13/09/2021
প্ৰসিদ্ধ সাহিত্যিক আৰু ভাষাবিদ ড° মহেশ্বৰ নেওগদেৱ অসমৰ ভাষা-সাহিত্য ক্ষেত্ৰৰ উজ্জ্বল নক্ষত্র। অসম সাহিত্য সভাক গতিশীল নেতৃত্বদানত একান্তভাৱে আত্মনিয়োগ কৰা সকলৰ ভিতৰত অন্যতম আছিল সাহিত্যিক, পণ্ডিত ড° নেওগ। ১৯৪০ চনৰ পৰাই তেখেত অসম সাহিত্য সভাৰ লগত জড়িত হৈছিল ৷ তদুপৰি তেখেতে বাহিৰৰ প্ৰখ্যাত জাৰ্নেল ইংৰাজী ভাষাত অসমৰ সংগীত,নাটক, চিত্রকলা, ভাস্কর্য,বুৰঞ্জী, পুৰাতত্ব, ধৰ্ম, দৰ্শন আদি বিষয়ৰ ওপৰত লিখা প্ৰবন্ধসমূহে অসমক আৰ্ন্তঃজাতিক খ্যাতিসম্পন্ন পণ্ডিত মণ্ডলীৰ মাজত গভীৰ অৰ্থত চিনাকি কৰি দিছিল। আজিৰ পৰা প্ৰায় ৪৪ বছৰ আগতেই ড° মহেশ্বৰ নেওগে সাহিত্য সভাৰ বাহ্যিক শ্ৰী সম্পর্কত যি মন্তব্য দি থৈ গ'ল আজিও তাৰ প্ৰতিধ্বনি শুনিবলৈ পোৱা যায়। তেখেতৰ অৱদান অতুলনীয়।
পদ্মশ্ৰী', 'শ্ৰীমন্ত শংকৰদেৱ বঁটা' আদি সন্মান লাভ কৰা ড° নেওগদেৱক আজিৰ পৱিত্ৰ পুণ্য তিথিত গভীৰভাৱে শ্ৰদ্ধাঞ্জলি অৰ্পণ কৰিলোঁ।
