18/09/2022
#हरिनाम सप्ताह....साळशी.
उधाणली भक्ती गंगा
झाली भेटण्या व्याकूळ
विठू आला गावा माझ्या
झाले गावाचे गोकुळ....!!
खांदा वीणा हाती टाळ
मुखी संतांचे अभंग
ज्याच्या त्याच्या गाली लागे
तुझा रम्य भक्ती रंग....!!
बोट अबीरात बुडे
घेई भाळाचा ते वेध
अविरत सात दिनी
चालू मृदुंगाचा नाद....!!
मेळा येई भेट घेई
काय वर्णावा सोहळा
अबीराला गुलालाचा
कसा लागतो हा लळा....!!
विरहा नंतर भेट
खुलवते मुख कळी
दर्शनाने तुझ्या विठू
सुचतात काही ओळी....!!
.... #निलेश_गावकर...साळशी.
