03/01/2022
*सोमवार दिनांक -३ जानेवारी २०२२*
*सावित्रीबाई फुले यांची १९१ वी जयंती भारतीय बौद्ध महासभा दिंडोरी तालूका शाखेच्या वतीने सोनजांब येथे साजरी करण्यात आली.*
भारतीय बौद्ध महासभेची नूतन कार्यकारिणी जाहीर झाल्यानंतर प्रथमच सोनजांब येथे बैठकीचे आयोजन करण्यात आले. या बैठकीदरम्यान तथागत भगवान बुद्ध ,डॉ बाबासाहेब आंबेडकर, महात्मा जोतिबा फुले व सावित्रीबाई फुले यांच्या प्रतिमा पूजन व वंदन करून सुरुवात करण्यात आली. या बैठकीत भारतीय बौद्ध महासभा दिंडोरी तालुका अध्यक्ष रितेश सुभाष गांगुर्डे हे कार्यक्रमाच्या अध्यक्षस्थानी होते.
क्रांतीज्योती सावित्रीबाई फुले यांच्या जीवनावर प्रशिक सोनवणे,जयेश मोरे,महिला उपाध्यक्षा संगीताताई पगारे,नाना बागुल,दिगंबर बागुल,सचिन लोखंडे सर,कोषाध्यक्ष - घनश्याम शिंदे,सरचिटणीस प्रदीप गांगुर्डे, अध्यक्ष रितेश गांगुर्डे यांनी सावित्रीबाई फुले यांचे जीवनकार्य उपस्थित धम्म उपासक उपासिका यांना सांगितले व अतिशय आनंदात व उत्साहात जयंती साजरी करण्यात आली.
भारतीय बौद्ध महासभा दिंडोरी तालूका शाखेचे पुढील महत्वपूर्ण कार्यक्रम लवकरच आयोजित करण्यात येणार आहे. कार्यकर्ता शिबीर,श्रामनेर शिबिर,समता सैनिक दल शिबीर,महिला उपासिका शिबीर,व्यक्तिमत्त्व विकास शिबीर अशा अनेक महत्वपूर्ण विषयावर चर्चा करण्यात आली.
कार्यक्रमाचे सूत्रसंचालन सरचिटणीस प्रदीप गांगुर्डे यांनी केले. कार्यक्रमासाठी उपस्थित भारतीय बौद्ध महासभा दिंडोरी तालूका संपूर्ण कार्यकारणी व महिला सचिवा शिलाताई शिंदे, निशाताई शिंदे,संघटक धनंजय गांगुर्डे, संस्कार सचिव सचिन बागुल,राजेंद्र बागुल,नाना बागुल, कांतीलाल बागुल,मदन बागुल,दिगंबर बागुल देविदास बागुल व सोनजांब, तिसगाव मधील सर्व कार्यकर्ते उपस्थित होते.
