07/09/2026
പെരിയ കേന്ദ്ര സർവ്വകലാശാലയിലെ മലിനജലം സമീപ പ്രദേശങ്ങളിലെ വീടുകളിലെ കിണറുകളിലേക്ക് ഒഴുകിയെത്തുന്നതിനെ തുടർന്ന് പ്രദേശവാസികൾ നേരിടുന്ന ആരോഗ്യപ്രശ്നത്തിൽ കേന്ദ്ര സർവ്വകലാശാല രജിസ്ട്രാർ സമീർ കുമാർ ബി വി യുമായി ചർച്ച നടത്തി.
മലിനജല പ്രശ്നത്തിന് ശാശ്വത പരിഹാരം കാണുന്നതിനായി പുതിയ ഒരു ലക്ഷം ക്യൂബിക് കപ്പാസിറ്റിയുള്ള കോൺക്രീറ്റ് മലിനജല ടാങ്ക് എത്രയും വേഗം സ്ഥാപിക്കുമെന്നും ഇതിനായുള്ള നടപടിക്രമങ്ങൾ അടിയന്തരമായി പൂർത്തിയാക്കി പദ്ധതി നടപ്പാക്കുമെന്നും രജിസ്ട്രാർ ഉറപ്പുനൽകി.
മലിനജലം കിണറുകളിൽ കലർന്നതിനെ തുടർന്ന് ആരോഗ്യപ്രശ്നങ്ങൾ നേരിടുന്ന പ്രദേശവാസികളുടെ ആശങ്കയും യോഗത്തിൽ രജിസ്ട്രാറുമായി സംസാരിച്ചു.ആരോഗ്യപ്രശ്നങ്ങൾ നേരിടുന്നവർക്കായി പ്രത്യേക മെഡിക്കൽ ക്യാമ്പ് സംഘടിപ്പിക്കണമെന്നും നിർദ്ദേശിച്ചു.പുല്ലൂർ-പെരിയ പഞ്ചായത്ത് പ്രസിഡന്റ്‌ ഡോ. സി. കെ.സബിത,
അജാനൂർ പഞ്ചായത്ത് പ്രസിഡന്റ്‌ വി.തുളസി, വൈസ് പ്രസിഡന്റ്‌ മൂലക്കണ്ടം പ്രഭാകരൻ , കേന്ദ്ര സർവകലാശാല എക്സിക്യൂട്ടീവ് എഞ്ചിനിയർ ശ്രീകാന്ത് , പഞ്ചായത്ത് മെമ്പർ തമ്പാൻ മക്കക്കോട്ട്,ആക്ഷൻ കമ്മിറ്റി ഭാരവാഹികളായ ദാമോദരൻ തണ്ണോട്ട് , എ ശ്രീധരൻ,പുല്ലൂർ പെരിയ പഞ്ചായത്ത് മുൻ പ്രസിഡണ്ട് സി കെ അരവിന്ദാക്ഷൻ മനോജ് വടക്കേക്കര,ബാലകൃഷ്ണൻ, വേണുഗോപാലൻ, പുല്ലൂർ- പെരിയ പഞ്ചായത്ത് ആരോഗ്യവകുപ്പ് ഉദ്യോഗസ്ഥർ തുടങ്ങിയവർ പങ്കെടുത്തു.
