18/04/2026
पोलीस अधीक्षक कार्यालय गोंदिया
प्रेसनोट
दिनांक 30.03.2026
** *नवरदेव बोहल्यावर चढण्यापूर्वी थांबविण्यात आला.
*दामिनी पथक गोंदिया व जिल्हा महिला बालविकास, इंडियन वेलफेअर सोसायटी गोंदिया यांची संयुक्त कारवाई*
गोंदिया -
दिनांक 28/3/2026 रोजी तिरोडा येथे बालविवाह होत असल्याची गोपनीय माहिती प्राप्त होताच. मा. जिल्हाधिकारी प्रजित नायर, मा.जिल्हा पोलीस अधीक्षक गोरख भामरे, मा. जिल्हा कार्यक्रम अधिकारी कीर्ती कुमार कटरे आणि मा.जिल्हा महिला व बाल विकास अधिकारी तुषार पौनिकर यांचे आदेशान्वये आणि मार्गदर्शनात दामिनी पथकचे गोंदिया चे पोलीस निरीक्षक योगिता चाफले मॅडम, जिल्हा बाल संरक्षण कक्ष , चाइल्ड हेल्पलाइन, इंडियन सोशल वेल्फेअर सोसायटी गोंदिया, दामिनी पथक यांची टीम तयार करून प्राप्त माहितीनुसार होऊ घातलेल्या विवाहातील बालक आणि बालिकेचे जन्म प्रमाणपत्र नगरपरिषद तिरोडा कडून प्राप्त करून घेण्यात आले. सदर प्रमाणपत्रा नुसार बालिकेचे वय बालविवाह प्रतिबंध कायद्यानुसार पूर्ण नसल्याचे दिसून आले. त्या अनुषंगाने संपूर्ण टीम तिरोडा येथे 12 वाजता पोहोचले.दामिनी पथक चे पोलीस निरीक्षक योगिता चाफले, सहायक पोलीस निरीक्षक मनिषा निकम मॅडम, पोलीस उपनिरीक्षक पूजा सुरळकर, पो. शि. प्रशांत बनसोड, म. पो. शि. सोनाली टिके, म. पो. शि. प्रीती बुरेले, म. पो. शि, वैशाली भांडक्कर, पर्यवेक्षिका पद्मशाली मॅडम,अंगणवाडी सेविका, नगरसेवक अनिकेत कटरे, वार्ड बाल संरक्षण समितीचे इतर सदस्य यांची बैठक घेऊन सदर होणाऱ्या विवाहाबद्दल माहिती देण्यात आली.
मंडप पूजन व हळदीचा कार्यक्रम 4 एप्रिल
2026 रोजी आणि 5 तारखेला सकाळी 11.30 वाजता लग्न होत असल्याची माहिती मिळाली होती. दामिनी पथक सह, महिला बाल विकास विभाग व इंडियन सोशल वेल्फेअर सोसायटी च्या टीमने नवरदेव, नवरी त्यांच्या आई वडील आणि नातेवाईक यांचेकडे चौकशी करुन सदर होऊ घातलेल्या विवाहातील बालकांचे वय कमी असून बालविवाह प्रतिबंधक 2006 च्या कायद्यानुसार वय पूर्ण नसल्याने गुन्ह्यास पात्र आहे. बालविवाहमुळे होणारे दुष्परिणाम बालकांना आणि त्यांच्या नातेवाईकांना समजावून सांगण्यात आले. वय पूर्ण झाल्याशिवाय लग्न करणार नाही असे कायदेशीर हमीपत्र बालकांच्या आई-वडिलांकडून आणि नातेवाईकांकडून आणि बाल संरक्षण समितीच्या सदस्यांकडून लिहून घेण्यात आले. बालविवाह मुक्त भारत, बालविवाह मुक्त महाराष्ट्र आणि गोंदिया जिल्हा या महत्त्वकांक्षी अभियानाची मोहीम सुरू असून बालविवाह मुक्त गोंदिया करण्यासाठी आपला संकल्प अभियान सुरू आहे. याप्रसंगी जमलेल्या सर्व लोकांना अशा प्रकारचे बालविवाह होत असल्यास अंगणवाडी सेविका, जवळचे पोलीस स्टेशन, जिल्हा बाल संरक्षण कक्ष, चाइल्ड हेल्पलाइन च्या टोल फ्री क्रमांक 1098 वर संपर्क साधावे असे सांगण्यात आले.
जिल्हा बाल संरक्षण अधिकारी गजानन गोबाडे यांचे नेतृत्वात ही कार्यवाही करण्यात आली. जिल्हा बाल संरक्षण कक्षाच्या सामाजिक कार्यकर्ता मनीषा चौधरी आणि इंडियन सोशल वेल्फेअर सोसायटीच्या दीपमाला भालेराव यांनी बालिकेचे समुपदेशन करून पुढील शिक्षण घेणार असल्याचे बालिकेने सांगितले. बालिकेला मा. बालकल्याण समिती गोंदिया यांच्या समक्ष सादर करून पालकांच्या ताब्यात देण्यात आले. सदर होणारा बालविवाह थांबविण्याकरिता दामिनी पथकाचा पोलीस निरीक्षक योगिता चाफले व . सहायक पोलीस निरीक्षक मनिषा निकम मॅडम, पोलीस उपनिरीक्षक पूजा सुरळकर, पो.शि. प्रशांत बनसोड, म. पो. शि. सोनाली टिके, म. पो. शि. प्रीती बुरेले, म. पो. शि, वैशाली भांडक्कर, जिल्हा बाल संरक्षण कक्षाचे मुकेश पटले संरक्षण अधिकारी, इंडियन सोशल वेल्फेअर सोसायटीचे जिल्हा समन्वयक ज्ञानेश्वर पटले, बाल विकास प्रकल्प अधिकारी तिरोडा विनोद चौधरी, आणि रवींद्र टेंभुर्णे संरक्षण अधिकारी,चाईल्ड लाईनचे अजय खोब्रागडे आणि तिरोडा पोलीस स्टेशन बालविवाह थांबविण्याच्या कार्यवाहीमध्ये सहभागी होते.
