What are the opening hours?

Monday 10:30am - 6:10pm Tuesday 10:30am - 6:10pm Wednesday 10:30am - 6:10pm Thursday 10:30am - 6:10pm Friday 10:30am - 6:10pm Saturday 10:30am - 6:10pm

https://gujaratinformation.gujarat.gov.in/

Info Jamnagar Gog, seva sadan-2, lal bunglow Circle, first floor, district information office, Jamnagar (2026)

Q: What is the address?

Seva Sadan-2, Lal Bunglow Circle, First Floor, District Information Office

05/10/2026

જામનગરમાં કરુણા એનિમલ એમ્બ્યુલન્સના સફળતાપૂર્વક 9 વર્ષ પૂર્ણ: 69,000થી વધુ મુંગા જીવોને સ્થળ પર જ મળી સારવાર

શહેરમાં 365 દિવસ 12 કલાક કરુણા એમ્બ્યુલન્સ અને ગ્રામ્ય વિસ્તારમાં 21 હરતા-ફરતા પશુ દવાખાના પશુપાલકો માટે આશીર્વાદરૂપ બન્યા

ગુજરાત સરકાર અને EMRI Green Health Servicesના સંયુક્ત ઉપક્રમે જિલ્લામાં અત્યાર સુધીમાં કુલ 4.77 લાખથી વધુ પશુ-પક્ષીઓની સારવાર કરાઈ

પશુ સેવા ક્ષેત્રે ઉત્કૃષ્ટ કાર્ય કરી રહેલી કરુણા એનિમલ એમ્બ્યુલન્સે પોતાની સેવાના 9 વર્ષ સફળતાપૂર્વક પૂર્ણ કર્યા છે. વર્ષ 2017થી શરૂ થયેલી આ સેવા દ્વારા જામનગર શહેરમાં અત્યાર સુધીમાં કુલ 69,859 બીમાર અને ઈજાગ્રસ્ત પશુ-પક્ષીઓની ઘટનાસ્થળે જ સારવાર કરવામાં આવી છે. કરુણા એનિમલ એમ્બ્યુલન્સ જામનગર શહેરમાં વર્ષના 365 દિવસ સવારે 8 થી રાત્રે 8 વાગ્યા સુધી સતત કાર્યરત રહીને મુંગા જીવોને નવજીવન આપી રહી છે.

છેલ્લા એક વર્ષની કામગીરી પર નજર કરીએ તો, કરુણા એનિમલ એમ્બ્યુલન્સ દ્વારા કુલ 8,044 પશુ-પક્ષીઓની સ્થળ પર સારવાર કરવામાં આવી હતી. જેમાં સૌથી વધુ 5,776 કૂતરા, 1,085 ગાય, 838 બિલાડી અને 239 કબૂતરનો સમાવેશ થાય છે. આ ઉપરાંત ખિસકોલી, ઊંટ, કાગડો અને પોપટ જેવા અન્ય 106 વિવિધ જીવોની પણ તાત્કાલિક સારવાર કરી તેમને ઉગારી લેવામાં આવ્યા હતા.

બીજી તરફ, ગ્રામ્ય વિસ્તારના પશુપાલકોને ઘરઆંગણે જ પશુચિકિત્સા સેવાઓ મળી રહે તે હેતુથી ગુજરાત સરકારના પશુપાલન વિભાગ અને EMRI Green Health Servicesના સંયુક્ત ઉપક્રમે 'હરતું-ફરતું પશુ દવાખાનું' કાર્યરત કરવામાં આવ્યું છે. આ અંગે પ્રોગ્રામ મેનેજર ડૉ. મોહમ્મદ શોએબ ખાને માહિતી આપતા જણાવ્યું હતું કે, વર્ષ 2020થી શરૂ કરાયેલી આ યોજના હેઠળ હાલ જામનગર જિલ્લાના ગ્રામ્ય વિસ્તારોમાં કુલ 21 હરતા-ફરતા પશુ દવાખાના સવારે 8 થી સાંજે 5 વાગ્યા સુધી સેવા આપી રહ્યા છે.

આ હરતા-ફરતા પશુ દવાખાનાઓ દ્વારા અત્યાર સુધીમાં જામનગર જિલ્લાના ગ્રામ્ય વિસ્તારોમાં સફળતાપૂર્વક કુલ 4,07,927 પશુઓની સારવાર કરવામાં આવી છે. આ સેવાનો મુખ્ય ઉદ્દેશ્ય ગ્રામીણ વિસ્તારના પશુપાલકોને પોતાના બીમાર પશુઓને દૂર સુધી લઈ જવાની હાલાકીમાંથી મુક્તિ અપાવી, તેમના ઘરઆંગણે જ સમયસર અને નિઃશુલ્ક પશુ સારવાર ઉપલબ્ધ કરાવવાનો છે. આમ, શહેર અને ગ્રામ્ય બંને ક્ષેત્રોમાં કરુણા એનિમલ એમ્બ્યુલન્સ અને હરતા-ફરતા પશુ દવાખાના પશુઓની સુરક્ષા અને સંભાળ માટે અત્યંત મહત્વપૂર્ણ સાબિત થઈ રહ્યા છે.
000000

05/10/2026

ITI જામનગર ખાતે સેવા સંકલ્પ અભિયાન હેઠળ ડિજિટલ સાક્ષરતા અને સાયબર સુરક્ષા સેમિનાર યોજાયો;વરિષ્ઠ નાગરિકોને સાયબર અવેરનેસનું માર્ગદર્શન અપાયું

'વિકસિત ભારત ૨૦૪૭' થીમ પર તાલીમાર્થીઓ વચ્ચે ચિત્ર અને વક્તૃત્વ સ્પર્ધાનું સુંદર આયોજન કરાયું

જામનગર તા.૦૫, સેવાસંકલ્પ અભિયાન અંતર્ગત ઔદ્યોગિક તાલીમ સંસ્થા, જામનગર ખાતે વરિષ્ઠ નાગરિકો માટે ડિજિટલ સાક્ષરતા અને સાયબર સુરક્ષા જાગૃતિ સેમિનાર તેમજ સંસ્થાના તાલીમાર્થીઓ માટે વિવિધ સ્પર્ધાઓનું આયોજન કરવામાં આવ્યું હતું.

આ કાર્યક્રમમાં મુખ્ય અતિથિ તરીકે મેયર શ્રીમતી મોનિકાબેન વ્યાસ અને કોર્પોરેટર શ્રીમતી નિશાબેન અશ્વારે ખાસ ઉપસ્થિત રહી વરિષ્ઠ નાગરિકો તથા તાલીમાર્થીઓનો ઉત્સાહ વધાર્યો હતો.
કાર્યક્રમ દરમિયાન વરિષ્ઠ નાગરિકો માટે યોજાયેલા ડિજિટલ સાક્ષરતા અને સાયબર સુરક્ષા સેમિનારમાં વડીલોએ ઉત્સાહપૂર્વક ભાગ લીધો હતો. આ સેમિનારમાં મુખ્ય વક્તા તરીકે ઉપસ્થિત જામનગરના PSI શ્રી હિતેશ ઝાલાએ ઓનલાઈન છેતરપિંડીથી બચવાના ઉપાયો, OTPની ગોપનીયતા જાળવવી, ડિજિટલ પેમેન્ટ વખતે રાખવાની સાવચેતી, શંકાસ્પદ ફોન કોલ/મેસેજ અને વ્યક્તિગત માહિતીની સુરક્ષા જેવા ગંભીર અને મહત્વપૂર્ણ વિષયો પર વ્યવહારુ માર્ગદર્શન પૂરું પાડ્યું હતું.

આ ઉપરાંત, તાલીમાર્થીઓમાં સામાજિક જવાબદારી અને સર્જનાત્મકતાને પ્રોત્સાહન આપવાના ભાગરૂપે ચિત્ર સ્પર્ધા અને વક્તૃત્વ સ્પર્ધાનું આયોજન પણ કરાયું હતું. જેમાં આશરે 150 જેટલા તાલીમાર્થીઓએ ભાગ લઈ 'વિકસિત ભારત ૨૦૪૭' વિષય પર પોતાની કલાત્મક પ્રતિભા અને વિચારશક્તિનું પ્રદર્શન કર્યું હતું.

વરિષ્ઠ નાગરિકો, તાલીમાર્થીઓ અને ITIના સ્ટાફના ઉત્સાહપૂર્ણ પ્રતિસાદ સાથે ડિજિટલ જાગૃતિ અને સર્જનાત્મકતાને બિરદાવતો આ સમગ્ર કાર્યક્રમ સફળતાપૂર્વક સંપન્ન થયો હતો.
0000000

05/10/2026

ભુજિયો કોઠો બન્યો જામનગરનું નવું પ્રવાસન આકર્ષણ

નવીનીકરણ બાદ છ મહિનામાં 65 હજાર મુલાકાતીઓ ઉમટ્યા: જામનગર મહાનગરપાલિકાને રૂ.16 લાખની આવક

જામનગર શહેરની ઐતિહાસિક ઓળખ અને સમૃદ્ધ વારસાના સાક્ષી સમાન 174 વર્ષ જૂનો ભુજિયો કોઠો હવે પોતાની ભવ્યતા સાથે નવા રંગરૂપમાં પ્રવાસીઓ માટે આકર્ષણનું કેન્દ્ર બન્યો છે. મુખ્યમંત્રીશ્રી ભૂપેન્દ્રભાઈ પટેલના નેતૃત્વમાં સ્વર્ણિમ જયંતી મુખ્યમંત્રી શહેરી વિકાસ યોજના અંતર્ગત રૂ.25 કરોડના ખર્ચે ભુજિયા કોઠાના રિસ્ટોરેશન, કન્ઝર્વેશન, કન્સોલિડેશન અને રિ-પ્રોડક્શનની કામગીરી હાથ ધરવામાં આવી હતી. કામગીરી પૂર્ણ થયા બાદ તા.19 માર્ચ 2026થી ભુજિયો કોઠો પ્રવાસીઓ માટે ખુલ્લો મુકવામાં આવ્યો છે.

નવીનીકરણ બાદ ભુજિયો કોઠો શહેરવાસીઓ તેમજ બહારથી આવતા પ્રવાસીઓ માટે આકર્ષણનું કેન્દ્ર બન્યો છે. માત્ર છ મહિનાના સમયગાળામાં અંદાજે 65 હજાર જેટલા મુલાકાતીઓએ ભુજિયો કોઠોની મુલાકાત લીધી છે, જેના પરિણામે જામનગર મહાનગરપાલિકાને ટિકિટની આવક પેટે અંદાજે રૂ.16 લાખની આવક પ્રાપ્ત થઈ છે. ભુજિયો કોઠો દર બુધવારે બંધ રાખવામાં આવે છે. જ્યારે બુધવાર સિવાયના અન્ય દિવસોમાં મુલાકાતીઓ માટે ટિકિટ વિન્ડો બપોરે 12:00 થી સાંજે 6:30 વાગ્યા સુધી ખુલ્લી રહે છે. ટિકિટ મેળવી લીધા બાદ મુલાકાતીઓ રાત્રે 8:00 વાગ્યા સુધી મુલાકાત લઈ શકે છે.

ભુજિયો કોઠો જામનગરના ઐતિહાસિક વારસાની મહત્વપૂર્ણ ધરોહર છે. નવીનીકરણ બાદ અહીં મુલાકાતીઓ માટે વધુ સુવિધાજનક વાતાવરણ ઊભું કરવામાં આવ્યું છે. ઐતિહાસિક સ્થળની મુલાકાત સાથે નાગરિકો અને પ્રવાસીઓને જામનગરના સમૃદ્ધ ઇતિહાસ અને વારસાની અનુભૂતિ કરવાની તક મળી રહી છે. પરિણામે છેલ્લા છ મહિનામાં મુલાકાતીઓની સંખ્યા નોંધપાત્ર રહી છે.

નવીનીકરણ બાદ ભુજિયો કોઠો માત્ર ઐતિહાસિક સ્થળ તરીકે જ નહીં, પરંતુ જામનગરના પ્રવાસન વિકાસના મહત્વપૂર્ણ કેન્દ્ર તરીકે પણ ઉભરી રહ્યો છે. શહેરમાં આવતા પ્રવાસીઓ માટે ભુજિયો કોઠો જામનગરની ઐતિહાસિક સમૃદ્ધિનો પરિચય કરાવતું મહત્વપૂર્ણ સ્થળ બન્યું છે.

05/10/2026

ધારાસભ્ય શ્રી રાઘવજીભાઈ પટેલના હસ્તે રૂ.૪૦૦ લાખના ખર્ચે નિર્મિત થનાર વાંકીયા-ખંભાલિડા રોડનું ખાતમુહૂર્ત કરાયું

જામનગર તા.૦૫, જામનગર જિલ્લાના ધ્રોલ તાલુકામાં આવેલા વાંકીયા થી ખંભાલિડા માર્ગની સપાટી સુધારણા અને નવીનીકરણની કામગીરીનું ધારાસભ્ય શ્રી રાઘવજી પટેલના હસ્તે ખાતમુહૂર્ત કરવામાં આવ્યું હતું.

વાંકીયા થી ખંભાલિડા રોડ એ ૭.૦ કિલોમીટરની લંબાઈ ધરાવતો અત્યંત મહત્વનો રસ્તો છે. આ રસ્તો ખંભાલિડા અને વાંકીયા ગામને જોડવાની સાથે તાલુકા મુખ્ય મથકે જવા માટે પણ મુખ્ય માર્ગ પૂરો પાડે છે. લાંબા સમયથી આ રસ્તાની સપાટી અતિશય ખરાબ થઈ ગઈ હોવાથી ગ્રામજનો તથા વાહનચાલકોને મુશ્કેલીનો સામનો કરવો પડતો હતો.

રસ્તાની સપાટી સુધારણા અને નવીનીકરણ માટે માર્ગ અને મકાન વિભાગ દ્વારા રૂ. ૪૦૦.૦૦ લાખ રકમનો જોબ નંબર મંજૂર કરવામાં આવ્યો છે. આ કામગીરી હેઠળ ડામર કામ, ૮૭૦ મીટર સી.સી. રોડ, પ્રોટેક્શન વોલ, ક્રેશ બેરિયર તેમજ રોડ ફર્નિચર વગેરે જેવી જરૂરી કામગીરીનો સમાવેશ કરવામાં આવ્યો છે.

પંચાયત માર્ગ અને મકાન વિભાગ, જામનગરના કાર્યપાલક ઈજનેર શ્રી કે.બી. છૈયા તથા નાયબ કાર્યપાલક ઈજનેર શ્રી આર.આર. મુલિયાણા દ્વારા આ કામગીરી સત્વરે હાથ ધરવામાં આવી છે અને ઝડપથી પૂર્ણ થાય તેવું આયોજન કરાયું છે. આ રસ્તાનું કામ પૂર્ણ થતાં જ ખંભાલીડા અને વાંકીયા ગામના લોકો તેમજ ધ્રોલ તરફ આવતા-જતા તમામ વાહનચાલકોને આરામદાયક અને સુરક્ષિત મુસાફરીનો લાભ મળશે.
000000

03/10/2026

જામજોધપુરની મહીડી વીડીની રાજ્યના વન અને પર્યાવરણ મંત્રીશ્રી અર્જુનભાઈ મોઢવાડિયાએ મુલાકાત લીધી

મહીડી વીડી ખાતે ઘાસના ઉત્પાદન, વિવિધ જાતો, સંગ્રહ સહિતની કામગીરી અંગે વન વિભાગના અધિકારીઓ પાસેથી મેળવી વિસ્તૃત માહિતી

જામનગર તા. ૩ ઓક્ટોબર, રાજ્યના વન અને પર્યાવરણ મંત્રીશ્રી અર્જુનભાઈ મોઢવાડિયાએ જામનગર જિલ્લાના જામજોધપુર તાલુકામાં આવેલ મહીડી વીડીની મુલાકાત લઈને સમગ્ર વિસ્તારની સ્થિતિ તથા વન વિભાગ દ્વારા કરવામાં આવતી વિવિધ કામગીરીની વિસ્તૃત માહિતી મેળવી હતી.

મંત્રીશ્રીએ મહીડી વીડી ખાતે વન વિભાગના અધિકારીઓ સાથે ચર્ચા કરી વિસ્તારના ઘાસ ઉત્પાદન અંગે જાણકારી મેળવી હતી. અધિકારીઓ દ્વારા મહીડી વીડીમાં ઉપલબ્ધ ઘાસની વિવિધ જાતો, તેના ઉત્પાદનનું પ્રમાણ, ઘાસની ગુણવત્તા તેમજ સ્થાનિક સ્તરે તેની ઉપયોગિતા અંગે મંત્રીશ્રીને માહિતગાર કરવામાં આવ્યા હતા.

આ ઉપરાંત મંત્રીશ્રીએ વિસ્તારમાં થતા ઘાસના ઉત્પાદનને વધુ સુવ્યવસ્થિત રીતે જાળવવા તેમજ જરૂરિયાતના સમયે તેનો યોગ્ય ઉપયોગ થઈ શકે તે માટે ઘાસના સંગ્રહની કામગીરી અંગે પણ અધિકારીઓ સાથે ચર્ચા કરી હતી. ઘાસની ઉપલબ્ધતા, સંગ્રહ કરવાની પદ્ધતિ અને અન્ય જરૂરી કાળજી સહિતના વિવિધ પાસાઓ અંગે પણ માહિતી મેળવી હતી.

૪૯૫ હેક્ટર વિસ્તારમાં ફેલાયેલ મહીડી વીડીના સમગ્ર વિસ્તારની મુલાકાત દરમિયાન મંત્રીશ્રીએ વન વિભાગ દ્વારા કરવામાં આવતી કામગીરી, કુદરતી સંસાધનોના સંરક્ષણ તથા ઘાસના સંવર્ધન સાથે જોડાયેલા વિવિધ મુદ્દાઓ અંગે અધિકારીઓ સાથે વિગતવાર ચર્ચા કરી હતી. તેમણે ઉપલબ્ધ કુદરતી સંસાધનોનું યોગ્ય સંચાલન થાય અને તેનો સ્થાનિક જરૂરિયાત મુજબ મહત્તમ ઉપયોગ થઈ શકે તે દિશામાં જરૂરી કામગીરી અંગે માર્ગદર્શન આપ્યું હતું.

મહીડી વીડી જેવા વિસ્તારોમાં ઉપલબ્ધ ઘાસના સંવર્ધન અને વૈજ્ઞાનિક પદ્ધતિથી સંગ્રહ થકી પશુધન માટે ઘાસની ઉપલબ્ધતા જળવાઈ રહે તે માટે વન વિભાગની કામગીરી મહત્વપૂર્ણ બની રહે છે. મંત્રીશ્રીની મુલાકાતથી આ સમગ્ર કામગીરી અંગે સ્થળ પર જ જરૂરી માહિતી અને માર્ગદર્શનની આપ-લે થઈ હતી.

તેમની સાથે જૂનાગઢ વર્તુળના વનસંરક્ષક મોહનરામ, નાયબ વન સંરક્ષકશ્રી રાધિકા પરસાણા, વન વિભાગના અધિકારીશ્રીઓ, આગેવાનો ઉપસ્થિત રહ્યા હતા.
*****

03/10/2026

રાજ્યના વન અને પર્યાવરણ મંત્રીશ્રી અર્જુનભાઈ મોઢવાડિયાએ જામજોધપુરમાં પ્રાકૃતિક કૃષિ વેચાણ કેન્દ્રનો પ્રારંભ કરાવ્યો

રાજ્યપાલશ્રી અને મુખ્યમંત્રીશ્રીની ઉપસ્થિતિમાં ગાંધીનગર ખાતે યોજાયેલા પ્રાકૃતિક કૃષિ વેચાણ કેન્દ્રોના ઈ-લોકાર્પણ કાર્યક્રમનું સૌએ જીવંત પ્રસારણ નિહાળ્યું

પ્રાકૃતિક કૃષિ પેદાશોને બજાર મળવાથી ખેડૂતો આત્મનિર્ભર બન્યા છે :મંત્રીશ્રી

જામનગર તા.૩ ઓક્ટોબર, રાજ્યના વન અને પર્યાવરણ મંત્રીશ્રી અને જામનગર જિલ્લાના પ્રભારીમંત્રીશ્રી અર્જુનભાઈ મોઢવાડિયાએ જામનગર જિલ્લાના જામજોધપુર તાલુકામાં પ્રાકૃતિક કૃષિ પેદાશોના વેચાણ માટે તૈયાર કરવામાં આવેલ વેચાણ કેન્દ્રનો પ્રારંભ કરાવ્યો હતો. આ સાથે તેમણે જિલ્લાના પ્રાકૃતિક કૃષિ કરતા ખેડૂતો સાથે સંવાદ કર્યો હતો. અને જામનગર જિલ્લાની પ્રાકૃતિક કૃષિ અંગેની માહિતી મેળવી હતી.

જામજોધપુર ટાઉનહોલ ખાતે યોજાયેલા કાર્યક્રમમાં સૌએ ગાંધીનગર ખાતે રાજ્યપાલશ્રી આચાર્ય દેવવ્રત અને મુખ્યમંત્રીશ્રી ભુપેન્દ્ર પટેલની ઉપસ્થિતિમાં યોજાયેલા રાજ્યના ૧૦૦ પ્રાકૃતિક કૃષિ વેચાણ કેન્દ્રના ઈ-લોકાર્પણના રાજ્ય કક્ષાના કાર્યક્રમનું જીવંત પ્રસારણ નિહાળ્યું હતું.

કાર્યક્રમમાં મંત્રીશ્રીએ જણાવ્યું હતું કે, પ્રાકૃતિક કૃષિ પેદાશોને બજાર મળવાથી ખેડૂતો આત્મનિર્ભર બન્યા છે. જામજોધપુર તાલુકામાં પ્રાકૃતિક કૃષિ વેચાણ કેન્દ્ર શરુ થવાથી જામજોધપુર તાલુકાના ખેડૂતોને તેમના શાકભાજી, ફળો, અનાજ, કઠોળ, મસાલા અને અન્ય પ્રાકૃતિક ઉત્પાદન આધારિત પ્રોડક્ટ્સનું સીધું વેચાણ કરવાની તક મળશે. પ્રાકૃતિક કૃષિ માત્ર ખેતી કરવાની એક પદ્ધતિ નથી, પરંતુ જમીનનું આરોગ્ય, પાણીનું સંરક્ષણ, પર્યાવરણની જાળવણી અને ખેડૂતોની આર્થિક સદ્ધરતા તરફનું એક મહત્વપૂર્ણ પગલું છે.

જામનગર જિલ્લાના ખેડૂતો પ્રાકૃતિક ખેતી તરફ આગળ વધી રહ્યા છે, જે પ્રોત્સાહક બાબત છે. ખેડૂતોમાં પ્રાકૃતિક ખેતી અંગે જાગૃતિ વધે, તેમને યોગ્ય માર્ગદર્શન મળે અને તેમના ઉત્પાદનોને બજાર મળે તે માટે આવા વેચાણ કેન્દ્રોની ભૂમિકા ખૂબ મહત્વપૂર્ણ છે. આજે શરૂ થયેલ આ પ્રાકૃતિક કૃષિ વેચાણ કેન્દ્ર ખેડૂત અને ગ્રાહક વચ્ચે સીધો સેતુ બનશે. પ્રાકૃતિક રીતે ઉત્પાદિત થતી વિવિધ કૃષિ પેદાશો ગ્રાહકો સુધી સરળતાથી પહોંચે અને ખેડૂતોને તેમના ઉત્પાદનનું યોગ્ય બજાર મળી રહે, તે દિશામાં આ કેન્દ્ર મહત્વપૂર્ણ સાબિત થશે. ખેડૂતને બજાર મળશે તો પ્રાકૃતિક ખેતીને ગતિ મળશે અને પ્રાકૃતિક ખેતીને ગતિ મળશે તો સ્વસ્થ સમાજના નિર્માણને બળ મળશે.

03/10/2026

જામનગર જિલ્લાના પ્રભારી મંત્રીશ્રી અર્જુનભાઈ મોઢવાડિયાની અધ્યક્ષતામાં જામજોધપુર તાલુકા સંકલન સમિતિની બેઠક યોજાઈ

જનપ્રતિનિધિઓની રજૂઆતોને પ્રાથમિકતા આપી ત્વરિત અને હકારાત્મક ઉકેલ માટે સંબંધિત વિભાગોને મંત્રીશ્રીનું માર્ગદર્શન

જામનગર તા.૩ ઓક્ટોબર, રાજ્યના વન અને પર્યાવરણ મંત્રીશ્રી અને જામનગર જિલ્લાના પ્રભારી મંત્રીશ્રી અર્જુનભાઈ મોઢવાડિયાના અધ્યક્ષ સ્થાને જામજોધપુર તાલુકા સેવા સદન ખાતે તાલુકા સંકલન સમિતિની બેઠક યોજવામાં આવી હતી. બેઠક દરમિયાન તાલુકાના વિવિધ વિકાસલક્ષી અને જનહિતલક્ષી પ્રશ્નો અંગે સંબંધિત અધિકારીઓ પાસેથી માહિતી મેળવી જરૂરી માર્ગદર્શન આપવામાં આવ્યું હતું.

બેઠકમાં ખાસ કરીને વરસાદની સ્થિતિ, આધારકાર્ડ કીટ, પશુઓ માટે ઘાસના વિતરણની કામગીરી તેમજ વન વિભાગને લગતા વિવિધ પ્રશ્નો અંગે જનપ્રતિનિધિઓ દ્વારા કરવામાં આવેલી રજૂઆતો પર વિસ્તૃત ચર્ચા કરવામાં આવી હતી. મંત્રીશ્રીએ સંબંધિત અધિકારીઓને જનપ્રતિનિધિઓ દ્વારા રજૂ કરવામાં આવતા પ્રશ્નોને સાંભળી, સ્થાનિક પરિસ્થિતિને ધ્યાને લઈને હકારાત્મક અને સંકલિત અભિગમ સાથે કામગીરી કરવા સૂચના આપી હતી. પ્રજાના પ્રશ્નોના નિરાકરણ માટે વિવિધ વિભાગો વચ્ચે યોગ્ય સંકલન જળવાઈ રહે અને જરૂરી કામગીરી સમયસર થાય તે અંગે પણ મંત્રીશ્રીએ માર્ગદર્શન આપ્યું હતું.

મંત્રીશ્રીએ જણાવ્યું હતું કે, તંત્રનો મુખ્ય ઉદ્દેશ પ્રજાને સમયસર અને અસરકારક સેવાઓ ઉપલબ્ધ કરાવવાનો છે. જનપ્રતિનિધિઓ દ્વારા રજૂ કરવામાં આવતા પ્રશ્નો પ્રજાની વાસ્તવિક જરૂરિયાતો સાથે જોડાયેલા હોય છે, ત્યારે આવા પ્રશ્નોના ઉકેલ માટે વિભાગીય સંકલન અને સંવેદનશીલ અભિગમ જરૂરી છે. મંત્રીશ્રીએ સંબંધિત અધિકારીઓને તાલુકાના વિકાસ અને પ્રજાકલ્યાણ સાથે સંકળાયેલા પ્રશ્નોનું નિયમિત અનુસરણ કરી જરૂરી કાર્યવાહી સુનિશ્ચિત કરવા માર્ગદર્શન આપ્યું હતું.

બેઠકમાં લાલપુર પ્રાંત અધિકારીશ્રી સંજયસિંહ અસવાર, જામજોધપુર પ્રાંત અધિકારીશ્રી વાય.એન.બારડ, જિલ્લા પંચાયતના ઉપપ્રમુખશ્રી પરેશભાઈ હીરપરા, જિલ્લા પંચાયત અને તાલુકા પંચાયતના સદસ્યોશ્રી, આગેવાનો, અધિકારીશ્રીઓ વેગેરે ઉપસ્થિત રહ્યા હતા.

03/10/2026

'સેવા સંકલ્પ' અભિયાન અંતર્ગત જામનગર તાલુકાના ખારાબેરાજા ગામે ધારાસભ્યશ્રી રાઘવજીભાઈ પટેલના હસ્તે રૂ. ૨૦ લાખના વિવિધ વિકાસ કામોનું ખાતમુહૂર્ત કરાયું

પીએમ-અજય યોજના હેઠળ ભૂગર્ભ ગટર, પાણીની ટાંકી, સ્મશાન છાપરી અને સ્ટ્રીટલાઈટના કામોનું ખાતમુહૂર્ત, કલ્યાણકારી યોજના શિબિર તથા સ્વચ્છતા કાર્યક્રમ યોજાયો

જામનગર તા.૦૩, જામનગર જિલ્લાના જામનગર તાલુકાના ખારાબેરાજા ગામે ભારત સરકારની 'પ્રધાનમંત્રી અનુસૂચિત જાતિ અભ્યુદય યોજના' (PM-AJAY) ના 'પ્રધાનમંત્રી આદર્શ ગ્રામ યોજના' (PMAGY) કોમ્પોનન્ટ અંતર્ગત ગાંધી જયંતી નિમિત્તે 'સેવા સંકલ્પ' અભિયાન હેઠળ ગુજરાત સરકારના પૂર્વ કેબિનેટ મંત્રી અને જામનગર ગ્રામ્યના ધારાસભ્યશ્રી રાઘવજીભાઈ પટેલના હસ્તે ગામમાં ભૂગર્ભ ગટર, પાણીના ટાંકા, સ્મશાન છાપરી અને એલ.ઈ.ડી. સ્ટ્રીટલાઈટ સહિતના વિવિધ રૂ. ૨૦.૦૦ લાખના વિકાસ કામોનું ખાતમુહૂર્ત કરવામાં આવ્યું હતું.

આ કાર્યક્રમ દરમિયાન ગ્રામજનોને રાજ્ય સરકારની વિવિધ કલ્યાણકારી યોજનાઓની સરળતાથી જાણકારી મળી રહે તે માટે ખાસ માહિતી શિબિરનું પણ સુંદર આયોજન કરવામાં આવ્યું હતું અને સાથે જ ગામમાં સ્વચ્છતા કાર્યક્રમ યોજીને પરિસરની સફાઈ કરવામાં આવી હતી.

આ પ્રસંગે જિલ્લા પંચાયતના સામાજિક ન્યાય સમિતિના ચેરમેન શ્રીમતી લક્ષ્મીબેન વારસાકીયા, જામનગર તાલુકા પંચાયતના સામાજિક ન્યાય સમિતિના ચેરમેન શ્રી પ્રવીણભાઈ ચૌહાણ, કારોબારી સમિતિના ચેરમેનશ્રી વિનોદભાઈ, અનુસૂચિત જાતિ કલ્યાણ વિભાગના નાયબ નિયામક શ્રી અતુલભાઈ છાસીયા, તાલુકા વિકાસ અધિકારી શ્રી એન.બી. ચાવડા સહિત ગામના સરપંચ, ઉપસરપંચ, વિવિધ પદાધિકારીઓ અને મોટી સંખ્યામાં ગ્રામજનો ઉપસ્થિત રહ્યા હતા.
0000000

03/10/2026

ગાંધી જયંતી નિમિત્તે જામનગર જિલ્લામાં 'સેવા સંકલ્પ' અભિયાન અંતર્ગત વ્યાપક સ્વચ્છતા ઝુંબેશ યોજાઈ

જિલ્લા કલેક્ટરશ્રી પી.બી. પંડ્યાની આગેવાની હેઠળ અધિકારીઓ, કર્મચારીઓ અને નાગરિકોના સહિયારા પ્રયાસોથી ૪.૯૯ ટન કચરાનો થયો નિકાલ

જામનગર તા.૦૩, રાજ્ય સરકારના સ્વચ્છતા, સુશાસન અને પર્યાવરણ જાળવણીના સંકલ્પને સાકાર કરવાના હેતુથી 'સેવા સંકલ્પ' અભિયાન અંતર્ગત પૂજ્ય ગાંધીજીની જન્મજયંતી નિમિત્તે જિલ્લા કલેક્ટર શ્રી પી.બી. પંડ્યા દ્વારા જામનગર જિલ્લામાં વ્યાપક સ્વચ્છતા અભિયાન કાર્યક્રમનું વિશેષ આયોજન કરવામાં આવ્યું હતું.

આ ઝુંબેશ અંતર્ગત લહેર તળાવ ગોરધનપર, મામલતદાર કચેરીઓ, સબ રજિસ્ટ્રાર કચેરી, જિલ્લા સેવાસદન પરિસર તેમજ તમામ તાલુકા મહેસૂલી સેવાસદન પરિસરો ખાતે સઘન સફાઈ ઝુંબેશ હાથ ધરવામાં આવી હતી, જેમાં સર્વે પ્રાંત અધિકારીશ્રીઓ, મામલતદારશ્રીઓ અને મહેસૂલી કર્મચારીઓ ઉત્સાહભેર સહભાગી થયા હતા.

આ સમગ્ર આયોજનને સફળ બનાવવા માટે ૪૦ જેટલા પદાધિકારીઓ, ૩૮૦ થી વધુ કર્મચારીઓ અને ૪૦૦ થી વધુ જનભાગીદારી દ્વારા એકજૂથ થઈને સમગ્ર પરિસરોમાંથી અંદાજે ૪.૯૯ ટન જેટલા ઘન કચરાનો સુચારુ નિકાલ કરવામાં આવ્યો હતો. અધિકારીઓ અને કર્મચારીઓની ઉત્સાહભેર ભાગીદારીથી યોજાયેલા આ કાર્યક્રમે સમાજમાં 'સ્વચ્છ કચેરી અને સ્વચ્છ પરિસર'નો પ્રેરણાદાયી સંદેશો આપ્યો હતો અને પૂજ્ય બાપુને ખરા અર્થમાં સ્વચ્છાંજલિ રૂપે ભાવાંજલિ અર્પણ કરવામાં આવી હતી.
0000000

Info Jamnagar Gog

05/10/2026

05/10/2026

05/10/2026

05/10/2026

03/10/2026

03/10/2026

03/10/2026

03/10/2026

03/10/2026

Address

Opening Hours

Website

Alerts

Shortcuts

Share

Category

Listing takedown request

Monday	10:30am - 6:10pm
Tuesday	10:30am - 6:10pm
Wednesday	10:30am - 6:10pm
Thursday	10:30am - 6:10pm
Friday	10:30am - 6:10pm
Saturday	10:30am - 6:10pm