http://www.thrissurruralpolice.gov.in/

Thrissur Rural Police, Irinjalakuda (2026)

31/05/2026

പുതിയ അധ്യയന വർഷത്തിലേക്ക് പ്രവേശിക്കുന്ന എല്ലാ വിദ്യാർത്ഥികൾക്കും തൃശ്ശൂർ റൂറൽ പോലീസിന്റെ ഹൃദയം നിറഞ്ഞ ആശംസകൾ… 🌸

31/05/2026

ദീർഘകാലത്തെ പ്രശംസനീയമായ സേവനത്തിന് ശേഷം, 2026 മെയ് 31-ന് സർവീസിൽ നിന്നും വിരമിക്കുന്ന പ്രിയപ്പെട്ട പോലീസുദ്യോഗസ്ഥർക്ക് തൃശ്ശൂർ റൂറൽ ജില്ലാ പോലീസിന്റെ ആശംസകൾ..."

31/05/2026

🚭 ലോക പുകയില വിരുദ്ധ ദിനം 🚭
May 31
പുകച്ചു കളയാനുള്ളതല്ല ജീവിതം...

31/05/2026

*"തൂഫാൻ; ദ നാർക്കോ ഹണ്ട്", 'നമുക്ക് ലഹരിയുടെ വേരറുക്കാം' എന്ന കാപ്ഷനുകളോടെ നെയിം സ്ലിപ്പുകൾ വിതരണം ചെയ്യും*

*കേരള പോലീസ് സംസ്ഥാനവ്യാപകമായി നടപ്പിലാക്കുന്ന മയക്കുമരുന്ന് വിരുദ്ധ പ്രവർത്തനങ്ങളുടെ ഭാഗമായാണ് തൃശ്ശൂർ റൂറൽ ജില്ലയിലെ 500 സ്കൂളുകളിലെ കുട്ടികൾക്കായി നെയിം സ്ലിപ്പുകൾ വിതരണം ചെയ്യുന്നത്.*

*നെയിംസ്ലിപ്പുകളുടെ ജില്ലാതല വിതരണ ഉദ്ഘാടനം സ്കൂൾ പ്രവേശനോത്സവത്തോടനുബന്ധിച്ച് മാള കോട്ടക്കൽ എസ്. സി.ജി.എച്ച്.എസ് ൽ വെച്ച് യുവജന ക്ഷേമ, കായിക, രജിസ്ട്രേഷൻ വകുപ്പ് മന്ത്രി അഡ്വ. ഒ ജെ ജനീഷ് നിർവഹിക്കും*

ഇരിങ്ങാലക്കുട : ഇന്ത്യയുടെ ഭാവി വാഗ്ദാനങ്ങളായ വിദ്യാർത്ഥി സമൂഹത്തെ ലഹരിയുടെ കരാളഹസ്തങ്ങളിൽ നിന്നും സംരക്ഷിക്കാൻ ലക്ഷ്യമിട്ട് കേരള പോലീസ് സംസ്ഥാനവ്യാപകമായി നടപ്പിലാക്കുന്ന മയക്കുമരുന്ന് വിരുദ്ധ പ്രവർത്തനങ്ങളുടെ ഭാഗമായാണ് *"തൂഫാൻ; ദ നാർക്കോ ഹണ്ട്"* എന്ന പദ്ധതിക്ക് രൂപം നൽകിയിരിക്കുന്നത്. ലഹരി വിരുദ്ധ പ്രവർത്തനങ്ങളുടെ ഭാഗമായി ലഹരിവിരുദ്ധ സന്ദേശങ്ങളും പോലീസിന്റെ അടിയന്തര ഹെൽപ്പ്‌ലൈൻ നമ്പറുകളും ആലേഖനം ചെയ്ത നെയിം സ്ലിപ്പുകളാണ് തൃശ്ശൂർ റൂറൽ ജില്ലയിലെ 500 സ്കൂളുകളിലെ കുട്ടികൾക്കായി വിതരണം ചെയ്യുന്നത്. സ്കൂൾ പ്രവേശനോത്സവത്തോടനുബന്ധിച്ച് കുട്ടികൾക്ക് ഇത്തരത്തിൽ ലഹരിവിരുദ്ധ സന്ദേശങ്ങൾ അടങ്ങിയ നെയിം സ്ലിപ്പുകൾ വിതരണം ചെയ്യുക എന്നത് തൃശ്ശൂർ റൂറൽ ജില്ലാ പോലീസ് മേധാവി ശ്രീ. ബി. കൃഷ്ണകുമാർ ഐ.പി.എസ്.-ന്റെ ആശയമാണ്. പുസ്തകങ്ങളിൽ ഒട്ടിക്കുന്ന ഈ നെയിം സ്ലിപ്പുകൾ വഴി കുട്ടികളിലേക്കും അതുവഴി അവരുടെ കുടുംബങ്ങളിലേക്കും പോലീസിന്റെ സുരക്ഷാ സന്ദേശങ്ങൾ നേരിട്ടെത്തുമെന്നതിനാൽ, ഇത് വിദ്യാർത്ഥികളിലും രക്ഷിതാക്കളിലും ഒരുപോലെ വലിയ സുരക്ഷാബോധവും ജാഗ്രതയും വളർത്താൻ സഹായിക്കും.

ലഹരി മാഫിയകൾക്കെതിരെ ശക്തമായ പോരാട്ടം നയിക്കുന്നതിനൊപ്പം, കുട്ടികളുടെ മാനസിക ഉല്ലാസത്തിനും സുരക്ഷയ്ക്കും വേണ്ടി കേരള പോലീസ് നടപ്പിലാക്കുന്ന 'ചിരി’ ഹെൽപ്പ് ലൈൻ നമ്പർ *(9497900200)*, ചൈൽഡ്‌ലൈൻ നമ്പർ *(1098)*, സാമ്പത്തിക സൈബർ തട്ടിപ്പുകൾക്കെതിരെയുള്ള ദേശീയ സൈബർ ക്രൈം ഹെൽപ്പ്‌ലൈൻ നമ്പർ *(1930)*, അടിയന്തിര സാഹചര്യങ്ങളിൽ സഹായം തേടാനുള്ള പോലീസ് കൺട്രോൾ റൂം നമ്പർ *(112)* എന്നിവയും ഈ നെയിം സ്ലിപ്പുകളിൽ രേഖപ്പെടുത്തിയിട്ടുണ്ട്. കൂടാതെ, അഴിമതിക്കെതിരെയുള്ള പ്രത്യേക പദ്ധതിയായ *'പ്രോജക്റ്റ് സീറോ'യുടെ ഹെൽപ്പ് ലൈൻ നമ്പറായ 1064*-ഉം നെയിം സ്ലിപ്പുകളിൽ ഉൾപ്പെടുത്തിയിട്ടുണ്ട് എന്നത് ശ്രദ്ധേയമാണ്.

വിദ്യാർത്ഥികളുടെ ശാരീരികവും മാനസികവുമായ ആരോഗ്യം സംരക്ഷിക്കുക എന്നത് സമൂഹത്തിന്റെ നിലനിൽപ്പിന് തന്നെ അത്യാവശ്യമാണ്. ഇന്നത്തെ സമൂഹത്തിൽ മയക്കുമരുന്നും മാരകമായ രാസലഹരികളും വലിയ ദുരന്തങ്ങളാണ് വിതയ്ക്കുന്നത്. കൗതുകത്തിന് വേണ്ടി ഒരു തവണ മാത്രം ഉപയോഗിച്ചാൽ പോലും കടുത്ത അടിമത്തത്തിലേക്ക് നയിക്കുന്ന ഇത്തരം ലഹരിവസ്തുക്കൾ കുട്ടികളുടെ ഭാവിയും ജീവിതവും ഇരുളടഞ്ഞതാക്കി മാറ്റും. *വിദ്യാലയങ്ങളെയും കലാലയങ്ങളെയും ഈ ലഹരിവിപത്തിൽ നിന്ന് പൂർണ്ണമായും മോചിപ്പിക്കാനാണ് 'തൂഫാൻ; ദ നാർക്കോ ഹണ്ട്' എന്ന പദ്ധതിയിലൂടെ കേരളാ പോലീസ് ലക്ഷ്യമിടുന്നത്.*

സ്കൂൾ പരിസരങ്ങളിലോ സമൂഹത്തിലോ ലഹരി ഉപയോഗമോ വിപണനമോ ശ്രദ്ധയിൽപെട്ടാൽ പൊതുജനങ്ങൾക്കും വിദ്യാർത്ഥികൾക്കും വിവരങ്ങൾ ഉടനടി പോലീസിനെ അറിയിക്കാവുന്നതാണ്. ഇതിനായി പോലീസിന്റെ 'YODHAV' (യോദ്ധാവ്) വാട്‌സ്ആപ്പ് നമ്പർ ആയ 9995966666 ലേക്ക് 24 മണിക്കൂറും വിവരങ്ങൾ കൈമാറാം. ശബ്ദസന്ദേശം, ടെക്സ്റ്റ്, ഫോട്ടോ, വീഡിയോ വഴി മാത്രം വിവരങ്ങൾ കൈമാറാൻ സാധിക്കുന്ന ഈ സംവിധാനത്തിലൂടെ വിവരങ്ങൾ നൽകുന്ന വ്യക്തികളുടെ പേരോ മറ്റ് വിശദാംശങ്ങളോ പൂർണ്ണമായും അതീവ രഹസ്യമായി സൂക്ഷിക്കുമെന്നും, ലഹരിമുക്തമായ ഒരു നല്ല നാളേയ്ക്കായി എല്ലാവരും ഈ കാമ്പയിനിൽ പങ്കാളികളാകണമെന്നും തൃശ്ശൂർ റൂറൽ ജില്ലാ പോലീസ് മേധാവി ബി. കൃഷ്ണകുമാർ ഐ.പി.എസ്. അറിയിച്ചു.

29/05/2026

അടിയന്തരമായി പോലീസ് സേവനം ആവശ്യമായി വന്നാൽ ഉടൻ നിങ്ങൾക്ക് 112 എന്ന ഹെല്പ് ലൈൻ നമ്പറിൽ ബന്ധപ്പെടാം.

കേരളത്തിൽ എവിടെ നിന്ന് 112 ലേയ്ക്ക് വിളിച്ചാലും പോലീസ് ആസ്ഥാനത്തെ കേന്ദ്രീകൃത കണ്‍ട്രോള്‍ റൂമിലേയ്ക്കാവും കാൾ എത്തുന്നത്. ഉദ്യോഗസ്ഥർ അതിവേഗം വിവരങ്ങള്‍ ശേഖരിച്ച് സേവനമെത്തേണ്ട സ്ഥലത്തിന് സമീപമുള്ള പോലീസ് വാഹനത്തിലേയ്ക്ക് സന്ദേശം കൈമാറും.

ജിപിഎസ് സഹായത്തോടെ ഓരോ പോലീസ് വാഹനവും എവിടെയുണ്ടെന്ന് കണ്‍ട്രോള്‍ റൂമിൽ അറിയാനാകും. ആ വാഹനത്തിൽ ഘടിപ്പിച്ച ടാബിലേയ്ക്കാണ് സന്ദേശമെത്തിക്കുന്നത്. ഇതനുസരിച്ച് പോലീസുകാർക്ക് അതിവേഗം പ്രവർത്തിക്കാം. ജില്ലാ കണ്‍ട്രോള്‍ റൂമികളിലേയ്ക്കും സമാനമായി സന്ദേശം നൽകും.
ഔട്ട് ഗോയിങ് സൗകര്യം ഇല്ലാത്തതോ താത്കാലികമായി പ്രവർത്തന രഹിതമായിരിക്കുന്ന നമ്പറിൽ നിന്നും എമർജൻസി നമ്പറിലേയ്ക്ക് വിളിക്കാം എന്നോർക്കുക. മൊബൈൽ ഫോണുകളിൽ നിന്നും ലാൻഡ് ഫോണിൽ നിന്നും ഈ സൗകര്യം ലഭ്യമാണ്. പോലീസിന്റെ ഔദ്യോഗിക മൊബൈൽ ആപ്പായ പോൽ ആപ്പിലെ SoS ബട്ടൺ വഴിയും നിങ്ങൾക്ക് ഈ സേവനം പ്രയോജനപ്പെടുത്താം.

അടിയന്തരസഹായങ്ങൾക്ക് വേണ്ടി മാത്രം ഈ സേവനം പ്രയോജനപ്പെടുത്താൻ പ്രത്യേകം ശ്രദ്ധിക്കണം.
#112

28/05/2026

*തൂഫാൻ, ദി നാർക്കോ ഹണ്ട്; മുന്നൊരുക്കവുമായി തൃശ്ശൂർ റൂറൽ പോലീസ്*

*മയക്കുമരുന്ന് കടത്തിലൂടെ സമ്പാദിച്ച സ്വത്തുക്കൾ കണ്ടുകെട്ടാൻ ഉത്തരവ്; തൃശൂർ റൂറലിൽ ലഹരിപ്പണം കൊണ്ട് വാങ്ങിയ യമഹ എം ടി മോട്ടോർ സൈക്കിളും, ബാങ്ക് അക്കൗണ്ടിലുള്ള പണവും കണ്ടുകെട്ടി*

*തൃശ്ശൂർ റൂറൽ ജില്ലാ പോലീസ് മേധാവി ബി കൃഷ്ണകുമാർ ഐപി എസ് നൽകിയ റിപ്പോർട് പ്രകാരമാണ് നടപടി*

ഇരിങ്ങാലക്കുട: മയക്കുമരുന്ന് കടത്തിലൂടെ പ്രതികൾ അനധികൃതമായി സമ്പാദിച്ച സ്വത്തുക്കൾ കണ്ടുകെട്ടാൻ ചെന്നൈയിലെ കോംപിറ്റന്റ് അതോറിറ്റിയുടെ (Competent Authority - SAFEM (FOP)A & NDPSA) ഉത്തരവ്. തൃശൂർ റൂറൽ ജില്ലാ പോലീസ് മേധാവി ബി. കൃഷ്ണകുമാർ ഐ.പി.എസ് സമർപ്പിച്ച അന്വേഷണ റിപ്പോർട്ടിന്റെ അടിസ്ഥാനത്തിലാണ് നടപടി. പ്രതിയുടെ ബാങ്ക് അക്കൗണ്ടിലുണ്ടായിരുന്ന പണവും, മയക്കുമരുന്ന് വിൽപ്പനയിലൂടെ അനധികൃതമായി സമ്പാദിച്ച പണം കൊണ്ട് വാങ്ങിയതുമായ യമഹ എംടി മോട്ടോർ സൈക്കിളുമാണ് കണ്ടുകെട്ടിയത്.

എൻ.ഡി.പി.എസ് (NDPS) നിയമത്തിലെ വകുപ്പ് 68 F പ്രകാരമാണ് ഈ നടപടി സ്വീകരിച്ചിരിക്കുന്നത്.

ചാലക്കുടി നഗരമധ്യത്തിൽ വിൽപ്പനയ്ക്കായി എത്തിച്ച മാരക മയക്കുമരുന്നായ എം.ഡി.എം.എ.യുമായി മറ്റത്തൂർ കൊടകര കാവനാട് സ്വദേശി ചള്ളിയിൽ വീട്ടിൽ അഭിജിത് (21) എന്നയാളെ തൃശൂർ റൂറൽ പോലീസ് മുൻപ് പിടികൂടിയിരുന്നു. ചാലക്കുടി കെ.എസ്.ആർ.ടി.സി സ്റ്റാന്റിന് സമീപമുള്ള ഗോൾഡൻ നഗറിൽ വെച്ചായിരുന്നു അറസ്റ്റ്. തുടർന്ന് പോലീസ് നടത്തിയ വിശദമായ അന്വേഷണത്തിലാണ്, ഇയാൾ ഉപയോഗിച്ചിരുന്ന യമഹ എം ടി മോട്ടോർ സൈക്കിൾ മയക്കുമരുന്ന് കച്ചവടത്തിലൂടെ ലഭിച്ച അനധികൃത പണം ഉപയോഗിച്ച് വാങ്ങിയതാണെന്ന് കണ്ടെത്തിയത്. ഇതേതുടർന്നാണ് ബൈക്ക് കണ്ടുകെട്ടാൻ ഉത്തരവായത്.

വോക്സ് വാഗൺ പോളോ കാറിൽ ആറ് കിലോയോളം കഞ്ചാവുമായി ചാലക്കുടി മൂഞ്ഞേലി അമ്പൂക്കൻ വീട്ടിൽ ജിത്തു വർഗ്ഗീസ് (28), തിരുത്തിപറമ്പ് ചില്ലായി വീട്ടിൽ ഷൈൻ ഷിജു (25) എന്നിവരെ ആളൂർ പോലീസ് സ്‌റ്റേഷൻ പരിധിയിൽ കൊമ്പിടിഞ്ഞാമാക്കൽ വെച്ച് പോലീസ് പിടികൂടിയിരുന്നു. ഈ കേസിൽ നടത്തിയ തുടരന്വേഷണത്തിലാണ് പ്രതിയായ ജിത്തു വർഗ്ഗീസിന്റെ ബാങ്ക് അക്കൗണ്ടിലുള്ള പണം മയക്കുമരുന്ന് കടത്തിലൂടെ അനധികൃതമായി സമ്പാദിച്ചതാണെന്ന് പോലീസ് കണ്ടെത്തിയത്. ഈ തുകയാണ് ഇപ്പോൾ കണ്ടുകെട്ടിയിരിക്കുന്നത്.

27/05/2026

ഏവർക്കും തൃശ്ശൂർ റൂറൽ പോലീസിന്റെ ബക്രീദ് ആശംസകൾ..
#2026

26/05/2026

പോലീസിന്റെ സേവനങ്ങളുമായി ബന്ധപ്പെട്ട് അഴിമതി ശ്രദ്ധയിൽപ്പെടുകയാണെങ്കിൽ താഴെപ്പറയുന്ന നമ്പറുകളിൽ അറിയിക്കേണ്ടതാണ്..
ടോള്‍ ഫ്രീ - 1064, 8592900900
വാട്സാപ്പ് - 9447789100

26/05/2026

തൂഫാൻ, ദി നാർക്കോ ഹണ്ട്
മുന്നൊരുക്കമായി തൃശ്ശൂർ റൂറൽ പോലീസ് 41 കേസുകൾ രജിസ്റ്റർ ചെയ്തു; 43 പ്രതികളെ അറസ്റ്റ് ചെയ്തു.

ബാല നീതി നിയമത്തിലെ ജാമ്യമില്ലാ വകുപ്പ് (77 of Juvanile Justice Act) പ്രകാരം അഞ്ച് പ്രതികളെയും രാസ ലഹരിയുമായി പിടികൂടിയ നാല് പ്രതികളടക്കം ആകെ ഒമ്പത് പ്രതികളെ റിമാന്റ് ചെയ്ത് ജയിലിലേക്കയച്ചു.

ലഹരി വസ്ത്തുക്കളുടെ വിണനവും ഉപഭോഗവും തടയുന്നതിനായി ജില്ലാ പോലീസ് മോധാവി ബി കൃഷ്ണകുമാർ ഐ പി എസ് ന്റെ നേതൃത്വത്തിൽ നടത്തിയ സ്പെഷ്യൽ ഡ്രൈവിൽ കഞ്ചാവ്, എം ഡി എം എ, എൽ എസ് ഡി സ്റ്റാമ്പ്, നിരോധിത പുകയില ഉത്പന്നങ്ങൾ എന്നിവയാണ് വൻതോതിൽ പിടികൂടിയത്

ഇരിങ്ങാലക്കുട : തൃശ്ശൂർ റൂറൽ ജില്ലാ പോലീസ് പരിധിയിൽ ലഹരിവസ്തുക്കളുടെ വിൽപ്പനയും ഉപഭോഗവും തടയുന്നതിനായി ശക്തമായ നടപടികളുമായി തൃശ്ശൂർ റൂറൽ പോലീസ്. തൃശ്ശൂർ റൂറൽ ജില്ലാ പോലീസ് മേധാവി ബി. കൃഷ്ണകുമാർ ഐ.പി.എസ്-ന്റെ നേതൃത്വത്തിൽ ജില്ലയിലുടനീളം ലഹരി സ്പെഷ്യൽ ഡ്രൈവ് നടത്തി.

ജില്ലാ പോലീസ് മേധാവിയുടെ കീഴിലുള്ള ലഹരിവിരുദ്ധ സ്പെഷ്യൽ സ്ക്വാഡായ ഡാൻസാഫും (DANSAF) തൃശ്ശൂർ റൂറൽ പോലീസും സംയുക്തമായി ജില്ലയിലെ വിവിധ സ്റ്റേഷൻ പരിധികളിലായി എഴുപതോളം കേന്ദ്രങ്ങളിലാണ് റെയ്ഡുകൾ നടത്തിയത്. ലഹരിവേട്ടയിൽ വിവിധ സ്റ്റേഷനുകളിലായി ആകെ 41 കേസുകൾ രജിസ്റ്റർ ചെയ്യുകയും ഒമ്പത് പ്രധാന പ്രതികളെ അറസ്റ്റ് ചെയ്ത് റിമാൻഡ് ചെയ്യുകയും ചെയ്തു.

പരിശോധനയിൽ മാരക രാസലഹരിയായ എം.ഡി.എം.എ (M**A), കഞ്ചാവ്, എൽ.എസ്.ഡി (L*D), ഒപ്പം വിപണിയിൽ നിരോധിച്ച വിവിധയിനം പുകയില ഉൽപ്പന്നങ്ങൾ എന്നിവ വൻതോതിൽ പിടികൂടിയിട്ടുണ്ട്. ബാല നീതി നിയമത്തിലെ ജാമ്യമില്ലാ വകുപ്പ് (77 of Juvanile Justice Act) പ്രകാരം 5 കേസുകളും, രാസലഹരികൾ വിൽപ്പനക്കായി കൈവശം സൂക്ഷിച്ചതിന് 3 കേസ്സുകളും, നിരോധിത പുകയില ഉൽപ്പന്നങ്ങൾ വിൽപ്പനക്കായി സൂക്ഷിച്ചതിന് 5 കേസുകളും, മയക്ക്മരുന്ന് ഉപയോഗിച്ചതുമായി ബന്ധപ്പെട്ട് 28 കേസുകളുമാണ് വിവിധ പോലീസ് സ്റ്റേഷനുകളിലായി ലഹരി വിരുദ്ധ സ്പെഷ്യൽ ഡ്രൈവിന്റെ ഭാഗമായി രജിസ്റ്റർ ചെയ്തത്.

• കൊടകര : പാഴ്‌സൽ സർവീസിന്റെ മറവിൽ ബാംഗ്ലൂരിൽനിന്ന് എറണാകുളത്തേക്ക് ഐഷർ ലോറിയിൽ കടത്തുകയായിരുന്ന 198.3 ഗ്രാം എം.ഡി.എം.എ.യും (M**A) നാല് എൽ.എസ്.ഡി. (L*D) സ്റ്റാമ്പുകളും ആയി അറസ്റ്റ് ചെയ്ത ചെന്ത്രാപ്പിന്നി എടമുട്ടം പുളിഞ്ചോട് സ്വദേശി മംഗലത്ത് വീട്ടിൽ മുഹമ്മദ് ഫാസിൽ (35) കോടതിയിൽ ഹാജരാക്കി റിമാന്റ് ചെയ്തു.

• ചാലക്കുടി : കുട്ടികൾക്ക് വിൽപ്പന നടത്തുന്നതിനായി കഞ്ചാവ് സൂക്ഷിച്ച കേസിൽ ചാലക്കുടി പോട്ടച്ചിറയിൽ വെച്ച് അറസ്റ്റ് ചെയ്ത ചാലക്കുടി പോട്ട സ്വദേശി പല്ലാടൻ വീട്ടിൽ പ്രണവ് (27), എന്നയാളെ കോടതിയിൽ ഹാജരാക്കി റിമാന്റ് ചെയ്തു.

• മാള : കുട്ടികൾക്ക് വിൽപ്പന നടത്തുന്നതിന് കഞ്ചാവ് സൂക്ഷിച്ച കേസിൽ മാള ചെന്തുരുത്തിയിൽ വെച്ച് അറസ്റ്റ് ചെയ്ത മാള പള്ളിപ്പുറം സ്വദേശി കലക്കശ്ശേരി വീട്ടിൽ അതുൽ (24), എന്നയാളെ കോടതിയിൽ ഹാജരാക്കി റിമാന്റ് ചെയ്തു.

• ചേർപ്പ് : കുട്ടികൾക്ക് വിൽപ്പന നടത്തുന്നതിന് കഞ്ചാവ് സൂക്ഷിച്ച കേസിൽ ചേർപ്പ് അമ്മാടം ബസ് സ്റ്റോപ്പിന് സമീപത്ത് വെച്ച് അറസ്റ്റ് ചെയ്ത പാറളം വെങ്ങിണിശ്ശേരി സ്വദേശി മഠത്തോളി വീട്ടിൽ അശ്വിൻ (24), എന്നയാളെ കോടതിയിൽ ഹാജരാക്കി റിമാന്റ് ചെയ്തു.

• മതിലകം : കുട്ടികൾക്ക് വിൽപ്പന നടത്തുന്നതിന് നിരോധിത പുകയില ഉൽപ്പന്നങ്ങൾ സൂക്ഷിച്ചതിന് മതിൽമൂലയിൽ വെച്ച് അറസ്റ്റ് ചെയ്ത ഉത്തർപ്രദേശ് ദേവരീയ ജില്ല സ്വദേശി ബോല (60), എന്നയാളെ കോടതിയിൽ ഹാജരാക്കി റിമാന്റ് ചെയ്തു.

• കൊടുങ്ങല്ലൂർ: കുട്ടികൾക്ക് വിൽപ്പന നടത്തുന്നതിന് നിരോധിത പുകയില ഉൽപ്പന്നങ്ങൾ സൂക്ഷിച്ചതിന് കൊടുങ്ങല്ലൂർ കാവിൽ കടവിൽ വെച്ച് അറസ്റ്റ് ചെയ്ത കാവിൽ കടവ് സ്വദേശി തടുവുങ്ങൽ വീട്ടിൽ നൂറുദ്ദീൻ (40) എന്നയാളെ കോടതിയിൽ ഹാജരാക്കി റിമാന്റ് ചെയ്തു.

• കൊടുങ്ങല്ലൂർ: രാസലഹരിയായ M**A വിൽപ്പനയ്ക്കായി കൈവശം സൂക്ഷിച്ചതിന് എറിയാട് അബ്ദുള്ള റോഡിൽ നിന്നും അറസ്റ്റ് ചെയ്ത കൊടുങ്ങല്ലൂർ അബ്ദുള്ള റോഡ് സ്വദേശികളായ മുനക്കൽ വീട്ടിൽ തസ്ലിം (31), വലിയകത്ത് വീട്ടിൽ ഫൈസൽ (33) എന്നിവരെ കോടതിയിൽ ഹാജരാക്കി റിമാന്റ് ചെയ്തു.

• ചാലക്കുടി : രാസലഹരിയായ M**A വിൽപ്പനയ്ക്കായി കൈവശം സൂക്ഷിച്ചതിന് ചാലക്കുടി പോട്ടച്ചിറയിൽ നിന്ന് അറസ്റ്റ് ചെയ്ത മറ്റത്തൂർകുന്ന് സ്വദേശി ചള്ളിയിൽ വീട്ടിൽ അബിജിത്ത് (22) എന്നയാളെയും കോടതിയിൽ ഹാജരാക്കി റിമാന്റ് ചെയ്തു.

ജില്ലാ പോലീസ് മേധാവിയുടെ കീഴിലുള്ള ലഹരിവിരുദ്ധ സ്പെഷ്യൽ സ്ക്വാഡായ ഡാൻസാഫ് (DANSAF) ടീമിലെ പോലീസ് ഉദ്ദ്യോഗസ്ഥരും ആളൂർ, അന്തിക്കാട്, ചാലക്കുടി, ചേർപ്പ്, ഇരിങ്ങാലക്കുട, കൈപ്പമംഗലം, കൊടകര, കാട്ടൂർ, കൊടുങ്ങല്ലൂർ, മാള, മതിലകം, പുതുക്കാട്, വാടാനപ്പിള്ളി, വരന്തപ്പിള്ളി, വെള്ളിക്കുളങ്ങര എന്നീ പോലീസ് സ്റ്റേഷനുകളിലെ എസ് എച്ച് ഒ മാരും മറ്റ് പോലീസുദ്ദ്യോഗസ്ഥരുമാണ് അന്വേഷണ സംഘങ്ങളിലുണ്ടായിരുന്നത്.

Thrissur Rural Police

31/05/2026

31/05/2026

31/05/2026

31/05/2026

29/05/2026

28/05/2026

27/05/2026

26/05/2026

26/05/2026

Address

Telephone

Website

Alerts

Contact The Organization

Shortcuts

Share

Category