03/05/2023
സഖാവ് എസ്.എ. സലാം.
സത്യമാണ് മാർക്സിസം,
ശാസ്ത്രമാണ് മാർക്സിസം,
അജയ്യമാണ് മാർക്സിസം,
എന്ന് ഉറക്കെ വിളിച്ച-
നല്ല സഖാവായിരുന്നു,
നല്ല കമ്മ്യൂണിസ്റ്റാരുന്നു!
സമരം സമരം സമരം തന്നെ സമരം,
നമ്മുടെ മോചന മാർഗ്ഗം എന്ന്-
തൊണ്ടപൊട്ടി ഉറക്കെ വിളിച്ചവൻ!
ഉശിരുള്ളവനാരുന്നു,
ചങ്കുറപ്പുള്ളവനാരുന്നു,
ചെറുപ്പക്കാരിൽ ആത്മവിശ്വാസവും,
അവർക്ക് ദിശാബോധവും നൽകിയവൻ!
സഖാവ് എന്ന വാക്കിന്-
അർത്ഥം നൽകിയവനാണ്!
കൂടെ നിന്നവർക്ക്-
ചങ്ക് പറിച്ച് കൊടുത്തവൻ!
നിരന്തരം ജനകീയ-
വിഷയങ്ങളിൽ ഇടപെട്ടവൻ!
ഇടതു യുവജന പ്രസ്ഥാനം-
ജില്ലയിൽ കെട്ടിപ്പടുത്തവൻ!
എതിർ രാഷ്ട്രീയ സഖ്യസ്വാധീനം കടന്ന്-
ചവറ ബ്ലോക്ക് പഞ്ചായത്തിന്റെ പ്രഥമ പ്രസിഡന്റായവൻ!
ബ്ലോക്ക് പ്രസിഡന്റിന് ഇങ്ങനെയൊക്കെ-
പ്രവർത്തിക്കാൻ ആകുമെന്ന് കാട്ടിതന്നവൻ!
ഇതെല്ലാം ആയിരുന്നെങ്കിലും ചില ആസ്ഥാന-
നേതാക്കൾക്ക് അയാളെ അത്ര ദഹിച്ചില്ല!
കഴിവും ശേഷിയും സംഘടനാ മികവുമുള്ള ആ-
മനുഷ്യനെ അവർ പിറകിൽ നിന്നും കുത്തി വീഴ്ത്തി!
പാർട്ടിക്കുള്ളിലെ കടുംവെട്ടുകൾ അൻപത്തിയൊന്ന്-
ആകും മുൻപേ അയാൾ RSPയിൽ ചേർന്നു!
RSP അയാളെ ചേർത്ത് പിടിച്ചു,
അയാളുടെ കഴിവും മികവും RSPയ്ക്കും-
കുറെയധികം ഉപയോഗിക്കാനായി!
2011 ലെ സഖാവ് ഷിബു ബേബിജോണിന്റ വിജയത്തിൽ-
സഖാവ് SA സലാമിന്റെ സംഭാവന ചെറുതായിരുന്നില്ല!
RSPക്ക് വലിയ മുതൽക്കൂട്ട് ആകുമായിരുന്ന,
ആ വലിയ സഖാവിന്റെ അകാല വേർപാട്,
RSPക്ക് മാത്രമല്ല, കൊല്ലം ജില്ലയിലെ വിശേഷിച്ചും,
ചവറയിലെ രാഷ്ട്രീയ സാമൂഹ്യ മേഖലക്ക്-
അപരിഹാര്യമായ നഷ്ടമാണ്!
സഖാവ് എസ്.എ. സലാമിന്റെ-
പ്രോജ്വല സ്മരണക്ക് മുന്നിൽ,
ഒരായിരം രക്തപുഷ്പങ്ങൾ അർപ്പിക്കുന്നു!
✍റിയാസ് ഖാൻ
