https://www.facebook.com/102753112720782/

सिमेन दख'रा दुलाराय बर' फरायसा आफाद, धेमाजि, Simen Chapori, Dhemaji (2026)

19/08/2026

दिनै 19 आगस्त 2026 खालारखालि सिमेन सापरि फरायसालिमानि नब्लाङाव सिमेन सापरि फरायसालिमा बर' फरायसा थुनलायारि आफादनि गोजाम मावफुं आफादखौ सिफायनानै 2026-27 मावसमनि थाखाय गोदान मावफुं आफाद दानाय जायो।
बे हाबाफारियावनो सावरायलायनायनि गेजेरजों गोजाम मावफुं आफादखौ सिफायनानै 2026-27 मावसमनि थाखाय आफादगिरि महरै मुस्रि फोथायसा बसुमथारि आरो गाहाइ नेहाथारि मुस्रि दिदोम ब्रह्मखौ सायखनानै मोनसे गोख्रों मावफुं आफाद दानानै लानाय जायो।
हाबाफारियाव हांख्राइनाय लेखायै सिमेन दख'रा दुलाराय बर' फारसा आफादनि जानानै बाहागो लायो गाहाइ नेहाथारि मुस्रि रिंखां बर', नेहाथारि - मुस्रि फाखन स्वरगियारि, मुस्रि राहुल सरगियारि, सुबुं फोनांजाब नेहाथारि दिदोम बर' आरो समकं खोन्दो एबसुनि लोगो गाहाइ नेहाथारि मुस्रि महेस्वर बसुमथारि लोगोसे हिबाफारियावनो बाहागो लायो सिमेन सापरि फरायसालिमानि बर' बिफाननि लोगो बिबुंगोरा मुस्रि राफोदाय मोसाहारि, मुस्रिमा भुमस्रि रामसियारि, लोगोसेनो मैखोमै बाहागो लायो गं द' जौसिन गेजेरारि फरायसालि आरो फरायसालिमानि फरायसुला फरायसुलिफोर।
मिजिंथियो 2026-2027 माव समनि गोदानै बिबान मोननाय आफादगिरि, गाहाइ नेहाथारिजों लोगोसे गुबुन गुबुन बिबाननि दैदेनगिरि बिथांमोना राव, थुनलाइ, सोलोंथाइजों लोगोसे हारिनि फारफ्रोमबो बिथिंखौ मोनसे थि थांखिजों हमथानानै जौगानायनि खामानि मावलांनो हागोन बेखौ मिजिं थिबाय आरो बिथांमोनखौ सिमेन दख'रा एबसुनिफ्राय बरायनानै लाबाय।

16/08/2026

थांनाय 14 आगस्त 2026 खालारनिफ्राय जागायनानै दिनै थामथि सानाव आगान होबाय दुलाराय बर' फरायसा आफादनि दै बानाजों सिलिंखार जालांनाय सुबुं बा नखरफोरखौ रां रुफाजों नङा.... जायगायावनो थांनानै "MISSION HOME RESCUE AND RESTORE FLOOD AFFECTED VILLAGES SHIVASAGAR - 2026" नि गेजेरजों जायगायावनो थांनानै न' लुनानै होनाय फोसाबनाय, जायगा फोसाबनाय बायदि बायदि हाबाफारि मावफुंनानै होनायनि गेजेरजों जाय बिथांमोना बेसेबांबा साननि उनावबो गाव गावनि न'आव थानानै दिनैसिमबो थानो, जानो बा गोजोनै उन्दुनो मोनै गोबां उन - दाहाजों बुग्लि जानाय सुबुं आरो नखरफोरखौ हेफाजाब होनाय हाबाफारिआ सोलिगासिनो दं।
बे हाबाफारियावनो धेमाजि जिला एबसुनि दैदेननायजों मोनद' दख'रा एबसुनि गोबांथार दैदेनगिरि आरो दुलाराय बर' फरायसा आफादजों लोगोसे गुबुन गुबुन जिलानिफ्राय बाहागो लाफैनाय गोबांथार दैदेनगिरि बिथांमोना गाव - गावनि बेसेनगोसा समखौ दोनथ'नानैब्लाबो गुबुननि मोजांखौ हास्थायनानै बिखा फोरदानना मावनो थांखि लानायखौ अबं गसाइआ अरायबो जाफुंसार खालामथों, बोर सारस्रि हरथों।
बे हाबाफारियावनो सिमेन दख'रा दुलाराय बर' फरायसा आफादनिफ्रायबो जागायनायनिफ्राय दिनैसिम गोबां दैदेनगिरि बिथांमोना मैखोमै बाहागो लागासिनो दं।

दुलाराय बर' फरायसा आफाद थांनानै थाथों ✌️✌️✌️
ABSU LONG LIVE ✌️✌️✌️
बुहुमनि बर'फोर खौसे जा✌️✌️✌️
जै बर' हारिनि जै✌️✌️✌️

28/07/2026

दिनै 28 जुलाइ, 2026 खालाराव धेमाजि जिल्ला एबसुनि बानजायनायाव 13 बोसोर बैसोनि सिंनि हौवासाफोरनि जोबथा जोलुर गेलेनाय बादायलायनाय एबा Final Match आ एस. बि. बर' जौसिन गेजेरारि फरायसालिनि गेलेग्रा फोथाराव जानानै थाङो।
दिनै बे जोबथा जोलुर गेलेनाय बादायलायनाया सिमेन दख'रा एबसुनि हान्जा आरो गेजेर जनाइ दख'रा एबसुनि हान्जानि गेजेराव जायो आरो दिनै बे जोलुर गेलेनाय बादायलायनायाव सिमेन दख'रा एबसुनि हानजाया गेजेर जनाइ दख'रा हान्जानि हेंथायै 1- 0 गलाव देरहासार जानानै 1थि बान्थाखौ मोननो हायो लोगोसेनो सिमेन दख'रानि हान्जानिफ्राय मुस्रि रमेन बर'आ साबसिन गेलेगिरि( Best Player) महरै सायख' जायो।
दिनैनि बे जोलुर गेलेनाय बादायलायनायाव गावनि गोसो मोदोम बाउसोमनानै गेलेनाय सिमेन दख'रा एबसुनि साफ्रोम गेलेगिरि फंबायमोननिसिम आफादनि जानानै साबायखर बाउनायजों लोगोसे गाहाम हामलायनाय जासिहरबाय। जों मिजिं थियो, साफ्रोम गेलेगिरि फंबायमोना गावनि गोब्राब नाजानायजों इउनाव साफा साफा मोजां गेलेगिरि जानो हागोन आरो गावनि इउन जिउ राहाखौ दानानै लानो हागोन।

27/07/2026

दिनै 27 जुलाइ, 2027 खालाराव मिरु दुलाराय बर' फरायसा आफादनि बिथोन बायदियै धेमाजि जिल्ला एबसुनि बानजायनायाव धेमाजि जिल्ला आरो सिमेन दख'रा एबसुनि गाहाइ मावखुलिनि लांगोनायाव 2 धण्टा खुद्रिसारनाय हाबाफारि लानाय जायो।
खुद्रिसारनाय हाबाफाफारिनि गाहाइ थांखिफोरा जादों-
1. BTR गोजोन गोरोबथा -2020 खौ थाबैनो मावफुंनाय।
*बि.टि.ए.डि.नि सिमाखौ बांहोनाय।
*संबिजिर (125 थि सोदांनाय) बिल, 2019 जों द'थि फारिलाइखौ सोदांनाय ।
*BKWAC आव गामि सोनाय आरो थाबैनो बिसायख'थि खुंनाय ।
*कार्बि आंलं आरो डिमा हासावनि बर'फोरनो ST (H) मोन्थायखौ होनाय।
*बर' बिजोंनि जेंनाफोरखौ सुस्रांनाय।
*FRA- 2006 आयेनखौ आबुङै बाहायनाय आरो मावफुंनाय आरो हाग्रा ओनसोलाव थानाय हारिफोरनो आयेननि मोन्थायफोरखौ रैखाथि होनाय।
2. आसाम सोरखारा सिडियुल ट्राइब फरायसाफोरनि बृत्ति (Scholarship) खौ थाबैनो रान्नानै होनाय।
दिनैनि बे खुद्रिसारनाय हाबाफारियाव बाहागो लायो दुलाराय बर' फरायसा आफादनि नेहाथारि मुस्रि बड'सा ब्रह्म, धेमाजि जिल्ला एबसुनि बोसोनगिरि मुस्रि लकेन बसुमथारि आरो सुरजित नारजारि, धेमाजि जिल्ला Ex-NDFB United Forum नि आफादगिरि मुस्रि प्रफुल्ल बर'। लोगोसेनो हाबाफारियाव सिमेन दख'रा दुलाराय बर' फरायसा आफादनि जानानै मैखोमै बाहागो लायो आफादगिरि मुस्रि दोमैलु बसुमथारि, गाहाइ नेहाथारि मुस्रि रिंखां बर', लोगोसे दख'रानि गुबुन गुबुन बिबाननि गासै दैदेनगिरि बिथांमोन, आरो सिमेन दख'रानि सिङाव थानाय महनपुर खोन्दो, समकं खोन्दो, डेकापाम खोन्दो, सिमेन आरो जयपुर खोन्दो एबसुनि आफादगिरि गाहाइ नेहाथारिजों लोगोसे बिथांमोननि मावथि सोद्रोमा बिथांमोनाबो दिनैनि हाबाफारियाव बाहागो लायो।

18/07/2026

दिनै 18 जुलाइ, 2026
सानजारि नोगोर, सिमेन सापरि, धेमाजि

इं 2026 माइथायनि NTAजों खुंजानाय NEET आनजादाव धेमाजि जिलानि सिमेन दख'रा दुलाराय बर' फरायसा आफादनि बेन्दोङाव थानाय डेकापाम तिनियालि गामिनि मुस्रि सुनिल बसुमथारि आरो मुस्रिमा नाजास्रि बसुमथारिनि फिसाज्ला मुस्रि थानेस्वर बसुमतारिया 720 आव 451 नामबार लानानै उथ्रिसार जानो हानायनि खौरांखौ मोननानै धेमाजि जिला एबसु आरो सिमेन दख'रा एबसुनि जानानै फरायसाजों लोगोसे दिथागिरिखौ बरायहैनाय जायो।

बे बरायनाय हाबाफारियावनो बाहागो लायो धेमाजि जिला एबसुनि आफादगिरि मुस्रि हिरन्य स्वरगियारि, सिमेन दख'रा एबसुनि आफादगिरि मुस्रि दोमैलु बसुमथारि लोगोसे बुंथिगिरि मुस्रि मानिक बसुमथारि, नेहाथारि मुस्रि बिक्रम खेरखाथारि, सुबुं फोनांजाब नेहाथारि मुस्रि दिदोम बर', सोलोंथाइ नेहाथारि मुस्रि सुक्रेस्वर बर',लोगो सोलोंथाइ नेहाथारि मुस्रि सनथुस नारजारि आरो डेकापाम खोनदो एबसुनि आफादगिरि मुस्रि भैरब मोसाहारि बिथांमोनहा बाहागो लायो।

12/07/2026

दिनै 12 जुलाइ, 2026 खालार, रबिबाराव धेमाजि जिला एबसुनि बानजायनायाव मावथिफारिया जथुमाखौ सिमेन दख'रा एबसु आरो धेमाजि जिला एबसुनि गाहाइ मावखुलियाव गाजा गोमजायै खुंफुंनाय जायो।
दिनैनि हाबाफारिखौ धेमाजि जिला एबसुनि मानगोनां आफादगिरि मुस्रि हिरन्य स्वरगियारिनि मासि लाना सामलायनायाव गाहाइ आलासि महरै बाहागो लायो दुलाराय बर' फरायसा आफादनि मानगोनां आफादगिरि मुस्रि खोरोमदाव वारि, लोगो आफादगिरि मुस्रि उमेस दैमारि, गाहाइ नेहाथारि मुस्रि खनिन्द्र बसुमथारि, लोगो गाहाइ नेहाथारि मुस्रि दिनेस ब्रह्म, नेहाथारि मुस्रि बड'सा ब्रह्म, सोलोंथाइ नेहाथारि मुस्रि सोमावसार बसुमथारि लोगोसे गुबुन गुबुन बिबाननि मानगोनां दैदेनगिरि बिथांमोन, बर' सुबुं जथाइ आफादनि गाहाइ लिंथुमगिरि मुस्रि सिब'राम बसुमथारि, धेमाजि जिला एबसुनि मानिजाथाव बोसोनगिरि मुस्रि तेनजिं बर' , मुस्रि सुजित नार्जारि, लोगो आफादगिरि, गाहाइ नेहाथारिजों लोगोसे साफ्रोम मानिजाथाव दैदेनगिरि बिथांमोन, सिमेन दख'रा एबसुनि मानिजाथाव बोसोनगिरिजों लोगोसे आफादगिरि, गाहाइ नेहाथारि आरो गुबुन गुबुन बिबाननि मिनिजाथाव दैदेनगिरि आरो धेमाजि जिला एबसुनि बेन्दोङाव थानाय मोनबा दख'रा आफादनि आफादगिरि, गाहाइ नेहाथारिजों लोगोसे गुबुन गुबुन बिबाननि दैदेनगिरि बिथांमोन, मोनफ्रोम दख'रानि बेनदोङाव थानाय खोन्दो आफादनि दैदेनगिरि बिथांमोनजों लोगोसे सिमेन सापरि फरायसालिमा बर' थुनलाइयारि आफादनि दैदेनगिरि बिथांमोननि मैखोमै बाहागो लानायजों हाबाफारिया जाफुंसार जायो।
दिनैनि बे हाबाफारियाव दुलाराय बर' फरायसा आफादनि मानगोनां दैदेनगिरि बिथांमोना माहारिबादनि सान्स्रि आरो सानथौखौ बिथा खालामनानै हारि, हादोर आरो समाजनि राव, थुनलाइ, हारिमुखौ फेहेरनाय आरो फोगोमनाय, आदब आरो गुन गोनां सोलोंथाइनि बिथिंखौ जौगा होनाय बायदि बायदि गोबांथार बिथिंफोरखौ हमजबनानै फोरमायथियो।
जोबथारनायाव सिमेन दख'रा दुलाराय बर' फरायसा आफादनि जानानै दुलाराय बर' फरायसा आफादनि मानगोनां आफादगिरि, मानगोनां गाहाइ नेहाथारिजों लोगोसे मानिजाथाव गुबुन गुबुन बिबाननि दैदेनगिरि बिथांमोननिसिम रोजा रोजा साबायखर बाउहरनाय जाबाय।
गोजोनथों।

दुलाराय बर' फरायसा आफाद थांनानै थाथों।
ABSU LONG LIVE.

03/07/2026

दिनै 3 जुलाइ 2026 खालाराव सिमेन दख'रा दुलाराय बर' फरायसा आफादा गोलोम बोथोरनि बेसेन नाङै फोरोंथाइ मावबादा बेखेवदों।
दुलाराय बर' फरायसा आफादनि गुन गोनां सोलोंथाइनि मावथांखिखौ बिथा खालामनानै गोलोम बोथारनि बेसेन नाङै फोरोंथाइ मावबादा होबोबाय थानाय बायदिनो देग्बेलायबो थाखो गु आरो जिनि फरायसाफोरनि थाखाय इउ. एन. एकाडेमि, सिमेन सापरि आरो सि. बि. बर' गोजौ फरायसालिआव बेखेवनाय जायो।
सिमेन सापरि इउ. एन. एकाडेमिनि गोलोम बोथोरनि बेसेन नाङै फोरोंथाइ मावबादाखौ बेखेवनानै होयो बे फरायसालिनिनो गोरायुं लोगोसे जनाइ जिला बर' थुनलाइ आफादनि मानगोनां गाहाइ नेहाथारि मुस्रि बिमल मोसाहारि बिथां आरो सि. बि. बर' गोजौ फरायसालिआव बेखेवनानै होयो धेमाजि जिला एबसुनि सोलोंथाइ नेहाथारि मानगोनां मुस्रि मोजां गसाइ नारजारि।
दिनैनि बे हिबाफारिआवनो बाहागो लायो सि. बि. बर' गोजौ फरायसालिनि गाहाइ फोरोंगिरि मुस्रि बिमल बसुमथारि लोगोसे गंनैबो मावबादानि फोरोंगिरि महरै बिबान मोननाय मानगोनां सारमोनजों लोगोसे सिमेन दख'रा एबसुनि आफादगिरि, गाहाइ नेहाथारिजों लोगोसे साफ्रोम दैदेनगिरि बिथांमोन आरो सिमेन दख'रा एबसुनि बेनदोङाव थानाय मोनफ्रोम खोन्दो एबसुनि आफादगिरि, गाहाइ नेहाथारिजों लोगोसे साफ्रोम दैदेनगिरि बिथांमोन आरो गासै अनजालु अनजालि फरायसाफोर।
जोबथियाव सिमेन दख'रा दुलाराय बर' फरायसा आफादनि जानानै साफ्रोम फरायसुला फरायसुलि बिथांमोना गाव गावनि सुबिदा बायदियै गोलोम बोथोरनि बेसेन नाङै फोरोंथाइ मावबादायाव फैनानै सोलोंथाइखौ लाफैनो थाखाय खावलाय हरबाय।
👉 आयदा: गोरलै सिनखान्थि, गोरलै बिगियान आरो इंराजि रावखान्थि।
👉 दिनैनिफ्राय जागायनानै 25 जुलायसिम।
👉 फुंनि थि 9.00 रिंगानिफ्राय।

12/06/2026

दिनै 12 जुन 2026 खालाराव सिमेन दख'रा दुलाराय बर' फरायसा आफादा "39थि बड'लेण्ड मुंख्लं सान" खौ धेमाजि जिल्ला आरो सिमेन दख'रा एबसुनि गाहाइ मावखुलियाव फालिनाय जायो। हाबाफारि बायदियै फुंबिलि समाव आफादनि फिरफिलाखौ ससे बिरहोनायजों लोगोसे बड'फानि मुसुखा आरो मुख्लं सुजित नारजारिनि सावगारियाव बिबार बाउजेनो धेमाजि जिल्ला एबसुनि आफादगिरि मुस्रि हिरन्य स्वरगियारि, मुख्लंफोरनि मुङाव बिबार बाउजेनो धेमाजि जिल्ला एबसुनि गाहाइ नेहाथारि मुस्रि अजय खाख्लारि लोगोसे हाबाफारियाव बाहागो लायो सिमेन दख'रा एबसुनि आफादगिरि गाहाइ नेहाथारि आरो मावथि सोद्रोमा बिथांमोन, लोगोसे समकं खोन्दो, देकापाम खोन्दो आरो महनपुर खोन्दो एबसुनि आफादगिरि गाहाइ नेहाथारि आरो बिथांमोननि मावथि सोद्रोमा बिथांमोनाबो बाहागो लायो।
लोगोसे दिनैनि बे हाबाफारिजोंनो लोब्बा लाखिनानै मोनाबिलि समाव 2 नं जयपुर गामियाव थानाय दुलाराय बर' फरायसा आफादनि मुंख्लं खामफायाव आलारि बाथि फोजोंनाय हाबाफारि लानाय जायो। हाबाफारियाव आलारि बाथि फोजोंजेनगिरि महरै बाहागो लायो धेमाजि जिल्ला एबसुनि आफादगिरि मुस्रि हिरन्य स्वरगियारि, लोगोसे बाहागो लायो गाहाइ नेहाथारि मुस्रि अजय खाख्लारि आरो गुबुन गुबुन बिबाननि मावथि सोद्रोमा बिथांमोन। लोगोसे बाहागो लायो सिमेन दख'रा एबसुनि आफादगिरि गाहाइ नेहाथारिजों लोगोसे दखरा आरो खोन्दोनिनो गुबुन गुबुन बिबाननि मावथि सोद्रोमा बिथांमोन आरो 2 नं जयपुर गामिनि आफादगिरि गाहाइ नेहाथारिजों लोगोसे गामिनि राज्यो राजा बिथांमोन।

12/06/2026

"गुनगोनां सोलोंथाइनि मावथांखिखौ बिथा खालामनानै"
थांनाय 10 जुननिफ्राय दिनै 12 जुन 2026 खालारसिम सिमेन दख'रा एबसुनि हेफाजाबजों धेमाजि जिला दुलाराय बर' फरायसा आफादा सिमेन दख'रा एबसुनि बेनदोङाव थानाय बर' बिजोंनि थाखो गु आरो जिनि गंफ्रोम फरायसालिनि फरायसाफोरजों जर'खायै लोगो हमनानै सावरायनाय हाबाफारि लानाय जायो।
हाबाफारियाव जागायनायनिफ्राय जोबजासिम बाहागो लायो धेमाजि जिला एबसुनि मानगोनां गाहाइ नेहाथारि मुस्रि अजय खाख्लारि, सोलोंथाइ नेहाथारि मुस्रि मोजां गसाइ नारजारि लोगोसे सिमेन दख'रा एबसुनि आफादगिरि, गाहाइ नेहाथारिजों लोगोसे साफ्रोम दैदेनगिरि बिथांमोन आरो दख'रा एबसुनि बेनदोङाव थानाय मोनफ्रोम खोन्दो एबसुनि आफादगिरि, गाहाइ नेहाथारिजों लोगोसे साफ्रोम दैदेनगिरि बिथांमोन।

05/06/2026

दिनै 05 जुन, "मुलुगनां आबहावा सान" फालिथाइजों लोबबा लाखिनानै धेमाजि जिला एबसु आरो सिमेन दख'रा एबसुनि गाहाइ मावखुलियाव धेमाजि जिला एबसु आरो सिमेन दख'रा एबसु जथायै बिफां गायनाय हाबाफारि लानाय जायो।
हाबाफारियावनो गाहाइ आलासि महरै बाहागो लायो धेमाजि जिला एबसुनि मानिजाथाव बोसोनगिरि मुस्रि लकेन बसुमथारि, आलासि महरै बाहागो लायो दुलाराय बर' फरायसा आफादनि मानिजाथाव नेहाथारि मुस्रि बड'सा ब्रह्म, धेमाजि जिला एबसुनि मानिजाव आफादगिरि मुस्रि हिरन्य स्वरगियारि, गाहाइ नेहाथारि मुस्रि आजय खाख्लारि, सोलोंथाइ नेहाथारि मुस्रि मोजां गसाइ नारजारि, सिमेन दख'रा एबसुनि आफादगिरि मुस्रि दोमैलु बसुथारि, गाहाइ नेहाथारि मुस्रि रिंखां बर'जों लोगोसे गुबुन गुबुन बिबाननि साफ्रोम दैदेनगिरि बिथांमोन आरो लोगोसे डेकापाम खोन्दो एबसुनि आफादगिरि मुस्रि भैरब मोसाहारि, समकं खोन्दो एबसुनि लोगो गाहाइ नेहाथारि मुस्रि महेस्वर बसुमथारि।

सिमेन दख'रा दुलाराय बर' फरायसा आफाद, धेमाजि

19/08/2026

16/08/2026

28/07/2026

27/07/2026

18/07/2026

12/07/2026

03/07/2026

12/06/2026

12/06/2026

05/06/2026

Address

Website

Alerts

Shortcuts

Share

Category

Listing takedown request