THO Office Goregaon

25/06/2026

https://www.facebook.com/share/18s2Kzcu2z/

धावत्या दुरंतो एक्सप्रेसमध्ये आरोग्य सेविकेचे धाडस; सुरक्षित प्रसूती करून माता-बाळाला दिले जीवनदान

गोंदियाच्या राजश्री भोंडे यांचे प्रसंगावधान; सर्व स्तरांतून कौतुक

#गोंदिया - कर्तव्यनिष्ठा, धैर्य आणि सेवाभाव यांचा प्रेरणादायी प्रत्यय नागपूर-मुंबई दुरंतो एक्सप्रेसमध्ये नुकताच आला. गोंदिया जिल्ह्यातील काटी प्राथमिक आरोग्य केंद्रांतर्गत मरारटोला उपकेंद्राच्या आरोग्य सेविका (ए.एन.एम.) श्रीमती राजश्री भोंडे (नेवारे) यांनी धावत्या ट्रेनमध्ये एका गरोदर महिलेची यशस्वी व सुरक्षित प्रसूती करून माता व नवजात बाळाला जीवनदान दिले. त्यांच्या या धाडसी कार्याचे सर्व स्तरांतून कौतुक होत आहे.

दि. २४ जून २०२६ रोजी पहाटे सुमारे २.३० वाजता नागपूर-मुंबई दुरंतो एक्सप्रेस भुसावळ स्थानक ओलांडून जळगावच्या दिशेने वेगाने धावत होती. याच दरम्यान एका गरोदर महिला प्रवाशाला अचानक तीव्र प्रसूती वेदना सुरू झाल्या. दुरंतो एक्सप्रेसला मर्यादित थांबे असल्याने पुढील स्थानक बरेच दूर होते. महिलेसोबत केवळ तिच्या दोन लहान मुली होत्या. त्यामुळे डब्यातील प्रवाशांमध्ये चिंतेचे वातावरण निर्माण झाले.

योगायोगाने, त्याच डब्यातून मुंबईला प्रवास करणाऱ्या आरोग्य सेविका राजश्री भोंडे यांनी परिस्थितीचे गांभीर्य ओळखत तातडीने पुढाकार घेतला. प्रसूतीसाठी आवश्यक वैद्यकीय साधने उपलब्ध नसतानाही त्यांनी आपल्या अनुभवाच्या जोरावर प्रसूतीची जबाबदारी स्वीकारली. अवघ्या वीस मिनिटांत, पहाटे सुमारे २.५० वाजता त्यांनी धावत्या ट्रेनमध्येच महिलेची सुरक्षित प्रसूती करून एका निरोगी बाळाचा जन्म घडवून आणला.

प्रसूतीनंतर रेल्वे प्रशासनाशी तात्काळ संपर्क साधण्यात आला. परिस्थितीची गंभीरता लक्षात घेऊन रेल्वे प्रशासनाने आपत्कालीन यंत्रणा सक्रिय केली. चाळीसगाव रेल्वे स्थानकावर दुरंतो एक्सप्रेसला विशेष थांबा देण्यात आला. तेथे सज्ज ठेवण्यात आलेल्या ‘१०८’ रुग्णवाहिकेद्वारे माता व नवजात बालकाला पुढील उपचारांसाठी वैद्यकीय पथकाच्या स्वाधीन करण्यात आले. सध्या माता आणि बाळ दोघेही सुरक्षित व निरोगी आहेत.

राजश्री भोंडे यांनी दाखविलेली तत्परता, धैर्य आणि सेवाभाव आरोग्य विभागासाठी अभिमानास्पद ठरला आहे. त्यांच्या या उल्लेखनीय कार्याबद्दल जिल्हा आरोग्य अधिकारी डॉ. अभिजीत गोल्हार, सहाय्यक जिल्हा आरोग्य अधिकारी डॉ. अरविंदकुमार वाघमारे, माता-बाल संगोपन अधिकारी डॉ. रोशन राऊत तसेच काटी प्राथमिक आरोग्य केंद्राचे वैद्यकीय अधिकारी डॉ. शुभम गौतम यांनी त्यांचे विशेष अभिनंदन केले आहे.

"कोणत्याही परिस्थितीत रुग्णसेवेलाच सर्वोच्च प्राधान्य देणे, हेच आरोग्य कर्मचाऱ्यांचे खरे कर्तव्य आहे. राजश्री भोंडे यांनी संकटसमयी दाखविलेली कर्तव्यनिष्ठा आणि धैर्य संपूर्ण आरोग्य यंत्रणेसाठी प्रेरणादायी आहे," अशा भावना यावेळी व्यक्त करण्यात आल्या.

प्रतिक्रिया

"माझ्या १४ वर्षांच्या सेवाकाळात आलेला हा सर्वांत वेगळा आणि आव्हानात्मक अनुभव होता. कोणतीही वैद्यकीय साधने किंवा सहकारी सोबत नसताना आलेल्या या प्रसंगात एका मातेचा आणि तिच्या बाळाचा जीव वाचवणे हेच माझे कर्तव्य होते. ईश्वराची कृपा आणि व्यावसायिक अनुभवाच्या बळावर ही प्रसूती सुरक्षितरीत्या पार पाडता आली. या कार्याचा मला अभिमान आहे."

श्रीमती राजश्री भोंडे (नेवारे)
आरोग्य सेविका, उपकेंद्र मरारटोला (काटी), गोंदिया

15/06/2026

आज दिनांक 15/6/2026 रोज सोमवारला मा.श्री एच.व्ही.गौतम गट विकास अधिकारी पं.स.गोरेगाव यांचे अध्यक्षतेत पल्स पोलिओ लसिकरन मोहीम दि.28/6/2026 बाबद तालुका स्तरीय टास्क फोर्स सभा आयोजीत करण्यात आली.सदर सभेला मा.डाॅ.विनोद चव्हान तालुका आरोग्य अधिकारी यांनी पल्स पोलिओ लसिकरन मोहीम बाबद सविस्तर मार्गदर्शन केले.सदर सभेला गट शिक्षन अधिकारी,एकात्मिक बाल विकास अधिकारी, सर्व प्रा.आ.केंद्राचे वैद्यकीय अधिकारी, पं.स.चे विस्तार अधिकारी( पंचायत )विस्तार अधिकारी( आरोग्य) तालुका स्तरीय आरोग्य सहाय्यक ,सर्व प्रा.आ.केंद्रातील आरोग्य सहाय्यक,आरोग्य सहाय्यीका,गट प्रवर्तक व तालुका कार्यालयातील कर्मचारी हजर होते.

10/06/2026

दिनांक 09 जून रोजी डॉ. रोशन राऊत सर, जिल्हा माता-बाल संगोपन अधिकारी, गोंदिया
तसेच डॉ. विनोद चव्हाण सर , तालुका आरोग्य अधिकारी गोरेगाव तथा जिल्हा हिवताप अधिकारी, गोंदिया यांनी आयोजित PMSMA तपासणी शिबिर दि. 09/06/2026 रोजी प्रधानमंत्री सुरक्षित मातृत्व अभियानाची पूर्वतयारी पाहणी केली तसेच गर्भवती महिलांची नोंदवही, उच्च जोखीम गर्भवतीं महिलांची यादी तपासली . यानंतर उपस्थित गर्भवती महिलांना पौष्टिक आहार, लोह-फॉलिक गोळ्या, 4 ANC तपासणी, संस्थात्मक प्रसूतीचे महत्त्व याबत सविस्तर मार्गदर्शन व समुपदेशन केले .
यावेळी प्रा आ केंद्रातील वैद्यकीय अधिकारी स्नेहा भावे, व प्रियंका हेडाऊ व प्रा आ केंद्रातील सर्व कर्मचारी उपस्थित होते .

05/05/2026

प्रा.आ. केंद्र तिल्ली मोहगाव,उपकेंद्र तुमसर अंतर्गत गोवारीटोला येथे लसीकरण सत्र घेण्यात आले. यावेळी पात्र लाभार्थी व पालकांना HPV लसी बद्दल माहिती देण्यात आली.

05/05/2026

आज दिनांक 5 मे 2026 रोजी प्रा.आ. केंद्र कुऱ्हाडी,उपकेंद्र पिंडकेपार अंतर्गत ग्राम कनारटोला येथे वैद्यकीय अधिकारी प्रियंका हेडाऊ मॅडम, CHO निधी चौधरी मॅडम, LHV भराडे मॅडम तसेच मा.सरपंच सौ.योगिताताई शहारे मॅडम यांच्या प्रमुख उपस्थितीत आरोग्य शिबिर घेण्यात आले. यावेळी लाभार्थ्यांची BP, Sugar, HB, sickel cell, ECG, Oral screening अशी संपूर्ण आरोग्य तपासणी करण्यात आली व लाभार्थ्यांना आरोग्य विषयक समुपदेशन करण्यात आले. यावेळी प्राथमिक आरोग्य केंद्र कुऱ्हाडी येथील आरोग्य कर्मचारी उपस्थित होते.

28/04/2026

आज दि.28/4/2026 रोज मंगळवारला प्रा.आ.केंद्र चोपा अंतर्गत ऊपकेंद्र कालीमाटी येथे मा.लोहबरे सर प्रभारी गट विकास अधिकारी पं.स.गोरेगाव,मा.डाॅ.विनोद चव्हान सर तालुका आरोग्य अधिकारी गोरेगाव,श्री धनंजय लारोकर विस्तार अधिकारी (आरोग्य) पं.स.गोरेगाव व रवि पटले आरोग्य सहाय्यक ता.नि.पथक गोरेगाव यांनी भेट देऊन ऊपकेंद्रात सुरु असलेल्या सर्व कार्यक्रमांची माहीती घेतली.तसेच कुटुंब पाहनी सर्वेक्षन,पाणि गुनवत्ता सर्वेक्षन,नियमित लसिकरन सर्वेक्षन बाबद माहीती घेण्यात आली.सध्या ऊष्णतेची लाट असुन ऊष्णतेपासुन बचावा करीता कार्यक्षेञात जनजागरन करण्या बाबद तसेच सर्व राष्टीय आरोग्य कार्यक्रमांची ऊदिष्ट पुर्ती करण्या करीता आत्तापासुनच कार्यवाही करण्या करीता सुचना देण्यात आल्या.

24/04/2026

दि. 23 एप्रिल 2026 रोजी प्राथमिक आरोग्य केंद्र, कवलेवाडा येथे वैद्यकीय अधिकारी भावे मॅडम यांच्या मार्गदर्शन व प्रत्यक्ष देखरेखीखाली HPV लसीकरण सत्र झाले.

सदर सत्रामध्ये एकूण 5 पात्र लाभार्थींना HPV प्रतिबंधात्मक लस देण्यात आली. लसीकरनापूर्वी मा. वैद्यकीय अधिकारी यांनी सर्व लाभार्थींना लसीचे महत्त्व, फायदे व घ्यावयाची काळजी याबाबत सविस्तर समुपदेशन केले.

लसीकरणानंतर लाभार्थींनी HPV लसीबाबत समाधान व्यक्त करून आपले सकारात्मक मनोगत नोंदवले.

20/04/2026

आज दिनांक 20 एप्रिल 2026 रोजी प्राथमिक आरोग्य केंद्र सोनी ,उपकेंद्र गोरेगांव अंतर्गत जिल्हा परिषद शाळा गोरेगांव व पी डी कन्या शाळा गोरेगांव TAS सर्वेक्षणा अंतर्गत 6 ते 7 वर्षे वयोगटातील विद्यार्थ्यांची FTS तपासणी करण्यात आली. यावेळी डॉ विनोद चौव्हाण सर जिल्हा हिवताप अधिकारी गोंदिया तथा तालुका आरोग्य अधिकारी गोरेगाव उपस्थित होते तसेच के.एन डोंगरे आरोग्य निरीक्षक B. A हेडाऊ आरोग्य निरीक्षक, अनिल चोरवाढे ,ललित डबले , दिलेश्वरी डाहारे L.S.O एल.एम.हरिनखेडे, एच.एस.नान्हे आरोग्य सेवक , जे. एस.शेख आरोग्य सेविका V.R गणवीर BF आशा सेविका तसेच शाळेच्या मुख्याध्यापिका मैडम उपस्थित होते

17/04/2026

🌞 उन्हाचा चटका वाढतोय... काळजी घ्या! 🌞
​मित्रांनो, 'कोई मिल गया' मधील जादू उन्हापासून शक्ती मिळवू शकतो, पण आपण मानव आहोत! वाढत्या तापमानामुळे उष्माघाताचा धोका वाढू शकतो. स्वतःला आणि आपल्या कुटुंबाला सुरक्षित ठेवण्यासाठी सार्वजनिक आरोग्य विभाग, जिल्हा परिषद गोंदिया तर्फे काही महत्त्वाच्या सूचना:
​✅ काय करावे?
💧 भरपूर पाणी, ताक, लिंबू सरबत आणि शहाळे पाणी प्या.
👕 फिकट रंगाचे आणि सैल सुती कपडे वापरा.
🏠 शक्यतो थंड ठिकाणी किंवा सावलीत राहा.
🧢 बाहेर पडताना डोक्यावर टोपी, छत्री किंवा रुमालाचा वापर करा.
​❌ काय टाळावे?
🚫 दुपारी १२ ते ४ या वेळेत विनाकारण उन्हात जाणे टाळा.
🚫 रिकाम्या पोटी बाहेर पडू नका.
​आरोग्यविषयक कोणत्याही आपत्कालीन परिस्थितीसाठी त्वरित १०८ या टोल-फ्री क्रमांकावर संपर्क साधा.
​सुरक्षित राहा, सतर्क राहा!
THO_Goregaon..
Pic Credits_Maha Arogya IEC Bureau