26/04/2026
ನನ್ನ ಹೃದಯ ಒಡೆದು ಹೋಗುತ್ತಿದೆ. ಈ ವಿಡಿಯೋವನ್ನು ನೋಡಿ, ಇದು ಪ್ರಾಣಿಗಳನ್ನು ಸಾಗಿಸುವ ಟ್ರಕ್ ಅಲ್ಲ, ನನ್ನ ತಂದೆಯವರನ್ನು ಸಾಗಿಸುತ್ತಿರುವ ದೃಶ್ಯ!
ಬಸವಕಲ್ಯಾಣದ ಬಸವೇಶ್ವರ ರಥೋತ್ಸವದಲ್ಲಿ ಸಂಭವಿಸಿದ ಅನಾಹುತದಲ್ಲಿ ನಮ್ಮ ತಂದೆ ರಥದ ಚಕ್ರಕ್ಕೆ ಸಿಲುಕಿ ನರಳುತ್ತಿದ್ದರು. ಸಾವಿರಾರು ಜನರು ಸೇರುವ ಇಷ್ಟು ದೊಡ್ಡ ಹಬ್ಬವನ್ನು ಆಯೋಜಿಸಿದ ಈ ಪಂಚ ಕಮಿಟಿಯವರಿಗೆ ಅಲ್ಲಿ ಒಂದು ಆಂಬುಲೆನ್ಸ್ (Ambulance) ವ್ಯವಸ್ಥೆ ಮಾಡಲು ಸಾಧ್ಯವಾಗಲಿಲ್ಲವೇ?
ನನ್ನ ತಂದೆಯನ್ನು ದನಗಳನ್ನು ಸಾಗಿಸುವ ಟ್ರಕ್ನಲ್ಲಿ ಪ್ರಾಣಿಗಳಂತೆ ಎಸೆದು ಆಸ್ಪತ್ರೆಗೆ ಕಳುಹಿಸಿದ್ದಾರೆ. ಆ ಸಮಯದಲ್ಲಿ ನಾವು ಕುಟುಂಬದವರು ಅಲ್ಲಿ ಇರಲಿಲ್ಲ ಎನ್ನುವ ಒಂದೇ ಕಾರಣಕ್ಕೆ ಅವರು ಇಷ್ಟು ಅಮಾನವೀಯವಾಗಿ ವರ್ತಿಸಿದ್ದಾರೆಯೇ? ಸಕಾಲದಲ್ಲಿ ಸರಿಯಾದ ವೈದ್ಯಕೀಯ ವಾಹನ ಸಿಗದ ಕಾರಣ ಇಂದು ನನ್ನ ತಂದೆ ನಮ್ಮ ಜೊತೆ ಇಲ್ಲ.
ನನ್ನ ಪ್ರಶ್ನೆಗಳು ಇಷ್ಟೇ:
ಭಕ್ತಿ ಮತ್ತು ಧರ್ಮದ ಹೆಸರಿನಲ್ಲಿ ಬದುಕುವ ಇವರಿಗೆ ಮನುಷ್ಯನ ಪ್ರಾಣಕ್ಕೆ ಬೆಲೆ ಇಲ್ಲವೇ?
ಒಬ್ಬ ಮನುಷ್ಯನನ್ನು ದನಗಳ ಟ್ರಕ್ನಲ್ಲಿ ಸಾಗಿಸುವುದು ಯಾವ ನ್ಯಾಯ?
ಇಷ್ಟು ದೊಡ್ಡ ನಿರ್ಲಕ್ಷ್ಯಕ್ಕೆ ಯಾರು ಹೊಣೆ?
ಈ ವಿಡಿಯೋ ಸಾಕ್ಷಿಯಾಗಿದೆ. ಆಂಬುಲೆನ್ಸ್ ಇಲ್ಲದ ಈ ವ್ಯವಸ್ಥೆ ಮತ್ತು ಈ ಅಧಮ ಕಮಿಟಿಯ ಮೇಲೆ ಕಾನೂನು ಕ್ರಮ ಆಗಲೇಬೇಕು. ನನಗೆ ನ್ಯಾಯ ಸಿಗುವವರೆಗೂ ನಾನು ಸುಮ್ಮನಿರುವುದಿಲ್ಲ.
ದಯವಿಟ್ಟು ಈ ಪೋಸ್ಟ್ ಅನ್ನು ಶೇರ್ ಮಾಡಿ, ಇಂತಹ ಅನಾಹುತ ಮತ್ಯಾರಿಗೂ ಆಗಬಾರದು.
