14/01/2026
আজি ১৪ জানুৱাৰী সংক্ৰান্তিৰ শুভ ক্ষণত যোৰহাট টিয়কৰ, শ্ৰীশ্ৰী উজনিয়াল সত্ৰৰ পূজ্যপাদ সত্ৰাধিকাৰ তথা অসম সত্ৰ মহাসভাৰ প্ৰাক্তন প্ৰধান সম্পাদক আৰু লেখক, সাহিত্যিক প্ৰয়াত লক্ষ্মীকান্ত মহন্ত প্ৰভুজনাৰ আদ্যশ্ৰাদ্ধ উপলক্ষে তেওঁৰ এৰি থৈ যোৱা, শোক-সন্তপ্ত পৰিয়াল বৰ্গলৈ সমবেদনা জনোৱাৰ লগতে বিদেহ আত্মাৰ সদগতিৰ কামনাৰ বাবে অসম সত্ৰ মহাসভাৰ তৰফৰ পৰা যি শ্ৰদ্ধাঞ্জলি অনুষ্ঠান আয়োজন কৰা হৈছিল সেই অনুষ্ঠানত উপস্থিত হয় বৰ্তমানৰ সম্পাদক প্ৰধান তথা শ্ৰীশ্ৰী কালশিলা সত্ৰৰ পূজ্যপাদ সত্ৰাধিকাৰ কুসুম কুমাৰ মহন্ত, কেন্দ্ৰীয় কাৰ্যনিৰ্বাহক সদস্য তথা শ্ৰীশ্ৰী চামগুৰী সত্ৰৰ পূজ্যপাদ সত্ৰাধিকাৰ ধৰ্মেশ্বৰ গোস্বামী লগতে অসম সত্ৰ মহাসভাৰ কেন্দ্ৰীয় মূখপাত্ৰ তথা অধ্যাপক তাৰাপ্ৰসাদ মহন্ত, কেন্দ্ৰীয় সতী ৰাধিকা মহিলাতীৰ্থৰ সভানেত্ৰী ড° অৰুন্ধতী মহন্ত সহ কেইবাগৰাকী বিষয়বৱীয়া
উপস্থিত হয়। অসম সত্ৰ মহাসভাৰ ভাতৃ সংগঠন "সমন্বিত যুৱতীৰ্থ" কেন্দ্ৰীয় সমিতিৰ তৰফৰ পৰা কাৰ্য্যকৰী সভাপতি, শ্ৰীশ্ৰী বিষ্ণু সত্ৰৰ পূজ্যপাদ সত্ৰাধিকাৰ বনজিৎদেৱ ৰাভা, লগতে সাধাৰণ সম্পাদক তথা শ্ৰীশ্ৰী দীঘলী সত্ৰৰ সত্ৰীয়া পল্লৱজ্যোতি মহন্ত, আৰু সদস্য শ্ৰীশ্ৰী ছমৰীয়া সত্ৰৰ ভকত অৰিন্নম কলিতা , অসম সত্ৰ মহাসভাৰ প্ৰাক্তন প্ৰধান সম্পাদক তথা শ্ৰীশ্ৰী চেঁচা সত্ৰৰ পূজ্যপাদ সত্ৰাধিকাৰ ভৱ গোস্বামী, অসম সত্ৰ মহাসভাৰ বিভিন্ন জিলাৰ তৰফৰ পৰা অহা সভাপতি / সম্পাদক তথা সদস্য সকল, শ্ৰীমন্ত ফাউণ্ডেশ্যনৰ, পৰিচালনক প্ৰাক্তন আৰক্ষী সঞ্চালক প্ৰধান ভাস্কৰজ্যোতি মহন্ত , উপস্থিত হয় গুৱাহাটী বিশ্ববিদ্যালয়ৰ উপাচাৰ্য ননিগোপাল মহন্ত, শিৱসাগৰ বানিজ্যিক মহাবিদ্যালয়ৰ অধ্যক্ষ ড° সৌমাৰজ্যোতি মহন্ত আৰু উপস্থিত থাকে বহু কেইজন গণ্য-মান্য ব্যক্তি বিভিন্ন দিশৰ সত্ৰাধিকাৰ প্ৰভু সকলৰ লগতে গাওঁৰ ভকত , বৈষ্ণৱ আই- মাতৃ সমস্ত উপস্থিত হয় ।
#সমন্বিতযুৱতীৰ্থ,SYT
