13/03/2026
গোলাঘাটত প্ৰায় ৭৮ হাজাৰো অধিক কৃষকে লাভ কৰিলে পিএম কিষান আঁচনিৰ ২২ নং কিস্তিৰ ধন
সমগ্ৰ দেশৰ লগতে অসমৰ সকলো জিলাৰ সমান্তৰালকৈ গোলাঘাট জিলাতো আজি প্ৰায় ৭৮ হাজাৰৰো অধিক যোগ্য হিতাধিকাৰী কৃষকে প্ৰধানমন্ত্ৰী কৃষক সন্মান নিধি আঁচনিৰ অধীনত ২২ নং কিস্তিৰ ধনৰাশি লাভ কৰে। দেশৰ প্ৰধানমন্ত্ৰী নৰেন্দ্ৰ মোদীয়ে গুৱাহাটীৰ জ্যোতি বিষ্ণু আন্তৰ্জাতিক কলা মন্দিৰত অনুষ্ঠিত এক বিশেষ অনুষ্ঠানৰ পৰা লাইভ ৱেবকাষ্টৰ জৰিয়তে দেশজুৰি কোটি কোটি হিতাধিকাৰী কৃষকৰ বেংক একাউণ্টলৈ এই অনুদান পোনপটীয়াকৈ হস্তান্তৰ কৰে।
এই কাৰ্যসূচীৰ সৈতে সংগতি ৰাখি গোলাঘাট জিলাৰ খুমটাইস্থিত কৃষি বিজ্ঞান কেন্দ্ৰত কেন্দ্ৰীয়ভাৱে পোনপটীয়া সম্প্ৰচাৰ কাৰ্যসূচীৰ ব্যৱস্থা কৰা হয়। অনুষ্ঠানত কৃষি বিজ্ঞান কেন্দ্ৰ আৰু কৃষি বিভাগৰ বিষয়া-কৰ্মচাৰীসকলৰ লগতে জিলাখনৰ বিভিন্ন প্ৰান্তৰ বহু সংখ্যক কৃষক ৰাইজ উপস্থিত থাকে।ইয়াৰোপৰি গাঁও পঞ্চায়তৰ কাৰ্যালয়, সামূহিক সেৱা কেন্দ্ৰ (CSC) আৰু খণ্ড উন্নয়ন বিষয়াৰ কাৰ্যালয়ত অনুষ্ঠিত কৰা পোনপটীয়া সম্প্ৰচাৰ কাৰ্যসূচীত বৃহৎ সংখ্যক কৃষক উপস্থিত থাকে।
উল্লেখ্য যে, কৃষকসকলৰ আৰ্থিক সুৰক্ষা নিশ্চিত কৰাৰ উদ্দেশ্যে কেন্দ্ৰ চৰকাৰৰ অন্যতম গুৰুত্বপূৰ্ণ আঁচনি প্ৰধানমন্ত্ৰী কৃষক সন্মা নিধি আঁচনিৰ অধীনত যোগ্য হিতাধিকাৰী কৃষকক প্ৰতি বছৰে মুঠ ছয় হাজাৰ টকা আৰ্থিক সাহাৰ্য প্ৰদান কৰা হয়। এই ধনৰাশি দুই হাজাৰ টকাকৈ তিনিটা কিস্তিত ডাইৰেক্ট বেনিফিট ট্ৰান্সফাৰ (DBT) মাধ্যমৰ জৰিয়তে পোনপটীয়াকৈ হিতাধিকাৰী কৃষকৰ বেংক একাউণ্টলৈ প্ৰেৰণ কৰা হয়। আঁচনিখনৰ জৰিয়তে কৃষকসকলে কৃষি উৎপাদন বৃদ্ধিৰ লগতে বীজ, সাৰ আৰু অন্যান্য কৃষি সামগ্ৰী ক্ৰয়ৰ ক্ষেত্ৰত লাভান্বিত হৈ আহিছে। গোলাঘাট জিলাতো বৰ্তমান ৭৮৫৭৪ গৰাকী কৃষকে এই আঁচনিৰ জৰিয়তে উপকৃত হৈছে।
CMO Assam
MyGov Assam
Atul Bora অতুল বৰা
Directorate of Information and Public Relations, Assam
District Administration, Golaghat
Krishi Vigyan Kendra Golaghat
Office of the Co-District Commissioner, Sarupathar
SDIPRO Bokakhat
