Anup Thatal

14/07/2023

Experience is a comb that nature gives us when we r bald😊😂

13/07/2023

आफ्नै भाषाको हल्लाले
~ नीलम गुरुङ

मुल्यवान मुल्यहिन मुक्तक चलाएर
लेखी दिन्छु सय वाक्य पंक्ति छुट्टाएर
झझल्को आई रहने त्यो मायाको मुहार पनि,
खोपी दिन्छु पानामा बरु आफ्नै खुन लुटाएर
तर के गर्नु जब शब्दका लहरमा वाक्य नै बेकार छ
भाषालाई जब हामीले मुखमै चिथार्छौ
बिगार्छौ शैली भत्किएको उच्चारण छ
क ख ग घ ङ भन्दा
A B C सजिलो छ

ढाका टोपी भिरेर स्कूलको अफिस अगाडी
सोध्छौ गुरुआमालाई "मेरो छोराको अंग्रेजी कस्तो छ?"
लाज लाग्छ सुन्न ती मिठा गीत नेपाली
आफ्नो भाषा बग्यो है आफ्नै जीब्रो चिथारी।

उन्नति?
उन्नति गरेनौ हामीले अक्षर बुझ्न पर्ने भारले
चन्द्रबिन्दु, रेफ् अनि हलन्तको व्याकुलताले
अच्चम यो दुनियाँको हेर धुन कस्तो बैरागी,
सिक्नुपर्छ अर्काको तर आफ्नो चाँही न भुल्नु नी।

देश अनि विदेशको फरक गर्छौं कसरी?
जब आफ्नो मान्छेसँग बोल्नै सक्दैनौ नेपाली।
देखावटी यो संसारमा देखेको छौ र के कति?
आफ्नो अस्तित्वको परिचय दिन्छौं भोलि कसरी?

चौबन्दी चोली पटुकी
होस् नलाए पनि हुन्छ नी
दौरा सुरुवाल बरु यसो सुकाउँदै चाँही गर्नु नी,
भर्नु है कोही बेला गाग्रीको पानी उचाली,
चुल्होको फोटो खिचेर
आगो पनि बाल्नु नी।

खुकुरीको धारलाई हातले न नाप्नु है
कुनै बेला यसो आफ्नो गाडी बस्ती तिर चाप्नु है,
थप्पक् बसेको त्यो मनलाई हल्लाइदेऊ त मज्जाले
लाज नलागोस् तिमीलाई आफ्नै भाषाको हल्लाले।

13/07/2023