22/06/2026
നഴ്സസ് സമരത്തിന്
യൂത്ത് ലീഗ് ഐക്യദാര്‍ഡ്യം
ന്യായമായ വേതന വര്‍ധന ആവശ്യപ്പെട്ട് നഴ്സുമാര്‍ നടത്തുന്ന സമരത്തിന് യൂത്ത് ലീഗ് ജില്ലാ കമ്മിറ്റി ഐക്യദാര്‍ഡ്യം അര്‍പ്പിച്ചു. കൊയിലി ആശുപത്രിയിലെ സമരപ്പന്തലിലെത്തി യൂത്ത് ലീഗിന്‍റെ പിന്തുണ അറിയിച്ചു.
അഞ്ചാഴ്ച പിന്നിടുന്ന സമരത്തിന് മാന്യമായ പരിഹാരം കാണാന്‍ മാനേജ്മെന്‍റ് താല്പര്യം കാണിക്കണമെന്നും നിഷേധാത്മക സമീപനം തുടര്‍ന്നാല്‍ സമരം യൂത്ത് ലീഗ് ഏറ്റെടുക്കുമെന്നും നേതാക്കള്‍ വ്യക്തമാക്കി.
ജില്ലാ ജനഃസെക്രട്ടറി ഷജീര്‍ ഇഖ്ബാല്‍ , ട്രഷറര്‍ ഷബീര്‍ എടയന്നൂര്‍ , സെക്രട്ടറി ജംഷീര്‍ ആലക്കാട്, അസ്ലം പാറേത്, കോര്‍പറേഷന്‍ കൗണ്‍സിലര്‍ അര്‍ഷാദ് പളളിപ്രം, സിയാദ് കൂടാളി, അഫ്നാസ് എടയന്നൂർ തുടങ്ങിയവര്‍ സംസാരിച്ചു.
