26/05/2026
আজি ইং ২৬-০৫-২০২৬, মঙ্গলবাৰে শ্ৰীমন্ত শংকৰদেৱ প্ৰেক্ষাগৃহ(তামুলপুৰ )ত তামুলপুৰ জিলাৰ অন্তৰ্গত উচ্চ আৰু উচ্চতৰ মাধ্যমিক পৰীক্ষাত সফলতাৰে উত্তীৰ্ণ হোৱা ছাত্ৰ-ছাত্ৰীসকলক অভিনন্দন জ্ঞাপন আৰু উৎসাহিত কৰাৰ উদ্দেশ্যে আয়োজিত বিশেষ সম্বৰ্ধনা অনুষ্ঠানত উপস্থিত থাকে বি টি চি’ৰ জলসিঞ্চন আৰু পুথিভঁৰাল বিভাগৰ কাৰ্যবাহী সদস্য শ্ৰীযুত গণেশ কছাৰী ডাঙৰীয়া।
উক্ত অনুষ্ঠানত বিশেষভাৱে উপস্থিত থাকে বি টি চি’ৰ কাৰ্যবাহী সদস্য শ্ৰী যুত মহেশ্বৰ বসুমতাৰী,শ্ৰীযুত লক্ষী দাস ডাঙৰীয়া লগতে দলৰ বিভিন্ন পৰ্যায়ৰ নেতা-কৰ্মীসকল। অনুষ্ঠানটোত সফল ছাত্ৰ-ছাত্ৰীসকলক সম্বৰ্ধনা জনোৱাৰ উপৰি তেওঁলোকৰ উজ্জ্বল ভৱিষ্যতৰ বাবে শুভকামনা জ্ঞাপন কৰা হয়।
