഘോഷങ്ങൾക്ക് വലിയ മാറ്റുകൂട്ടി.
​എന്നാൽ, ലോകകപ്പ് മത്സരങ്ങൾ പൂർത്തിയായ പശ്ചാത്തലത്തിൽ, പൊതുവഴികളിലും കവലകളിലും സ്വകാര്യ വ്യക്തികളുടെ പറമ്പുകളിലും സ്ഥാപിച്ചിട്ടുള്ള ഈ പ്രചാരണ സാമഗ്രികൾ കാലാവധി കഴിഞ്ഞ് കിടക്കുന്നത് നമ്മുടെ നാടിന്റെ സൗന്ദര്യത്തെയും ശുചിത്വത്തെയും ബാധിക്കാൻ സാധ്യതയുണ്ട്. കൂടാതെ, മഴയോ കാറ്റോ മൂലം ഇവ വീണ് യാത്രക്കാർക്ക് തടസ്സമോ അപകടമോ ഉണ്ടാകാനും സാധ്യതയുണ്ട്.
​ആയതിനാൽ, കായികപ്രേമികളുടെയും ക്ലബ്ബ് ഭാരവാഹികളുടെയും വ്യക്തികളുടെയും പൂർണ്ണ സഹകരണം ഇതിൽ പ്രതീക്ഷിക്കുകയാണ്.
​പ്രധാന നിർദ്ദേശങ്ങൾ:
​പങ്കാളിത്തം: പ്രചാരണ ബോർഡുകളും ബാനറുകളും സ്ഥാപിച്ച ക്ലബ്ബുകളും വ്യക്തികളും തങ്ങളുടെ പ്രചാരണ സാമഗ്രികൾ പൂർണ്ണമായും സ്വമേധയാ അഴിച്ചുമാറ്റി നീക്കം ചെയ്യേണ്ടതാണ്.

​മാലിന്യസംസ്കരണം: നീക്കം ചെയ്യുന്ന സാമഗ്രികൾ പൊതുസ്ഥലങ്ങളിൽ വലിച്ചെറിയാതെ കൃത്യമായ രീതിയിൽ സംസ്കരിക്കാൻ ശ്രദ്ധിക്കുക.

​നമ്മുടെ നാടിന്റെ സുരക്ഷയും ശുചിത്വവും ഭംഗിയും നിലനിർത്തുന്നതിനായി ഏവരും ഈ അഭ്യർത്ഥനയോട് അനുഭാവപൂർവ്വം പ്രതികരിക്കുമെന്നും ഗ്രാമപഞ്ചായത്തുമായി സൗഹാർദ്ദപരമായി സഹകരിക്കുമെന്നും പ്രതീക്ഷിക്കുന്നു.
​
​സ്നേഹാദരങ്ങളോടെ,
സെക്രട്ടറി
കൂടാളി ഗ്രാമപഞ്ചായത്ത്

21/07/2026

'നീരാളം' പഞ്ചായത്ത്‌ തല ശില്പശാല ഉദ്ഘാടനം ചെയ്തു.

കൂടാളി :ഇരിട്ടി ബ്ലോക്ക് പഞ്ചായത്ത് തെളിനീർ ഒഴുകട്ടെ നല്ല നാളേക്കായ് എന്ന ലക്ഷ്യത്തോടെ നടപ്പിലാക്കുന്ന 'നീരാളം' ജലസംരക്ഷണ ക്യാമ്പയിൻ കൂടാളി പഞ്ചായത്ത് പഞ്ചായത്ത് തല ശിൽപ്പശാല ബ്ലോക്ക് പഞ്ചായത്ത് പ്രസിഡണ്ട് ശ്രീമതി എം വി സരള ഉദ്ഘാടനം ചെയ്തു. കൂടാളി ഗ്രാമപഞ്ചായത്ത് പ്രസിഡന്റ് ശ്രീ ഇ സജീവൻ അധ്യക്ഷനായി. പഞ്ചായത്ത്‌ സെക്രട്ടറി കെ പി സുധീർ സ്വാഗതം പറഞ്ഞു.ശാസ്ത്ര പ്രവർത്തകൻ വിജയകുമാർ ബ്ലാത്തൂർ,ഹരിത കേരള മിഷൻ ജില്ലാ കോർഡിനേറ്റർ ശ്രീ ഇ കെ സോമശേഖരൻ, ഹരിത കേരള മിഷൻ ആർ പി ജയപ്രകാശ് പന്തക്ക എന്നിവർ പദ്ധതി വിശദീകരിച്ചു. ബ്ലോക്ക് പഞ്ചായത്ത് വൈസ് പ്രസിഡണ്ട് സുമേഷ്, ബ്ലോക്ക് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ സി സി നൗഷാദ്, ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺ മാരായ ദിപിൻ പി, ഷൈന എം, ഷിനു എൻ., ജനപ്രതിനിധി ഷനൽ സി തുടങ്ങിയവർ സംസാരിച്ചു. കൂടാളി ഗ്രാമപഞ്ചായത്ത് വി ഇ .ഒ രഞ്ജിത്ത് ബാബു നന്ദി പറഞ്ഞു.

18/07/2026

കൂടാളി ഗ്രാമപഞ്ചായത്ത് ശാസ്ത്രോത്സവം🎑🛸🌛

18/07/2026

തെളിനീർ ഒഴുകട്ടെ... നല്ല നാളെക്കായി....

18/07/2026

ലേല അറിയിപ്പ് 📢