18/12/2020
വിൻമാർട്ട് ഹൈപ്പർമാർക്കറ്റ് തുറന്നു.
ഈരാറ്റുപേട്ട : പ്രവാസി സംരഭമായ വിൻമാർട്ട് ഗ്രൂപ്പിന്റെ ഇന്ത്യയിലെ ആദ്യത്തെ റീറ്റെയ്ൽ സ്റ്റോർ കോട്ടയം ജില്ലയിലെ ഈരാറ്റുപേട്ടയിൽ തുറന്നു. പ്രൈവറ്റ് ബസ്റ്റാൻഡിനും മാർക്കറ്റ് കോംപ്ലെക്സിനും സമീപത്തായി വിശാലമായ പാർക്കിംഗ് സംവിധാനത്തോടെ ആധുനിക ഷോപ്പിംഗ് അനുഭവം സാധാരണക്കാർക്ക് ലഭ്യമാക്കുക എന്ന ലക്ഷ്യമാണ് വിൻമാർട്ട് മുന്നോട്ട് വെക്കുന്നത്.
"നിങ്ങളുടെ മക്കളും താരമായേക്കാം" എന്ന മത്സരത്തിലൂടെ തെരഞ്ഞെടുത്ത #അമലുസോബി, #തീക്കോയി ആണ് പൊതുജനങ്ങൾക്കായി വിൻമാർട്ട് തുറന്ന് കൊടുത്തത്.
ഉയർന്ന ഗുണനിലവാരമുള്ള ഉത്പന്നങ്ങൾ ഏറ്റവും വിലക്കുറവിൽ വിൻമാർട്ടിലൂടെ ലഭ്യമാവുമെന്നും പുതിയ ഔട്ലെറ്റുകൾ ഉടൻ തുറക്കുമെന്നും സ്വാഗതം പ്രസംഗം നിർവഹിച്ച ഡയറക്ടർ ജോബി ജോസഫ് വടക്കേൽ അറിയിച്ചു.
റവ . ഫാദർ സിറിൽ തയ്യിൽ - പ്രവാസി ഡെവലപ്മെന്റ് ഡയറക്ടർ പാലാ ഡയോസിസ്, അങ്കാളമ്മൻ കോവിൽ മേൽശാന്തി ശ്രീ പുരുഷോത്തമൻ, മുഹമ്മദ് ഇസ്മാഈൽ മൗലവി - ചീഫ് ഇമാം ടൌൺ ജുമാ മസ്ജിദ്, മുഹമ്മദ് നദീർ മൗലവി - ചീഫ് ഇമാം പുത്തൻപള്ളി, AMA കാദർ - പ്രസിഡന്റ് വ്യാപാരി വ്യവസായി ഈരാറ്റുപേട്ട യൂണിറ്റ്, എം കെ തോമസുകുട്ടി - വ്യാപാരി വ്യവസായി കോട്ടയം ജില്ലാ സെക്രട്ടറി, ഹാഷിർ നദ്വി, ഇമാം അമാൻ മസ്ജിദ് കൂടാതെ കൗൺസിലർമാരായ ഡോ സഹ്ല ഫിർദൗസ്, നാസർ വെള്ളൂപ്പറമ്പിൽ, അഡ്വ വിഎം ഇല്യാസ് എന്നിവരും മുൻ ചെയർമാൻമാരായ വിഎം സിറാജ്, നിസാർ കുർബാനി എന്നിവരും ഇത്തരം സ്ഥാപനത്തിന്റെ ആവശ്യകതയിലൂന്നി ആശംസകൾ അറിയിച്ചു സംസാരിച്ചു.
കുടുംബ സമേതം യഥേഷ്ടം തെരഞ്ഞെടുത്തു സുരക്ഷിതമായി ഷോപ്പിംഗ് നിർവഹിക്കാൻ വിൻമാർട്ടിൽ കഴിയും എന്നത് ഈരാറ്റുപേട്ടയിലെയും പരിസര പഞ്ചായത്തുകളിലെയും ഉപഭോക്താക്കൾക്ക് പ്രയോജനകരമാവുമെന്നും അവർ അഭിപ്രായപ്പെട്ടു. വിൻമാർട്ട് മാളിന്റെ നിർമാണ പ്രവർത്തികളിൽ പൂർണ പിന്തുണ നൽകിയ മുൻ വാർഡ് കൗൺസിലർ അൻവർ അലിയാറിനും, അയൽവാസിയും സഹകാരിയുമായ ശ്രീ കബീർ അവർകളെയും യഥാക്രമം ഡയറക്ടർമാരായ ജോബി ജോസഫ്, സുബൈർ പട്ടാമ്പി എന്നിവർ പൊന്നാടയണിച്ചു. അമലു സോബിക്കും പ്രോഗ്രാം ആങ്കർ ചെയ്ത മഹ്ബൂബ സൈഫിനും യഥാക്രമം വിൻമാർട്ട് ഡയറക്ടർമാരായ അഫ്സൽ പുളിക്കീലും , ജാബിർ കുന്നപ്പള്ളിയും ഉപഹാരങ്ങൾ നൽകി ആദരിച്ചു. ഡയറക്ടർ നൗഷാദ് മുത്തലീഫ് നന്ദി പറഞ്ഞു.
ഒരുകൂട്ടം പ്രവാസി നിക്ഷേപകർ ഉൾപ്പെടുന്ന പ്രൈവറ്റ് ലിമിറ്റഡ് കമ്പനിയാണ് വിൻമാർട്ട്.
