22/03/2023
এচামে লোকক দেখাবলৈ ৰাজহুৱা স্থানত ইফতাৰীৰ বিৰোধ কৰিব আকৌ মনে মনে বোৱাৰীৰ ঘৰৰ পৰা ইফতাৰী অহাৰ আশাও কৰিব।
আন এচামে ইফতাৰীৰ পক্ষ লৈ কথা পাতিব।
(কিন্তু তেওঁলোকে নাজানে এজন দুখীয়া পিতৃয়ে কেনেকৈ এই বোজা কঢ়িয়াই ফুৰিব লগা হয়)
আন এচামে কব এইবোৰ কথা ফেচবুকত দি কি লাভ!?
কিন্তু তেওঁলোকে ঘৰত গাখীৰ চাহ একাপ খালে, কৰবাত Ultra Bus এখনত উঠিলে Facebookত পোষ্ট কৰি ছবকে জনায় এনে লাগে যেন তাতেই চব লাভ।
আন এচাম যুক্তিবাদী ওলাব ক'ব পূৰ্বৰ পৰা এই প্ৰথা প্ৰচলিত গতিকে আমি চলাই আছোঁ, তেওঁলোকক কওঁ যে পূৰ্বৰ দিনত তোমাৰ দেউতায় খোজ কাঢ়ি বজাৰ গৈছিল আজি তোমাক কিয় গাড়ী লাগে?
পূৰ্বৰ দিনত তোমাৰ মা - আইতা সকলে ঘৰত চাকি বন্তি জ্বলাইছে এতিয়া তোমাক কিয় Electric বিদ্যুৎ লাগে?
সময়ৰ সোতত কিছু নিয়ম নীতি সলনি কৰিব লাগে । ইফতাৰী কৰোৱা চুন্নত কিন্তু কাৰোবাক জুলুম অত্যাচাৰ কৰি ইফতাৰী কৰা চাফ হাৰাম হব নিশ্চয়।( এই ক্ষেত্ৰত মুফতি আলিম সকলে ভাল জানিব)
সেয়েহে প্ৰতিজ্ঞা কৰক নিজৰ বুকুত হাত ৰাখি শপত খাওক এজন পুৰুষ হিচাপে কেতিয়াও পত্নী অথবা বোৱাৰীৰ ঘৰক বাধ্য নকৰোঁ এই হাৰাম ইফতাৰিৰ বাবে।
(ৰাজহুৱা বাবে যেনেকৈ বিৰোধ কৰে সেই বিৰোধীতাত সদায় অটল থকাৰ চেষ্টাও কৰিব তেতিয়া এজন প্ৰকৃত কু-প্ৰথা বিৰোধী বুলি নিজকে গৌৰৱ কৰিব পাৰিব। লোকক দেখাব এটা কৰিব আন এটা এয়া মাথো ভন্ডামী)।
বি:দ্ৰ:- যদি কোনোবাই বিৰোধ নকৰে আৰু এই প্ৰথা প্ৰচলিত ৰাখে তাত আমাৰ কবলগীয়া একো নাই কিন্তু অনুৰোধ এইটোৱেই যে বিৰোধ কৰা সকলৰ মাজত যাতে ভৰি নুসুমায় কাৰণ এই ইফতাৰীৰ কাৰণে কিমান মহিলা নিৰ্যাতিত হয় এয়া কেৱল ভুক্তভোগী আৰু তেঁওলোকৰ দুখ বুজোতা সকলে বুজি পায়!!
-হুছাইন আহমেদ তালুকদাৰ
সভাপতি, মানৱ অধিকাৰ সংস্থা (অসম)
