22/10/2024
ഡിജിറ്റൽ സാക്ഷരതയിൽ എറണാകുളം ജില്ല ഒന്നാമത്
സംസ്ഥാന സർക്കാർ തദ്ദേശസ്വയംഭരണ വകുപ്പ് മുഖാന്തരം നടപ്പിലാക്കുന്ന ഫ്ലാഗ്ഷിപ്പ് പദ്ധതിയായ 'ഡിജി കേരളം - സമ്പൂർണ്ണ ഡിജിറ്റൽ സാക്ഷരത' പദ്ധതിയുടെ ഭാഗമായി എറണാകുളം ജില്ലയിൽ എല്ലാ തദ്ദേശ സ്വയംഭരണ സ്ഥാപനങ്ങളെയും ഉൾപ്പെടുത്തി പൊതുജന പങ്കാളിത്തത്തോടെ ഡിജി കേരളം പദ്ധതി പൂർത്തിയാക്കി. 22.10.2024 തീയതി ഉച്ചയ്ക്ക് 2 മണിക്ക് ബഹുമാനപ്പെട്ട ജില്ലാ കളക്ടറും പദ്ധതിയുടെ കോ-ചെയർമാനുമായ ശ്രീ.എൻ.എസ്.കെ ഉമേഷ് IASന്റെ അദ്ധ്യക്ഷതയിൽ ചേർന്ന യോഗത്തിൽ ഡിജി കേരളം പദ്ധതിയുടെ ജില്ലാ കൺവീനറും, തദ്ദേശസ്വയംഭരണ വകുപ്പ് ജോയിന്റ് ഡയറക്ടറുമായ ശ്രീ.കെ.ജെ. ജോയ് സ്വാഗതം ആശംസിച്ചു. ബഹുമാനപ്പെട്ട ജില്ലാ പഞ്ചായത്ത് പ്രസിഡന്റും പദ്ധതിയുടെ ചെയർമാനുമായ ശ്രീ.മനോജ് മൂത്തേടൻ എറണാകുളം ജില്ലയെ സമ്പൂർണ്ണ ഡിജിറ്റൽ സാക്ഷരത ആദ്യമായി കൈവരിക്കുന്ന ജില്ലയായി പ്രഖ്യാപിച്ചു. തദ്ദേശസ്വയംഭരണ വകുപ്പ് ഡെപ്യൂട്ടി ഡയറക്ടർ ശ്രീ. വിധു എ മേനോൻ ,ജില്ലാ സാക്ഷരത മിഷൻ കോഡിനേറ്റർ ശ്രീ.ശ്യാംലാൽ VV, കുടുംബശ്രീ ജില്ലാ മിഷൻ കോ-ഓർഡിനേറ്റർ ശ്രീമതി എന്നിവർ ആശംസകൾ അറിയിച്ചു . പദ്ധതിക്ക് നേതൃത്വം നൽകിയ എറണാകുളം ജില്ല ജോയിന്റ് ഡയറക്ടർ ജോയി KJ ,എറണാകുളം ജില്ലാ മുൻ ജോയിന്റ് ഡയറക്ടർ V പ്രദീപ്കുമാർ ,അസിസ്റ്റൻറ് ഡയറക്ടറും പദ്ധതിയുടെ ചാർജ് ഓഫീസറുമായ KK സുബ്രഹ്മണ്യൻ എന്നിവരുടെ നേതൃത്വത്തെ ജില്ലാ പഞ്ചായത്ത് പ്രസിഡണ്ടും ,ജില്ലാ കളക്ടറും പ്രശംസിച്ചു . RGSA കമ്മ്യൂണിറ്റി ഡെവലപ്മെൻറ് എക്സ്പേർട്ട് അമൃത മുരളി , തദ്ദേശസ്വയംഭരണ വകുപ്പിലെ RGSA ബ്ലോക്ക് കോ-ഓർഡിനേറ്റർമാർ, RGSA തീമാറ്റിക് എക്സ്പർട്ട്സ് തുടങ്ങിയവർ യോഗത്തിൽ സന്നിഹിതരായിരുന്നു. ജില്ലയിലെ ഡിജി കേരളം പദ്ധതിയുടെ ചാർജ് ഓഫീസറും തദ്ദേശസ്വയംഭരണ വകുപ്പ് അസിസ്റ്റന്റ് ഡയറക്ടറുമായ ശ്രീ.കെ.കെ സുബ്രഹ്മണ്യൻ യോഗത്തിൽ കൃതജ്ഞത അറിയിച്ചു.
