Madiga Hakkula Dandora

13/06/2026

12/06/2026

*మాదిగ ల సంక్షేమాన్ని విస్మరిస్తున్న ప్రభుత్వం వైఖరి మార్చుకోవాలి లేకుంటే మూల్యం చెంల్లించుకోవసిందే: మాదిగ హక్కుల దండోరా*

ఈరోజు ఉస్మానియా యూనివర్సిటీలోని సెంటర్ ఫర్ ఇంటర్నేషనల్ స్టడీస్ లో నిర్వహించిన రాష్ట్ర కార్యవర్గ సమావేశం నిర్వహించడం జరిగింది.

ఈ సమావేశంలో *జాతీయ అధ్యక్షులు దండు సురేందర్ మాదిగ గారు , రాష్ట్ర అధ్యక్షులు కొంగర శంకర్ మాదిగ* గారు మాట్లాడుతూ రాష్ట్రంలో దళితుల సంక్షేమం పూర్తిగా నిర్లక్ష్యానికి గురైందని, ఎన్నికల సమయంలో ఇచ్చిన హామీలను ప్రభుత్వం అమలు దళితుల అభ్యున్నతి కోసం ఏర్పాటు చేసిన ఎస్సీ కార్పొరేషన్ ద్వారా సంక్షేమ కార్యక్రమాలు దాదాపు సున్నాకే పరిమితమయ్యాయని, దళితుల అభివృద్ధికి కీలకమైన ఎస్సీ సబ్ ప్లాన్ నిధుల వినియోగంపై ప్రభుత్వం స్పష్టత ఇవ్వడం లేదని విమర్శించారు.రాష్ట్ర వ్యాప్తంగా దళితుల భూములు , లిడ్ క్యాప్ (LIDCAP) భూములు కబ్జాలకు గురవుతున్నా ప్రభుత్వం పట్టించుకోవడం లేదు. దళితుల ఆర్థిక, సామాజిక అభివృద్ధికి తీసుకోవాల్సిన చర్యలు చేపట్టకుండా ఫీజు రీయింబర్స్మెంట్ నిధులు విడుదల చేయకుండా ప్రభుత్వం నిర్లక్ష్యంగా వ్యవహరిస్తోంది.ఇలాంటి పరిస్థితుల్లో దళిత యువత ఉపాధి అవకాశాలు కోల్పోతున్నారని పేర్కొంటూ, మాదిగ హక్కుల దండోరా ఆధ్వర్యంలో రాష్ట్రంలోని అన్ని జిల్లాలకు చెందిన ఎస్సీ నిరుద్యోగ యువత మరియు మహిళలకు ఉచిత నైపుణ్య శిక్షణ – ఉచిత ఉపాధి కల్పన కార్యక్రమం నిర్వహిస్తున్నట్లు తెలిపారు.
ఈ కార్యక్రమంలో Junior Software Developer, IT Helpdesk Attendant, Key Consignor Executive కోర్సుల్లో మూడు నెలల శిక్షణ అందించబడుతుందని, శిక్షణ పూర్తయిన వారికి ప్రైవేట్ రంగంలో ఉద్యోగ అవకాశాలు కల్పించేందుకు చర్యలు తీసుకుంటామని చెప్పారు. అభ్యర్థులకు ఉచిత హాస్టల్ వసతి, ఉచిత భోజన సౌకర్యం కూడా కల్పించబడుతుందని తెలిపారు.18 నుండి 35 సంవత్సరాల మధ్య వయస్సు గల ఎస్సీ యువతీ యువకులు ఈ అవకాశాన్ని సద్వినియోగం చేసుకోవాలని పిలుపునిచ్చారు. దళిత యువత స్వయం ఉపాధి, ఉద్యోగ అవకాశాల ద్వారా ఆర్థికంగా ఎదగడానికి మాదిగ హక్కుల దండోరా ఎల్లప్పుడూ కృషి చేస్తుందని పేర్కొన్నారు.
అర్హులైన అభ్యర్థులు కుల ధృవీకరణ పత్రం, ఆదాయ ధృవీకరణ పత్రం, ఆధార్ కార్డు, ఇంటర్మీడియట్ మెమో, బ్యాంక్ పాస్‌బుక్, పాన్ కార్డు మరియు పాస్‌పోర్ట్ సైజు ఫోటోలతో దరఖాస్తు చేసుకోవాలని సూచించారు.సంప్రదించవలసిన నంబర్లు:📞 9100449109📞 8309302926 📞 8465046265 ఈ సమావేశంలో మాదిగ హక్కుల దండోరా వర్కింగ్ ప్రెసిడెంట్ చిలుక రాజనర్సు మాదిగ , రాష్ట్ర వర్కింగ్ ప్రెసిడెంట్ చింతల శ్యామ్ మాదిగ గారు,రాష్ట్ర ఉపాధ్యక్షుడు గంగారాం రమేష్ ,రాష్ట్ర కార్యదర్శి వరికిల్ల రాజయ్య , ,సల్మాన్ మాదిగ రాష్ట్ర ప్రధాన కార్యదర్శి, కరీంనగర్ జిల్లా అధ్యక్షులు రేణికుంట్ల కుమార్ మాదిగ ,మంచిర్యాల జిల్లా ప్రధాన కార్యదర్శి ఆకునూరి రాజకుమార్ మాదిగ,గోగర్ల శేఖర్ మాదిగ జిల్లా అధికార ప్రతినిధి, రత్నం ప్రవీణ్ మాదిగ జిల్లా సీనియర్ నాయకులు, మోతె స్వామి మాదిగ ,mhd మందమర్రి పట్టణ అధ్యక్షులు కొలుగురి విజయ్ కుమార్ మాదిగ ,, కరీంనగర్ సీనియర్ నాయకులు వడ్డేపల్లి శ్రీనివాస్ మాదిగ , జమ్మికుంట పట్టణ అధ్యక్షుడు దొడ్డే రాజు మాదిగ,మారుముళ్ల లక్ష్మణ్ మాదిగ ,ఇమెడి రాజు మాదిగ,కుమ్మరి సాంబయ్య మాదిగ ,దాసరిరామస్వామి మాదిగ తదితరులు పాల్గొన్నారు

14/04/2026

*ఎడ్యుకేట్ కాదు …అగిటేట్ కూడా కావాలి!: మాదిగ హక్కుల దండోరా రాష్ట్ర అధ్యక్షులు కొంగరి శంకర్ మాదిగ*

ఈ రోజు ఉస్మానియా యూనివర్సిటీ ఆర్ట్స్ కళాశాల ఆవరణలో మాదిగ స్టూడెంట్ యూనియన్ స్టేట్ కో-ఆర్డినేటర్ బొర్ర శాంతి కుమార్ మాదిగ గారి ఆధ్యర్యంలో నిర్వహించిన భారత రత్న,రాజ్యాంగ నిర్మాత *ప్రపంచ మేధావి,డాక్టర్ బి.ఆర్ అంబేద్కర్ గారి *135 వ జయంతి వేడుకలలో ముఖ్య అతిథి గా మాదిగ హక్కుల దండోరా రాష్ట్ర అధ్యక్షులు కొంగరి శంకర్ మాదిగ* గారు పాల్గొని పూలమాలవేసి ఘనమైన నివాళులు అర్పించారు.అనంతరం టపాకాయలతో అంబేద్కర్ గారి జయంతి వేడుకలు ఘనంగా జరుపుకొని, ఆర్ట్స్ కాలేజీ నుండి ట్యాంక్ బండ్ వరకు బైక్ ర్యాలీ
నిర్వహించారు,అనంతరం ట్యాంక్ బండ్ లో గల అంబేడ్కర్ గారి విగ్రహానికి పూలమాల తో నివాళి అర్పించారు …
ఈ సందర్భంగా వారు మాట్లాడుతూ ఈరోజు సాధారణ రోజు కాదు!
ఈ రోజు చరిత్రను మళ్లీ గుర్తు చేసుకునే రోజు...చరిత్రను మళ్లీ రాసే సంకల్పం తీసుకునే రోజు!ప్రపంచ మేధావి, భారత రాజ్యాంగ శిల్పి,సమానత్వానికి ప్రతీక అయిన డాక్టర్ బాబాసాహెబ్ అంబేద్కర్ గారి 135వ జయంతి సందర్భంగా ఉస్మానియా యూనివర్సిటీ ఆర్ట్స్ కళాశాల ఆవరణలో సభలో మీతో పాటు పాల్గొనడం నాకు సంతోషంగా ఉంది!అంబేద్కర్ గారు ఒక వ్యక్తి కాదు…ఆయన ఒక విప్లవం ఆయన ఒక సిద్ధాంతం!ఆయన ఒక యుద్ధం! రాజ్యాంగ స్ఫూర్తిని కాపాడుకోవాల్సిన బాధ్యత మన మీద ఉంది .ఆయన మనకు చెప్పినది ఒక్కటే —
“Educate, Agitate, Organize”
కానీ మనం అడగాలి…
ఈ రోజు మన సమాజం ఎక్కడ ఉంది?మాదిగల హక్కులు ఎక్కడ ఉన్నాయి?సమానత్వం ఎక్కడ ఉంది?ఇప్పటికీ మాదిగలకు న్యాయం జరగలేదు!ఇప్పటికీ మాదిగలు దోపిడీకి గురవుతున్నారు!ఇప్పటికీ మన హక్కులను ఎవరో దోచుకుంటున్నారు!మేము ఇక మౌనం పాటించం! మాదిగల కు రావలసిన sc సబ్ ప్లాన్ నిధులను మళ్లించకుండా వారి సంక్షేమం కోసమే వాడాలి. మాదిగల హక్కుల కోసం వీధుల్లోనైనా… యూనివర్సిటీల్లోనైనా… అసెంబ్లీల ముందు అయినా పోరాటం చేస్తాం!విద్యార్థులారా…
మీ చేతుల్లోనే భవిష్యత్తు ఉంది!
మీరు చదవాలి…కానీ చదువు కేవలం ఉద్యోగం కోసం కాదు చదువు ఒక ఆయుధం సమాజాన్ని మార్చే శక్తి!మీరు ప్రశ్నించాలి!మీరు ఎదిరించాలి!
మీరు వ్యవస్థను కదిలించాలి అంబేద్కర్ గారు మనకు ఇచ్చిన రాజ్యాంగం పుస్తకాలలో ఉండటానికి కాదు…ప్రజల జీవితాల్లో అమలు కావడానికి!
కానీ ఈ దేశంలో…అంబేద్కర్ పేరు చెప్పేవాళ్లు చాలా మంది ఉన్నారు…ఆయన ఆలోచనలు అమలు చేసే వాళ్లు ఎంత మంది?
ఇది మిమ్మల్ని ఆలోచింప చేయాలి!
ఇది మిమ్మల్ని కదిలిలించాలి. ఈ కార్యక్రమంలో తెలంగాణ జనసమితి విద్యార్థి విభాగం రాష్ట్ర అధ్యక్షులు మాసమ్ పల్లి అరుణ్ కుమార్ గారు,ఉస్మానియా యూనివర్సిటీ విద్యార్థి నాయకులు ,మరియు విద్యార్థులు నితిన్ మాదిగ ,శశి కుమార్ మాదిగ,మల్లేష్ మాదిగ తదితరులు పాల్గొన్నారు

14/04/2026

భారత రాజ్యాంగ నిర్మాత, ప్రపంచ మేధావి అణగారిన వర్గాల జీవితాలలో వెలుగులు నింపిన సూర్యుడు ,సామాజిక న్యాయం, సమానత్వ రూపశిల్పి, భారత ఆర్థిక వ్యవస్థను పటిష్టం చేసిన డా౹౹ బి.ఆర్ అంబెడ్కర్ గారి 135 వ జయంతి శుభాకాంక్షలు

11/04/2026

*సమానత్వ పోరాటానికి చిహ్నం ఫూలే*

*- మాదిగ హక్కుల దండోరా జాతీయ అధ్యక్షులు దండు సురేందర్ మాదిగ గారు*
- *రాష్ట్ర అధ్యక్షులు కొంగరి శంకర్ మాదిగ గారు*

మానవ సమానత్వానికి శాసనంలా నిలిచిన మహనీయుడు, శతాబ్దాలుగా మూఢనమ్మకాల పేరుతో అణచివేతకు గురైన బహుజనుల గుండెల్లో వెలుగుదీపంలా వెలిగిన మహాత్ముడు మహాత్మా జ్యోతిరావు పూలే గారి 199వ జయంతి సందర్భంగా మాదిగ హక్కుల దండోరా ఆధ్వర్యంలో అంబర్పేట పరిధిలోని అలీకేఫ్ చౌరస్తాలో గల ఆయన విగ్రహానికి ఘనంగా పూలమాల వేసి నివాళులర్పించడం జరిగింది. ఈ కార్యక్రమంలో జాతీయ అధ్యక్షులు దండు సురేందర్ మాదిగ గారు, రాష్ట్ర అధ్యక్షులు కొంగరి శంకర్ గారు పాల్గొని ఫూలే గారి మహోన్నతమైన ఆలోచనలను స్మరించుకున్నారు.

ఈ సందర్భంగా వారు మాట్లాడుతూ—
“సమాజంలో పుట్టుక ఆధారంగా మనిషిని కొలిచే క్రూర వ్యవస్థకు ఎదురు నిలిచిన తొలి విప్లవకారుడు ఫూలే. చదువు కొందరికే అనే దురవస్థను ఛేదించి ‘విద్య హక్కు’ అనే శబ్దాన్ని బహుజనుల నోళ్లలో పెట్టిన మహోన్నత చరిత్ర ఆయనది. అణగారిన వర్గాలకు, ముఖ్యంగా మహిళలకు విద్య అందించాలనే సంకల్పంతో చేసిన పోరాటం ఈరోజు కూడా మార్గదర్శకంగా నిలుస్తోంది” అని పేర్కొన్నారు.
ఫూలే గారు కేవలం ఒక వ్యక్తి కాదు—ఒక ఆలోచన, ఒక ఉద్యమం, ఒక శక్తి. శతాబ్దాలుగా చీకటిలో మగ్గిన సమాజానికి విద్య అనే ఆయుధాన్ని అందించి, దాస్య బంధనాలపై తిరుగుబాటు చేయడానికి ప్రేరేపించిన నాయకుడు. కులవ్యవస్థ పేరుతో జరుగుతున్న అన్యాయాలను బహిర్గతం చేసి, సమాన హక్కుల కోసం అహర్నిశలు పోరాడిన నిజమైన ప్రజా యోధుడు పూలే
“ఫూలే కలలుగన్న సమాజం నిజంగా సాధ్యమైందా? ఇంకా ఎందుకు బహుజనులు అన్యాయానికి గురవుతున్నారు? ఎందుకు విద్య ఇంకా కొందరి సొత్తుగా మారుతోంది?” అని. సమాజంలో కొనసాగుతున్న అసమానతలను ఎత్తిచూపుతూ, ఫూలే గారి ఆలోచనలను కేవలం జయంతి రోజుల్లో మాత్రమే గుర్తు చేసుకోవడం కాకుండా, ప్రతి రోజూ ఆచరణలో పెట్టాలని పిలుపునిచ్చారు.
“ఫూలే చూపిన దారిలోనే బహుజన సమాజం ముందుకు సాగాలి. హక్కులు అడిగేవాళ్లుగా కాదు—దక్కించుకునే వారిగా మారాలి. చదువు, స్వాభిమానము, సమానత్వం—ఈ మూడు ఆయుధాలతోనే నిజమైన విముక్తి సాధ్యమవుతుంది” అని స్పష్టం చేశారు. ఫూలే గారి ఆశయాలను ముందుకు తీసుకెళ్లే బాధ్యత యువకులు తీసుకొని సమాజంలో ఉన్న ప్రతి అన్యాయానికి ఎదురు నిలిచి, బహుజనుల హక్కుల కోసం నిరంతరం పోరాడాలి అని తెలిపారు.
“ఫూలే ఒక జ్ఞాపకం కాదు… ఒక జ్వాల. ఆ జ్వాలను మనలో మేల్కొలిపితేనే సమానత్వ సమాజం నిర్మాణం సాధ్యం” అని అన్నారు