𝑰𝒛𝒛𝒂𝒕𝒉 𝒗𝒐𝒊𝒄𝒆 𝒐𝒇 𝒊𝒏𝒅𝒊𝒂

08/09/2025

റസൂൽ ചോദിച്ചു: നീയാണോ വഹ്ശി?

അതെ.

നീയാണോ ഹംസയെ കൊന്നത്?

അത് അങ്ങേക്ക് അറിയാമല്ലോ.

നിന്റെ മുഖം എന്നെ കാണിക്കാതിരിക്കാൻ നിനക്ക് കഴിയുമോ?

വഹ്ശി പറയുന്നു, ആ വേദനയൂറുന്ന ചോദ്യം കേട്ടതോടെ ഞാൻ നാടുവിട്ടു.

ഉഹ്ദിൽ ഹംസ(റ)യെ കൊന്നവനാണ് വഹ്ശി(റ). മക്ക ഫത്ഹായപ്പോൾ അദ്ദേഹം ഇസ്ലാം സ്വീകരിച്ചു. ചെയ്തുപോയ തെറ്റിന് അല്ലാഹു മാപ്പു നൽകി. റസൂലിനെ കണ്ടുമുട്ടിയ സന്ദർഭം അദ്ദേഹം ഓർക്കുന്നുണ്ട്. അവിടുത്തെ മുഖത്ത് വികാരവിക്ഷോഭങ്ങൾ അലയടിച്ചു. തന്റെ പിതൃവ്യനെ കൊന്നവനാണ് മുമ്പിൽ. കൊല്ലുക മാത്രമല്ല, ആ മാറ് വെട്ടിപ്പിളർത്തി. കരൾ പുറത്തെടുത്തു. കണ്ണു ചൂഴ്ന്നെടുത്തു. കാതും മൂക്കും അരിഞ്ഞുമാറ്റി. പക്ഷെ, കൊലയാളിക്ക് മനംമാറ്റം സംഭവിച്ചിരിക്കുന്നു. അയാൾ തന്റെ സംഘത്തിൽ ചേർന്നിരിക്കുന്നു.
എന്നിട്ടും ആ മുഖം കാണുവാൻ റസൂലിന് കഴിയുമായിരുന്നില്ല!
----
ഇനി,
സമ്മേളനത്തിലേക്ക് ക്ഷണിക്കപ്പെട്ട ഫാഷിസ്റ്റുകളെ നോക്കുക. 1925 മുതൽ ക്രൂരമായി കൊല്ലപ്പെട്ട ആയിരക്കണക്കിന് മനുഷ്യരുടെ അഴുക്കിയ കബന്ധത്തിന്റെ നാറ്റമുണ്ടവർക്ക്.

ഗർഭമുള്ള വയർ പിളർത്തി ഭ്രൂണം മാന്തിപ്പിളർത്തിയ ചോരയുണ്ട് അവരുടെ കൈകളിൽ.

ചുട്ടെരിക്കപ്പെട്ട മനുഷ്യമാംസം കടിച്ചുതിന്ന് അട്ടഹസിക്കുന്ന പിശാചിന്റെ കോമ്പല്ലുകൾക്കിടയിലെന്ന പോലെ അവശിഷ്ടങ്ങളുണ്ട് അവരുടെ പല്ലുകളിൽ.

അവരുടെ ശബ്ദത്തിനുമീതെ തെരുവുകളിൽ ആർത്തലച്ചു കരയുന്ന സ്ത്രീകളുടെയും പിഞ്ചുകുഞ്ഞുങ്ങളുടെയും നിലവിളി ശബ്ദം കേൾക്കാം.

എന്നിട്ടും നിങ്ങൾക്കവർ വിശിഷ്ടാതിഥികളാണെങ്കിൽ ഒന്നും പറയാനില്ല.