20/12/2025
ਟਰੂ ਵੇਜ (Tru Ways) ਇੰਸਟੀਚਿਊਟ ਸ਼੍ਰੀ ਮੁਕਤਸਰ ਸਾਹਿਬ ਵੱਲੋਂ ਸਰਕਾਰੀ ਨੌਕਰੀਆਂ ਦੇ ਪੇਪਰਾਂ ਦੀ ਤਿਆਰੀ ਲਈ
'ਪੰਜਾਬੀ ਵਿਆਕਰਨ ਅਤੇ ਪੰਜਾਬੀ ਪੇਪਰ A' ਸਿਰਲੇਖ ਅਧੀਨ ਕਿਤਾਬ ਲੋਕ ਅਰਪਣ
ਸਿਰਮੌਰ ਸਾਹਿਤਕਾਰ, ਮਾਣ ਮੱਤੇ ਪੁਰਸਕਾਰ 'ਸਾਹਿਤ ਰਤਨ' ਨਾਲ ਨਿਵਾਜੇ ਵਿਸ਼ਵ ਪ੍ਰਸਿੱਧ ਲੇਖਕ ਨਿੰਦਰ ਘੁਗਿਆਣਵੀ ਪੁੱਜੇ ਬਤੌਰ ਮੁੱਖ ਮਹਿਮਾਨ ਟਰੂ ਵੇਜ ਇੰਸਟੀਚਿਊੇਟ ਤੇ ਕੀਤੀ ਕਿਤਾਬ ਰਿਲੀਜ
ਸਿਰਮੌਰ ਸਾਹਿਤਕਾਰ, ਮਾਣ ਮੱਤੇ ਪੁਰਸਕਾਰ 'ਸਾਹਿਤ ਰਤਨ' ਨਾਲ ਨਿਵਾਜੇ ਵਿਸ਼ਵ ਪ੍ਰਸਿੱਧ ਲੇਖਕ ਨਿੰਦਰ ਘੁਗਿਆਣਵੀ ਵੱਲੋ ਬਤੌਰ ਮੁੱਖ ਮਹਿਮਾਨ ਟਰੂ ਵੇਜ (Tru Ways) ਇੰਸਟੀਚਿਊੇਟ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਪੁੱਜ ਕੇ ਸਰਕਾਰੀ ਨੌਕਰੀਆਂ ਦੇ ਪੇਪਰਾਂ ਦੀ ਤਿਆਰੀ ਲਈ 'ਪੰਜਾਬੀ ਵਿਆਕਰਨ ਅਤੇ ਪੰਜਾਬੀ ਪੇਪਰ A' ਸਿਰਲੇਖ ਅਧੀਨ ਕਿਤਾਬ ਲੋਕ ਅਰਪਣ ਕੀਤੀ ਗਈ ! ਵਰਨਣਯੋਗ ਹੈ ਕਿ ਟਰੂ ਵੇਜ ਦੀ ਇਹ ਕਿਤਾਬ ਪੰਜਾਬ ਰਾਜ ਦੇ ਪੰਜਾਬ ਪੁਲਿਸ, ਪਟਵਾਰੀ ਸੀਨੀਅਰ ਅਸਿਸਟੈਂਟ, ਐਕਸਾਈਜ਼ ਇੰਸਪੈਕਟਰ, ਵੀਡੀਓ, ਮਾਸਟਰ ਕੇਡਰ, PSSSB ਕਲਰਕ, ਫੋਰੈਸਟ ਗਾਰਡ, ਮਾਰਕਫੈੱਡ, NTT, PSPCL, NTT, PUDA ਆਦਿ ਸਰਕਾਰੀ ਨੌਕਰੀਆਂ ਦੇ ਪੇਪਰਾਂ ਦੀ ਤਿਆਰੀ ਲਈ ਚਾਨਣ ਮੁਨਾਰਾ ਸਾਬਤ ਹੋਵੇਗੀ ! ਇੰਸਟੀਚਿਊਟ ਦੇ ਪ੍ਰਬੰਧਕਾਂ ਨੇ ਦੱਸਿਆ ਕਿ ਲਗਪਗ 10 ਹੋਰ ਕਿਤਾਬਾਂ ਜਲਦੀ ਹੀ ਲੋਕ ਅਰਪਣ ਕੀਤੀਆਂ ਜਾਣਗੀਆਂ ਤੇ ਇੱਥੇ ਇਹ ਵੀ ਜ਼ਿਕਰਯੋਗ ਹੈ ਕਿ ਅਜਿਹਾ ਉਪਰਾਲਾ ਕਰਨ ਵਾਲਾ ਟਰੂ ਵੇਜ ਜ਼ਿਲਾ ਸ੍ਰੀ ਮੁਕਤਸਰ ਸਾਹਿਬ ਦਾ ਨਿਵੇਕਲਾ ਤੇ ਪਹਿਲਾ ਇੰਸਟੀਚਿਊਟ ਹੈ ! ਇਸਤੋਂ ਇੰਸਟੀਚਿਊਟ ਵੱਲੋਂ ਸਰਕਾਰੀ ਨੌਕਰੀਆਂ ਦੇ ਪੇਪਰਾਂ ਦੀ ਘਰ ਬੈਠ ਕੇ ਤਿਆਰੀ ਕਰਨ ਲਈ Online ਐਪ ਵੀ ਲਾਂਚ ਕੀਤੀ ਜਾ ਚੁੱਕੀ ਹੈ ! ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਨਿੰਦਰ ਘੁਗਿਆਣਵੀ ਨੇ ਕਿਹਾ ਕਿ ਬਹੁਤ ਖੁਸ਼ੀ ਤੇ ਮਾਣ ਵਾਲੀ ਗੱਲ ਹੈ ਕਿ ਟਰੂ ਵੇਜ ਇੰਸਟੀਚਿਊਟ ਕਿਤਾਬਾਂ ਦੇ ਨਿਵੇਕਲੇ ਉਪਰਾਲੇ ਨਾਲ ਸਰਕਾਰੀ ਨੌਕਰੀਆਂ ਦੇ ਚਾਹਵਾਨਾਂ ਲਈ ਚਾਨਣ ਮੁਨਾਰਾ ਸਾਬਤ ਹੋ ਰਿਹਾ ਹੈ, ਉਨ੍ਹਾਂ ਇਹ ਵੀ ਕਿਹਾ ਕਿ ਅਜਿਹੇ ਇੰਸਟੀਚਿਊਟ ਪੰਜਾਬ ਵਿੱਚ ਬਹੁਤ ਘੱਟ ਹਨ ਤੇ ਸ੍ਰੀ ਮੁਕਤਸਰ ਸਾਹਿਬ ਜ਼ਿਲ੍ਹੇ ਲਈ ਇਹ ਮਾਣ ਵਾਲੀ ਗੱਲ ਹੈ ! ਇਸ ਮੌਕੇ ਲੇਖਕ ਗੁਰਸੇਵਕ ਸਿੰਘ ਪ੍ਰੀਤ, ਹਰਚਰਨ ਸਿੰਘ ਬਰਾੜ ਸੋਥਾ, ਲੇਖਕ ਜਗਦੀਪ ਜਾਬੀ, ਗੁਰਪ੍ਰੀਤ ਸਿੰਘ ਘੁਗਿਆਣਾ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਰਹੇ ! ਇੱਥੇ ਇਹ ਵੀ ਜਿਕਰਯੋਗ ਹੈ ਕਿ ਨਿੰਦਰ ਘੁਗਿਆਣਵੀ ਹੁਣ ਤੱਕ 70 ਕਿਤਾਬਾਂ ਸਾਹਿਤ ਨੂੰ ਭੇਟ ਕਰ ਚੁੱਕਾ ਹੈ। ਉਸਦੀਆਂ ਕਿਤਾਬਾਂ ਵੱਖ ਵੱਖ ਯੂਨੀਵਰਸਿਟੀਆਂ ਦੇ ਐਮ ਏ ਬੀਏ ਦੇ ਕੋਰਸਾਂ ਤੇ ਸੀ ਬੀ ਐਸ ਸੀ ਵਿੱਚ ਵੀ ਪੜਾਈਆਂ ਜਾਂਦੀਆਂ ਹਨ। 12 ਦੇ ਲਗਪਗ ਵਿਦਿਆਰਥੀ ਉਸਦੀਆਂ ਕਿਤਾਬਾਂ ਉਤੇ ਐਮ ਫਿਲ ਤੇ ਪੀ ਐਚ ਡੀ ਕਰ ਚੁੱਕੇ ਹਨ। ਪੰਜਾਬ ਸਰਕਾਰ ਦੇ ਮਹਾਤਮਾ ਗਾਂਧੀ ਸਟੇਟ ਇੰਸਟੀਚਿਊਟ ਚੰਡੀਗੜ੍ਹ ਵਿਖੇ ਨਿੰਦਰ ਆਈ ਏ ਐਸ ਤੇ ਪੀ ਸੀ ਐਸ ਅਫਸਰਾਂ ਦੀ ਟ੍ਰੇਨਿੰਗ ਲਈ ਫੈਕਲਿਟੀ ਮੈਂਬਰ ਵੀ ਹੈ। ਨਿੰਦਰ ਘੁਗਿਆਣਵੀ ਪੰਜਾਬ ਸੈਂਟਰਲ ਯੂਨੀਵਰਸਿਟੀ ਬਠਿੰਡਾ ਵਿਚ 'ਪ੍ਰੋਫੈਸਰ ਆਫ ਪ੍ਰੈਕਟਿਸ' ਰਹਿ ਚੁੱਕਾ ਹੈ। ਮਹਾਰਾਸ਼ਟਰਾ ਦੀ ਮਹਾਤਮਾ ਗਾਂਧੀ ਅੰਤਰਾਸ਼ਟਰੀ ਹਿੰਦੀ ਯੂਨੀਵਰਸਿਟੀ ਵਰਧਾ ਵਿਚ ਵੱਡੇ ਮਾਣ ਵਾਲੀ ਪੋਸਟ 'ਰਾਈਟਰ ਇਨ ਰੈਜੀਡੈਂਸ' ਉਤੇ ਵੀ ਤਾਇਨਾਤ ਰਿਹਾ ਤੇ ਪੰਜਾਬ ਯੂਨੀਵਰਸਿਟੀ ਚੰਡੀਗੜ ਵੱਲੋਂ ਮਾਣਮੱਤਾ ਪੁਰਸਕਾਰ 'ਸਾਹਿਤ ਰਤਨ' ਉਪ ਰਾਸ਼ਟਰਪਤੀ ਵਲੋਂ ਉਸਨੂੰ 2024 ਵਿਚ ਭੇਟ ਕੀਤਾ ਗਿਆ।
Tru Ways
