01/06/2026
आज #कालेबुङ ९ माइलस्थित गोर्खा जनमुक्ति मोर्चा पार्टी कार्यालयमा गोर्खा जनमुक्ति विद्यार्थी मोर्चाको सभा डा. पल्लभ भुजेको नेतृत्वमा सम्पन्न भयो। सभामा विद्यार्थीहरुको अधिकार र उज्ज्वल भविष्यलाई केन्द्रमा राख्दै संगठनलाई अझ सशक्त, सक्रिय बनाउने विषयमा विस्तृत छलफल गरिएको थियो।
सभामा विद्यार्थीहरूको शैक्षिक, सामाजिक तथा बौद्धिक विकासका लागि प्रभावकारी भूमिका निर्वाह गर्ने प्रतिबद्धता व्यक्त गर्दै संगठन विस्तारलाई तीव्रता दिने निर्णय गरेको छ। साथै, विद्यार्थी अधिकारको संरक्षण, गुणस्तरीय शिक्षा सुनिश्चितता तथा स्वस्थ शैक्षिक वातावरण निर्माणका लागि निरन्तर आवाज उठाइरहने संकल्प पनि गरिएको छ।
सभामा विभिन्न क्षेत्रका संयोजकहरूलाई आ-आफ्नो क्षेत्रमा संगठनलाई थप मजबुत बनाउने, विद्यार्थीहरूसँग प्रत्यक्ष सम्पर्क कायम राख्ने तथा उनीहरूका समस्या र मागहरूलाई प्राथमिकताका साथ सम्बोधनका लागि पहल गर्ने जिम्मेवारी प्रदान गरिएको छ।
भावी कार्यक्रमअन्तर्गत गोर्खा जनमुक्ति विद्यार्थी मोर्चाले विभिन्न कलेज युनियन तथा विद्यार्थी संगठनहरूसँग समन्वय र सहकार्यलाई अझ सुदृढ बनाउँदै विद्यार्थी हितका साझा मुद्दाहरूमा एकजुट भएर अघि बढ्ने निर्णय गरेको छ।
विद्यार्थीहरूको समग्र विकास, शैक्षिक अवसरहरूको विस्तार तथा भविष्य निर्माणका लागि आवश्यक विद्यार्थीमैत्री र शैक्षिक संस्थाहरूको स्थापना एवं विकासका निम्ति पनि संगठनले सक्रिय पहल गर्ने प्रतिबद्धता व्यक्त गरेको छ।
शिक्षित, सचेत र सशक्त विद्यार्थी समुह निर्माण गर्दै उज्ज्वल भविष्यतर्फ अघि बढ्नु नै गोरखा जनमुक्ति विद्यार्थी मोर्चाको प्रमुख लक्ष्य रहनेछ।
